സംസ്ഥാന കായിക വകുപ്പിന്റെ ആഭിമുഖ്യത്തിൽ കായിക വകുപ്പ് മന്ത്രി വി. അബ്ദുറഹിമാന്‍ നയിക്കുന്ന 'കിക്ക് ഡ്രഗ്സ് സേ യെസ് റ്റു സ്പോര്‍ട്സ് ' ലഹരി വിരുദ്ധ സന്ദേശ യാത്രയുടെ സംസ്ഥാനതല സമാപന പരിപാടി നാളെ (ജൂണ്‍ 26) വൈകീട്ട് മൂന്നിന് തിരൂര്‍ ഗവ. ബോയ്സ് ഹയര്‍ സെക്കന്‍ഡറി സ്‌കൂള്‍ മൈതാനിയില്‍ നടക്കും. മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സന്ദേശ യാത്രയുടെ  ജില്ലയിലെ ആദ്യ സ്വീകരണം രാവിലെ ഏഴിന് പെരിന്തല്‍മണ്ണ ടൗണ്‍ സ്‌ക്വയറിൽ നടക്കും. സ്വീകരണത്തിന് മുന്നോടിയായി രാവിലെ ആറിന് ആയിരങ്ങള്‍ പങ്കെടുക്കുന്ന മാരത്തോണും, ഏഴിന് വാക്കത്തോണും സംഘടിപ്പിക്കും.മാരത്തോണിനും വാക്കത്തോണിനും രജിസ്‌ട്രേഷന്‍ സൗജന്യമാണ്.

പി. ഉബൈദുള്ള എം.എൽ.എ യുടെ ആസ്തി വികസന ഫണ്ടിൽ നവീകരിച്ച മലപ്പുറം കെഎസ്ആര്‍ടിസി ബസ് ടെര്‍മിനല്‍ കം ഷോപ്പിംഗ് കോപ്ലക്‌സിന്റെ  ഉദ്ഘാടനം ജൂൺ 27 ന് വൈകിട്ട് നാലിന് കെഎസ്ആര്‍ടിസി ബസ് സ്റ്റേഷനില്‍ വച്ച് ഗതാഗത വകുപ്പ് മന്ത്രി കെ.ബി ഗണേഷ് കുമാര്‍ നിര്‍വഹിക്കും. മലപ്പുറം എംഎല്‍എ പി. ഉബൈദുള്ള  അധ്യക്ഷത വഹിക്കും. ഇ ടി മുഹമ്മദ് ബഷീര്‍ എം പി മുഖ്യാതിഥിയാകും. ജില്ലാ കലക്ടര്‍ വി ആര്‍ വിനോദ്, മുന്‍സിപ്പാലിറ്റി ചെയര്‍മാന്‍ മുജീബ് കാടേരി, രാഷ്ട്രീയ പാർട്ടി പ്രതിനിധികൾ, തൊഴിലാളി സംഘടനാ നേതാക്കൾ തുടങ്ങിയവർ ചടങ്ങില്‍ പങ്കെടുക്കും.

ജില്ലാ മത്സ്യ കര്‍ഷക ഏജന്‍സിയുടെ കീഴില്‍ പ്രവര്‍ത്തിക്കുന്ന പൂക്കോട് ശുദ്ധ ജല അക്വാറിയത്തിലേക്ക് ദിവസ വേതനടിസ്ഥാനത്തില്‍ അക്വാറിയം കീപ്പര്‍ നിയമനം നടത്തുന്നു. 18 നും 40 നും മദ്ധ്യേ പ്രായമുള്ള, എസ്എസ്എല്‍സി യോഗ്യതയുള്ള പട്ടികവര്‍ഗ്ഗ യുവതീ-യുവാക്കള്‍ക്ക് അപേക്ഷിക്കാം. വൈത്തിരി, പൊഴുതന  ഗ്രാമപഞ്ചായത്തുകളിലെ സ്ഥിരതാമസക്കാര്‍ക്ക് മുന്‍ഗണന. യോഗ്യത, ജാതി, വയസ്സ്, പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസലുമായി ജൂലൈ രണ്ട് ഉച്ച രണ്ടിന് ജില്ലാ പഞ്ചായത്ത് പ്രസിഡണ്ടിന്റെ ചേമ്പറില്‍ നടക്കുന്ന വാക് ഇന്‍ ഇന്റര്‍വ്യൂവില്‍ പങ്കെടുക്കണം. ഫോണ്‍: 9495209148.

സംസ്ഥാന പട്ടികജാതി പട്ടിക ഗോത്രവർഗ കമ്മീഷന്റെ തിരുവനന്തപുരം ജില്ലാ അദാലത്ത് സമാപിച്ചു. മൂന്ന് ദിവസങ്ങളിലായി നടന്ന അദാലത്തിൽ 177 പരാതികൾ തീർപ്പാക്കിയതായി കമ്മീഷൻ ചെയർമാൻ ശേഖരൻ മിനിയോടൻ അറിയിച്ചു. 221  പരാതികളാണ്  കമ്മീഷൻ പരിഗണിച്ചത്.അദാലത്തിന്റെ അവസാന ദിനത്തിൽ 57 പരാതികളാണ് പരിഹരിച്ചത്.
69 പരാതികളാണ് പരിഗണിച്ചത്.

 വിവിധ വിഷയങ്ങളിൽ കമ്മീഷൻ മുൻപാകെ സമർപ്പിച്ചതും, വിചാരണയിൽ ഇരിക്കുന്നതുമായ കേസുകളിലെ പരാതികളാണ് അദാലത്തിൽ തീർപ്പാക്കിയത്.

ലഹരി വ്യാപാരവുമായി ബന്ധപ്പെട്ട വിവരങ്ങൾ നൽകുന്ന വ്യക്തികളുടെ സ്വകാര്യത പൂർണമായും ഉറപ്പുവരുത്തുമെന്നും ഏതെങ്കിലും തരത്തിൽ അത്തരം സ്വകാര്യതകൾ ലംഘിച്ചാൽ ആ ഉദ്യോഗസ്ഥർ സർവീസിൽ തുടരില്ലെന്നും മുഖ്യമന്ത്രി പിണറായി വിജയൻ.
അന്താരാഷ്ട്ര മയക്കുമരുന്ന് വിരുദ്ധ ദിനാചരണത്തിന്റെ സംസ്ഥാനതല ഉദ്ഘാടനവും നോ ടു ഡ്രഗ്സ് അഞ്ചാംഘട്ടത്തിനു തുടക്കവും  നിർവഹിച്ചു സംസാരിക്കുകയായിരുന്നു അദ്ദേഹം.

 ഉല്‍പ്പന്നങ്ങളും സേവനങ്ങളും വേഗത്തില്‍ ലഭ്യമാക്കുന്നതിന് കുടുംബശ്രീ യുടെ മൊബൈല്‍ ആപ്പായ പോക്കറ്റ് മാര്‍ട്ട് നവീകരിച്ചു. കുടുംബശ്രീ സംരംങ്ങളിലൂടെ ലഭ്യമാകുന്ന സേവനങ്ങളും, ഉല്‍പ്പന്നങ്ങളും ഓണ്‍ലൈനിലുടെ ഉപഭോക്താക്കളിലേക്ക് എത്തിക്കുന്നതിന്റെ ഭാഗമായാണ് ആപ്പ് നവീകരിച്ചത്.

വിജ്ഞാന കേരളം പദ്ധതിയുടെ ഭാഗമായി നടപ്പാക്കുന്ന ജോബ് സ്റ്റേഷന്റെ പ്രവര്‍ത്തനം ചെര്‍പ്പുളശ്ശേരി നഗരസഭയില്‍ ആരംഭിച്ചു. അഭ്യസ്തവിദ്യരായ തൊഴിലന്വേഷകര്‍ക്ക് തൊഴില്‍ നല്‍കുകയാണ് പദ്ധതിയുടെ ലക്ഷ്യം.

ജോബ്‌സ്റ്റേഷന്റെ ഉദ്ഘാടനം  പി മമ്മിക്കുട്ടി എംഎല്‍എ നിര്‍വഹിച്ചു. ചെര്‍പ്പുളശ്ശേരി ഇ എം എസ് സ്മാരക ടൗണ്‍ഹാളിന്‍ നടന്ന പരിപാടിയില്‍ നഗരസഭ ചെയര്‍മാന്‍ പി രാമചന്ദ്രന്‍ അധ്യക്ഷനായി. സ്ഥിരം സമിതി അധ്യക്ഷരായ കെ സാദിഖ് ഹുസൈന്‍, കെ മിനി ടീച്ചര്‍, കെ ടി പ്രമീള , വി പി സെമീജ്, നഗരസഭാ സെക്രട്ടറി വി ടി പ്രിയ തുടങ്ങിയവര്‍ സംസാരിച്ചു.

#സംസ്ഥാനതല ഉദ്ഘാടനം മന്ത്രി ആർ. ബിന്ദു നിർവ്വഹിച്ചു#

ലഹരിവിരുദ്ധ  ബോധവത്കരണത്തിന്റെ  ഭാഗമായി  ഉന്നതവിദ്യാഭ്യാസ  വകുപ്പിന്റെ  ആഭിമുഖ്യത്തിൽ  സംഘടിപ്പിച്ച "ബോധ പൂർണ്ണിമ" - ലഹരി ഉപയോഗത്തിനെതിരായ കർമ്മപദ്ധതി -  സംസ്ഥാനതല ഉദ്ഘാടനം ഉന്നതവിദ്യാഭ്യാസ-സാമൂഹ്യനീതി വകുപ്പ് മന്ത്രി ഡോ. ആർ.ബിന്ദു നിർവ്വഹിച്ചു.

തലപ്പുഴ ഗവ. എന്‍ജിനിയറിങ് കോളജില്‍ കമ്പ്യൂട്ടര്‍ സയന്‍സ് എന്‍ജിനിയറിങ് വിഭാഗത്തില്‍ ഇന്‍സ്ട്രക്റ്റര്‍ ഗ്രേഡ് രണ്ട് തസ്തികയിലേക്ക് താല്‍ക്കാലിക നിയമനം നടത്തുന്നു. ബന്ധപ്പെട്ട ട്രേഡില്‍ മൂന്ന് വര്‍ഷത്തെ ഡിപ്ലോമ/ ഉയര്‍ന്ന യോഗ്യതയുള്ളവര്‍ക്ക് അപേക്ഷിക്കാം. പ്രവര്‍ത്തി പരിചയം അഭികാമ്യം. പിഎസ്സി അനുശാസിക്കുന്ന പ്രായപരിധിയിലുള്ള ഉദ്യോഗാര്‍ത്ഥികള്‍ യോഗ്യത സര്‍ട്ടിഫിക്കറ്റിന്റെ അസ്സലുമായി ജൂലൈ നാല് രാവിലെ 10 ന് കോളജ് ഓഫീസില്‍ എത്തണം. ഫോണ്‍: 04935 271261.

ജില്ലയില്‍ വൈദ്യുതി അപകടങ്ങള്‍ വര്‍ധിക്കുന്ന സാഹചര്യത്തില്‍ സുരക്ഷ ഉറപ്പാക്കുന്നതുമായി ബന്ധപ്പെട്ട് വൈദ്യുതി ഉപയോഗിക്കുമ്പോള്‍ ശ്രദ്ധിക്കേണ്ട കാര്യങ്ങളും നിയമപരമായ വ്യവസ്ഥകളും വാരാചരണ ഉദ്ഘാടനത്തിന്റെ ഭാഗമായി നടന്ന ബോധവത്കരണ ക്ലാസില്‍ വിശദീകരിച്ചു. 'വൈദ്യുതി സുരക്ഷ എങ്ങനെ ഉറപ്പുവരുത്താം' എന്ന വിഷയത്തില്‍ അസിസ്റ്റന്റ് ഇലക്ട്രിക്കല്‍ എഞ്ചിനീയര്‍മാരായ ആര്‍. ആതിരയും ആര്‍. രാഹുലും ക്ലാസുകള്‍ക്ക് നേതൃത്വം നല്‍കി.