ലഹരി വിരുദ്ധ ദിനാചരണത്തിന്റെ  ഭാഗമായി മലപ്പുറം ജില്ലാ പോലീസ് ലഹരിവിരുദ്ധ ബോധവൽക്കരണ പരിപാടി സംഘടിപ്പിച്ചു. മലപ്പുറം എം എസ് പി കമ്മ്യൂണിറ്റി ഹാളിൽ നടന്ന പരിപാടി ജില്ലാ പോലീസ് മേധാവി ആർവിശ്വനാഥ്‌ ഉദ്ഘാടനം ചെയ്തു. മലപ്പുറം സബ്- ഡിവിഷണൽ ഡിവൈഎസ്പി  കെ.എം.ബിജു അധ്യക്ഷത വഹിച്ചു. എഴുത്തുകാരനും സിനിമാ പ്രവർത്തനകനുമായ  എം കുഞ്ഞാപ്പ മുഖ്യ പ്രഭാഷണം നടത്തി.

'കിക്ക് ഡ്രഗ്സ് സേ യെസ് ടു സ്പോർട്സ്' എന്ന സന്ദേശവുമായി  സംസ്ഥാന കായിക വകുപ്പ് സംഘടിപ്പിക്കുന്ന ലഹരി വിരുദ്ധ റാലിയുടെ സമാപന സമ്മേളനത്തോടനുബന്ധിച്ച് മലപ്പുറം ജില്ലാ സ്പോർട്സ് കൗൺസിൽ സംഘടിപ്പിച്ച 'പന്തടിക്കാം ലഹരിക്കെതിരെ' ഫുട്ബോൾ ടൂർണമെന്റിൽ മലപ്പുറം ജില്ലാ സിവിൽ സർവീസ് താരങ്ങൾ അണിനിരന്ന കലക്ടർ ഇലവൻ ജേതാക്കളായി.  തിരൂർ പത്തമ്പാട് സോക്കർ സിറ്റി ടർഫിൽ പ്രവാസി വെൽഫെയർ ബോർഡ് ചെയർമാൻ ഗഫൂർ.പി.ലില്ലീസ് ഉദ്ഘാടനം ചെയ്തു. ഫൈനലിൽ മലപ്പുറം എക്സൈസ് ഇലവനെ 3-1 കലക്ടർ ഇലവൻ പരാജയപ്പെടുത്തി. കലക്ടർ ഇലവന് വേണ്ടി കെ.ടി വിനോദ് രണ്ടും ടി.കെ ജിഷാദ് ഒരു ഗോളും നേടി. വിഷ്ണുവാണ് എക്സൈസിന് വേണ്ടി ഗോളടിച്ചത്.

മലപ്പുറം ഇറിഗേഷന്‍ ഡിവിഷന്‍  കാര്യാലയത്തിലെ വാഹനമായ കെ.എൽ O1 AZ 137 നമ്പര്‍ അമ്പാസഡര്‍ കാര്‍ 14 വര്‍ഷവും 06 മാസവും തികഞ്ഞ സാഹചര്യത്തില്‍  ലേലം ചെയ്യും.  വില്‍പ്പന നടത്തിയ ശേഷം അഞ്ച് വര്‍ഷത്തേക്ക് തിരികെ ഇറിഗേഷന്‍ ഡിവിഷന്‍ മലപ്പുറം കാര്യാലയത്തിലേക്ക് തന്നെ വാടകയ്ക്ക് നൽകണമെന്ന വ്യവസ്ഥയിലാണ് ലേലം. താല്പര്യമുള്ളവർ സീൽ ചെയ്ത ക്വട്ടേഷനുകൾ ജൂലൈ ഏഴിന് രാവിലെ 11:30ന് മുൻപായി അസിസ്റ്റന്റ് എക്സിക്യൂട്ടീവ് എൻജിനീയർ, ഇറിഗേഷൻ സബ് ഡിവിഷൻ, മലപ്പുറം എന്ന വിലാസത്തിൽ സമർപ്പിക്കണം. ഫോൺ: 6282366565

മങ്കട ബ്ലോക്ക് സാമൂഹിക ആരോഗ്യ കേന്ദ്രത്തിലേക്ക് താൽക്കാലിക അടിസ്ഥാനത്തിൽ ഹബ്ബ് ആൻഡ് സ്പോക്ക് ടെക്നീഷ്യൻ തസ്തികയിൽ നിയമനം. ഗവൺമെന്റ് അംഗീകൃത ബി.എസ്.സി എം.എൽ.ടി/ഡി.എം.എൽ.ടി, മെഡിക്കൽ കൗൺസിൽ രജിസ്ട്രേഷൻ സർട്ടിഫിക്കറ്റ് എന്നിവയുള്ളവർക്ക് അപേക്ഷിക്കാം. മങ്കട ബ്ലോക്ക് പഞ്ചായത്ത് പരിധിയിൽ സ്ഥിരതാമസക്കാരായ ലാബ് നെറ്റ് വർക്കിങ്ങിന്റെ ഭാഗമായി മങ്കട ബ്ലോക്ക് പഞ്ചായത്ത് പരിധിയിൽ സാമ്പിൾ ട്രാൻസ്പോർട്ടേഷൻ നടത്താനായി സ്വന്തമായി ഇരുചക്രവാഹനവും ലൈസൻസും ഉള്ളവർക്ക് മുൻഗണന. 2025 ജൂൺ ഒന്നിന് 40 വയസ്സ് കവിയരുത്.

പട്ടികവർഗ്ഗ വികസന വകുപ്പിന് കീഴിലുള്ള നിലമ്പൂർ ഇന്ദിരാഗാന്ധി മെമ്മോറിയൽ മോഡൽ റെസിഡൻഷ്യൽ സ്കൂളിലെ 2025-26 അധ്യയന വർഷത്തിൽ ഒന്നു മുതൽ പ്ലസ് ടു വരെയുള്ള ക്ലാസുകളിലെ ആൺകുട്ടികൾക്ക് അംഗീകൃത കമ്പനികളുടെ ചെരുപ്പുകൾ വിതരണം ചെയ്യുന്നതിനായി താല്പര്യമുള്ള സ്ഥാപനങ്ങൾ/ വ്യക്തികളിൽ നിന്ന് ക്വട്ടേഷൻ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തീയതി ജൂലൈ  ഏഴ്. അന്നേദിവസം 2:30 ന് ക്വട്ടേഷനുകൾ തുറക്കും.

പൊന്നാനി സ്ത്രീകളുടെയും കുട്ടികളുടെയും ആശുപത്രിയിൽ സ്റ്റാഫ് നഴ്സ് തസ്തികയിലേക്ക്  ദിവസ വേതന അടിസ്ഥാനത്തിൽ നിയമനം നടത്തുന്നു. പ്ലസ് ടു, ഗവ. അംഗീകൃത ജി എൻ എം കോഴ്സ്, ബി.എസ് സി നഴ്സിംഗ് പാസായവർക്കും കേരള നഴ്സിംഗ് കൗൺസിൽ രജിസ്ട്രേഷൻ ചെയ്തവർക്കും അപേക്ഷിക്കാം. പ്രായപരിധി 20-45. യോഗ്യരായ ഉദ്യോഗാർത്ഥികൾ വിദ്യാഭ്യാസ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്നതിനുള്ള സർട്ടിഫിക്കറ്റുകളുടെ ഒറിജിനലും പകർപ്പും, ആധാർ കോപ്പിയുമായി ജൂൺ 30ന് രാവിലെ 10ന് ആശുപത്രി ഓഫീസിൽ കൂടിക്കാഴ്ചയ്ക്കായി ഹാജരാക്കണം. ഫോൺ: 0594 2666439

 കേരള സർക്കാർ സ്ഥാപനമായ കെൽട്രോണിന്റെ കുറ്റിപ്പുറം നോളജ് സെന്ററിൽ സർക്കാർ അംഗീകൃതവും നോർക്ക അറ്റസ്റ്റേഷന് യോഗ്യമായ പ്രൊഫഷണൽ ഡിപ്ലോമ ഇൻ ലോജിസ്റ്റിക്സ് ആൻഡ് സപ്ലൈസ് മാനേജ്മെന്റ്, പ്രൊഫഷണൽ ഡിപ്ലോമ ഇൻ ഓഫീസ് അക്കൗണ്ടിംഗ് കോഴ്സുകളിലേക്ക് അഡ്മിഷൻ ആരംഭിച്ചു. ഫോൺ: 8590605276

മലപ്പുറം ജില്ലയിലെ ഫിഷറീസ് വകുപ്പിന് കീഴിൽ 2023-2024 പ്രധാനമന്ത്രി മത്സ്യസമ്പത്ത് യോജന പദ്ധതിയിൽ നൂതന മത്സ്യകൃഷി രീതിയായ ബയോഫ്ളോക്ക് രീതിയിൽ ഉപ്പുവെള്ളത്തിലെ വനാമി ചെമ്മീൻ മത്സ്യകൃഷി ചെയ്യാൻ താത്പര്യം  ഉള്ളവരിൽ നിന്നും അപേക്ഷ ക്ഷണിച്ചു. 25 സെന്റ് സ്ഥലമാണ് കുളങ്ങൾ നിർമിക്കാൻ ആവശ്യം. 18 ലക്ഷം രൂപ ചെലവ് വരുന്ന ഈ പദ്ധതിക്ക് 60% സബ്സിഡി ലഭിക്കും. വനിതകൾക്കും അപേക്ഷിക്കാം. താല്പര്യമുള്ളവർ ജൂലൈ അഞ്ചിനു മുൻപ് രേഖകൾ അതാത് മത്സ്യ ഭവനുകളിലോ ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിലോ സമർപ്പിക്കണം. ഫോൺ : 8089669891

സമഗ്ര ഗുണമേന്മ വിദ്യാഭ്യാസ പദ്ധതി ഫലപ്രദമായി നടപ്പിലാക്കുന്നതിന്റെ ഭാഗമായി മലപ്പുറം, കോഴിക്കോട്, പാലക്കാട് ജില്ലകളിലെ വിദ്യാഭ്യാസ ഓഫീസര്‍മാര്‍ക്ക് (ഡിഡിഇ, ഡിഇഒ, എഇഒ) അക്കാദമിക മോണിറ്ററിങ് ശില്പശാല കൈറ്റ് മലപ്പുറം ജില്ലാകേന്ദ്രത്തിന്റെ ആഭിമുഖ്യത്തില്‍ സംഘടിപ്പിച്ചു. ജില്ലാ പ്ലാനിങ് സെക്രട്ടേറിയേറ്റ് മിനി കോണ്‍ഫറന്‍സ് ഹാളില്‍ നടന്ന ശില്പശാല കൈറ്റ് ചീഫ് എക്‌സിക്യൂട്ടീവ് ഓഫിസര്‍ കെ. അന്‍വര്‍ സാദത്ത് ഉദ്ഘാടനം ചെയ്തു. കൈറ്റ് ജില്ലാ കോര്‍ഡിനേറ്റര്‍ കെ. മുഹമ്മദ് ഷെരീഫ് അധ്യക്ഷത വഹിച്ചു. ഡോ. ഷാനവാസ് കെ, ഡോ. നിഷാദ് അബ്ദുള്‍ കരീം, സുരേന്ദ്രന്‍ അടുത്തില എന്നിവര്‍ വിവിധ സെഷനുകള്‍ നയിച്ചു.

കേരള സര്‍ക്കാര്‍ സ്ഥാപനമായ കെല്‍ട്രോണ്‍ നടത്തിവരുന്ന ഡിപ്ലോമ ഇന്‍ മോണ്ടിസോറി ടീച്ചര്‍ ട്രെയിനിങ് കോഴ്‌സിന്റെ ഫ്രീ ഓണ്‍ലൈന്‍ വര്‍ക്ക്ഷോപ്പ് 2025 ജൂണ്‍ 26, 27 തീയതികളില്‍ വൈകുന്നേരം ഏഴു മുതല്‍ എട്ടു വരെ നടക്കും.  പങ്കെടുക്കാന്‍ ആഗ്രഹിക്കുന്നവര്‍ മുന്‍കൂട്ടി രജിസ്റ്റര്‍ ചെയ്യണം.
ഫോൺ: 9072592412, 9072592416.