ജില്ലയിലെ നിരീക്ഷകര്‍ കണ്‍ട്രോള്‍ റൂം സന്ദര്‍ശിച്ചു

പണിമൂല ദേവീ ക്ഷേത്രത്തിലെ ദ്വിവത്സര മഹോത്സവത്തിന്റെ പ്രധാന ദിവസമായ ഏപ്രില്‍ 7ന് ഉച്ചയ്ക്ക് ശേഷം ജില്ലാ കളക്ടര്‍ പ്രാദേശിക അവധി പ്രഖ്യാപിച്ചു. പോത്തന്‍കോട്, അണ്ടൂര്‍ക്കോണം, വെമ്പായം, മാണിക്കല്‍, മംഗലപുരം ഗ്രാമപഞ്ചായത്തുകളിലും പഴയ കഴക്കൂട്ടം, ശ്രീകാര്യം, ഗ്രാമപഞ്ചായത്തുകളുടെ ഭാഗമായിരുന്നതും ഇപ്പോള്‍ തിരുവനന്തപുരം നഗരസഭയുടെ ഭാഗമായിട്ടുള്ളതുമായ പ്രദേശത്തും അവധി അനുവദിച്ചു.

പൊതുതിരഞ്ഞെടുപ്പുമായി ബന്ധപ്പെട്ട് പ്രവര്‍ത്തിക്കുന്ന സര്‍ക്കാര്‍ സ്ഥാപനങ്ങള്‍ ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍ ഓഫീസുകള്‍ക്കും അവധി ബാധകമായിരിക്കും.

നിയമസഭാ തിരഞ്ഞെടുപ്പുമായി ബന്ധപ്പെട്ട മാതൃകാ പെരുമാറ്റച്ചട്ട ലംഘനങ്ങളും സാമ്പത്തിക ദുരുപയോഗവും തടയുന്നതിനായി തിരഞ്ഞെടുപ്പ് കമ്മീഷൻ രൂപകല്പന ചെയ്ത 'സി-വിജിൽ' (cVIGIL) മൊബൈൽ ആപ്പ് ജില്ലയിൽ പ്രവർത്തനസജ്ജമായി. പെരുമാറ്റച്ചട്ട ലംഘനവുമായി ബന്ധപ്പെട്ട ഫോട്ടോകളും രണ്ട് മിനിറ്റിൽ കവിയാത്ത വീഡിയോകളും പൊതുജനങ്ങൾക്ക് തത്സമയം പകർത്തി ഈ ആപ്പ് വഴി അധികൃതർക്ക് അയക്കാവുന്നതാണ്. ആൻഡ്രോയിഡ്, ഐ.ഒ.എസ് (iOS) പ്ലാറ്റ്‌ഫോമുകളിൽ ലഭ്യമായ ഈ ആപ്പ് പ്രവർത്തിപ്പിക്കാൻ വേഗതയേറിയ ഇന്റർനെറ്റ് കണക്ഷനും ജി.പി.എസ് (GPS) സൗകര്യവുമുള്ള സ്മാർട്ട് ഫോണുകൾ ആവശ്യമാണ്.

അറ്റകുറ്റപ്പണികൾക്കായി അടച്ചിട്ടിരുന്ന ചേർത്തല - മാരാരിക്കുളം റെയിൽവേ സ്റ്റേഷനുകൾക്കിടയിലുള്ള ലെവൽ ക്രോസ് നമ്പർ 37 (11-ാം മൈൽ ഗേറ്റ്) മാർച്ച് 22-ന് വൈകിട്ട് ആറ് മണിക്കേ തുറക്കുകയുള്ളൂ എന്ന് റെയിൽവേ അധികൃതർ അറിയിച്ചു. വാഹനങ്ങൾ തൊട്ടടുത്തുള്ള ലെവൽ ക്രോസ് നമ്പർ 36 (ആഞ്ഞിലിപ്പാലം ഗേറ്റ്), 41 (തിരുവിഴ നോർത്ത് ഗേറ്റ്) എന്നിവ വഴി പോകണം.

2026 നിയമസഭ തിരഞ്ഞെടുപ്പുമായി ബന്ധപ്പെട്ട് 105 അമ്പലപ്പുഴ നിയോജക മണ്ഡലത്തിന്റെ സ്വീകരണ വിതരണ കേന്ദ്രം, പരിശീലന ഹാള്‍, സ്‌ട്രോങ്ങ് റൂം, കമ്മീഷനിംഗ് എന്നിവ ആലപ്പുഴ എസ് ഡി കോളേജിൽ നടത്താന്‍ അനുമതിയായിട്ടുള്ളതാണ്. കൂടാതെ 106 കുട്ടനാട് നിയോജക മണ്ഡലത്തിന്റെ സ്‌ട്രോങ്ങ് റൂം എസ് ഡി കോളേജിൽ  ക്രമീകരിക്കാന്‍ നിശ്ചയിച്ചിട്ടുള്ളതാണ്. ഈ പ്രവര്‍ത്തികള്‍ പൂര്‍ത്തീകരിക്കാന്‍ ആവശ്യമായ ഇലക്ട്രിക്കല്‍ വര്‍ക്കുകളും അനുബന്ധ ഇലക്ട്രിക്കല്‍ ഉപകരണങ്ങളും എന്നിവ വ്യവസ്ഥകള്‍ക്ക് വിധേയമായി സ്ഥാപിക്കുന്നതിലേക്ക് ക്വട്ടേഷനുകള്‍ ക്ഷണിച്ചു. സമര്‍പ്പിക്കേണ്ട അവസാന തീയതി മാര്‍ച്ച് 23 ഉച്ചയ്ക്ക് 2.30 വരെ.

നിയമസഭ തിരഞ്ഞെടുപ്പുമായി ബന്ധപ്പെട്ട് രാഷ്ട്രീയ പാർട്ടികൾ മൈക്ക് അനൗൺസ്‌മെന്റ് വഴി പ്രചാരണം നടത്തുന്നതിന് മുൻകൂർ അനുമതി വാങ്ങണം. മൈക്ക്, ഉച്ചഭാഷിണി വഴിയുള്ള പ്രചാരണങ്ങൾക്ക് കർശന നിയന്ത്രണങ്ങളോടെയാണ് അനുമതി നൽകുക.

നിയമസഭാ പൊതു തെരഞ്ഞെടുപ്പിനോടനുബന്ധിച്ച് ജില്ലയിലെ ബൂത്ത് ലെവൽ ഓഫീസർമാരെ മറ്റ് ഔദ്യോഗിക കൃത്യനിർവ്വഹണങ്ങളിൽ നിന്ന് വിടുതൽ ചെയ്യാൻ ജില്ലാ കളക്ടർ ഉത്തരവിട്ടു. വോട്ടെടുപ്പ് തീയതി പ്രഖ്യാപിച്ച സാഹചര്യത്തിൽ തെരഞ്ഞെടുപ്പ് ജോലികൾ തടസ്സമില്ലാതെ നടത്തുന്നതിനാണ് ഈ നടപടി. മാർച്ച് 18 മുതൽ ഏപ്രിൽ 10 വരെ ബി.എൽ.ഒ.മാർ പൂർണ്ണസമയ തിരഞ്ഞെടുപ്പ് ഡ്യൂട്ടിയിലായിരിക്കും.

വീടുകൾ സന്ദർശിച്ച് 12D ഫോമുകൾ വിതരണം ചെയ്യുക, വോട്ടർ ഇൻഫർമേഷൻ സ്ലിപ്പുകൾ വിതരണം ചെയ്യുക തുടങ്ങിയ പ്രധാനപ്പെട്ട തെരഞ്ഞെടുപ്പ് ജോലികളാണ് ഇവർ നിർവ്വഹിക്കേണ്ടത്.

കുമ്പളം - തുറവൂര്‍ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 22 (നാലുകുളങ്ങര) അറ്റകുറ്റപ്പണികള്‍ക്കായി അടച്ചിടുന്നു. മാര്‍ച്ച് 21ന് വൈകിട്ട് ആറ് മണി മുതല്‍ 22ന് രാവിലെ ആറ് മണി വരെയാണ് ഗതാഗത നിയന്ത്രണം. ഈ സമയത്ത് വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 21 (തഴുപ്പ് ഗേറ്റ്) വഴി പോകേണ്ടതാണ്.

തിരഞ്ഞെടുപ്പ് പ്രക്രിയ കൂടുതൽ ജനകീയവും സൗകര്യപ്രദവുമാക്കുന്നതിന്റെ ഭാഗമായി 85 വയസ്സിനു മുകളിൽ പ്രായമുള്ളവർക്കും (AVSC), ഭിന്നശേഷിക്കാരായ വോട്ടർമാർക്കും (AVPD) വീടുകളിൽ വോട്ട് ചെയ്യാൻ (ഹോം വോട്ടിംഗ്) സൗകര്യമുണ്ട്. നിലവിൽ വോട്ടർ പട്ടികയിൽ 85 വയസിന് മുകളിൽ പ്രായമായവർക്കും ഭിന്നശേഷിക്കാർ എന്നു രേഖപ്പെടുത്തിയവർക്കാണ് ഹോം വോട്ടിംഗ് സൗകര്യം ലഭിക്കുക.

ഭിന്നശേഷിക്കാർക്ക് ഹോം വോട്ടിംഗ് സൗകര്യം ലഭിക്കുവാൻ 40 ശതമാനമോ അതിനു മുകളിലോ ഭിന്നശേഷിയും, ഇത് തെളിയിക്കുന്ന അംഗീകൃത സർട്ടിഫിക്കറ്റും വേണം. 85 വയസിനു മുകളിലുള്ളവർ 12 ഡി ഫോറത്തിലുള്ള അപേക്ഷ നൽകിയാൽ മാത്രം മതിയാകും.

നിയമസഭാ തെരഞ്ഞെടുപ്പിന്റെ  മാതൃകാ പെരുമാറ്റ ചട്ടലംഘനവുമായി ബന്ധപ്പെട്ട് പൊതുജനങ്ങള്‍ക്ക് നേരിട്ട് പരാതി നല്‍കാന്‍ കഴിയുന്ന സി- വിജില്‍ ആപ്ലിക്കേഷന്‍ മുഖേന ജില്ലയില്‍ ഇതുവരെ 282 പരാതികള്‍ ലഭിച്ചു. മുഴുവന്‍ പരാതികളും പരിഹരിച്ചതായി നോഡല്‍ ഓഫീസര്‍ അറിയിച്ചു.