പട്ടികവർഗ്ഗ യുവാക്കൾക്ക് തൊഴിൽ അധിഷ്ഠിത നൈപുണ്യങ്ങൾ നൽകുന്നതിന് സർക്കാർ വിവിധ പദ്ധതികൾ നടപ്പാക്കുന്നതായി പട്ടികജാതി-പട്ടികവർഗ്ഗ-പിന്നാക്കക്ഷേമ വകുപ്പ് മന്ത്രി ഒ.ആർ. കേളു.  തൊഴിൽ പരിശീലനങ്ങളും മത്സരപ്പരീക്ഷാ പരിശീലനങ്ങളും നൽകാൻ ലക്ഷ്യമിടുന്ന ട്രൈബൽ സ്കിൽ പാർക്ക് കെട്ടിട നിർമ്മാണ ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി.

ന്യൂമാഹി ഗ്രാമപഞ്ചായത്ത് ഓഫീസിന് മുൻവശത്ത് പുതുതായി നിർമ്മിച്ച കോടിയേരി ബാലകൃഷ്ണൻ സ്മാരക ഓപ്പൺ സ്റ്റേജ് നിയമസഭ സ്പീക്കർ അഡ്വ. എ എൻ ഷംസീർ ഉദ്ഘാടനംചെയ്തു.  കോടിയേരി ബാലകൃഷ്ണന്റെ സഹധർമ്മിണി വിനോദിനി ബാലകൃഷ്ണൻ ഫോട്ടോ അനാച്ഛാദനം നിർവഹിച്ചു. 

ന്യൂമാഹി ഗ്രാമപഞ്ചായത്തിന്റെ 2025-'26 വാർഷിക പദ്ധതിയിൽ ഉൾപ്പെടുത്തി 12 ലക്ഷം രൂപ ചെലവിൽ ജില്ലാ നിർമ്മിതി കേന്ദ്രത്തിന്റെ നേതൃത്വത്തിലാണ്  ഓപ്പൺ സ്റ്റേജ് നിർമ്മിച്ചത്. സാംസ്കാരിക പരിപാടികൾക്ക് ഉൾപ്പടെ ഉപയോഗപ്പെടുത്താൻ, ഭാവിയിൽ ന്യൂമാഹിയുടെ   സാംസ്കാരിക കേന്ദ്രമായി മാറുന്ന നിലയിലാണ് ഓപ്പൺ സ്റ്റേജ് വിഭാവനം ചെയ്തിട്ടുള്ളത്.

വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ കണ്ടത്തുവയൽ പ്രദേശത്ത് ഇന്ന് (മാർച്ച് 12) രാവിലെ 8.30 മുതൽ വൈകിട്ട് 5.30 വരെ വൈദ്യുതി മുടങ്ങും.

മാനന്തവാടി ഇലക്ട്രിക്കൽ സെക്ഷൻ പരിധിയിലെ ഒണ്ടയങ്ങാടി  പ്രദേശത്ത് ഇന്ന് (മാർച്ച് 12) രാവിലെ ഒൻപത് മുതൽ വൈകിട്ട് ആറ്  വരെ വൈദ്യുതി മുടങ്ങും.

പേരിയ സാമൂഹിക ആരോഗ്യ കേന്ദ്രത്തിലെ കാലപ്പഴക്കം വന്ന വാഹന ഷെഡ് പൊളിച്ചു നീക്കുന്നതിനായി ലേലം ചെയുന്നു. ലേലത്തിനായുള്ള ക്വട്ടേഷനുകൾ മാർച്ച് 13 രാവിലെ 11 വരെ സ്വീകരിക്കും. മാർച്ച് 13 ഉച്ചയ്ക്ക് 12  പേരിയ സാമൂഹ്യ ആരോഗ്യ കേന്ദ്രം പരിസരത്ത് പരസ്യ ലേലം ചെയ്യും. ഫോൺ: 04936 260121    

സൗന്ദര്യവൽക്കരിച്ച വൻകുളത്തുവയൽ ഓലാടത്താഴെ റോഡിന്റെ ഉദ്ഘാടനം കെ വി സുമേഷ് എം എൽ എ നിർവഹിച്ചു. അഴീക്കോട് ഗ്രാമപഞ്ചായത്ത് പ്രസിഡന്റ് കെ സനില അധ്യക്ഷയായി. 

പ്രദേശവാസികൾക്ക് ദേശീയപാതയിലേക്കും കണ്ണൂർ, തളിപ്പറമ്പ് തുടങ്ങിയ സമീപ നഗരങ്ങളിലേക്കും എത്താൻ പ്രധാന ആശ്രയമാണ് ഈ പാത. വിനോദസഞ്ചാര കേന്ദ്രങ്ങളായ അഴീക്കോട് ചാൽ ബീച്ച്, ലൈറ്റ് ഹൗസ്, ബോട്ട് ജെട്ടി എന്നിവയുമായി ബന്ധിപ്പിക്കുന്ന പ്രധാന റോഡുമാണിത്.

മാനന്തവാടി ജില്ലാ ആശുപത്രിയില്‍  ചികിത്സയ്ക്ക് എത്തുന്ന ആര്‍.എസ്.ബി.വൈ, ആര്‍.ബി.എസ്.കെ, ജെ.എസ്.എസ്.കെ, ആരോഗ്യകിരണം, എസ്.റ്റി മെഡിസെപ് പദ്ധതി ഗുണഭോക്താക്കള്‍ക്ക് ആശുപത്രി ഫാർമസി, കാരുണ്യ ഫാർമസി, എച്ച്.എച്ച്.എൽ എന്നിവിടങ്ങളിൽ ലഭ്യമല്ലാത്ത മരുന്നുകൾ, സർജിക്കൽ തുടങ്ങിയവ ക്രെഡിറ്റ് വ്യവസ്ഥയിൽ വിതരണം ചെയ്യാൻ ആശുപത്രി പരിസരത്ത് 100 മീറ്ററിനകത്തെ അംഗീകൃത  ഫാർമസി വിതരണകാരിൽ നിന്നും ദര്‍ഘാസ് ക്ഷണിച്ചു. ദര്‍ഘാസുകള്‍ മാർച്ച് 26 വൈകിട്ട് അഞ്ച് വരെ സ്വീകരിക്കും. ഫോണ്‍- 04935 240264.

 മീനങ്ങാടി ഗവ. പോളിടെക്നിക് കോളേജിലെ തുടർ വിദ്യാഭ്യാസ കേന്ദ്രത്തിൽ പ്രവർത്തിക്കുന്ന ഡ്രൈവിങ് സ്കൂളിൽ കുറഞ്ഞ നിരക്കിൽ ടൂ വീലർ/ഫോർ വീലർ ഡ്രൈവിങ് പരിശീലനം നൽകി ലൈസൻസ് എടുത്തു കൊടുക്കുന്നു. കൂടുതൽ വിവരണങ്ങൾ ഓഫീസുമായോ  8281362097,8848010155 മുഖേനെയോ ബന്ധപ്പെടാം. 

നവീകരിച്ച ചിറക്കല്‍ കല്ലടത്തോട് നരിക്കുണ്ട് വയല്‍റോഡ് കെ.വി സുമേഷ് എംഎല്‍എ ഉദ്ഘാടനം ചെയ്തു. ചിറക്കല്‍ ഗ്രാമപഞ്ചായത്ത് വൈസ് പ്രസിഡന്റ് ടി.കെ മോളി അധ്യക്ഷയായി.

50 ലക്ഷം രൂപ ചെലവഴിച്ച് അലവില്‍ അഴീക്കോട് റോഡിലെ കല്ലടത്തോട് മുതല്‍ നരിക്കുണ്ട് വരെ 727 മീറ്റര്‍ നീളമുള്ള റോഡാണ് പുതുക്കിപ്പണിതത്. ഇതില്‍ ജിഎസ്ബി, ഡബ്ല്യുഎംഎം എന്നിവ ഉപയോഗിച്ച് റോഡ് ഉയര്‍ത്തി ടാറിംഗ് നടത്തിയാണ് ഗതാഗത യോഗ്യമാക്കിയത്. ആദ്യ 500 മീറ്റര്‍ നാലര മീറ്റര്‍ വീതിയിലും ശേഷിക്കുന്ന 227 മീറ്റര്‍ ഭാഗം മൂന്ന് മീറ്റര്‍ വീതിയിലും ടാര്‍ ചെയ്ത് നവീകരിച്ചു.

കൽപ്പറ്റ നഗരസഭയിൽ മാലിന്യമുക്ത നവകേരളം ക്യാമ്പയിന്റെ ഭാഗമായി പൊതുയിടങ്ങൾ ശുചീകരിക്കുന്നതിനായി ദിവസവേതനാടിസ്ഥാനത്തിൽ തൊഴിലാളികളെ നിയമിക്കുന്നു. ഉദ്യോഗാർത്ഥികൾ ബയോഡാറ്റ, രേഖകളുടെ അസൽ എന്നിവ സഹിതം  മാർച്ച് 13 രാവിലെ 11 നഗരസഭാ ഓഫീസിൽ നടക്കുന്ന അഭിമുഖത്തിന് പങ്കെടുക്കണം. ഫോൺ: 04936 202349, 04936 203744