വാളാട് പ്രാഥമികാരോഗ്യ കേന്ദ്രത്തിന് കീഴില്‍ പ്രവര്‍ത്തിക്കുന്ന പെയിന്‍ ആന്‍ഡ് പാലിയേറ്റീവ് കമ്മ്യൂണിറ്റി നഴ്‌സ് തസ്തികയിലേക്ക് താത്ക്കാലിക നിയമനം നടത്തുന്നു. എ.എന്‍.എം/ജെ.പി.എച്ച്.എന്‍ അല്ലെങ്കില്‍ ജി.എന്‍.എം, ബി.എസ്.സി നഴ്‌സിങും ഗവ അംഗീകൃത സ്ഥാപനങ്ങളില്‍ നിന്നുള്ള ബി.സി.സി.പി.എ.എന്‍ / സി.സി.സി.പി.എ.എന്‍ കോഴ്‌സസാണ് യോഗ്യത.  താത്പര്യമുള്ളവര്‍ യോഗ്യതാ സര്‍ട്ടിഫിക്കറ്റിന്റെ അസലും പകര്‍പ്പുമായി മെയ് ഏഴിന് രാവിലെ 10.30 ന്  തവിഞ്ഞാല്‍ ഗ്രാമപഞ്ചായത്ത് ഓഫീസില്‍ നടക്കുന്ന കൂടിക്കാഴ്ചയില്‍ പങ്കെടുക്കണം. ഫോണ്‍- 04935 266586.

തരിയോട് ഗ്രാമപഞ്ചായത്തില്‍ കമ്മ്യൂണിറ്റി വനിതാ ഫെസിലിറ്റേറ്റര്‍ തസ്തികയിലേക്ക് കൂടിക്കാഴ്ച നടത്തുന്നു. വിമന്‍ സ്റ്റഡീസ്, ജെന്‍ഡര്‍ സ്റ്റഡീസ്, സോഷ്യല്‍ വര്‍ക്ക്, സൈക്കോളജി, സോഷ്യോളജി വിഷയങ്ങളില്‍ ബിരുദാനന്തര ബിരുദമുള്ളവര്‍ക്ക് കൂടിക്കാഴ്ചയില്‍ പങ്കെടുക്കാം. പഞ്ചായത്ത് പരിധിയിലുള്ളവര്‍ക്ക് മുന്‍ഗണന. താത്പര്യമുള്ളവര്‍ യോഗ്യതാ സര്‍ട്ടിഫിക്കറ്റിന്റെ അസല്‍, സ്വയം സാക്ഷ്യപ്പെടുത്തിയ പകര്‍പ്പുമായി മെയ് 11 ന് രാവിലെ 11 ന് ഗ്രാമപഞ്ചായത്ത് ഓഫീസില്‍ നടക്കുന്ന കൂടിക്കാഴ്ചയില്‍ പങ്കെടുക്കണം.  
 

ജില്ലാ സ്പോര്‍ട്സ് കൗണ്‍സിലിന്റെ ആഭിമുഖ്യത്തില്‍ മെയ് ഏഴിന് ജില്ലയില്‍ സംഘടിപ്പിക്കുന്ന ലഹരി വിരുദ്ധ ക്യാമ്പയിന് കായിക വകുപ്പ് മന്ത്രി വി. അബ്ദുറഹ്‌മാന്‍ നേതൃത്വം നല്‍കും. ക്യാമ്പയിനിന്റെ ഭാഗമായി മെയ് ഏഴിന് രാവിലെ ആറിന് പനമരത്ത് നിന്നും ആരംഭിക്കുന്ന  മാരത്തോണ്‍  മാനന്തവാടി വള്ളിയൂര്‍ക്കാവ് ജങ്ഷനില്‍ സമാപിക്കും. വള്ളിയൂര്‍ക്കാവ് ജങ്ഷൻ മുതൽ  മാനന്തവാടി ടൗണ്‍ വരെ മന്ത്രിയുടെ  നേതൃത്വത്തില്‍ വാക്കത്തോണ്‍ ലഹരി വിരുദ്ധ സന്ദേശയാത്ര നടക്കും. വൈകിട്ട് നാലിന് കല്‍പ്പറ്റ യെസ് ഭാരതിന് സമീപത്തു നിന്നും കല്‍പ്പറ്റ പുതിയ ബസ് സ്റ്റാന്റ് വരെയും വാക്കത്തോണ്‍ സംഘടിപ്പിക്കും.

പനമരം ഇലക്ട്രിക്കല്‍ സെക്ഷനിലെ മൂലക്കര, പായിമൂല ഭാഗങ്ങളില്‍ ഇന്ന് (മെയ് 3) രാവിലെ എട്ട് മുതല്‍ വൈകിട്ട് ആറ് വരെ പൂര്‍ണമായോ ഭാഗികമായോ വൈദ്യുതി വിതരണം തടസ്സപ്പെടുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

ജില്ലയില്‍ നിന്നും ഹജ്ജ് തീര്‍ത്ഥാടനത്തിന് പോകുന്നവര്‍ക്കുള്ള വാക്സിനേഷന്‍ വയനാട് ഗവ മെഡിക്കല്‍ കോളേജ് ആശുപത്രിയിലെ സ്‌കില്‍ ലാബില്‍ ഇന്ന് (മെയ് 3) രാവിലെ 8.30 ന് പട്ടികജാതി-പട്ടികവര്‍ഗ്ഗ-പിന്നാക്കക്ഷേമ വകുപ്പ് മന്ത്രി ഒ.ആര്‍ കേളു നിര്‍വ്വഹിക്കും. ഗുണഭോക്താക്കള്‍ രേഖകളുമായെത്തി വാക്സിനേഷന്‍ പൂര്‍ത്തീകരിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ ടി. മോഹന്‍ദാസ് അറിയിച്ചു.

ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായി മൃഗസംരക്ഷണ വകുപ്പിന്റെ നേതൃത്വത്തില്‍ കുളമ്പുരോഗ പ്രതിരോധ കുത്തിവെപ്പിന് ജില്ലയില്‍ തുടക്കമായി. മുട്ടില്‍ വെറ്ററിനറി ഡിസ്പെന്‍സറിയില്‍

വാഹന പരിശോധനയിൽ പെർമിറ്റിൽ അനുവദിച്ച സ്ഥലം മാറി പാർക്ക് ചെയ്ത മൂന്ന് ഓട്ടോറിക്ഷകളും നികുതി, ഫിറ്റ്നസ്, പെർമിറ്റ് ഇല്ലാതെ സർവീസ് നടത്തിയ രണ്ട് ഓട്ടോറിക്ഷകളും അനധികൃത ലൈറ്റ് ഘടിപ്പിച്ച ഒരു ഓട്ടോറിക്ഷയും കണ്ടെത്തി 13,500 രൂപ പിഴ ചുമത്തി. നഗരത്തിൽ കാൽനട യാത്രക്കാർക്കും മറ്റ് വാഹന ഉപയോക്താക്കൾക്കും ബുദ്ധിമുട്ടാകുന്ന തരത്തിൽ പാർക്ക് ചെയ്ത വാഹനങ്ങൾക്കെതിരെയും നടപടി സ്വീകരിച്ചു. നഗരപരിധിയിലെ ഓട്ടോറിക്ഷകളുടെയും മറ്റ് വാഹനങ്ങളുടെയും അനധികൃത പാർക്കിംഗ്, സർവീസ് എന്നിവ സംബന്ധിച്ച് വ്യാപകമായി പരാതി ഉയർന്ന സാഹചര്യത്തിൽ തുടർ ദിവസങ്ങളിലും വാഹന പരിശോധന ശക്തമാക്കുഒ.