തിരുവനന്തപുരം, വട്ടിയൂർക്കാവ് സെൻട്രൽ പോളിടെക്‌നിക് കോളേജിൽ ടെക്‌സ്‌റ്റൈൽ ടെക്‌നോളജി വിഭാഗത്തിൽ ലക്ചറർ, ട്രേഡ്സ്മാൻ തസ്തികകളിലേക്കുളള അഭിമുഖം ജൂൺ 3 രാവിലെ 10ന് കോളേജിൽ നടത്തും. നിശ്ചിത യോഗ്യതയുള്ളവർ അസ്സൽ സർട്ടിഫിക്കറ്റ് സഹിതം കോളേജിൽ നേരിട്ട് ഹാജരാകേണ്ടതാണ്.

സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തിൽ പ്രവർത്തിക്കുന്ന എസ്.ആർ.സി കമ്മ്യൂണിറ്റി കോളേജ് ജൂലൈ സെഷനിൽ ആരംഭിക്കുന്ന ഡിപ്ലോമ ഇൻ എയർലൈൻ & എയർപോർട്ട് മാനേജ്‌മെന്റ് പ്രോഗ്രാമിലേക്ക് പ്ലസ് അഥവാ തത്തുല്യയോഗ്യത ഉള്ളവർക്ക് അപേക്ഷിക്കാം. https://app.srccc.in/register

രാമവര്‍മ്മപുരം കേരള പോലീസ് അക്കാദമിയില്‍ 59 ദിവസത്തേക്ക് ദിവസ വേതനാടിസ്ഥാനത്തില്‍ (ഒരു ദിവസം 750 രൂപ നിരക്കില്‍ ഒരു മാസത്തില്‍ ഏറ്റവും കൂടിയത് 20,250 രൂപ) ക്യാമ്പ് ഫോളേവര്‍ (വിവിധ വിഭാഗം) തസ്തികയില്‍ താല്‍ക്കാലിക നിയമനം നടത്തുന്നു. നിയമനത്തിനുള്ള എം പാനല്‍ ലിസ്റ്റ് തയ്യാറാക്കുന്നതിനായി മെയ് 29 ന് രാവിലെ 10.30 ന് അഭിമുഖം നടക്കും. ഉദ്യോഗാര്‍ത്ഥികള്‍ ഫോട്ടോ, പരിചയ സര്‍ട്ടിഫിക്കറ്റ്, ആധാര്‍ കാര്‍ഡിന്റെയും ബാങ്ക് പാസ് ബുക്കിന്റെയും പകര്‍പ്പ് എന്നിവ സഹിതം മെയ് 26 ന് വൈകിട്ട് അഞ്ചിനകം കേരള പോലീസ് അക്കാദമിയില്‍ നിശ്ചിത ഫോറത്തില്‍ അപേക്ഷ സമര്‍പ്പിക്കണം. കൂടുതൽ വിവരങ്ങൾക്കായി ഫോൺ: 0487 2328770.

മണ്ണൂത്തി - ചിറക്കക്കോട് കെ.എന്‍.ആര്‍ റോഡിലെ (ആണ്ടുണ്ണിദേവര്‍ ക്ഷേത്രം മുതല്‍ വെള്ളാനിക്കര സര്‍വ്വീസ് സഹകരണ ബാങ്ക് വരെ) കീ.മി 1/00 മുതല്‍ 1/015 വരെ ഇന്റര്‍ലോക്ക് ടൈല്‍വര്‍ക്കും 2/650 ല്‍ കലുങ്ക് പ്രവൃത്തിയും നടക്കുന്നതിനാല്‍ മെയ് 26 മുതല്‍ പ്രവൃത്തി തീരുന്നതുവരെ ഈ റോഡിലൂടെയുള്ള ഗതാഗതം പൂര്‍ണ്ണമായും തടസ്സപ്പെടും. ഈ റോഡിലൂടെ വരുന്ന വാഹനങ്ങള്‍ മാടക്കത്തറ എന്‍.എസ്.എല്‍.പി സ്‌കൂളിന് മുന്‍വശത്തെ കശുമാവ് റോഡിലൂടെ തിരിഞ്ഞു പോകണമെന്ന് പൊതുമരാമത്ത് നിരത്തുകള്‍ വിഭാഗം പുഴക്കല്‍ അസിസ്റ്റന്റ് എഞ്ചിനീയര്‍ അറിയിച്ചു.

തൃശ്ശൂര്‍ മെഡിക്കല്‍ കോളേജ് ആശുപത്രിയില്‍ നിന്നും തമിഴ്‌നാട് കള്ളക്കുറിച്ചി സ്വദേശി ശരവണന്‍ (46 വയസ്) എന്നയാളെ 2025 സെപ്റ്റംബര്‍ 27 മുതല്‍ കാണാതായി. ഇതു സംബന്ധിച്ച് മെഡിക്കല്‍ കോളേജ് പോലീസ് ക്രൈം നമ്പര്‍ 791/25 പ്രകാരം കേസ്സ് രജിസ്റ്റര്‍ ചെയ്ത് അന്വേഷണം നടത്തുന്നു. കാണാതാകുമ്പോള്‍ തലമുണ്ഡനം ചെയ്ത് ക്ലീന്‍ ഷേവ് ചെയ്ത നിലയിലുമായിരുന്നു. മെലിഞ്ഞ ശരീരം, ഇടതു കയ്യിലും ഇടതു നെഞ്ചിലും പച്ച കുത്തിയിട്ടുണ്ട്. 5.6 അടി ഉയരവും ഇരുണ്ട നിറവുമാണ്.

 കുടുംബശ്രീ ജില്ലാ മിഷന്റെ കീഴില്‍ പ്രവര്‍ത്തിക്കുന്ന കുടുംബശ്രീ ബ്രോയ്‌ലര്‍ ഫാര്‍മേഴ്സ് പ്രൊഡ്യൂസര്‍ കമ്പനി ഫാം സൂപ്പര്‍വൈസര്‍ തസ്തികയിലേക്ക് യോഗ്യരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. പൗള്‍ട്രി പ്രൊഡക്ഷന്‍ ആന്‍ഡ് ബിസിനസ് മാനേജ്‌മെന്റില്‍ ബിരുദമോ പൗള്‍ട്രി പ്രൊഡക്ഷനില്‍ ഡിപ്ലോമയോ നേടിയവര്‍ക്ക് അപേക്ഷിക്കാം. അപേക്ഷകരുടെ പ്രായപരിധി മെയ് ഒന്നിന് 30 വയസ്സ് കവിയരുത്.

 കാണം/ വെറുമ്പാട്ടാവകാശഭൂമിക്ക് ജന്മം അനുവദിച്ച് ക്രയസര്‍ട്ടിഫിക്കറ്റ് നല്‍കുന്നതുമായി ബന്ധപ്പെട്ട് തൃശ്ശൂര്‍ ലാന്‍ഡ് ട്രൈബ്യൂണല്‍ ആന്‍ഡ് ഡെപ്യൂട്ടി കളക്ടര്‍ മെയ് 25 ന് കളക്ടറേറ്റില്‍ നടത്താനിരുന്ന എല്ലാ എസ്.എം കേസുകളുടെയും വിചാരണ ജൂലൈ 20 ലേക്ക് മാറ്റിയതായി ഡെപ്യൂട്ടി കളക്ടര്‍ (എല്‍.ആര്‍) അറിയിച്ചു.

ജില്ലയില്‍ ആരോഗ്യവകുപ്പില്‍ കാഷ്വാലിറ്റി മെഡിക്കല്‍ ഓഫീസര്‍, അസിസ്റ്റന്റ് സര്‍ജന്‍, സിവില്‍ സര്‍ജന്‍ എന്നീ തസ്തികകളില്‍ അഡ്‌ഹോക്ക് വ്യവസ്ഥയില്‍ നിയമനം നടത്തുന്നു. താത്പര്യമുള്ളവര്‍ ജൂണ്‍ രണ്ടിന് രാവിലെ 10 ന് ടി.സി.എം.സി സര്‍ട്ടിഫിക്കറ്റ്, ബിരുദ (എം.ബി.ബി.എസ്) സര്‍ട്ടിഫിക്കറ്റ്, വയസ്സ് തെളിയിക്കുന്ന സര്‍ട്ടിഫിക്കറ്റ്, ആധാര്‍, ഇലക്ഷന്‍ ഐ.ഡി കാര്‍ഡ് എന്നിവ സഹിതം ജില്ലാ മെഡിക്കല്‍ ഓഫീസില്‍ (ആരോഗ്യം) നടക്കുന്ന വാക്ക്-ഇന്‍-ഇന്റര്‍വ്യൂവില്‍ പങ്കെടുക്കണം.

 സ്ത്രീകളുടെ സാമ്പത്തിക ശാക്തീകരണവും ബാങ്കിംഗ് അവബോധവും ശക്തിപ്പെടുത്തുക എന്ന ലക്ഷ്യത്തോടെ കുടുംബശ്രീയും കേരള ഗ്രാമീണ ബാങ്കും സംയുക്തമായി 'സമൃദ്ധി' മേഖലാതല ശില്‍പ്പശാല സംഘടിപ്പിച്ചു. ബിനി ഹെറിറ്റേജ് ഹാളില്‍ നടന്ന ശില്‍പ്പശാല കുടുംബശ്രീ ജില്ലാ മിഷന്‍ കോര്‍ഡിനേറ്റര്‍ അഭിജിത് കെ. ദീപക് ഉദ്ഘാടനം ചെയ്തു. കേരള ഗ്രാമീണ ബാങ്ക് തൃശ്ശൂര്‍ റീജിയണല്‍ മാനേജര്‍ കെ.ആര്‍ ബിന്ദു അധ്യക്ഷത വഹിച്ചു.