സമഗ്രശിക്ഷ കേരള തൃശ്ശൂര്‍ ജില്ലാ പ്രോജക്ട് ഓഫീസിന്റെ കീഴില്‍ ചാലക്കുടിയില്‍ പ്രവര്‍ത്തിക്കുന്ന കെ.ജി.ബി.വി. ഗേള്‍സ് ഹോസ്റ്റലിലേക്ക് സ്ത്രീകള്‍ക്കായി സംവരണം ചെയ്ത പാര്‍ട്ട് ടൈം ടീച്ചര്‍, അസിസ്റ്റന്റ് കുക്ക് തസ്തികകളില്‍ കരാര്‍ അടിസ്ഥാനത്തില്‍ നിയമനം നടത്തുന്നു. പാര്‍ട്ട് ടൈം ടീച്ചര്‍ തസ്തികയ്ക്ക് ഏതെങ്കിലും വിഷയത്തില്‍ ബിരുദവും ബി.എഡുമാണ് യോഗ്യത. അസിസ്റ്റന്റ് കുക്ക് തസ്തികയ്ക്ക് അപേക്ഷിക്കുന്നവര്‍ എട്ടാം ക്ലാസ് പാസായിരിക്കണം. ഏതെങ്കിലും അംഗീകൃത സ്ഥാപനത്തില്‍ നിന്നുള്ള കാറ്ററിംഗ് സര്‍ട്ടിഫിക്കറ്റ്/ പ്രമുഖ സ്ഥാനത്തില്‍ പാചകക്കാരിയായി മൂന്ന് വര്‍ഷത്തെ പരിചയം. പ്രായം 25 നും 50 നും മദ്ധ്യേ.

പകര്‍ച്ചവ്യാധികള്‍ തടയുന്നതിന്റെ ഭാഗമായി മലപ്പുറം ജില്ലാ ഹോമിയോ വകുപ്പ് മുണ്ടുപറമ്പിലെ ജില്ലാ ഹോമിയോ ആശുപത്രിയില്‍ 'പനി ക്ലിനിക്' ആരംഭിച്ചു.ജില്ലാ റാപിഡ് ആക്ഷന്‍ ആന്‍ഡ് എപ്പിഡെമിക് കണ്‍ട്രോള്‍ സെല്‍ യോഗം ചേര്‍ന്നാണ് തീരുമാനം എടുത്തത്. ജില്ലാ ഹോമിയോ മെഡിക്കല്‍ ഓഫീസര്‍ ഡോ. പി. സുമേഷ് യോഗത്തില്‍ അധ്യക്ഷത വഹിച്ചു. ജില്ലയിലെ എല്ലാ ഹോമിയോ ആശുപത്രികളിലും ഡിസ്‌പെന്‍സറികളിലും ആവശ്യമായ മരുന്നുകള്‍ ഉണ്ടെന്ന് ഡോ. സുമേഷ് അറിയിച്ചു. സര്‍ട്ടിഫൈഡ് ഹോമിയോ ഡോക്ടര്‍മാരുടെ സേവനം ക്ലിനിക്കില്‍ ലഭ്യമാണ്.

മഞ്ചേരി സര്‍ക്കാര്‍ മെഡിക്കല്‍ കോളേജില്‍ ശുചീകരണ ജോലികള്‍ ചെയ്യുന്നതിനായി സ്വീപര്‍ തസ്തികയില്‍ ദിവസവേതന അടിസ്ഥാനത്തില്‍ താത്ക്കാലിക നിയമനം നടത്തും. എട്ടാം ക്ലാസ് പാസായ, ശാരീരിക ക്ഷമതയുള്ള ഉദ്യോഗാര്‍ഥികള്‍ ജൂലൈ 15 ന് രാവിലെ 10.30 ന് പ്രിന്‍സിപ്പല്‍ ഓഫീസില്‍ യോഗ്യത സര്‍ട്ടിഫിക്കറ്റുകളുമായി ഹാജരാകണം. ഫോണ്‍-0483-2766056, 0483-2765056.

വനിതാശിശുവികസന വകുപ്പിനു കീഴിലുള്ള ചൊവ്വന്നൂര്‍ ഐ.സി.ഡി.എസ് കാര്യാലയത്തിലേക്ക് കരാര്‍ അടിസ്ഥാനത്തില്‍ കാര്‍/ ജീപ്പ് വാടകക്ക് നല്‍കാന്‍ താല്‍പര്യമുള്ള വ്യക്തികളില്‍ നിന്നോ സ്ഥാപനങ്ങളില്‍ നിന്നോ ടെണ്ടര്‍ ക്ഷണിച്ചു. വാഹനത്തിന് ടാക്‌സി പെര്‍മിറ്റ് ഉണ്ടായിരിക്കണം. ഏഴുവര്‍ഷത്തില്‍ കുറവ് കാലപ്പഴക്കം ഉള്ളതും ഡ്രൈലീസ് വ്യവസ്ഥയില്‍ പ്രതിമാസം 1,500 കിലോമീറ്ററിന് 28,000 രൂപ നിരക്കിലാണ് വാഹനം ലഭ്യമാക്കേണ്ടത്. ടെണ്ടര്‍ ജൂലൈ 31 ന് ഉച്ചയ്ക്ക് 2 നകം ലഭിക്കണം. കൂടുതല്‍ വിവരങ്ങള്‍ക്ക് ചൊവ്വന്നൂര്‍ ബ്ലോക്ക് ഓഫീസ് കോമ്പൗണ്ടില്‍ പ്രവര്‍ത്തിക്കുന്ന ചൊവ്വന്നൂര്‍ ഐസിഡിഎസ് കാര്യാലയവുമായി ബന്ധപ്പെടുക.

തവനൂരിലെ അസാപ് കമ്മ്യൂണിറ്റി സ്‌കില്‍ പാര്‍ക്കില്‍ ഇലക്ട്രിക് വാഹന മേഖലയിലെ തൊഴില്‍ സാധ്യതകള്‍ ബോധവത്ക്കരിക്കുന്നതിനായി ജൂലൈ 15 ന് രാവിലെ 10 മുതല്‍ ഉച്ചക്ക് 12 വരെ സെര്‍ട്ടിഫൈഡ് ഇലക്ട്രിക് വെഹിക്കിള്‍ സര്‍വീസ് ടെക്‌നീഷ്യന്‍ വര്‍ക ഷോപ് സംഘടിപ്പിക്കും. ഫോണ്‍- 9495999658, 9400454788.

മലപ്പുറം ജില്ലയിലെ സൈനിക വിശ്രമ കേന്ദ്രത്തില്‍ വിമുക്തഭടന്‍മാര്‍ക്കും അവരുടെ ആശ്രിതര്‍ക്കും മിതമായ നിരക്കില്‍ എസി ഡബിള്‍ റൂം, നോണ്‍ എസി ഡബിള്‍ റൂം, സിംഗിള്‍ റൂം, ഡൊര്‍മിറ്ററി എന്നീ മുറികള്‍ ലഭ്യമാണ്. ഫോണ്‍ : 0483-2734932, മൊബൈല്‍ നമ്പര്‍ : 6238680715.

കെ.കെ.എസ് ഗവ. ഐടിഐ മാളയില്‍ ഐഎംസി യുടെ ആഭിമുഖ്യത്തില്‍ സ്‌കില്‍ അപക്‌സ് അക്കാദമിയുമായി സഹകരിച്ച് ഡിപ്ലോമ കോഴ്‌സ് നടത്തുന്നു. ഡിപ്ലോമ ഇന്‍ മറൈന്‍ മെക്കാനിക്കല്‍ ഫിറ്റര്‍ ആന്‍ഡ് ഷിപ്പ് ടെക്‌നോളജി, ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ ആന്‍ഡ് ഹ്യൂമന്‍ റിസോഴ്‌സ് മാനേജ്മെന്റ് എന്നീ കോഴ്‌സുകളിലേക്ക് അഡ്മിഷന്‍ ആരംഭിച്ചു. വിജയകരമായി കോഴ്‌സ് പൂര്‍ത്തീകരിക്കുന്നവര്‍ക്ക് പ്ലേസ്‌മെന്റ് സപ്പോര്‍ട്ട് നല്‍കും. അഡ്മിഷന് 8136806093 എന്ന നമ്പറില്‍ ബന്ധപ്പെടുക.

പെരിന്തല്‍മണ്ണ കോളേജിലെ ഗവ.പോളിടെക്‌നിക് തുടര്‍വിദ്യാഭ്യാസ ഉപകേന്ദ്രത്തിനുകീഴില്‍ ആറുമാസം ദൈര്‍ഘ്യമുള്ള റഫ്രിജറേറ്റര്‍ എയര്‍ കണ്ടീഷനിഹ് എന്ന കോഴ്‌സിന് എസ്.എസ്.എല്‍.സി. യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. ഫോണ്‍ : 04933 228045.

കേന്ദ്ര വിദ്യാഭ്യാസ മന്ത്രാലയത്തിന് കീഴിലുള്ള മലപ്പുറം പി.എം. ശ്രീ ജവഹര്‍ നവോദയ വിദ്യാലയത്തില്‍ 2027-2028 അധ്യയന വര്‍ഷത്തെ ആറാം ക്ലാസ് പ്രവേശന പരീക്ഷയ്ക്കുള്ള ഓണ്‍ലൈന്‍ അപേക്ഷ ക്ഷണിച്ചു. നവംബര്‍ 28 നാണ് പ്രവേശന പരീക്ഷ നടക്കുന്നത്. അപേക്ഷകര്‍ മലപ്പുറം ജില്ലയിലെ സ്ഥിര താമസക്കാരായിരിക്കണം. 2015 മെയ് ഒന്നിനും 2017 മെയ് ഒന്നിനും ഇടയില്‍ ജനിച്ചവരായിരിക്കണം. (രണ്ടു തീയതികളും ഉള്‍പ്പെടെ) മലപ്പുറം ജില്ലയിലെ ഗവണ്‍മെന്റ്/എയിഡഡ്/അംഗീകൃത സ്‌കൂളുകളില്‍ അഞ്ചാം ക്ലാസില്‍ പഠിക്കുന്ന കുട്ടികള്‍ക്ക് അപേക്ഷിക്കാം.

പീച്ചി ജലശുദ്ധീകരണ ശാലയിലെ 600 എം.എം പൈപ്പ് ലൈനില്‍ അറ്റകുറ്റ പണികള്‍ നടക്കുന്നതിനാല്‍ ജൂലൈ 16, 17, 18 തിയ്യതികളില്‍ തൃശ്ശൂര്‍ പഴയ മുനിസിപ്പല്‍ പ്രദേശത്ത് കുടിവെള്ള വിതരണം പൂര്‍ണ്ണമായും തടസ്സപ്പെടുന്നതാണെന്ന് കേരള വാട്ടര്‍ അതോറിട്ടി സബ് ഡിവിഷന്‍ തൃശ്ശൂര്‍ അസി. എക്‌സി. എഞ്ചിനീയര്‍ അറിയിച്ചു.