കുറ്റൂര്‍  ഗ്രാമപഞ്ചായത്ത് പരിധിയിലുളള സ്വകാര്യ വ്യക്തികളുടെ സ്ഥലത്ത് അപകടകരമായി നില്‍ക്കുന്ന മരങ്ങള്‍ കാലവര്‍ഷകെടുതിയില്‍ മറിഞ്ഞ് വീണ്  വ്യക്തികളുടെ ജീവനോ സ്വത്തിനോ അപകടം സംഭവിക്കാതിരിക്കാന്‍  ഉടമസ്ഥര്‍ മുന്‍കൂട്ടി സ്വന്തം ചെലവിലും ഉത്തരവാദിത്വത്തിലും മരങ്ങള്‍ മുറിച്ച് അപകട സാധ്യത ഒഴിവാക്കണം.  ഇഴജന്തുക്കള്‍, പാമ്പുകള്‍, മറ്റ് മൃഗങ്ങളുടെ ശല്യം ഉണ്ടാകാത്ത വിധത്തില്‍ കാടുപിടിച്ച് കിടക്കുന്ന പറമ്പുകള്‍ വൃത്തിയായി സൂക്ഷിക്കണം.  അല്ലെങ്കില്‍ ഉണ്ടാകുന്ന സകല നഷ്ടങ്ങള്‍ക്കും  സ്ഥല ഉടമസ്ഥര്‍ മാത്രമായിരിക്കും ഉത്തരവാദിയെന്ന് സെക്രട്ടറി അറിയിച്ചു.

കാലവര്‍ഷത്തിന്റെ മുന്നോടിയായി അപകടസാധ്യത ഒഴിവാക്കുന്നതിന് സ്വകാര്യ വ്യക്തികളുടെയും സ്ഥാപനങ്ങളുടെയും ഉടമസ്ഥതയിലുള്ള അപകടകരമായ മരങ്ങളും മരച്ചില്ലകളും അടിയന്തരമായി മുറിച്ചു മാറ്റാനുള്ള നടപടി തദ്ദേശസ്വയംഭരണസ്ഥാപനങ്ങള്‍ സ്വീകരിക്കണമെന്ന് ജില്ല കലക്ടര്‍ നിര്‍ദേശിച്ചു. മരങ്ങള്‍ മുറിച്ചുമാറ്റിയില്ലെങ്കില്‍ തുടര്‍ നാശനഷ്ടങ്ങള്‍ക്ക് മരം നില്‍ക്കുന്ന ഭൂമിയുടെ ഉടമസ്ഥരായിരിക്കും ഉത്തരവാദികളെന്ന് ജില്ല കലക്ടര്‍ അറിയിച്ചു.  
 

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡി വിഷന്‍ നടത്തുന്ന തൊഴില്‍ അധിഷ്ഠിത സ്‌കില്‍ ഡിപ്ലോമ ഇന്‍ ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് കോഴ്‌സിലേക്ക്  അപേക്ഷിക്കാം.
യോഗ്യത പ്ലസ് ടു. ഫോണ്‍ : 7994449314
 

കേരള മീഡിയ അക്കാദമിയുടെ ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്‍ നടത്തുന്ന  ജേര്‍ണലിസം ആന്റ് കമ്യൂണിക്കേഷന്‍, ടെലിവിഷന്‍ ജേര്‍ണലിസം, പബ്ലിക് റിലേഷന്‍സ് ആന്‍ഡ് അഡ്വെര്‍ടൈസിങ്ങ് ബിരുദാനന്തര ബിരുദ ഡിപ്ലോമ കോഴ്സുകള്‍ക്ക് ഓണ്‍ലൈനായി അപേക്ഷിക്കാനുള്ള തീയതി മെയ് 27 വരെ നീട്ടി. പൊതുപ്രവേശന പരീക്ഷ ജൂണ്‍ ഒന്നിന് ഓണ്‍ലൈനായി നടക്കും.
ഏതെങ്കിലും വിഷയത്തില്‍ ബിരുദമാണ് യോഗ്യത. അവസാനവര്‍ഷ ബിരുദ പരീക്ഷ എഴുതുന്നവര്‍ക്കും പരീക്ഷയെഴുതി ഫലം കാത്തിരിക്കുന്നവര്‍ക്കും അപേക്ഷിക്കാം. പട്ടികജാതി, പട്ടികവര്‍ഗ, ഒ.ഇ.സി. വിഭാഗക്കാര്‍ക്ക് ഫീസ് ഇളവുണ്ട്.  അഭിരുചി പരീക്ഷയുടെയും അഭിമുഖത്തിന്റെയും

വടശ്ശേരിക്കര ഗ്രാമപഞ്ചായത്ത് കുടുംബാരോഗ്യ കേന്ദ്രത്തില്‍ ആംബുലന്‍സ് ഡ്രൈവറെ നിയമിക്കുന്ന അഭിമുഖം മെയ് 26 രാവിലെ 11 ന് ഗ്രാമപഞ്ചായത്ത് ഓഫീസില്‍ നടക്കും. പ്രായ പരിധി 30 - 50.
യോഗ്യത  എസ്.എസ്.എല്‍.സി. പ്രവൃത്തി പരിചയം - മൂന്ന് വര്‍ഷം. ഉദ്യോഗാര്‍ഥിക്ക് ഹെവി ലൈസന്‍സ്, ബാഡ്ജ്, പോലീസ് ക്ലിയറന്‍സ് സര്‍ട്ടിഫിക്കറ്റ് എന്നിവ ഉണ്ടാകണം. ബയോ ഡേറ്റയും അസ്സല്‍ രേഖകളുമായി അഭിമുഖത്തിന് ഹാജരാകണം. ഫോണ്‍: 04735 252029

തൊഴില്‍ വകുപ്പിന് കീഴില്‍ കൊല്ലം ചവറയില്‍ പ്രവര്‍ത്തിക്കുന്ന ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനില്‍ സൗജന്യ തൊഴില്‍ പരിശീലനം. എം ഇ പി സൂപ്പര്‍വൈസര്‍ -മെയിന്റനന്‍സ്, റോഡ്വെ സര്‍വേയര്‍, സോളാര്‍ ടെക്നീഷ്യന്‍, കോമീസ് ഷെഫ് എന്നിവയിലാണ് പരിശീലനം. പ്രായം 18. യോഗ്യത തെളിയിക്കുന്ന രേഖ, ആധാര്‍ കാര്‍ഡ് എന്നിവയുമായി അപേക്ഷകര്‍ മെയ് 30ന് മുമ്പ് കൊല്ലം ചവറയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനില്‍ നേരിട്ട് ഹാജരാകണം.  ജൂണ്‍ ഒന്നിന് പരിശീലനം ആരംഭിക്കും. ഫോണ്‍ : 8078980000 .

മല്ലപ്പള്ളി കെല്‍ട്രോണ്‍ സെന്ററില്‍ വിവിധ കോഴ്‌സുകളിലേക്ക് അപേക്ഷ ക്ഷണിച്ചു. പി.എസ്.സി നിയമനങ്ങള്‍ക്ക് യോഗ്യമായ പി ജി ഡി സി എ, ഡി സി എ, വേഡ് പ്രോസസ്സിംഗ് ആന്റ് ഡാറ്റ എന്‍ട്രി, കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ്, ഓഫീസ് ഓട്ടോമേഷന്‍ തുടങ്ങിയ കോഴ്സുകളിലേക്കും  തൊഴിലധിഷ്ഠിത കോഴ്സുകളായ ഓട്ടോകാഡ്, അഡ്വാന്‍സ്ഡ് ഗ്രാഫിക്സ് ഡിസൈന്‍ എന്നിവയിലേക്കും അപേക്ഷിക്കാം. ഫോണ്‍ : 0469 2961525, 8281905525

കോയിപ്രം ശിശുവികസന പദ്ധതി ഓഫീസിലേക്ക് കരാര്‍ വ്യവസ്ഥയില്‍ വാഹനം നല്‍കുന്നതിന് ദര്‍ഘാസ് ക്ഷണിച്ചു. അവസാനതീയതി മെയ് 28. ഫോണ്‍ : 9188959671.
 

മഴക്കാല മുന്നൊരുക്കവുമായി ബന്ധപ്പെട്ട് ജില്ല കലക്ടര്‍ എസ് പ്രേം കൃഷ്ണന്‍ വിവിധ വകുപ്പുകള്‍ക്ക്  മാര്‍ഗനിര്‍ദേശം നല്‍കി. സ്വകാര്യ ഭൂമിയിലെ അപകടകരമായ മരങ്ങള്‍ മുറിച്ചുമാറ്റുന്നതിന് തദ്ദേശസ്വയംഭരണ സ്ഥാപനങ്ങള്‍ നടപടി സ്വീകരിക്കണം. മരം മുറിക്കുന്നതുമായി ബന്ധപ്പെട്ട ഏതെങ്കിലും പരാതി തദ്ദേശസ്വയംഭരണ സ്ഥാപനങ്ങളില്‍ നിലവിലുണ്ടെങ്കില്‍ പഞ്ചായത്ത് രാജ് ആക്ട്  പ്രകാരം അടിയന്തരമായി നടപടി സ്വീകരിക്കണം. ഏതെങ്കിലും വകുപ്പുകളുടെ കൈവശമുള്ള ഭൂമിയില്‍ അപകടകരമായി നില്‍ക്കുന്ന മരങ്ങള്‍ മുറിച്ചുമാറ്റേണ്ടത് അതാത് വകുപ്പുകളുടെ ഉത്തരവാദിത്തമാണ് .

പത്തനംതിട്ട ജില്ല മേരാ യുവ ഭാരത് (നെഹ്റു യുവകേന്ദ്ര) ഓഫീസിന്റെ ആഭിമുഖ്യത്തില്‍ പ്രകൃതി ദുരന്തങ്ങളിലും മറ്റ് അടിയന്തര സാഹചര്യങ്ങളിലും പ്രവര്‍ത്തിക്കുന്നതിന് ടീമിനെ (യുവ ആപ്ദ മിത്ര) തയ്യാറാക്കുന്നതിന് അപേക്ഷ ക്ഷണിച്ചു. തിരഞ്ഞെടുക്കപ്പെടുന്നവര്‍ക്ക് ഒരാഴ്ചത്തെ സൗജന്യ പരിശീലനം ലഭിക്കും. പ്രായപരിധി 18-40. ആര്‍ട്‌സ് ആന്റ് സ്‌പോര്‍ട്‌സ് ക്ലബ് അംഗങ്ങള്‍, മേരാ യുവ ഭാരത്, എന്‍.വൈ.കെ.എസ്, എന്‍.എസ്.എസ്, എന്‍.സി.സി, റെഡ്ക്രോസ്, സന്നദ്ധസേന, ട്രോമ കെയര്‍ വിഭാഗങ്ങളിലുള്ളവര്‍ക്ക് പങ്കെടുക്കാം. മുന്‍ വോളണ്ടിയര്‍, സ്‌പോര്‍ട്‌സ് താരങ്ങള്‍ക്ക് മുന്‍ഗണന.