എസ്.ആര്‍.സി കമ്മ്യൂണിറ്റി കോളേജ് നടത്തുന്ന  'ഡിപ്ലോമ ഇന്‍ യോഗ ടീച്ചര്‍ ട്രെയിനിംഗ്' പ്രോഗ്രാമിലേക്ക് അപേക്ഷ ക്ഷണിച്ചു. പ്ലസ് ടു/ തത്തുല്യ യോഗ്യത ഉള്ള  18 വയസ് പൂര്‍ത്തിയായവര്‍ക്ക് അപേക്ഷിക്കാം. ഉയര്‍ന്ന പ്രായപരിധിയില്ല. എസ്.ആര്‍.സി നടത്തുന്ന 'സര്‍ട്ടിഫിക്കറ്റ് ഇന്‍ യോഗ' പാസ്സായവര്‍ക്ക് രണ്ടാം സെമസ്റ്ററില്‍ നേരിട്ട് പ്രവേശനം ലഭിക്കും.  അപേക്ഷകള്‍ https://app.srccc.in/register മുഖേന ജൂലൈ 31നകം ലഭിക്കണം.   ജില്ലയിലെ പഠനകേന്ദ്രം: നേച്ചര്‍ യോഗ സെന്റര്‍, മൈലക്കാട്. ഫോണ്‍: 9567713468, 9995813468.
 
 

അടൂര്‍ ഐ.എച്ച്.ആര്‍.ഡി. എഞ്ചിനീയറിംഗ് കോളേജില്‍ ബി.ടെക് എന്‍.ആര്‍.ഐ. സീറ്റില്‍ ഒഴിവുണ്ട്. ജൂലൈ 17 രാവിലെ 11 മുതല്‍ സ്പോട്ട് അഡ്മിഷന്‍ നടത്തും.    ഫോണ്‍: 9447604258, 9496856303, 8547005100, 9447602016.
 

അഡീഷണല്‍ സ്‌കില്‍ അക്വിസിഷന്‍ പ്രോഗ്രാമും (അസാപ്) എറാം സ്‌കില്‍സ് അക്കാദമിയും സംയുക്തമായി കുന്നംകുളം അസാപ് കേരള കമ്മ്യൂണിറ്റി സ്‌കില്‍ പാര്‍ക്കില്‍ നൈപുണ്യ വികസന-സുരക്ഷാ പരിശീലന പരിപാടി സംഘടിപ്പിച്ചു. കുന്നംകുളം ഫയര്‍ ആന്‍ഡ് റെസ്‌ക്യൂ സര്‍വീസസ് സ്റ്റേഷന്‍ ഓഫീസര്‍ വിജയ് കൃഷ്ണന്‍ ചടങ്ങ് ഔദ്യോഗികമായി ഉദ്ഘാടനം ചെയ്തുകൊണ്ട് അടിയന്തര ഘട്ടങ്ങളിലെ രക്ഷാപ്രവര്‍ത്തനങ്ങളുടെ പ്രാധാന്യത്തെക്കുറിച്ച് വിശദീകരിച്ചു. അസാപ് കേരള പ്രോഗ്രാം മാനേജര്‍ കെ.വി രാകേഷ് യുവജന ശാക്തീകരണത്തെക്കുറിച്ച് സംസാരിച്ചു.

തൃശൂര്‍ ജില്ലയിലെ എയ്ഡഡ് സ്‌കൂള്‍ ജീവനക്കാരുടെ കേരള എയ്ഡഡ് സ്‌കൂള്‍ എംപ്ലോയീസ് പ്രോവിഡന്റ് ഫണ്ട് 2025 -26 വര്‍ഷത്തെ ഗെയിന്‍ പി.എഫ് മുഖേനയുള്ള ക്രെഡിറ്റ് കാര്‍ഡ് പ്രസിദ്ധപ്പെടുത്തിക്കൊണ്ട് വിദ്യാഭ്യാസ ഉപഡയറക്ടര്‍ ടി. ഷൈല ഉദ്ഘാടനം നിര്‍വ്വഹിച്ചു. എയ്ഡഡ് സ്‌കൂള്‍ ജീവനക്കാര്‍ക്ക് പെന്‍ നമ്പറും പാസ്സ്വേര്‍ഡും ഉപയോഗിച്ച് https://gainpf.kerala.gov.in എന്ന ഗെയിന്‍ പി.എഫ് സൈറ്റില്‍ നിന്നും ക്രെഡിറ്റ് കാര്‍ഡ് ഡൗണ്‍ലോഡ് ചെയ്യാവുന്നതാണ്.

വനിതാ ശിശുവികസന വകുപ്പിനു കീഴിലെ കടുത്തുരുത്തി ശിശുവികസന പദ്ധതി ഓഫീസ് ആവശ്യത്തിനായി കരാർ അടിസ്ഥാനത്തിൽ കാർ വാടകയ്ക്ക് ലഭ്യമാക്കുന്നതിന് ടെൻഡർ ക്ഷണിച്ചു. ജൂലൈ 25ന് ഉച്ചകഴിഞ്ഞ് രണ്ടു വരെ ഡി.സി.പി.ഒ, ഐ.സി.ഡി.എസ് കടുത്തുരുത്തി എന്ന വിലാസത്തിൽ ടെൻഡറുകൾ നൽകാം. ഫോൺ: 04829 283460. 

പട്ടികജാതിയിൽപ്പെട്ട അരുന്ധതിയാർ, ചക്ലിയൻ, വേടൻ കള്ളാടി, നായാടി വിഭാഗക്കാർക്കായി നടപ്പാക്കുന്ന ദുർബല വിഭാഗ വികസന പദ്ധതിയുടെ ഭാഗമായ സ്വയം തൊഴിൽ പദ്ധതിയിലേക്ക് പട്ടികജാതി വികസന വകുപ്പ് അപേക്ഷ ക്ഷണിച്ചു. ജൂലൈ 31 വരെ അപേക്ഷിക്കാം. പ്രായ പരിധി 18- 50 വയസ്. വരുമാന പരിധി: ഒരു ലക്ഷം രൂപ. വിശദവിവരങ്ങൾക്കും അപേക്ഷാഫോമിനും ബന്ധപ്പെട്ട ബ്ലോക്ക് / മുനിസിപ്പാലിറ്റി പട്ടികജാതി വികസന ഓഫീസുമായി ബന്ധപ്പെടണം.

ചിറ്റൂര്‍ ഐ സി ഡി എസ് പ്രൊജക്ടിലേക്ക് ഔദ്യോഗിക ആവശ്യങ്ങള്‍ക്ക് കരാര്‍ അടിസ്ഥാനത്തില്‍ വാഹനം (കാര്‍ - എസി) ലഭ്യമാക്കുന്നതിന് മുദ്രവച്ച ടെന്‍ഡറുകള്‍ ക്ഷണിച്ചു. വാഹനത്തിന് ഏഴ് വര്‍ഷത്തിലധികം കാലപ്പഴക്കം ഉണ്ടായിരിക്കരുത്. ടാക്‌സി പെര്‍മിറ്റ് നിര്‍ബന്ധമാണ്. ടെന്‍ഡര്‍ ഫോമുകള്‍ ജൂലൈ 29 ന് ഉച്ചയ്ക്ക് 12 വരെ സ്വീകരിക്കും. ഫോണ്‍: 04923 273675

എല്‍.ബി.എസ് സെന്‍റര്‍ ഫോര്‍ സയന്‍സ് ആ​ന്‍റ് ടെക്‌നോളജിയുടെ ഏറ്റുമാനൂര്‍ ഉപകേന്ദ്രത്തില്‍ ഓഗസ്റ്റ് മൂന്നിന് ആരംഭിക്കുന്ന ഗവണ്‍മെ​ന്‍റ്     അംഗികൃത പി.ജി.ഡി.സി.എ, ഡി.സി.എ, ഡി.സി.എ(എസ്), ഡി.സി.എഫ്.എ കോഴ്‌സുകള്‍ക്ക് അപേക്ഷ​ ക്ഷണിച്ചു. ഡിഗ്രി, പോളി ടെക്‌നിക് ഡിപ്ലോമ, പ്ലസ് ടൂ യോഗ്യതയുള്ളവര്‍ക്ക് ജൂലൈ 31 വരെ ഓണ്‍ലൈനില്‍ അപേക്ഷിക്കാം. വിശദ​ വിവരങ്ങള്‍ http://lbscentre.kerala.gov.in എന്ന വെബ് സൈറ്റില്‍. ഫോണ്‍: 9497818264, 0481 2534820.​