പൂക്കോട്ടൂര്‍ ഗ്രാമ പഞ്ചായത്തിന്റെയും ആരോഗ്യവകുപ്പിന്റെയും സംയുക്താഭിമുഖ്യത്തില്‍ അതിഥി തൊഴിലാളികള്‍ക്കുള്ള എന്‍.സി.ഡി. സ്‌ക്രീനിങ്, രക്ത പരിശോധന, കഫപരിശോധന, മലേറിയ പരിശോധന എന്നിവയുടെ ക്യാംപ് സംഘടിപ്പിച്ചു. പൂക്കോട്ടൂര്‍ അത്താണിക്കലില്‍ നടന്ന പഞ്ചായത്ത് തല മൈഗ്രന്റ് സ്‌ക്രീനിങ് ക്യാംപിന്റെ ഉദ്ഘാടനം ഗ്രാമപഞ്ചായത്ത് വൈസ് പ്രസിഡണ്ട് വി.എം.ജംഷാദ് നിര്‍വഹിച്ചു. ആരോഗ്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍. കെ. ലുഫ്ത ബീഗം അധ്യക്ഷയായി. പൂക്കോട്ടൂര്‍ പഞ്ചായത്തിലെ അതിഥി തൊഴിലാളികളുടെ 42 താമസസ്ഥലങ്ങളില്‍ നിന്നും 515 പേരുടെ സ്‌ക്രീനിങ് ഈ ക്യാംപയിന്‍ കാലയളവില്‍ പൂര്‍ത്തീകരിക്കും.

നിര്‍മാണ പ്രവൃത്തികള്‍ നടക്കുന്നതിനാല്‍ കോട്ടക്കല്‍ - ചാപ്പനങ്ങാടി റോഡില്‍ ഭാഗിക ഗതാഗത നിയന്ത്രണം ഏര്‍പ്പെടുത്തി. കോട്ടക്കല്‍ ബൈപ്പാസ് റോഡില്‍ പൂര്‍ണ്ണ ഗതാഗത നിയന്ത്രണം ഏര്‍പ്പെടുത്തിയിട്ടുണ്ട്. ജൂലൈ 17 മുതലാണ് നിയന്ത്രണം. ബൈപ്പാസ് റോഡ് വഴിയുള്ള വാഹനങ്ങള്‍ മറ്റ് അനുബന്ധ റോഡുകള്‍ ഉപയോഗിക്കണം.

കോട്ടയ്ക്കല്‍ ഗവ. വനിതാ പോളിടെക്‌നിക് കോളേജിലെ സി.ഇ സെല്ലിന് കീഴില്‍ സ്ത്രീകള്‍ക്കായി മാത്രമായി ആരംഭിക്കുന്ന 'സര്‍ട്ടിഫിക്കറ്റ് കോഴ്‌സ് ഇന്‍ കോസ്‌മെറ്റോളജി ആന്‍ഡ് ബ്യൂട്ടിപാര്‍ലര്‍ മാനേജ്‌മെന്റ്' കോഴ്‌സിലേക്ക് അപേക്ഷ ക്ഷണിച്ചു. ജൂലൈ 22 നകം അപേക്ഷിക്കണം. താത്പര്യമുള്ള ഉദ്യോഗാര്‍ത്ഥികള്‍ ഗവ. വനിതാ പോളിടെക്‌നിക് കോളേജില്‍ പ്രവര്‍ത്തിക്കുന്ന സി.ഇ സെല്‍ ഓഫീസുമായി ബന്ധപ്പെടണം. ഫോണ്‍: 9526135505.

പ്രധാനമന്ത്രി മത്സ്യസമ്പദ യോജന സംയോജിത ആധുനിക മാതൃകാ മത്സ്യഗ്രാമം പദ്ധതിയുടെ ഭാഗമായി താനൂരില്‍ കോള്‍ഡ് സ്റ്റോറേജ് നടപ്പിലാക്കുന്നതിന് അഞ്ച് അംഗങ്ങളുള്ള ഗ്രൂപ്പുകളില്‍ നിന്നും അപേക്ഷ ക്ഷണിച്ചു. താനൂര്‍ മത്സ്യഭവന്‍ പരിധിയിലെ ചീരാന്‍കടപ്പുറം, ഒസ്സാന്‍കടപ്പുറം, എളാരന്‍കടപ്പുറം മത്സ്യഗ്രാമങ്ങളിലെ സ്ഥിരതാമസക്കാര്‍ക്കും മത്സ്യത്തൊഴിലാളി സഹകരണ സംഘങ്ങള്‍ക്കും മുന്‍ഗണന ഉണ്ടായിരിക്കും. അപേക്ഷകര്‍ കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ അംഗത്വമുള്ളവരും ഫിംസില്‍ രജിസ്റ്റര്‍ ചെയ്തവരുമായിരിക്കണം.

വണ്ടൂര്‍ താലൂക്ക് ആശുപത്രിയില്‍ ഫാര്‍മസിസ്റ്റ് തസ്തികയിലേക്ക് താല്‍ക്കാലിക നിയമനം നടത്തുന്നു. ദിവസവേതനാടിസ്ഥാനത്തിലാണ് നിയമനം. യോഗ്യത: ഗവണ്‍മെന്റ് അംഗീകൃത ഡിപ്ലോമ ഇന്‍ ഫാര്‍മസി (ഉ.ജവമൃാ) പാസ്സായിരിക്കണം. കേരള സ്റ്റേറ്റ് ഫാര്‍മസി കൗണ്‍സിലിന്റെ പുതുക്കിയ രജിസ്ട്രേഷന്‍ നിര്‍ബന്ധമാണ്. പ്രവൃത്തിപരിചയമുള്ളവര്‍ക്ക് മുന്‍ഗണന ലഭിക്കും.  ഇന്റര്‍വ്യൂ: താല്പര്യമുള്ള ഉദ്യോഗാര്‍ത്ഥികള്‍ എല്ലാ അസ്സല്‍ സര്‍ട്ടിഫിക്കറ്റുകളും അവയുടെ സാക്ഷ്യപ്പെടുത്തിയ പകര്‍പ്പുകളും സഹിതം ജൂലൈ 20-ന് രാവിലെ 10.30-ന് ആശുപത്രി മെഡിക്കല്‍ ഓഫീസറുടെ ഓഫീസില്‍ ഹാജരാകേണ്ടതാണ്.

ശ്രീനാരായണ ഗുരു ഓപണ്‍ സര്‍വകലാശാലയുടെ ബിരുദ കോഴ്സിലേക്കുള്ള രജിസ്ട്രേഷന്‍ ആരംഭിച്ചു. യൂണിവേഴ്‌സിറ്റിയും സംസ്ഥാന സാക്ഷരത മിഷന്‍ അതോറിറ്റിയും സംയുക്തമായി സാക്ഷരതാമിഷന്റെ ഹയര്‍സെക്കന്‍ഡറി തുല്യ താപഠിതാക്കള്‍ക്കും മറ്റുള്ളവര്‍ക്കുമായി രജിസ്ട്രേഷന്‍ സഹായകേന്ദ്രം ആരംഭിച്ചു. സാക്ഷരതാപ്രേരക്മാര്‍ തുല്യതാ മുന്‍പഠിതാക്കള്‍ തുടങ്ങിയവരെ പങ്കെടുപ്പിച്ചുകൊണ്ട് രജിസ്ട്രേഷന്‍ സംബന്ധിച്ച ഓറിയന്റേഷന്‍ 29ന് മലപ്പുറത്ത് നടത്തും. യൂണിവേഴ്സിറ്റിയുടെ ഹെല്‍പ് ഡെസ്‌ക് ചുമതലയുള്ള അധ്യാപകര്‍ അഡ്മിഷന്‍ സംബന്ധിച്ച സംശയനിവാരണം നടത്തും.

കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ നിന്നും 2025 ഡിസംബര്‍ 31 വരെ പെന്‍ഷന്‍ അനുവദിക്കപ്പെട്ട ഗുണഭോക്താക്കള്‍ക്കായി വാര്‍ഷിക മസ്റ്ററിങ് ജൂലൈ 17 മുതല്‍ ആരംഭിക്കുന്നു.  സെപ്റ്റംബര്‍ 30 വരെയാണ് മസ്റ്ററിങ് പൂര്‍ത്തിയാക്കാനുള്ള സമയപരിധി. പെന്‍ഷന്‍ ഗുണഭോക്താക്കള്‍ അംഗീകൃത അക്ഷയ കേന്ദ്രങ്ങള്‍ വഴി മസ്റ്ററിങ് നിര്‍ബന്ധമായും പൂര്‍ത്തിയാക്കേണ്ടതാണ്. ഇതിനായുള്ള നിശ്ചിത സര്‍വീസ് ചാര്‍ജ് അക്ഷയ കേന്ദ്രങ്ങളില്‍ നേരിട്ട് നല്‍കണം.  കൂടുതല്‍ വിവരങ്ങള്‍ മലപ്പുറം ജില്ലാ എക്സിക്യൂട്ടീവ് ഓഫീസില്‍ ലഭ്യമാണ്.  ഫോണ്‍: 0483-2730400.

പട്ടികവര്‍ഗ്ഗ വികസന വകുപ്പിന് കീഴില്‍ വെളിയന്തോട് പ്രവര്‍ത്തിക്കുന്ന ഇന്ദിരാഗാന്ധി മെമ്മോറിയല്‍ മോഡല്‍ റസിഡന്‍ഷ്യല്‍ സ്‌കൂളില്‍ ഡ്രൈവര്‍ കം ഓഫീസ് അറ്റന്‍ഡന്റ് തസ്തികയിലേക്ക് താത്ക്കാലിക നിയമനം നടത്തുന്നതിനുള്ള അഭിമുഖം ജൂലൈ 28 ന് രാവിലെ 10.30 ന് നടക്കും.  ദിവസവേതനാടിസ്ഥാനത്തിലാണ് നിയമനം. പി.എസ്.സി നിഷ്‌കര്‍ഷിക്കുന്ന യോഗ്യതയുള്ളവര്‍ക്ക് അപേക്ഷിക്കാം.  താത്പര്യമുള്ള ഉദ്യോഗാര്‍ത്ഥികള്‍ യോഗ്യത, പ്രവൃത്തിപരിചയം, ജാതി എന്നിവ തെളിയിക്കുന്ന ഒറിജിനല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിനെത്തണം. ഫോണ്‍: 9446388895, 9947299075.

ഇടപ്പള്ളി ഗവ. ഐ.ടി.ഐയിൽ അഡ്മിഷൻ ആരംഭിച്ചു

പട്ടികജാതി വികസന വകുപ്പിന് കീഴിലുള്ള ഇടപ്പള്ളി ഗവൺമെന്റ് ഐ.ടി.ഐയിൽ അഡ്മിഷൻ ആരംഭിച്ചു. എൻ.സി.വി.ടി അഫിലിയേഷനുള്ള മോട്ടോർ വെഹിക്കിൾ മെക്കാനിക്,  വെൽഡർ എന്നീ കോഴ്‌സുകളിലേക്കാണ് പ്രവേശനം.താല്പര്യമുള്ളവർക്ക് scdditiadmission.kerala.gov.in എന്ന ലിങ്ക് വഴിയോ സ്ഥാപനത്തിൽ നേരിട്ടെത്തിയോ ഓൺലൈനായി അപേക്ഷ സമർപ്പിക്കാം.പഠനം പൂർണ്ണമായും സൗജന്യമാണ്. കൂടുതൽ വിവരങ്ങൾക്ക് 9447991174, 9446977762 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.