കേരള സര്‍ക്കാര്‍ സ്ഥാപനമായ കെല്‍ട്രോണ്‍ നടത്തിവരുന്ന ഡിപ്ലോമ ഇന്‍ മോണ്ടിസോറി ടീച്ചര്‍ ട്രെയിനിങ് കോഴ്‌സിന്റെ ഫ്രീ ഓണ്‍ലൈന്‍ വര്‍ക്ക്ഷോപ്പ് 2025 ജൂണ്‍ 26, 27 തീയതികളില്‍ വൈകുന്നേരം ഏഴു മുതല്‍ എട്ടു വരെ നടക്കും.  പങ്കെടുക്കാന്‍ ആഗ്രഹിക്കുന്നവര്‍ മുന്‍കൂട്ടി രജിസ്റ്റര്‍ ചെയ്യണം.
ഫോൺ: 9072592412, 9072592416.

ദേശീയാരോഗ്യദൗത്യം മലപ്പുറം വിവിധ തസ്തികയിലേക്ക് ഓണ്‍ലൈനായി അപേക്ഷ ക്ഷണിച്ചു. ഡെവലപ്പ്‌മെന്റ് തെറാപ്പിസ്റ്റ് (അനുയാത്ര), സ്‌പെഷലിസ്റ്റ് ഡോക്ടര്‍ (ജെറിയാട്രിക് കെയര്‍ ),അര്‍ബന്‍ പോളിക്ലിനിക്കിലേക്ക് സ്‌പെഷ്യലിസ്റ്റ് ഡോക്ടര്‍ (ഡെര്‍മെറ്റോളജിസ്റ്റ്), സ്‌പെഷ്യലിസ്റ്റ് ഡോക്ടര്‍(ഒഫ്താൽമോളജി), സൈക്കോളജിസ്റ്റ്, അര്‍ബന്‍ ജെപിഎച്ച്എന്‍, പാലിയേറ്റീവ് കെയര്‍സ്റ്റാഫ് നഴ്‌സ്, ആര്‍ബിഎസ്‌കെ നേഴ്‌സ്, എം.എല്‍.എസ്.പി തസ്തികയിലേക്കുമാണ് അപേക്ഷ ക്ഷണിച്ചത്.

മഞ്ചേരി ഗവ പോളിടെക്നിക് കോളേജിലെ മെക്കാനിക്കൽ എൻജിനീയറിങ് ബ്രാഞ്ചിൽ ദിവസ വേതന അടിസ്ഥാനത്തിൽ അധ്യാപക ഒഴിവ്. 60 ശതമാനം മാർക്കോട് കൂടി ഫസ്റ്റ് ക്ലാസ് ബിടെക് ബിരുദമുള്ളവർക്ക് അപേക്ഷിക്കാം. താത്പര്യമുള്ളവർ ജൂൺ 30ന് രാവിലെ 9:30ന് നടക്കുന്ന എഴുത്തു പരീക്ഷയ്ക്കും അഭിമുഖത്തിനും ഒറിജിനൽ സർട്ടിഫിക്കറ്റുകളും അതിന്റെ ഓരോ പകർപ്പുകളും സഹിതം ഹാജരാകണം. ഫോൺ: 0483-2763550

ജില്ലാ പോലീസ് കംപ്ലയിന്റ് അതോറിറ്റി സിറ്റിംഗ് ജൂലൈ ഏഴ് രാവിലെ 11 ന് കളക്ടറേറ്റ് മിനി കോണ്‍ഫറന്‍സ് ഹാളില്‍ ചേരും.

2006 ഏപ്രിൽ ഒന്നിന് ശേഷം നിർമ്മിച്ചതും 2020 ഏപ്രിൽ ഒന്നിന് ശേഷം ഭവന പുനരുദ്ധാരണത്തിനോ, ഭവന പൂർത്തീകരണത്തിനോ സർക്കാർ ധനസഹായം കൈപ്പറ്റാത്തതും, 2.50 ലക്ഷം രൂപയിൽ താഴെ വരുമാനം ഉള്ളവരുമായ പട്ടികവർഗ്ഗക്കാരിൽ നിന്നും അപേക്ഷ ക്ഷണിച്ചു.നിലവിലുള്ള വീടിന് വാതിലുകളും ജനലുകളും സ്ഥാപിക്കൽ, അടുക്കള നിർമ്മാണം, അടുക്കള നവീകരണം, അധികമായി റൂം നിർമ്മിക്കൽ, ടൈൽ പാകൽ, വയറിങ്, വൈദ്യുതി കണക്ഷൻ ലഭ്യമാക്കൽ, ഫാൻ, ലൈറ്റ് സ്ഥാപിക്കൽ, പ്ലംബിംഗ് പ്രവർത്തികൾ, ഭിത്തികൾ ബലപ്പെടുത്തൽ, വീടുകളുടെ ചുമർ തേച്ച് പെയിന്റ് ചെയ്യൽ, മേൽക്കൂര നവീകരണം, ടോപ്പ് പ്ലാസ്റ്ററിംഗ്, ശുചിത്വ ടോയ്ലറ്റ് നിർമ്മാണം എന്നീ പ്രവൃത്തികൾക്കാണ് ധനസഹായം ലഭ

കേരള സ്റ്റേറ്റ് സിവിൽ സർവീസ് അക്കാദമിയുടെ ഉപകേന്ദ്രമായി പൊന്നാനിയിൽ പ്രവർത്തിക്കുന്ന ഐ.സി.എസ്.ആറിൽ പ്രിലിംസ് കം മെയിൻസ് ഡെഗുലർ കോഴ്സിന് സീറ്റ് ഒഴിവുണ്ട്. ബിരുദധാരികളായ വിദ്യാർത്ഥികൾക്ക് അപേക്ഷിക്കാം. മുസ്ലിം/ ന്യൂനപക്ഷ വിദ്യാർത്ഥികൾക്ക് സംവരണ സീറ്റുകളിലും ഒഴിവുണ്ട്. ഫോൺ: 8848346005

പട്ടികജാതി വിഭാഗങ്ങളിലെ അഭ്യസ്തവിദ്യരായ യുവജനങ്ങള്‍ക്ക് വിദ്യാഭ്യാസ യോഗ്യതയ്ക്ക് അനുസരിച്ചുള്ള ജോലി നേടാന്‍ ആവശ്യമായ പ്രവൃത്തി പരിചയം ലക്ഷ്യമാക്കി ജില്ലാ പട്ടികജാതി വികസന ഓഫീസ് മുഖേന ജില്ലാ പഞ്ചായത്ത് നടപ്പിലാക്കുന്ന ''അഭ്യസ്തവിദ്യരായ യുവജനങ്ങള്‍ക്ക് സര്‍ക്കാര്‍ സ്ഥാപനങ്ങളില്‍ പരിശീലനം''എന്ന പദ്ധതിയിലേക്ക് ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു. രണ്ട് വര്‍ഷത്തേക്ക് പ്രതിമാസ സ്റ്റൈപ്പന്റ് നല്‍കും. ബിഎസ്‌സി നഴ്സിംഗ്, ജനറല്‍ നഴ്സിംഗ്, എംഎല്‍ടി, ഫാര്‍മസി, റേഡിയോഗ്രാഫര്‍, ബി.ടെക് (സിവില്‍), പോളിടെക്നിക് (സിവില്‍), ഐടിഐ (സിവില്‍, സ്റ്റെനോഗ്രാഫി) എന്നീ യോഗ്യതയുള്ളവര്‍ക്ക് അപേക്ഷിക്കാം.

നാഷണല്‍ ആയുഷ് മിഷന്റെ നേതൃത്വത്തില്‍ 11- മത് അന്താരാഷ്ട്ര യോഗ ദിനം വി പിഎസ് വി ആയുര്‍വേദ കോളെജ് സെമിനാര്‍ ഹാളില്‍ ആചരിച്ചു. ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക ഉദ്ഘാടനം ചെയ്തു. ഹോമിയോ ഡിഎംഒ ഡോ. ഹെന്ന യാസ്മിൻ അധ്യക്ഷത വഹിച്ചു. ഡോ.വി. പ്രസീത യോഗ ദിന സന്ദേശം നല്‍കി. എഎച്ച്ഡബ്യുസി യോഗ ഇന്‍സ്ട്രക്ടേഴ്സ് യോഗ ഡാന്‍സ്, മാസ് സൂര്യനമസ്‌കാരം, എഎച്ച്ഡബ്യുസി വീഡിയോ പ്രസന്റേഷന്‍ എന്നിവ നടത്തി.

പട്ടികജാതി വിഭാഗത്തിൽ അതി ദുർബലരായി പരിഗണിക്കുന്ന 5 സമുദായങ്ങളായ അരുന്ധതിയാർ, ചക്കിലിയൻ, വേടൻ, നായാടി, കള്ളാടി വിഭാഗക്കാർക്ക് പ്രത്യേകം നടപ്പാക്കുന്ന 2025-26 വർഷത്തെ ദുർബല വിഭാഗ വികസന പദ്ധതിയുടെ ഭാഗമായി വിവിധ പദ്ധതികളിലേക്ക് അപേക്ഷ ക്ഷണിച്ചു. വകുപ്പ് നടപ്പിലാക്കുന്ന ഭൂമിവാങ്ങൽ, ഭവന നിർമ്മാണം എന്നീ പദ്ധതികളുടെ ലൈഫ് ലിസ്റ്റിൽ ഉൾപ്പെട്ടവർ, പഠനമുറി പദ്ധതിക്ക് അഞ്ചു മുതൽ പന്ത്രണ്ടാം ക്ലാസ് വരെ പഠിക്കുന്ന വിദ്യാർത്ഥികളുടെ രക്ഷിതാക്കൾ എന്നിവർക്ക് അപേക്ഷിക്കാം. പ്രായപരിധി 18-60 വരെ. വരുമാന പരിധി ഒരു ലക്ഷം രൂപ.

കേരള മോട്ടോര്‍ വാഹന വകുപ്പിന്റെ കീഴില്‍ ഡ്രൈവര്‍മാര്‍ക്ക് വിദഗ്ദ പരിശീലനം നല്‍കുന്ന എടപ്പാള്‍ ആസ്ഥാനമായുള്ള ഇന്‍സ്റ്റിറ്റ്യൂട്ട് ഓഫ് ഡ്രൈവര്‍ ട്രെയിനിംഗ് ആന്‍ഡ് റിസര്‍ച്ച് (IDTR)ല്‍ കൂടുതല്‍ അടിസ്ഥാന സൗകര്യങ്ങള്‍ ഒരുക്കുന്നതിന്റെ ഭാഗമായി കമ്പ്യൂട്ടര്‍ ലാബും പൊതുജനങ്ങള്‍ക്ക് എളുപ്പത്തില്‍ സേവനം ലഭ്യമാക്കുന്നതിനുള്ള കമ്പ്യൂട്ടര്‍ ആപ്ലിക്കേഷനും ജൂണ്‍ 27ന് രാവിലെ 11.30 ന് ഗതാഗത വകുപ്പ് മന്ത്രി കെബി ഗണേഷ് കുമാര്‍ ഉദ്ഘാടനം ചെയ്യും. ചടങ്ങില്‍ തവനൂര്‍ എംഎല്‍എ കെ.ടി. ജലീല്‍ അധ്യക്ഷത വഹിക്കും.