സെന്‍സസ് -2027ന്റെ ഭാഗമായി പൊതുജനങ്ങള്‍ക്ക് സ്വന്തമായി വിവരങ്ങള്‍ ഓണ്‍ലൈനായി രേഖപ്പെടുത്താനുള്ള (സെല്‍ഫ് എന്യൂമറേഷന്‍) സൗകര്യം ജൂണ്‍ മാസം മുതല്‍ ലഭ്യമാകും. 2026 ജൂണ്‍ 16 മുതല്‍ 30 വരെയാണ് ഇതിനായി സമയം അനുവദിച്ചിരിക്കുന്നത്. സെന്‍സസ് ഉദ്യോഗസ്ഥര്‍ വീടുകളില്‍ എത്തുന്നതിന് മുന്‍പ് തന്നെ വ്യക്തികള്‍ക്ക് തങ്ങളുടെ കുടുംബത്തിലെ വിവരങ്ങള്‍ ഓണ്‍ലൈന്‍ പോര്‍ട്ടല്‍ വഴി നേരിട്ട് സമര്‍പ്പിക്കാനുള്ള സംവിധാനമാണ് സെല്‍ഫ് എന്യുമറേഷന്‍. ഏകദേശം 15-20 മിനിറ്റിനുള്ളില്‍ ഈ പ്രക്രിയ പൂര്‍ത്തിയാക്കാന്‍ സാധിക്കും.
 
രജിസ്റ്റര്‍ ചെയ്യേണ്ട വിധം

മൈലപ്ര ഗ്രാമപഞ്ചായത്തിലെ വ്യാപാര- വ്യവസായ സ്ഥാപനങ്ങള്‍, സംരംഭങ്ങള്‍ എന്നിവയുടെ ഉടമകള്‍ 2026-27 സാമ്പത്തിക വര്‍ഷത്തെ ലൈസന്‍സ് പുതുക്കണം.  പുതിയ സ്ഥാപനങ്ങളും ലൈസന്‍സ് എടുക്കണം.  നിശ്ചിത സമയ പരിധിക്കകം ലൈസന്‍സ് എടുക്കാത്ത സ്ഥാപന ഉടമകള്‍ക്കെതിരെ കേരള പഞ്ചായത്ത് രാജ്  നിയമപ്രകാരമുള്ള നടപടി സ്വീകരിക്കുമെന്ന് ഗ്രാമപഞ്ചായത്ത് സെക്രട്ടറി അറിയിച്ചു.
 

വടശ്ശേരിക്കര ഗ്രാമപഞ്ചായത്തിലെ അസിസ്റ്റന്റ് എഞ്ചിനീയറുടെ  കാര്യാലയത്തിലേക്ക് വാഹനം വാടകയ്ക്ക് നല്‍കാന്‍ താല്‍പര്യമുളളവരില്‍ നിന്ന് ദര്‍ഘാസ് ക്ഷണിച്ചു. അവസാന തീയതി മെയ് 30 ഉച്ചയ്ക്ക് ഒന്ന്.
ഫോണ്‍ : 04735 252029.
 

വടശ്ശേരിക്കര ഗ്രാമപഞ്ചായത്തിലെ 2026-27 വാര്‍ഷിക പദ്ധതിയില്‍ ഉള്‍പ്പെട്ട നാല് പ്രവൃത്തികള്‍ നടപ്പാക്കുന്നതിന് ജി എസ് ടി രജിസ്‌ട്രേഷനുളള സ്ഥാപനങ്ങള്‍ / ഏജന്‍സികള്‍/ വ്യക്തികള്‍ എന്നിവരില്‍ നിന്ന് ദര്‍ഘാസ് ക്ഷണിച്ചു. അവസാന തീയതി ജൂണ്‍ 12 വൈകിട്ട് അഞ്ച്.  ഫോണ്‍ : 04735 252029.
 

സംസ്ഥാനത്ത് ഖരമാലിന്യ പരിപാലന ചട്ടം പ്രാദേശിക തലത്തില്‍ കാര്യക്ഷമമായി നടപ്പിലാക്കുന്നതിന് ജില്ലയിലെ തദ്ദേശ സ്വയംഭരണ സ്ഥാപന സെക്രട്ടറിമാര്‍ക്ക് പ്രത്യേക പരിശീലന പരിപാടി സംഘടിപ്പിച്ചു. ജില്ല ശുചിത്വ മിഷന്റെ ആഭിമുഖ്യത്തില്‍ ജില്ലാ കോ-ഓര്‍ഡിനേറ്റര്‍ കെ എം വിനീത് നേതൃത്വം നല്‍കി. തദ്ദേശ സ്വയംഭരണ വകുപ്പ് ജില്ല ഡയറക്ടര്‍ പി രാജേഷ് കുമാര്‍, അസിസ്റ്റന്റ് ഡയറക്ടര്‍ ഷൈജു വര്‍ഗീസ്, ജൂനിയര്‍ സൂപ്രണ്ട് വി എസ് സതീശന്‍, എഡിഎംസി ജി പ്രദീപ് ജി എന്നിവര്‍ പങ്കെടുത്തു.

സ്‌കൂള്‍ വാഹനങ്ങളിലെ ഡ്രൈവര്‍മാര്‍ക്കും ആയമാര്‍ക്കുമായി പത്തനംതിട്ട ആര്‍ റ്റി ഒ യുടെ നേതൃത്വത്തില്‍ ബോധവല്‍കരണ ക്ലാസ് സംഘടിപ്പിക്കുന്നു. ജൂണ്‍ ഒന്നിന് സ്‌കൂള്‍ തുറക്കുന്നതിനോടനുബന്ധിച്ച് വിദ്യാര്‍ഥികളുടെ സുരക്ഷിത യാത്ര  ഉറപ്പാക്കുന്നതിന് കോഴഞ്ചേരി താലൂക്കിലെ സ്‌കൂള്‍ ബസ് ഡ്രൈവര്‍മാര്‍ക്കും ആയമാര്‍ക്കുമാണ് ക്ലാസ് സംഘടിപ്പിക്കുന്നത്. മെയ് 25 തിങ്കള്‍ രാവിലെ ഒമ്പതിന് ഓമല്ലൂര്‍ പുത്തന്‍പീടികയിലുളല മഡോണ ഇന്റര്‍നാഷണല്‍ റസിഡന്‍ഷ്യല്‍ സ്‌കൂളിലാണ് ക്ലാസ്.

സുപ്രീം കോടതിയുടെ പരിഗണനയിലുളള കേസുകള്‍ ഉഭയ സമ്മതപ്രകാരമുളള പരിഹാരമാര്‍ഗങ്ങളിലൂടെ സൗഹാര്‍ദപരമായി തീര്‍പ്പാക്കാന്‍ ഓഗസ്റ്റ് 21, 22, 23 തീയതികളില്‍ സമാധാന്‍ സമാരോഹ് സ്‌കീം പ്രകാരം പ്രത്യേക അദാലത്ത് നടത്തുന്നു. അദാലത്തില്‍ പങ്കെടുക്കുന്നവര്‍ കേസുകളുടെ വിശദാംശങ്ങള്‍
https://forms.gle/jqxefqF4BCWzukoP6 ഗൂഗിള്‍ ഫോം ലിങ്കില്‍ സമര്‍പ്പിക്കണം.  അവസാന തീയതി മെയ് 31.
വിവരങ്ങള്‍ക്ക് ജില്ല നിയമസേവന അതോറിറ്റി, മിനി സിവില്‍ സ്റ്റേഷന്‍, പത്തനംതിട്ടയിലോ 0468 2220141 നമ്പറിലോ ബന്ധപ്പെടണം.

കാലവര്‍ഷത്തിന് മുന്നോടിയായി ദുരന്തനിവാരണ പ്രവര്‍ത്തനം ഊര്‍ജിതമാക്കുന്നതിന് പത്തനംതിട്ട ജില്ല ദുരന്തനിവാരണ അതോറിറ്റിയുടെ  നേതൃത്വത്തില്‍ ഇന്ത്യ ഡിസാസ്റ്റര്‍ റിസോഴ്‌സ് നെറ്റ്വര്‍ക്ക് (ഐഡിആര്‍എന്‍) പോര്‍ട്ടല്‍ വിവരം പുതുക്കുന്നതിന് പ്രത്യേക പരിശീലന ശില്‍പശാല സംഘടിപ്പിച്ചു. വിവിധ സര്‍ക്കാര്‍ വകുപ്പുകളിലെ ഉദ്യോഗസ്ഥര്‍ക്ക് കലക്ടറേറ്റ് കോണ്‍ഫറന്‍സ് ഹാളിലാണ് പരിശീലനം നടന്നത്.

കര്‍ഷകര്‍ക്ക് കൂടുതല്‍ നേട്ടം ഉറപ്പാക്കി സര്‍ക്കാര്‍, ഹെക്ടറിന് 75,000 രൂപ പുനര്‍നടീല്‍ സഹായം, 50,000ത്തോളം കര്‍ഷകര്‍ക്ക് നേരിട്ട് ആനുകൂല്യം

കൃഷി നശിപ്പിക്കുന്ന പന്നികളെ ഉന്മൂലനം ചെയ്യുന്നതിന് പന്തളം തെക്കേക്കര ഗ്രാമപഞ്ചായത്തില്‍ 10 പേരടങ്ങിയ ഷൂട്ടര്‍മാരെ നിയമിച്ചു.   ഇവരുടെ സേവനം വിവിധ വാര്‍ഡുകളില്‍ ആരംഭിച്ചതായും ഗ്രാമപഞ്ചായത്ത് പ്രസിഡന്റ് അറിയിച്ചു.