എഴാറ്റുമുഖം പ്രകൃതിഗ്രാമം പാർക്കിൽ സന്ദർശകർക്ക് താത്കാലിക വിലക്ക്

എറണാകുളം ജില്ലാ ടൂറിസം പ്രൊമോഷൻ കൗൺസിലിന്റെ കീഴിലുള്ള എഴാറ്റുമുഖം പ്രകൃതിഗ്രാമം പാർക്കിൽ സന്ദർശകർക്ക് താൽക്കാലിക പ്രവേശന വിലക്ക് ഏർപ്പെടുത്തി. പാർക്കിലെത്തുന്ന സന്ദർശകരുടെ സുരക്ഷിതത്വം മുൻനിർത്തി ജൂലൈ 6 മുതൽ ജൂലൈ 10 വരെ അഞ്ച് ദിവസത്തേക്കാണ് പ്രവേശനം നിരോധിച്ചിരിക്കുന്നത്.എം.എൽ.എയുടെ ആസ്തി വികസന ഫണ്ടിൽ ഉൾപ്പെടുത്തി കുട്ടികളുടെ പാർക്കിലേക്ക് പുതിയ കളിയുപകരണങ്ങൾ സ്ഥാപിക്കുന്ന ജോലികൾ നടക്കുന്നതിനാലാണ് നടപടി.

ഐ എം എ  ജംഗ്ഷന്‍ - സിവില്‍ സ്‌റ്റേഷന്‍ റോഡിലെ മണ്ണിടിഞ്ഞ് മലമ്പുഴ ജലസേചന കനാലിലേക്ക് വീണ പ്രദേശം ഉടൻ പൂര്‍വസ്ഥിതിയിലാക്കണമെന്ന്‌ ജില്ലാ കലക്ടര്‍ കെ സുധീര്‍. മഴ ശക്തമായതിനെ തുടർന്ന് ഇടിഞ്ഞു വീണ കനാലിന്റെ ഭിത്തി എത്രയും വേഗം പുനഃനിർമ്മിക്കണമെന്ന് സ്ഥലം സന്ദർശിച്ച ജില്ലാ കലക്ടര്‍ മലമ്പുഴ ഇറിഗേഷന്‍ അസി. എക്‌സിക്യൂട്ടീവ് എഞ്ചിനീയർക്ക് നിർദ്ദേശം നൽകി.

കേന്ദ്ര ഗ്രാമവികസന മന്ത്രാലയത്തിന്റെ 'വികസിത് ഭാരത് ഗ്യാരണ്ടി ഫോർ റോസ്ഗാർ ആൻ്റ് ആജീവിക മിഷൻ' (ഗ്രാമീൺ) പദ്ധതികളുടെ നടത്തിപ്പ് വിലയിരുത്തുന്നതിനായി കേന്ദ്ര ഉദ്യോഗസ്ഥ സംഘം എറണാകുളം ജില്ലയിൽ സന്ദർശനം നടത്തി. ജൂലൈ 12 മുതൽ 15 വരെ എറണാകുളം, തിരുവനന്തപുരം ജില്ലകളിലാണ് സംഘം സന്ദർശനം നടത്തുന്നത്.

കേരള സ്റ്റേറ്റ് ഇലക്ട്രിസിറ്റി ബോർഡ് ലിമിറ്റഡിന്റെ (കെ.എസ്.ഇ.ബി) വൈദ്യുത പോസ്റ്റുകളിലും സ്വതന്ത്രമായി സ്ഥാപിച്ച പോസ്റ്റുകളിലും സ്ഥാപിച്ചിട്ടുള്ള കേബിൾ ടി.വി., ഇന്റർനെറ്റ് സേവനദാതാക്കളുടെ കമ്യൂണിക്കേഷൻ കേബിളുകളുടെ സുരക്ഷ, നിയന്ത്രണം, നിരീക്ഷണം, അപകടകരമായ കേബിളുകൾ നീക്കം ചെയ്യൽ എന്നിവ ഉറപ്പാക്കുന്നതിനുള്ള സ്റ്റാൻഡേർഡ് ഓപ്പറേറ്റിംഗ് പ്രൊസീജർ (എസ്.ഒ.പി.) സർക്കാർ പുറത്തിറക്കി.

ടെൻഡർ ക്ഷണിച്ചു

വനിത ശിശുവികസന വകുപ്പ് വാഴക്കുളം ഐ.സി.ഡി.എസ്. പ്രൊജക്റ്റിന് കീഴിലുള്ള വെങ്ങോല ഗ്രാമപഞ്ചായത്തിലെ 48 അങ്കണവാടികളിലേക്ക് പാൽ വിതരണം ചെയ്യുന്നതിനായി  ടെൻഡർ ക്ഷണിച്ചു.

താല്പര്യമുള്ള വ്യക്തികൾക്കോ സ്ഥാപനങ്ങൾക്കോ 'അങ്കണവാടികളിലേക്കുള്ള പാൽ വിതരണം' എന്ന് രേഖപ്പെടുത്തിയ കവറുകളിൽ 'ഐ.സി.ഡി.എസ്. സൂപ്പർവൈസർ, വെങ്ങോല ഗ്രാമപഞ്ചായത്ത്' എന്ന മേൽവിലാസത്തിൽ അപേക്ഷകൾ സമർപ്പിക്കാം. ടെൻഡറുകൾ സ്വീകരിക്കുന്ന അവസാന തീയതി ജൂലൈ 27 ഉച്ചയ്ക്ക് 2
 മണി വരെ. 
ഫോൺ : 9188068633

ടെൻഡർ ക്ഷണിച്ചു

*സാങ്കേതിക സൗകര്യങ്ങൾ പരിഗണിച്ച് തീയതി നേരത്തെയാക്കി

ക്വട്ടേഷൻ ക്ഷണിച്ചു

എറണാകുളം ബോസ്റ്റൽ സ്കൂളിലെ വീഡിയോ കോൺഫറൻസിംഗ് സ്റ്റുഡിയോയുടെ വാർഷിക പരിപാലനത്തിനായി താല്പര്യമുള്ള വ്യക്തികളിൽ നിന്നും സ്ഥാപനങ്ങളിൽ നിന്നും കൊട്ടേഷൻ ക്ഷണിച്ചു. കൊട്ടേഷനുകൾ സ്വീകരിക്കുന്ന അവസാന തീയതി  ജൂലൈ 10 രാവിലെ 11 വരെ.  കൂടുതൽ വിവരങ്ങൾക്ക് 0484 2421366 എന്ന ഫോൺ നമ്പറിലോ bs.ekm.prisons@kerala.gov.in എന്ന ഇമെയിലിലോ ബന്ധപ്പെടുക.

അപേക്ഷ ക്ഷണിച്ചു