ജില്ലയിലെ വിവിധ സ്വാശ്രയ ഡി.എല്‍.എഡ് സ്ഥാപനങ്ങളിലേക്കുള്ള 2026-28 അധ്യയന വര്‍ഷത്തെ സയന്‍സ്, ഹ്യൂമാനിറ്റീസ്, കൊമേഴ്‌സ് ബാച്ചുകളിലേക്കുള്ള പ്രവേശന അഭിമുഖം ജൂലൈ 17-ന് തേവള്ളി മലയാളി സഭ എന്‍.എസ്.എസ്. യു.പി. സ്‌കൂളില്‍ നടത്തും. സയന്‍സ് ബാച്ചിന് രാവിലെ 10 മണിക്കും, ഹ്യൂമാനിറ്റീസ് ബാച്ചിന് 11 മണിക്കും, കൊമേഴ്‌സ് ബാച്ചിന് 12 മണിക്കുമാണ് അഭിമുഖം. റാങ്ക് ലിസ്റ്റില്‍ ഉള്‍പ്പെട്ടവര്‍   യോഗ്യതാ സര്‍ട്ടിഫിക്കറ്റുകളുടെ അസല്‍ സഹിതം ഹാജരാകണം.

പാലക്കാട് ഗവ. പോളിടെക്നിക് കോളജില്‍ ഇലക്ട്രിക്കല്‍ ആന്‍ഡ് ഇലക്ട്രോണിക്സ് എഞ്ചിനീയറിങ് വിഭാഗം വര്‍ക്ക്ഷോപ്പിലേക്ക് ഇലക്ട്രിക്കല്‍ ഉപകരണങ്ങള്‍ വാങ്ങുന്നതിന് ക്വട്ടേഷന്‍ ക്ഷണിച്ചു. ജൂലൈ 23 ഉച്ചയ്ക്ക് രണ്ട് വരെ സമര്‍പ്പിക്കാം. ഫോണ്‍: 0491 2572640.

കല്ലേക്കാട് ഡി എച്ച് ക്യു ക്യാമ്പിലുള്ള പഴയ ഹോസ്റ്റല്‍ കെട്ടിടം ജൂലൈ 22ന് രാവിലെ 11ന് ലേലം ചെയ്യും. നിരതദ്രവ്യം 1000 രൂപ. ഫോണ്‍: 0491 2536700.

മദ്രാസ് റെജിമെന്റില്‍ നിന്നും റെക്കോര്‍ഡ് ഓഫീസിന്റെ പ്രതിനിധികള്‍ ജൂലൈ 22ന് ജൈനിമേട് ജില്ലാ സൈനികക്ഷേമ ഓഫീസില്‍ രാവിലെ 10 മുതല്‍ ക്യാമ്പ് ചെയ്യും. റെക്കോര്‍ഡ് ഓഫീസുമായി ബന്ധപ്പെട്ട പ്രശ്നപരിഹാരം ആവശ്യമുള്ളവര്‍ (മദ്രാസ് റെജിമെന്റില്‍ നിന്നും വിരമിച്ച വിമുക്തഭടരും, ആശ്രിതരും) രേഖകളുമായി എത്തണം. ഫോണ്‍: 8848155898 (എക്സ്. സുബേദാര്‍ എ രാമചന്ദ്രന്‍)

ലിറ്റില്‍ കൈറ്റ്‌സ് അവാര്‍ഡുകള്‍ പ്രഖ്യാപിച്ചു

ജി ഒ എച്ച് എസ് എസ് എടത്തനാട്ടുകര ജില്ലയില്‍ ഒന്നാമത്