ഇടുക്കി ജില്ലാ കളക്ടറുടെ ഔദ്യോഗിക ആവശ്യത്തിനായി സർഫസ്പ്രോ ലാപ്ടോപ്പ് ( മൈക്രോസോഫ്റ്റ് ന്യൂ സർഫേസ് പ്രോ9 13 ഇഞ്ച് ഇന്റൽ ഇവോ 12 ജെൻ ഐ ഫൈവ് / 8ജിബി/ 256 ജിബി ഗ്രാഫൈറ്റ് വിത്ത് വിൻഡോസ് 11 ഹോം, വൈ-ഫൈ, 365 ഫാമിലി ആൻഡ് എക്സ്ബോക്സ് ഗെയിം പാസ്സ് അൾട്ടിമേറ്റ്) വാങ്ങുന്നതിന് അംഗീകൃത വിതരണക്കാർ/ ഏജന്റുമാരിൽ നിന്ന് ടെൻഡർ ക്ഷണിച്ചു. ടെൻഡർ ഫോമുകൾ മെയ് ഒന്നു മുതൽ മെയ് 15 വരെ രാവിലെ 10.30 മുതൽ ഉച്ചയ്ക്ക് ഒന്നു വരെ ലഭിക്കും. മെയ് 17ന് വൈകിട്ട് 5 വരെ ടെൻഡർ അപേക്ഷകൾ സ്വീകരിക്കും. മെയ് 19ന് രാവിലെ 11 ന് തുറന്നു പരിശോധിക്കും. കൂടുതൽ വിവരങ്ങൾക്ക് 04862232242, 232303.

മാനന്തവാടി ഐസിഡിഎസ് പ്രോജക്ട് ഓഫീസ് പരിധിയിലെ മാനന്തവാടി നഗരസഭ, തിരുനെല്ലി തവിഞ്ഞാല്‍ ഗ്രാമപഞ്ചായത്തുകളിലെ 24 അങ്കണവാടികളിലേക്ക് ഫര്‍ണിച്ചറുകള്‍ വിതരണം ചെയ്യാന്‍ താത്പര്യമുള്ള വ്യക്തികള്‍, സ്ഥാപനങ്ങള്‍, അംഗീകൃത ഏജന്‍സികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍ ഫെബ്രുവരി 15 ന് ഉച്ചക്ക് 12 വരെ സ്വീകരിക്കും. ഫോണ്‍ - 04935 240324.

സംസ്ഥാനസർക്കാരിന്റെ നാലാം വാർഷികാഘോഷങ്ങളുടെ ഭാഗമായി സംഘടിപ്പിക്കുന്ന എൻ്റെ കേരളം 2025 പ്രദർശന വിപണന മേളക്ക് വർണാഭമായ ഘോഷയാത്രയോടെ തുടക്കം.

വനിതാ ശിശു വികസന വകുപ്പ് അന്താരാഷ്ട്ര വനിതാ ദിനത്തോടനുബന്ധിച്ച് സംസ്ഥാനത്തെ മുഴുവന്‍ സര്‍ക്കാര്‍, അര്‍ദ്ധ സര്‍ക്കാര്‍, സ്വയംഭരണ, ഗ്രാന്‍ഡ് ഇന്‍ എയ്ഡ് സ്ഥാപനങ്ങള്‍ സ്ത്രീ സൗഹൃദ തൊഴിലിടമാക്കി മാറ്റുന്നതിന്റെ ഭാഗമായി ജില്ലയിലെ മുഴുവന്‍ സര്‍ക്കാര്‍ ഓഫീസുകളിലും പോഷ് ആക്ട് പ്രകാരം ഇന്റേണല്‍ കമ്മിറ്റി രൂപീകരിച്ച് ഫെബ്രുവരി 15 നകം posh.wcd.kerala.gov.in രജിസ്‌ട്രേഷന്‍ പൂര്‍ത്തിയാക്കണമെന്ന് ജില്ലാ കളക്ടര്‍ ഡി.ആര്‍ മേഘശ്രീ അറിയിച്ചു.

പൊതുവിദ്യാഭ്യാസ വകുപ്പ് ആരോഗ്യ വകുപ്പിന്റെയും നാഷണല്‍ ഹെല്‍ത്ത് മിഷന്റെയും സഹകരണത്തോടെ ആരംഭിച്ച സ്‌കോള്‍ കേരള ഡിപ്ലോമ ഇന്‍സെലറി നഴ്‌സിങ് കെയര്‍ കോഴ്‌സിലേക്ക് അപേക്ഷിക്കാം. 18 നും 45 നും ഇടയില്‍ പ്രായമുള്ള എസ് എസ്എല്‍സി അല്ലെങ്കില്‍ തത്തുല്യ കോഴ്‌സ് ജയിച്ചവര്‍ക്കാണ് അപേക്ഷിക്കാന്‍ അവസരം.  പ്രായാധിക്യത്താല്‍ അവശത അനുഭവിക്കുന്നവര്‍ക്ക് വീടുകളില്‍ ശാസ്ത്രീയ പരിചരണം ലഭ്യമാക്കാന്‍ പരിശീലനം ലഭിച്ച ഹോം നേഴ്‌സുമാരെ തയ്യാറാക്കുകയാണ് കോഴ്‌സിലൂടെ. അപേക്ഷകര്‍ക്ക് ഫെബ്രുവരി 25 വരെ പിഴയില്ലാതെ ഓണ്‍ലൈനായി അപേക്ഷിക്കം.

തദ്ദേശ സ്വയംഭരണ വകുപ്പിന്റെ നേതൃത്വത്തില്‍ തദ്ദേശ ദിനാഘോഷത്തോടനുബന്ധിച്ച്  സ്വരാജ് മാധ്യമ പുരസ്‌ക്കാരത്തിന് അപേക്ഷിക്കാം.  അച്ചടി മേഖലയിലെ മികച്ച രണ്ട് വാര്‍ത്തയ്ക്കും ടെലിവിഷന്‍ രംഗത്തെ ഒരു വാര്‍ത്തയ്ക്കുമാണ് പുരസ്‌ക്കാരം. 25000 രൂപയും പ്രശസ്തി പത്രവും മൊമന്റോയും അവാര്‍ഡായി നല്‍കും. മാലിന്യമുക്തം നവകേരളം ക്യാമ്പെയിനുമായി ബന്ധപ്പെട്ട് പ്രസിദ്ധീകരിച്ചതും ന്യൂസ് ചാനലുകളില്‍ സംപ്രേഷണം ചെയ്തതുമായ വാര്‍ത്തകള്‍ക്കാണ് അവാര്‍ഡ്.   ക്യാമ്പെയിന്‍ ആരംഭിച്ചതു മുതല്‍ 2025 ജനുവരി 31 വരെ പത്രങ്ങളില്‍ പ്രസിദ്ധീകരിച്ചതും  ന്യൂസ് ചാനലുകളില്‍ സംപ്രേഷണം ചെയ്ത വാര്‍ത്തകള്‍ അവാര്‍ഡിന് പരിഗണിക്കും.

ഇടുക്കി താലൂക്ക് വികസന സമിതി യോഗം മെയ് മൂന്നിന് രാവിലെ 11 ന് ഇടുക്കി തഹസിൽദാരുടെ ചേമ്പറിൽ നടക്കും. യോഗത്തിൽ താലൂക്ക് വികസന സമിതിയിലെ എല്ലാ അംഗങ്ങളും ഹാജരാകണമെന്ന് തഹസിൽദാർ അറിയിച്ചു.

ദേശീയ വനിതാ കമ്മീഷന്‍ ചെയര്‍പേഴ്സണ്‍ വിജയ രഹത്കര്‍ നാളെ (ഏപ്രില്‍ 30) മൂന്നാര്‍ സന്ദര്‍ശിക്കും. രാവിലെ 9 മുതല്‍ ജില്ലയിലെ മൂന്നാര്‍ മേഖലയിലുള്ള വിവിധ തോട്ടങ്ങളില്‍ ജോലി ചെയ്യുന്ന സ്ത്രീകളെ സന്ദര്‍ശിച്ച് അവരുമായി സംസാരിക്കും. തുടര്‍ന്ന് ഉച്ചയ്ക്ക് 2 ന് മൂന്നാര്‍ സര്‍ക്കാര്‍ ഗസ്റ്റ് ഹൗസില്‍ തോട്ടം മേഖലയിലെ സ്ത്രീ തൊഴിലാളികളുടെ ക്ഷേമവുമായി ബന്ധപ്പെട്ട വിഷയങ്ങൾ ചര്‍ച്ച നടത്തുന്നതിന് യോഗം ചേരും. 

 എസ്റ്റേറ്റ് മാനേജ്‌മെന്റ് പ്രതിനിധികള്‍, വിവിധ ട്രേഡ് യൂണിയന്‍ ഭാരവാഹികള്‍, തൊഴില്‍ വകുപ്പ് ഉദ്യോഗസ്ഥര്‍ എന്നിവർ പങ്കെടുക്കും.