മാനസികാരോഗ്യത്തിന്റെ കുറവ് കുടുംബ ബന്ധങ്ങൾ ശിഥിലമാക്കുന്നതിൽ പ്രധാന കാരണമാകുന്നുണ്ടെന്നും വനിതാ  കമ്മിഷനു മുന്നിൽ ഇത്തരം പരാതികൾ ഏറിവരുന്നതായും കമ്മിഷൻ അംഗം അഡ്വ. ഇന്ദിരാ രവീന്ദ്രൻ. കോട്ടയം കളക്ട്രേറ്റ് കോൺഫറൻസ് ഹാളിൽ നടന്ന കോട്ടയം ജില്ലാതല അദാലത്തിനു ശേഷം സംസാരിക്കുകയായിരുന്നു കമ്മിഷൻ അംഗം. മക്കളും പങ്കാളികളും അവഗണിച്ചെന്നും ഉപദ്രവിച്ചെന്നുമുള്ള പരാതികളിൽ ചിലത് ഇത്തരം സാഹചര്യങ്ങളിൽ ഉണ്ടാകുന്നവയാണെന്ന് മനസിലാകുന്നു. ഇതുപോലുള്ള പരാതികൾ  അവാസ്തവമാണെന്ന് എതിർകക്ഷികൾ തെളിവുസഹിതം  സ്ഥാപിക്കുന്നുമുണ്ട്. ബോധവത്കരണമാണ് ഈ സാഹചര്യത്തിനുള്ള പ്രതിവിധി.

ദേശീയ വായന സന്ദേശത്തിന്റെ ഭാഗമായി പൊതുവിദ്യാഭ്യാസ വകുപ്പ്, പി.എൻ പണിക്കർ ഫൗണ്ടേഷൻ, ജില്ലാ ഇൻഫർമേഷൻ ഓഫീസ് എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച ജില്ലാതല ക്വിസ് മത്സരത്തിൽ ആദിദേവ് പി.കെ (എ.കെ.ജി എച്ച്എസ്എസ് പെരളശ്ശേരി) കാർത്തിക്. പി (കൂടാളി എച്ച്എസ്എസ്) എന്നിവർ യഥാക്രമം ഒന്നും രണ്ടും സ്ഥാനങ്ങൾ നേടി. 

കണ്ണൂർ ഗവ. ടിടിഐ ഫോർ മെൻ-ൽ 
നടന്ന പരിപാടി ടി. ഒ മോഹനൻ എംഎൽഎ ഉദ്ഘാടനം ചെയ്തു. പി.എൻ പണിക്കർ ഫൗണ്ടേഷൻ ജില്ലാ വൈസ് ചെയർമാൻ കെ.എച്ച് ജോൺ അധ്യക്ഷത വഹിച്ചു. 

കിഴുത്തള്ളി ഓവുപാലം റോഡ് ഗതാഗത യോഗ്യമാക്കി 

തകർന്ന കിഴുത്തള്ളി ഓവുപാലം റോഡ്  പൊതുമരാമത്ത് വകുപ്പ് അധികൃതർ താൽക്കാലിക അറ്റകുറ്റപ്പണികൾ നടത്തി ഗതാഗതയോഗ്യമാക്കി. 
കഴിഞ്ഞ ദിവസം റോഡ് സന്ദർശിച്ച ടി ഒ മോഹനൻ എം.എൽ.എ എത്രയും പെട്ടെന്ന് റോഡ് യാത്രാ യോഗ്യമാക്കാൻ നിർദേശം നൽകിയിരുന്നു. ശനിയാഴ്ച്ച തന്നെയാണ് റോഡിൽ താൽക്കാലിക അറ്റകുറ്റപ്പണി നടത്തി യാത്രാ ദുരിതത്തിന് പരിഹാരം കണ്ടത്.  റെയിൽവേയുടെ അനുമതി ലഭിച്ചാലുടൻ തന്നെ റോഡ് ടാർ ചെയ്ത് പൂർണ്ണമായും ഗതാഗതയോഗ്യമാകുമെന്ന് എംഎൽഎ അറിയിച്ചു.

 എംഎൽഎ ഓഫീസ് ഉദ്ഘാടനം തിങ്കളാഴ്ച്ച 

കല്യാശേരി കെ.പി.ആർ ഗോപാലൻ സ്മാരക ഗവ. ഹയർസെക്കണ്ടറി സ്കൂളിൽ എംഎൽഎ ഫണ്ടിൽ നിന്നും അനുവദിച്ച സ്കൂൾ ബസിന്റെ ഫ്ലാഗ് ഓഫും, ഉന്നത വിജയികൾക്കുള്ള അനുമോദനവും എം വിജിൻ എംഎൽഎ നിർവഹിച്ചു. ഹയർസെക്കണ്ടറി വിഭാഗം ഓഡിറ്റോറിയത്തിൽ സംഘടിപ്പിച്ച വിജയോത്സവച്ചടങ്ങിൽ ജില്ലാ പഞ്ചായത്ത് അംഗം വി.വി പവിത്രൻ അധ്യക്ഷത വഹിച്ചു.

ഹൈസ്കൂൾ, ഹയർ സെക്കണ്ടറി, വൊക്കേഷണൽ ഹയർ സെക്കണ്ടറി വിഭാഗങ്ങളിൽ ഉന്നതവിജയം നേടിയ വിദ്യാർത്ഥികൾക്കുള്ള ഉപഹാരങ്ങൾ എംഎൽഎ നൽകി.

സെൻസസ് 2027 ആദ്യ ഘട്ടത്തിന്റെ ഭാഗമായി ജില്ലയിൽ ജൂലൈ ഒന്നിന് തുടങ്ങിയ വീടുകളുടെ വിവരശേഖരണം 10 ദിവസം പിന്നിട്ടപ്പോൾ നൂറു ശതമാനം പൂർത്തിയാക്കി അഞ്ചു എന്യൂമറേറ്റർമാർ. 

തങ്ങൾക്ക് അനുവദിച്ചു കിട്ടിയ നിശ്ചിത മേഖലയിലെ ഒരോ വീടും നേരിൽ സന്ദർശിച്ചു, വീടിന് നമ്പറിടൽ, ലേഔട്ട്‌ മാപ്പ് തയ്യാറാക്കൽ, വീടുകളുടെ പട്ടികപ്പെടുത്തൽ, വിവരശേഖരണം എന്നീ കാര്യങ്ങളാണ് എന്യൂമറേറ്റർ ചെയ്യുന്നത്. 

കൂത്തുപറമ്പ്, തളിപ്പറമ്പ് മുനിസിപ്പാലിറ്റി പരിധികളിലെ രണ്ട് വീതം എന്യൂമറേറ്റർമാരും തലശ്ശേരി മുനിസിപ്പാലിറ്റി പരിധിയിലെ ഒരു എന്യൂമറേറ്ററുമാണ് നൂറ് ശതമാനം ഭവന വിവരശേഖരണം പൂർത്തിയാക്കിയത്. 

റെയിൽവേ അനുമതി നൽകാത്തതിനെ തുടർന്ന് അറ്റകുറ്റപണി നടത്താതെ തകർന്ന കിഴുത്തള്ളി ഓവുപാലം റോഡ് വിഷയത്തിൽ റെയിൽവേ അധികൃതരുമായി അടിയന്തര ചർച്ച നടത്തി നടപടികൾ സ്വീകരിക്കുമെന്ന് അഡ്വ. ടി.ഒ. മോഹനൻ എം.എൽ.എ പറഞ്ഞു. റോഡിലെ കുഴികളും തകർന്ന ഭാഗങ്ങളും മൂലം പ്രദേശവാസികളും വിദ്യാർത്ഥികളും വാഹനയാത്രികരും നേരിടുന്ന യാത്രാദുരിതം റോഡ് സന്ദർശിച്ച എം.എൽ.എ ഉദ്യോഗസ്ഥരുടെ ശ്രദ്ധയിൽപ്പെടുത്തി.

റോഡിന്റെ നിലവിലെ അവസ്ഥ കണക്കിലെടുത്ത് അടിയന്തരമായി കുഴികൾ അടച്ച് ആവശ്യമായ അറ്റകുറ്റപ്പണി നടത്താൻ ഉദ്യോഗസ്ഥർക്ക് നിർദേശം നൽകി.

 ക്യാമ്പ് ഫോളോവർ തസ്തികയിൽ 67 ഒഴിവുകൾ 

കണ്ണൂർ മാങ്ങാട്ടുപറമ്പ് കെ.എ.പി നാലാം ബറ്റാലിയനിൽ ക്യാമ്പ് ഫോളോവർ തസ്തികയിൽ കുക്ക് (30), ധോബി (15), സ്വീപ്പർ (9), ബാർബർ (7), വാട്ടർ ക്യാരിയർ (6) എന്നിങ്ങനെ നിലവിലുള്ള 67 ഒഴിവുകളിൽ 59 ദിവസത്തേക്ക് ദിവസ വേതനാടിസ്ഥാനത്തിൽ നിയമിക്കുന്നു. മുൻപരിചയമുള്ള​ യോഗ്യരായ ഉദ്യോഗാർഥിക​ൾ​ ജൂലൈ 13 ന് രാവിലെ 10.30 ​ന് മാങ്ങാട്ടുപറമ്പ് കെ.എ.പി നാലാം ബറ്റാലിയൻ ആസ്ഥാനത്ത് ബയോഡാറ്റ, ആധാർ കാർഡിന്റെ പകർപ്പ്, അപേക്ഷ എന്നിവ സഹിതം എത്തണം.

 ട്രേഡ്‌സ്‌മാൻ 

ദേശീയ മത്സ്യകർഷക ദിനത്തോടനുബന്ധിച്ച് ഫിഷറീസ് വകുപ്പ് സംഘടിപ്പിച്ച ജില്ലാതല പരിപാടി പയ്യന്നൂർ ഫിഷറീസ് കോളേജിൽ വി കുഞ്ഞികൃഷ്ണൻ എം.എൽ.എ ഉദ്ഘാടനം ചെയ്തു. 

മത്സ്യകൃഷി മേഖലയിൽ ആധുനിക സാങ്കേതികവിദ്യകൾ പ്രയോജനപ്പെടുത്തി ഉൽപ്പാദനം വർധിപ്പിക്കേണ്ടതുണ്ടെന്ന് എംഎൽഎ ചൂണ്ടിക്കാട്ടി. 

പയ്യന്നൂർ മുൻസിപ്പാലിറ്റി ചെയർപേഴ്സൺ അഡ്വ. സരിൻ ശശി അധ്യക്ഷത വഹിച്ചു.
പരിപാടിയിൽ വിവിധ മത്സ്യ കൃഷിരീതികൾ ചെയ്തു വരുന്ന മത്സ്യകർഷകരെ ആദരിക്കുകയും, വിവിധ സർക്കാർ പദ്ധതികളെക്കുറിച്ചുള്ള ബോധവൽക്കരണ ക്ലാസ് സംഘടിപ്പിക്കുകയും ചെയ്തു.

വിയ്യൂർ സെൻട്രൽ പ്രിസൺ ആൻഡ് കറക്ഷനൽ ഹോമിലെ ചപ്പാത്തി നിർമ്മാണ യൂണിറ്റിലേക്ക് ആവശ്യമായ കൺവെയർ ബെൽറ്റുകൾ വിതരണം ചെയ്യുന്നതിനായി അംഗീകൃത സ്ഥാപനങ്ങൾ/ വ്യക്തികളിൽ നിന്നും ക്വട്ടേഷൻ ക്ഷണിച്ചു. താത്പര്യമുള്ളവർ ക്വട്ടേഷൻ ജൂലൈ 24-ന് വൈകിട്ട് മൂന്നിനകം വിയ്യൂർ സെൻട്രൽ ജയിൽ സൂപ്രണ്ടിൻ്റെ ഓഫീസിൽ ലഭ്യമാക്കണം. ഫോൺ: 0487 2334267.