കേരള സംസ്ഥാന ഭവന നിര്‍മ്മാണ ബോര്‍ഡ് തൃശ്ശൂര്‍ ഡിവിഷന്റെ കീഴിലുള്ള പുല്ലഴി, ചാലക്കുടി ഹോസ്റ്റലുകളിലേക്ക് വിവിധ തസ്തികകളില്‍ താല്‍ക്കാലിക നിയമനം നടത്തുന്നു. പുല്ലഴി ഹോസ്റ്റലില്‍ വാര്‍ഡന്‍, വാച്ച്മാന്‍ (പുരുഷന്‍മാര്‍), പുല്ലഴി, ചാലക്കുടി ഹോസ്റ്റലുകളില്‍ സ്വീപ്പര്‍ തസ്തികയിലുമാണ് ഒഴിവുള്ളത്. ജൂലൈ 27 നകം അപേക്ഷ ലഭിക്കണം. വിശദാംശങ്ങള്‍ക്കായി കേരള സംസ്ഥാന ഭവന നിര്‍മ്മാണ ബോര്‍ഡ് തൃശ്ശൂര്‍ ഡിവിഷന്‍, അയ്യന്തോള്‍, തൃശ്ശൂര്‍ - 680003 എന്ന വിലാസത്തില്‍ ബന്ധപ്പെടുക. ഇ-മെയില്‍: eetsr@kshb.in ഫോണ്‍: 0487 2360849.

ഒഴിവാക്കല്‍ മാനദണ്ഡങ്ങളില്‍ ഉള്‍പ്പെട്ടുവരാത്ത കുടുംബങ്ങളുടെ പൊതുവിഭാഗം റേഷന്‍ കാര്‍ഡുകള്‍ മുന്‍ഗണനാ വിഭാഗത്തിലേക്ക് (പിഎച്ച്എച്ച് - പിങ്ക്) തരം മാറ്റുന്നതിന് അക്ഷയ/ ജനസേവന കേന്ദ്രം മുഖേന ജൂലൈ 17 വരെ ഓണ്‍ലൈനായി അപേക്ഷ സമര്‍പ്പിക്കാം.

 
ഭക്ഷ്യ കമ്മീഷന്‍ അംഗം വി. രമേശന്റെ നേതൃത്വത്തില്‍ ഐസിഡിഎസ് ചാവക്കാട് അഡീഷണല്‍ പ്രോജക്ടിലെ അങ്കണവാടി വര്‍ക്കര്‍മാര്‍ക്കും ഐസിഡിഎസ് ചൊവ്വന്നൂര്‍ അഡീഷണല്‍ പ്രോജക്ടിലെ അങ്കണവാടി വര്‍ക്കര്‍മാര്‍ക്കും 2013 ലെ ദേശീയ ഭക്ഷ്യ ഭദ്രത നിയമം സംബന്ധിച്ച് ബോധവത്ക്കരണ ക്ലാസ് സംഘടിപ്പിച്ചു.

ചെറുകിട ഇടത്തരം മേഖലയിലെ പരമാവധി സംരഭങ്ങളെ കയറ്റുമതി വാണിജ്യ മേഖലയില്‍ പങ്കാളികളാക്കുക എന്ന ലക്ഷ്യത്തോടെ ഡയറക്ടര്‍ ജനറല്‍ ഓഫ് ഫോറിന്‍ ട്രേഡിന്റെയും ജില്ലാ വ്യവസായ കേന്ദ്രത്തിന്റെയും ആഭിമുഖ്യത്തില്‍ ജൂലൈ 16 ന് രാവിലെ 9.30 മുതല്‍ കട്ടപ്പന ലയണ്‍സ് ക്ലബ്ബ് ഹാളില്‍ കയറ്റുമതി പ്രോത്സാഹന പദ്ധതിയുമായി ബന്ധപ്പെട്ട് ശില്‍പശാല സംഘടിപ്പിക്കും. ജില്ലാ കളക്ടര്‍ ഡോ. ദിനേശന്‍ ചെറുവാട്ട് ശില്‍പശാല ഉദ്ഘാടനം ചെയ്യും.  

കേരള ലോകായുക്ത 2026 ജൂലൈ മാസം തൃശ്ശൂര്‍, മൂവാറ്റുപുഴ, കോട്ടയം എന്നിവിടങ്ങളില്‍ ക്യാമ്പ് സിറ്റിംഗ് നടത്തും. ജൂലൈ 21, 22 ദിവസങ്ങളില്‍ രാവിലെ 10.30 ന് തൃശ്ശൂര്‍ കോണ്‍ഫറന്‍സ് ഹാള്‍, ഗവണ്‍മെന്റ് ഗസ്റ്റ് ഹൗസ് എന്നിവിടങ്ങളിലാണ് സിറ്റിംഗ്.

ജൂലൈ 23 രാവിലെ 10.30 ന് മൂവാറ്റുപുഴ കോണ്‍ഫറന്‍സ് ഹാള്‍, വൈ.എം.സി.എ മൂവാറ്റുപുഴ എന്നിവിടങ്ങളില്‍ സിറ്റിംഗ് നടക്കും. ജൂലൈ 24 രാവിലെ 10.30 ന് കോട്ടയം മിനി കോണ്‍ഫറന്‍സ് ഹാള്‍, പി.ഡബ്യൂ റെസ്റ്റ് ഹൗസ് കോട്ടയം എന്നിവിങ്ങളിലും സിറ്റിംഗ് നടക്കും. ഈ ദിവസങ്ങളില്‍ നിശ്ചിത ഫോറത്തിലുളള പുതിയ പരാതികള്‍ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍: 0471 2300362

നെടുങ്കണ്ടം താലൂക്ക് ആശുപത്രിയിലേക്ക് 2026-27 വര്‍ഷത്തേക്കുളള എക്സ്റേ ഫിലിം സപ്ലെ, യു.എസ്.ജി സ്‌കാന്‍ എന്നീ ആവശ്യങ്ങള്‍ക്കായുളള ടെന്‍ഡറുകള്‍ ക്ഷണിച്ചു. ടെന്‍ഡര്‍ ഫോറം വില്‍പ്പന ജൂലൈ 15 മുതല്‍ 29 വരെയാണ്. ജൂലൈ 30 രാവിലെ 10.30 വരെ ടെന്‍ഡറുകള്‍ സ്വീകരിക്കും. അന്നേദിവസം രാവിലെ 11.30 ന് ടെന്‍ഡറുകള്‍ തുറക്കും. കൂടുതല്‍ വിവരങ്ങള്‍ക്ക് ഫോണ്‍: 04868 232650

ഇടുക്കി ജില്ലയില്‍ മൃഗസംരക്ഷണ വകുപ്പിന്റെ തൊടുപുഴ ബ്ലോക്കിലെ രാത്രികാല അടിയന്തിര മൃഗചികിത്സാ സേവനത്തിന് വെറ്ററിനറി ഡോക്ടറെ 89 ദിവസത്തേക്ക് കരാര്‍ അടിസ്ഥാനത്തില്‍ നിയമിക്കുന്നു.

നിയമവും നയങ്ങളും നടപ്പാക്കുന്ന ഉദ്യോഗസ്ഥര്‍ സ്വന്തം ഉത്തരവാദിത്വം കൃത്യമായി നിറവേറ്റിയാല്‍ വിവരാവകാശ നിയമം തന്നെ ആവശ്യമില്ലെന്ന് ഗവ. ചീഫ് വിപ്പ് അപു ജോണ്‍ ജോസഫ്. സംസ്ഥാന വിവരാവകാശ കമ്മീഷന്‍ തൊടുപുഴ, പീരുമേട്, ഉടുമ്പന്‍ചോല, ദേവികുളം നിയോജകമണ്ഡലങ്ങളിലെ ഉദ്യോഗസ്ഥര്‍ക്കായി സംഘടിപ്പിച്ച സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.  

*പിരിച്ചുവിടപ്പെട്ട ജീവനക്കാരിൽ പരമാവധി ആളുകൾക്ക് മറ്റ് ഐ ടി കമ്പനികളിൽ പുനർനിയമനം ഉറപ്പാക്കാൻ ആവശ്യമായ നടപടികൾ സ്വീകരിക്കുമെന്ന് ജിടെക് അറിയിച്ചതായി മന്ത്രി പി കെ കുഞ്ഞാലിക്കുട്ടി

കേരള കർഷക തൊഴിലാളി ക്ഷേമനിധി ബോർഡിന്റെ പത്തനംതിട്ട, കോട്ടയം ജില്ലാ എക്സിക്യൂട്ടീവ് ഓഫീസുകളിൽ ജില്ലാ എക്‌സിക്യൂട്ടീവ് ഓഫീസർ തസ്തികകളിലെ ഒഴിവുകളിലേയ്ക്ക് ഡെപ്യൂട്ടേഷൻ വ്യവസ്ഥയിൽ അപേക്ഷ ക്ഷണിച്ചു.