മുതുകുളം ഐസിഡിഎസ് പ്രൊജക്ടിന്റെ ഔദ്യോഗിക ആവശ്യങ്ങള്‍ക്ക് ഒരു വര്‍ഷത്തേക്ക് ഉപയോഗിക്കുന്നതിന് പ്രതിമാസം പരമാവധി 1500 കി. മി. യാത്ര ചെയ്യുവാന്‍ കഴിയുന്ന തരത്തിലുള്ള വാഹനം 28,000 രൂപ നിരക്കില്‍ (ഡ്രൈവറില്ലാതെ വാഹനം മാത്രം) കരാര്‍ അടിസ്ഥാനത്തില്‍ വാടകക്ക് നല്‍കുവാന്‍ താല്‍പര്യമുള്ളവരില്‍ നിന്നും ടെന്‍ഡര്‍ ക്ഷണിച്ചു.  അവസാന തീയതി മേയ് 27 ഉച്ചക്ക് രണ്ട് മണി.  ഫോണ്‍: 9188959692, 9656714320.
(പിആര്‍/എഎല്‍പി/1252)

പട്ടികജാതി വികസനവകുപ്പിന് കീഴില്‍ ആലപ്പുഴ പുന്നപ്ര വാടയ്ക്കലില്‍ പ്രവര്‍ത്തിക്കുന്ന ഡോ. അംബേദ്കര്‍ മെമ്മോറിയല്‍ ഗവ. മോഡല്‍ റസിഡന്‍ഷ്യല്‍ സ്‌കൂളില്‍(പെൺകുട്ടികള്‍ മാത്രം) 2025-26 അധ്യയന വര്‍ഷം അഞ്ച്, ആറ് ക്ലാസുകളിലെ ഒഴിവുകളിലേക്ക് പട്ടികജാതി, പട്ടികവര്‍ഗ വിഭാഗത്തിലെ വിദ്യാര്‍ഥിനികളില്‍ നിന്ന് അപേക്ഷ ക്ഷണിച്ചു. സ്‌കൂളില്‍ നിന്നും ലഭിക്കുന്ന നിശ്ചിത ഫോറം പൂരിപ്പിച്ച് ജാതി, വരുമാന സര്‍ട്ടിഫിക്കറ്റുകള്‍ സഹിതം മേയ് 17 നകം സീനിയര്‍ സൂപ്രണ്ടിന്റെ ഓഫീസില്‍ ലഭ്യമാക്കണം.  കുടുംബ വാര്‍ഷിക വരുമാനം രണ്ടുലക്ഷം രൂപയില്‍ കവിയാന്‍ പാടില്ല.  യോഗ്യത പരീക്ഷയുടെ അടിസ്ഥാനത്തിലാണ് പ്രവേശനം നല്‍കുന്നത്.

എല്ലാ ജില്ലകളിലും ലഹരി മോചന കേന്ദ്രങ്ങൾ തുടങ്ങുമെന്ന് മുഖ്യമന്ത്രി പിണറായി വിജയൻ. സംസ്ഥാന സർക്കാരിന്റെ നാലാം വാർഷിക ആഘോഷ പരിപാടിയുടെ ഭാഗമായി കാക്കനാട് കിൻഫ്ര കൺവെൻഷൻ സെന്ററിൽ നടന്ന ജില്ലാതല അവലോകന യോഗത്തിൽ സംസാരിക്കുകയായിരുന്നു അദ്ദേഹം.

പൊതുസ്ഥലങ്ങളിലെ പുകവലി തടയുന്നതിനും ലഹരി ഉപയോഗം തടയുന്നതിനും ആയി കുട്ടികൾക്കും രക്ഷിതാക്കളും അധ്യാപകർക്കും പ്രത്യേക ബോധവൽക്കരണം നൽകുന്നതിന് നടപടി സ്വീകരിക്കും. ജൂൺ മുതൽ അതിനുള്ള ക്യാമ്പയിനുകൾ ആരംഭിക്കും.

പതിനൊന്നുകാരനായ ആൽഫി പിൻഹീറോക്ക് ഇത് സ്വപ്ന സാക്ഷാത് കാരം. താൻ വരച്ച ചിത്രങ്ങളിലെ മുഖ്യമന്ത്രി പിണറായി വിജയനെ നേരിൽക്കാണാനും, മുഖ്യമന്ത്രിയ്ക്ക് ചിത്രം സമ്മാനിക്കാനും ആൽഫിക്ക് സാധിച്ചു. സംസ്ഥാന സർക്കാരിൻ്റെ നാലാം വാർഷികത്തോടനുബന്ധിച്ച് കാക്കനാട് കിൻഫ്ര കൺവൻഷൻ സെന്റെറിൽ നടന്ന ജില്ലാതല അവലോകന യോഗമായിരുന്നു വേദി. 

ജില്ലയിലെ തിരഞ്ഞെടുക്കപ്പെട്ട വ്യക്തികളുമായി സംവദിച്ച മുഖ്യമന്ത്രി ആൽഫിയെ കാണുകയും, സമ്മാനം ഏറ്റുവാങ്ങി അഭിനന്ദിക്കുകയും ചെയ്തു. 

കേന്ദ്ര ആഭ്യന്തര മന്ത്രാലയത്തിന്റെ നിർദ്ദേശപ്രകാരം ജില്ലയിലെ വിവിധ ഇടങ്ങളിൽ നടത്തിയ സിവിൽ ഡിഫൻസ് മോക്ക് ഡ്രിൽ പൂർണ്ണം. വൈകിട്ട് നാലുമണി മുതൽ നാലര വരെയായിരുന്നു മോക്ക് ഡ്രിൽ.

വൈകിട്ട് നാലുമണിയോടെ കളക്ടറേറ്റിൽ അപായ സൈറണുകൾ മുഴങ്ങി. അപായ മണി മുഴങ്ങിയതോടെ കളക്ടറേറ്റും പരിസരവും ഇരുട്ടിലായി. ജീവനക്കാർ സുരക്ഷയുടെ ഭാഗമായി ഓഫീസിലെ ലൈറ്റുകൾ, കമ്പ്യൂട്ടറുകൾ, മറ്റ് ഇലക്ട്രിക് ഉപകരണങ്ങൾ എല്ലാം ഓഫ്‌ ചെയ്തു സുരക്ഷിതരായി ഓഫീസുകളിൽ തന്നെ ഇരുന്നു.  

ബീഹാറിൽ നിന്നു തൊഴിൽ തേടി മാതാപിതാക്കൾ ക്കൊപ്പം കേരളത്തിൽ വന്ന് ഇവിടെ പഠിച്ചു

കൊണ്ടിരിക്കുന്ന ദക്ഷാ പർവീണിന് മുഖ്യമന്ത്രി പിണറായി വിജയന്റെ അഭിനന്ദനം. എറണാകുളം കാക്കനാട് കിൻഫ്ര കൺവെൻഷൻ സെന്ററിൽ സംസ്ഥാന സർക്കാരിന്റെ നാലാം വാർഷികത്തോടനുബന്ധിച്ച് സംഘടിപ്പിച്ച ജില്ലാതല യോഗത്തിൽ സംവദിക്കവെയാണ് മുഖ്യമന്ത്രി ദക്ഷയെ അഭിനന്ദിച്ചത്. 

ഭാഷാപരമായ പഠന പിന്തുണ കിട്ടാനും അഭിരുചികള്‍ കണ്ടെത്തി തൊഴില്‍ നൈപുണ്യം നേടാനും പഠനത്തോടൊപ്പം ചെറിയ ജോലികള്‍ ചെയ്യാനുമുള്ള അധിക സൗകര്യങ്ങള്‍ ഏർപ്പെടുത്തി നൽകുമോ എന്ന ദക്ഷയുടെ ചോദ്യത്തിന് അനുഭാവപൂർണമായ മറുപടിയാണു മുഖ്യമന്ത്രി നൽകിയത്.

കൊച്ചിയുടെ സമഗ്ര വികസനത്തിനായി ബ്രഹത് പദ്ധതിയുമായി സംസ്ഥാന സർക്കാർ. കൊച്ചിയിലെ മലിനീകരണം നിയന്ത്രിക്കുന്നതിനായി 3716.10 കോടി രൂപയുടെ പദ്ധതിയാണ് സർക്കാർ വിഭാവനം ചെയ്തിട്ടുള്ളതെന്ന് വ്യവസായ മന്ത്രി പി.രാജീവ്. കാക്കനാട് കിൻഫ്ര കൺവെൻഷൻ സെൻ്ററിൽ നടന്ന മുഖ്യമന്ത്രിയുടെ ജില്ലാ തല അവലോകന യോഗത്തിൽ ആധ്യക്ഷം വഹിച്ച് സംസാരിക്കുകയായിരുന്നു വ്യവസായ മന്ത്രി.

മുഖ്യമന്ത്രിയുടെ ജില്ലാ തല അവലോകന യോഗം 

അതിഥി തൊഴിലാളികളുടെ മക്കൾക്ക് വിദ്യാഭ്യാസം ഉറപ്പാക്കാൻ സംസ്ഥാന സർക്കാർ. കുട്ടികൾക്ക് സൗജന്യ വിദ്യഭ്യാസം ഉറപ്പുവരുത്തുന്ന ജ്യോതി പദ്ധതിക്കാണ് തുടക്കമിട്ടത്. സർക്കാരിൻ്റെ നാലാം വാർഷികാഘോഷങ്ങളുടെ ഭാഗമായി കാക്കനാട് കിൻഫ്ര കൺവെൻഷൻ സെന്ററിൽ നടന്ന ജില്ലാ തല അവലോകന യോഗത്തിൽ മുഖ്യമന്ത്രി പിണറായി വിജയൻ പദ്ധതിയുടെ ഉദ്ഘാടനം നിർവ്വഹിച്ചു. 

കേരള നിയമസഭയുടെ കേരള ലജിസ്ലേറ്റീവ് അസംബ്ലി മീഡിയ ആൻഡ് പാർലമെന്ററി സ്റ്റഡി സെന്റർ (പാർലമെന്ററി സ്റ്റഡീസ്)  നടത്തുന്ന ‘സർട്ടിഫിക്കറ്റ് കോഴ്സ് ഇൻ പാർലമെന്ററി പ്രാക്ടീസ് ആന്റ് പ്രൊസ്ജ്യർ’

കേരള നിയമസഭയുടെ കേരള ലജിസ്ലേറ്റീവ് അസംബ്ലി മീഡിയ ആൻഡ് പാർലമെന്ററി സ്റ്റഡി സെന്റർ നടത്തുന്ന പി.ജി.