അനസ്തേഷ്യ നൽകിയതിന് പിന്നാലെ ഗുരുതരാവസ്ഥയിലായി മരണപ്പെട്ട പയ്യന്നൂർ എരമത്തെ ഒന്നര വയസ്സുകാരൻ ദേവാൻഷ് ശൗര്യയുടെ വീട്ടിൽ സംസ്ഥാന ബാലാവകാശ സംരക്ഷണ കമ്മീഷൻ ചെയർപേഴ്‌സണും അംഗങ്ങളും  സന്ദർശനം നടത്തി. 

കുട്ടിയുടെ പിതാവ് സൂരജ്, മാതാവ്  വിജിഷ, കുടുംബാംഗങ്ങൾ എന്നിവരോട്  കമ്മീഷൻ ചെയർപേഴ്‌സൺ കെ.വി മനോജ് കുമാറും അംഗങ്ങളും സംസാരിച്ചു. 

അന്വേഷണ ഉദ്യോഗസ്ഥനുമായുള്ള  യോഗം മൂന്നു ദിവസത്തിനുള്ളിൽ ഓൺലൈനായി നടത്തുമെന്നും  അതിൻ്റെ അടിസ്ഥാനത്തിൽ സ്വീകരിക്കേണ്ട നടപടികൾ കമ്മീഷൻ ചർച്ച ചെയ്യുമെന്നും ചെയർപേഴ്സൺ മാധ്യമപ്രവർത്തകരോട് പറഞ്ഞു. 

ലഹരിയ്ക്കെതിരേയുള്ള പോരാട്ടത്തിനായി സംസ്ഥാന സർക്കാർ ആരംഭിച്ച ഓപ്പറേഷൻ തൂഫാൻ ദി നാർക്കോ ഹണ്ട് 42 ദിവസം കൊണ്ട് ജനങ്ങൾ ഏറ്റെടുത്ത ഏറ്റവും വലിയ പദ്ധതിയായി  മാറിയെന്ന് ആഭ്യന്തര വകുപ്പ് മന്ത്രി രമേശ് ചെന്നിത്തല.  ഓപ്പറേഷൻ തൂഫാന്റെ മധ്യതിരുവിതാംകൂർ മേഖലാ തല ഉദ്ഘാടനവും സ്വകാര്യസ്ഥാപനങ്ങളിൽ ലഹരിഉപയോഗത്തിനെതിരേയുള്ള നിലപാട് കർക്കശമാക്കുന്ന എച്ച്.ആർ. പോളിസി (ഓപ്പറേഷൻ തൂഫാൻ ഷീൽഡ് -പ്രിവൻഷൻ ഓഫ് ഡ്രഗ് അബ്യൂസ്) നടപ്പാക്കുന്നതിൻറെ ഉദ്ഘാടനവും കോട്ടയം കാരിത്താസ് ആശുപത്രിയിൽ നിർവഹിക്കുകയായിരുന്നു അദ്ദേഹം.കേരളത്തിലെ അമ്മമാരും സഹോദരിമാരുമാണ് ഓപ്പറേഷൻ തൂഫാന്റെ ഏറ്റവും വലിയ പ്രചാരകർ.

ഇന്ത്യൻ നഴ്സസ് അസോസിയേഷൻ (ഐ.എൻ.എ) നേതൃത്വത്തിൽ ജില്ലയിലെ സ്വകാര്യ ആശുപത്രികളിലെ ജീവനക്കാരുടെ വേതന വർധനവ് ഉൾപ്പെടെയുള്ള ആവശ്യങ്ങൾ ഉന്നയിച്ചു  രണ്ട് മാസമായി സ്വകാര്യ ആശുപത്രി നഴ്സുമാർ നടത്തിവന്ന സമരം ഒത്തുതീർന്നു. 

കണ്ണൂർ എംഎൽഎ ടി. ഒ മോഹനൻ, ജില്ലാ കലക്ടർ പി വിഷ്ണുരാജ് എന്നിവരുടെ സാന്നിധ്യത്തിൽ ചൊവ്വാഴ്ച വൈകിട്ട് ജില്ലാ കളക്ടറുടെ ചേംബറിൽ ചേർന്ന അനുരഞ്ജന ചർച്ചയെത്തുടർന്നാണ് തർക്കം പരിഹരിച്ചത്. 

ഒത്തുതീർപ്പ് കരാറിൽ കണ്ണൂരിലെ ധനലക്ഷ്മി ആശുപത്രി, സ്പെഷ്യാലിറ്റി ആശുപത്രി, കിംസ് ആശുപത്രി, ഫാത്തിമ ആശുപത്രി, ആശിർവാദ് ആശുപത്രി എന്നിവരുടെ പ്രതിനിധികൾ ഒപ്പുവെച്ചു.

 യോഗ ടീച്ചര്‍ ട്രെയിനിംഗില്‍ ഡിപ്ലോമ 

പൊതുവിദ്യാഭ്യാസ വകുപ്പിന് കീഴില്‍ കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) സംസ്ഥാനത്തെ വിദ്യാലയങ്ങളില്‍ നടപ്പാക്കുന്ന 'ലിറ്റില്‍ കൈറ്റ്‌സ്' ഐടി ക്ലബ്ബുകളുടെ 2026 ജില്ലാതല അവാര്‍ഡുകള്‍ പ്രഖ്യാപിച്ചു. സേക്രഡ് ഹാര്‍ട്ട് ഗേള്‍സ് ഹൈസ്‌കൂള്‍, തലശ്ശേരി ജില്ലാ തലത്തില്‍ ഒന്നാം സ്ഥാനം നേടി. തളിപ്പറമ്പ് മൂത്തേടത്ത് ഹൈസ്‌കൂള്‍, മൊകേരി രാജീവ് ഗാന്ധി മെമ്മോറിയല്‍ ഹയര്‍ സെക്കന്‍ഡറി സ്‌കൂള്‍ എന്നിവ യഥാക്രമം രണ്ടും മൂന്നും സ്ഥാനങ്ങള്‍ നേടി. 

-കണ്ണൂർ ജില്ലയിൽ 2234 പട്ടയങ്ങൾ വിതരണം ചെയ്യും

സംസ്ഥാന സർക്കാരിന്റെ ജൂലൈ ഒന്നിന് ആരംഭിച്ച നൂറുദിന കർമ്മ പരിപാടിയിൽ ഉൾപ്പെടുത്തി സംസ്ഥാനത്ത് ചുരുങ്ങിയത് 
25,000 പേരുടെയെങ്കിലും ഭൂമി തരംമാറ്റി നൽകാൻ സാധിക്കണമെന്ന് സംസ്ഥാന റവന്യു മന്ത്രി എ.പി അനിൽകുമാർ പറഞ്ഞു.

ആധാര്‍ സേവ കേന്ദ്രങ്ങളില്‍ മാനേജര്‍ തസ്തികയിലേക്ക് വിമുക്ത ഭടന്മാരെ നിയമിക്കുന്നതിന് അപേക്ഷ ക്ഷണിച്ചു. സായുധസേനകളില്‍ നിന്ന് വിരമിച്ച ബിരുദധാരികളായ, പേ ലെവല്‍ 6നും അതിന് മുകളിലുമുള്ള വിമുക്തഭടന്മാര്‍ക്ക് അപേക്ഷിക്കാം. പ്രായപരിധി 58 വയസ്.

കൂടുതല്‍ വിവരങ്ങള്‍ക്ക് 8800995460 എന്ന നമ്പറിലോ mridul.gupta@nisg.org എന്ന ഇമെയില്‍ വിലാസത്തിലോ ബന്ധപ്പെടണമെന്ന് ജില്ലാ സൈനിക ക്ഷേമ ഓഫീസര്‍ ഇന്‍ ചാര്‍ജ്ജ് അറിയിച്ചു.

കേരള പോലീസ് അക്കാദമിയിലെ പോലീസ് വകുപ്പിന്റെ 15 വര്‍ഷം പൂര്‍ത്തീകരിച്ച 3 വാഹനങ്ങള്‍ (സ്‌ക്രാപ്പ്) ജൂലൈ 15 ന് എംഎസ്ടിസി ലിമിറ്റഡിന്റെ ഓണ്‍ലൈന്‍ പോര്‍ട്ടലിലൂടെ പുനര്‍ ഇ-ലേലം ചെയ്യുന്നു. താല്‍പര്യമുള്ളവര്‍ക്ക് വെബ്‌സൈറ്റില്‍ ബയര്‍ ആയി രജിസ്റ്റര്‍ ചെയ്ത് ലേലത്തില്‍ പങ്കെടുക്കാം.

വിയ്യൂര്‍ സെന്‍ട്രല്‍ പ്രിസണ്‍ ആന്‍ഡ് കറക്ഷണല്‍ ഹോമിലെ ഫ്രീഡം ഭക്ഷ്യ നിര്‍മ്മാണ യൂണിറ്റിലേക്ക് ഫ്രഷ് ചിക്കന്‍ (വേസ്റ്റ് ഒഴിവാക്കി) ക്രഡിറ്റ് വ്യവസ്ഥയില്‍ വിതരണം ചെയ്യുന്നതിന് മുദ്രവെച്ച ക്വട്ടേഷന്‍ ക്ഷണിച്ചു. ക്വട്ടേഷന്‍ ജൂലൈ 23 ന് ഇച്ചതിരിഞ്ഞ് 3 നകം ലഭിക്കണം. ഫോണ്‍: 0487 2334267.