സാങ്കേതിക വിദ്യാഭ്യാസ വകുപ്പിന്റെ കീഴിലുള്ള തൃശ്ശൂര്‍ ചെമ്പൂക്കാവ് ഗവ. ടെക്‌നിക്കല്‍ ഹൈസ്‌കൂളിലേക്ക് 2026-27 അധ്യയന വര്‍ഷത്തിലേക്ക് എട്ടാം ക്ലാസ് പ്രവേശനത്തിന് അപേക്ഷ ക്ഷണിച്ചു. ഏപ്രില്‍ ആറു വരെ ഓണ്‍ലൈനായി അപേക്ഷ സമര്‍പ്പിക്കാം. പ്രോസ്‌പെക്ടസിനും അപേക്ഷ സമര്‍പ്പിക്കുന്നതിനും www.polyadmission.org/ths. എന്ന വെബ്‌സൈറ്റ് സന്ദര്‍ശിക്കുക. ഫോണ്‍: 9400006482.

തൃശ്ശൂര്‍ ജില്ലയില്‍ എക്‌സൈസ് വകുപ്പിലെ സിവില്‍ എക്‌സൈസ് ഓഫീസര്‍ (ട്രെയിനി) (പുരുഷന്‍) തസ്തികയിലേക്കുള്ള (കാറ്റഗറി നമ്പര്‍ 307/ 2023) തെരഞ്ഞെടുപ്പിന് 2025 ഫെബ്രുവരി 28 ന് നിലവില്‍ വന്ന റാങ്ക് പട്ടിക (ആര്‍/എല്‍ നം. 229/2025/ഡിഒആര്‍) ഒരു വര്‍ഷക്കാലാവധി പൂര്‍ത്തീകരിച്ചതിനാല്‍ 2026 ഫെബ്രുവരി 27 അര്‍ദ്ധരാത്രി മുതല്‍ റദ്ദാക്കിയതായി കേരള പബ്ലിക് സര്‍വ്വീസ് കമ്മീഷന്‍ തൃശ്ശൂര്‍ ജില്ലാ  ഓഫീസര്‍ അറിയിച്ചു.

തിരുവനന്തപുരം മുട്ടടയിലുള്ള ഐ.എച്ച്.ആര്‍.ഡി സെന്റര്‍ ഫോര്‍ അഡ്വാന്‍സ്ഡ് ടെക്‌നോളജി ആന്‍ഡ് സ്‌കില്‍സില്‍ മാര്‍ച്ച് മാസം ആരംഭിക്കുന്ന യു.ജി.സി നെറ്റ് പേപ്പര്‍ ഒന്ന് പരിശീലനത്തിനായി അര്‍ഹതയുള്ളവരില്‍ നിന്നും അപേക്ഷ ക്ഷണിച്ചു. താത്പര്യമുള്ളവര്‍ രജിസ്റ്റര്‍ ചെയ്യുന്നതിന് 8136882389, 9495069307, 8547005087, 0471 2550612 എന്നീ നമ്പറുകളില്‍ ബന്ധപ്പെടുക.
 

തൃശ്ശൂര്‍ പൂരം എക്‌സിബിഷനോടനുബന്ധിച്ച് ജില്ലാ പഞ്ചായത്ത് നടത്തുന്ന വ്യവസായ പവലിയനകത്ത് ക്യാബിന്‍ തിരിക്കുന്നതിനും റാക്കുകള്‍ നിര്‍മ്മിക്കുന്നതിനും മറ്റു പ്രവര്‍ത്തികള്‍ ചെയ്യുന്നതിനും മുദ്രവെച്ച ദര്‍ഘാസുകള്‍ ക്ഷണിച്ചു. ഓരോ പ്രവര്‍ത്തികള്‍ക്കും വെവ്വേറെ ക്വട്ടേഷനുകള്‍ സമര്‍പ്പിക്കണം. ടെണ്ടറുകള്‍ മാര്‍ച്ച് 23 ഉച്ചയ്ക്ക് 12 മണിവരെ തൃശ്ശൂരിലെ ജില്ലാ വ്യവസായ കേന്ദ്രം ഓഫീസില്‍ സ്വീകരിക്കും. നിര്‍മ്മാണത്തെ സംബന്ധിച്ച വിവരങ്ങള്‍ക്കായി മാനേജര്‍, (ജില്ലാ പഞ്ചായത്ത്), ജില്ലാ വ്യവസായ കേന്ദ്രം, തൃശ്ശൂര്‍, അയ്യന്തോള്‍ എന്ന വിലാസത്തില്‍ ബന്ധപ്പെടുക. ഫോണ്‍: 0487 2360847.

 അത്താണി - പുതുരുത്തി റോഡില്‍ ടാറിംഗ് പ്രവൃത്തികള്‍ നടക്കുന്നതിനാല്‍ ഇന്ന് (മാര്‍ച്ച് 17) മുതല്‍ പ്രവൃത്തി അവസാനിക്കുന്നതുവരെ അത്താണി സില്‍ക്ക് മുതല്‍ ആര്യംപാടം സെന്റര്‍ വരെയുള്ള ഭാഗത്തെ റോഡ് ഗതാഗതം പൂര്‍ണ്ണമായി തടസ്സപ്പെടുന്നതാണെന്ന് വടക്കാഞ്ചേരി പൊതുമരാമത്ത് നിരത്തുകള്‍ വിഭാഗം അസിസ്റ്റന്റ് എഞ്ചിനീയര്‍ അറിയിച്ചു. അത്താണിയില്‍ നിന്നും ആര്യംപാടം ഭാഗത്തേക്ക് പോകേണ്ട വാഹനങ്ങള്‍ കൊടുങ്ങല്ലൂര്‍ ഷൊര്‍ണൂര്‍ റോഡില്‍ പ്രവേശിച്ച് കുറാഞ്ചേരി സെന്ററില്‍ നിന്നും ഇടത്തോട്ട് തിരിഞ്ഞ് കുറാഞ്ചേരി വേലൂര്‍ റോഡിലൂടെ ആര്യംപാടത്തേക്ക് എത്തിച്ചേരേണ്ടതാണ്.

വാർത്താസമ്മേളനക്കുറിപ്പ് 16-03-2026

വരാനിരിക്കുന്ന നിയമസഭാ തെരഞ്ഞെടുപ്പിൽ മലപ്പുറം ജില്ലയിലെ പ്രവർത്തനങ്ങൾ ഏകോപിപ്പിക്കുന്നതിനായി ജില്ലാ തെരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ ഡോ. വിനയ് ഗോയലിന്റെ അധ്യക്ഷതയിൽ നോഡൽ ഓഫീസർമാരുടെ അവലോകന യോഗം ചേർന്നു. ജില്ലാ കളക്ടറുടെ ചേംബറിൽ തെരെഞ്ഞെടുപ്പിന്റെ വിവിധ ചുമതലകൾ നിർവഹിക്കുന്ന 25 നോഡൽ ഓഫീസർമാരുടെ യോഗമാണ് ചേർന്നത്. സ്വതന്ത്രവും നിഷ്പക്ഷവും സുതാര്യവുമായ തെരഞ്ഞെടുപ്പ് ഉറപ്പു വരുത്തുന്നതിനായി എല്ലാ നോഡൽ ഓഫീസർമാരും കൃത്യമായി ചുമതല നിർവഹിക്കണമെന്ന് കളക്ടർ നിർദേശിച്ചു. 

നിയമസഭയിലേക്ക് ഏപ്രില്‍ ഒന്‍പതിന് നടക്കാനിരിക്കുന്ന തെരഞ്ഞടുപ്പില്‍ മത്സരിക്കുന്ന സ്ഥാനാര്‍ഥികള്‍ക്ക് മാര്‍ച്ച് 23വരെ നാമനിര്‍ദ്ദേശപത്രിക സമര്‍പ്പിക്കാം. പത്രികകളുടെ സൂക്ഷ്മ പരിശോധന മാര്‍ച്ച് 24ന് നടക്കും. മാര്‍ച്ച് 26നുള്ളില്‍  പത്രിക പിന്‍വലിക്കാം. ജില്ലയില്‍ മണ്ഡലാടിസ്ഥാനത്തില്‍ ചുമതലപ്പെടുത്തിയ വരണാധികാരികളുടെയോ ഉപവരണാധികാരികളുടെയോ മുന്‍പാകെയാണ് നാമനിര്‍ദേശ പത്രിക സമര്‍പ്പിക്കേണ്ടത്.

ജില്ലയിലെ വിവിധ മണ്ഡലങ്ങളുടെ ചുമതലയുള്ള വരണാധികാരികളും ഉപവരണാധികാരികളും മണ്ഡലം, വരണാധികാരി, ഉപവരണാധികാരി എന്ന ക്രമത്തില്‍.

1. കൊണ്ടോട്ടി

440 പുതിയ പോളിം​ഗ് ബൂത്തുകൾ

മുതിർന്ന പൗരന്മാർക്ക് ഹോം വോട്ടിം​ഗ് സൗകര്യം

2026 നിയമസഭാ തിരഞ്ഞെടുപ്പിനുള്ള എല്ലാ ഒരുക്കങ്ങളും പൂർത്തിയായെന്ന് ജില്ലാ കളക്ടർ അനു കുമാരി. തിരുവനന്തപുരം ജില്ലയിലെ വോട്ടിം​ഗ് ശതമാനം കൂട്ടുന്നതിന് എല്ലാ പൗരന്മാരും തങ്ങളുടെ സമ്മതിദാനാവകാശം വിനിയോ​ഗിക്കണമെന്നും തിരഞ്ഞെടുപ്പ് ഏറ്റവും സുതാര്യമായും സ്വതന്ത്രമായും നടത്തുമെന്നും കളക്ടറ്റേറ്റ്  കോൺഫറൻസ് ഹാളിൽ വിളിച്ചുചേർത്ത വാർത്താ സമ്മേളനത്തിൽ  കളക്ടർ അറിയിച്ചു.