സാധാരണക്കാരുടെ വാഹനമാണ് ഓട്ടോറിക്ഷയെന്നും സർക്കാർ ഓട്ടോറിക്ഷ സർവീസ് കോർപ്പറേഷൻ ആരംഭിക്കണമെന്നും ജി സുധാകരൻ എംഎൽഎ പറഞ്ഞു. സംസ്ഥാന സർക്കാരിൻ്റെ 100 ദിന കർമ്മപരിപാടികളുടെ ഭാഗമായി ലീഗൽ മെട്രോളജി വകുപ്പ് സംഘടിപ്പിക്കുന്ന ഓട്ടോറിക്ഷ ഫെയർ മീറ്ററുകളുടെ പഞ്ചായത്ത്, നഗരസഭ വെരിഫിക്കേഷൻ ക്യാമ്പുകളുടെ അമ്പലപ്പുഴ താലൂക്കുതല ഉദ്ഘാടനവും ഫ്ലാഗ് ഓഫും പുറക്കാട് എസ്.എൻ.എം. എച്ച്.എസ്.എസ്. ഓഡിറ്റോറിയത്തിൽ നിർവഹിച്ചു സംസാരിക്കുകയായിരുന്നു എം. എൽ.എ.

എസ്.ബി.ഐ യുടെ ഗ്രാമീണ സ്വയം തൊഴിൽ പരിശീലന കേന്ദ്രത്തിന്റെ നേതൃത്വത്തിൽ ആലപ്പുഴ ആര്യാട് ബ്ലോക്ക് പഞ്ചായത്ത് കോംപ്ലക്സിൽ ഉള്ള എസ് ബി ഐ ആർ എസ് ഇ റ്റി ഐ യിൽ  വനിതകൾക്ക് 35 ദിവസത്തെ സൗജന്യ ബ്യൂട്ടീഷ്യൻ പരിശീലനം നൽകുന്നു. (ഫേഷ്യൽ, ഹെയർ സ്മൂത്തനിംഗ്,  പെഡിക്യൂർ, മാനിക്യൂർ, സാരി ഡ്രാപ്പിംഗ്, ഹെയർ സ്പാ). 18 വയസ്സിനും 50 വയസ്സിനും ഇടയിലുള്ള യുവതികൾക്കു പങ്കെടുക്കാം.

ഫിഷറീസ് വകുപ്പിനു കീഴിൽ മത്സ്യത്തൊഴിലാളി വനിതകളുടെ ക്ഷേമത്തിനു വേണ്ടി പ്രവർത്തിക്കുന്ന സൊസൈറ്റി ഫോർ അസിസ്റ്റൻസ് ടൂ ഫിഷർവിമൺ (സാഫ്) ന്റെ നേത്യത്വത്തിൽ ആരംഭിക്കുന്ന പുതിയ പദ്ധതിയായ 'ഒരു കുടുംബം ഒരു സംരംഭം' പദ്ധതിയ്ക്ക് ജില്ലയിൽ തുടക്കമായി. 

​മാരാരിക്കുളം - ആലപ്പുഴ റെയിൽവേ സ്റ്റേഷനുകൾക്കിടയിലുള്ള പാതിരപ്പള്ളി റെയിൽവേ ഗേറ്റ് ജൂലൈ 20-ന് രാവിലെ എട്ട് മുതൽ വൈകിട്ട് ആറ് വരെ അറ്റകുറ്റപ്പണികൾക്കായി അടച്ചിടും. ഈ സമയത്ത് വാഹനങ്ങൾ തൊട്ടടുത്തുള്ള ഉദയ ഗേറ്റോ പൂങ്കാവ് ഗേറ്റോ വഴി  പോകേണ്ടതാണ്.

ചെങ്ങന്നൂര്‍ ഗവ. ഐടിഐ  2026 അധ്യയന വർഷത്തെ  പ്രവേശനത്തിനായി  സ്പെഷ്യല്‍ കാറ്റഗറി വിഭാഗത്തിലുള്ളവര്‍ക്ക്( ടി എച്ച് എസ് എൽ സി, ജുവനൈല്‍/ഓര്‍ഫന്‍/ആഗ്ലോ ഇന്ത്യൻ/സ്കൗട്ട്സ്/സ്പോര്‍ട്സ്)എന്നീ വിഭാഗത്തില്‍പ്പെട്ടവര്‍ ജൂലൈ 20
 രാവിലെ ഒമ്പത്  മണിക്കും മറ്റ് വിഭാഗത്തിലുള്ളവര്‍ ജൂലൈ 21
രാവിലെ  ഒമ്പത് മണിക്കും ഗവ. ഐടിഐ ചെങ്ങന്നൂരില്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകേണ്ടതാണ്. 
 ഫോൺ: 0479-2953150 

ആലപ്പുഴ ഗവ. മുഹമ്മദൻ ഗേൾസ് എച്ച് എസിൽ  ദിവസവേതന അടിസ്ഥാനത്തിൽ ഒരു ഫുൾടൈം മീനിയൽ   ജീവനക്കാരനെ തിരഞ്ഞെടുക്കുന്നതിനായി ജൂലൈ 21 രാവിലെ 11 മണിക്ക് അഭിമുഖം നടത്തും.
ഫോൺ:9142158099.

സ്കൂൾ  ഹെൽത്ത് പ്രോഗ്രാമിന്റെ  ഭാഗമായി   ആരോഗ്യവകുപ്പിനു കീഴിലെ എജ്യൂക്കേഷൻ മീഡിയ വിഭാഗം തയ്യാറാക്കിയ മൂന്ന് ആരോഗ്യ ബോധന  സാമഗ്രികളുടെ പ്രകാശനം ആരോഗ്യ വകുപ്പ് മന്ത്രി കെ മുരളീധരന്‍ നിർവഹിച്ചു.

ആലപ്പുഴ ഗവ. റ്റി ഡി മെഡിക്കൽ കോളേജ് ആശുപത്രിയിൽ  നടന്ന ചടങ്ങിൽ തണ്ണീർമുക്കം പഞ്ചായത്ത് എൽ.പി. സ്കൂളിലെ വിദ്യാർഥികളായ  ആദിശേഷൻ, സായൂജ്യ, ഋതുപർണ്ണ, അനുശ്രീ എന്നിവരും അധ്യാപികമാരായ കെ.പി. സൗമ്യമോൾ, എം. സീതാമണി എന്നിവരും ചേർന്ന് മന്ത്രിയിൽ നിന്ന്‌ ഇവ  ഏറ്റുവാങ്ങി. ചിദംബരം സംവിധാനം ചെയ്ത 'ബാലൻ' എന്ന  ചിത്രത്തിലെ പ്രധാന കഥാപാത്രമായ ബാലനെ  അവതരിപ്പിച്ചത് ആദിശേഷൻ ആണ് .

കേരള സംസ്ഥാന ഭാഗ്യക്കുറി വകുപ്പിന്റെ 2026-ലെ തിരുവോണം ബമ്പർ (BR -111) ഭാഗ്യക്കുറിയുടെ ജില്ലാതല ടിക്കറ്റ് പ്രകാശന ചടങ്ങ്  ജൂലൈ 20 തിങ്കളാഴ്‌ച മൂന്ന് മണിക്ക് ആലപ്പുഴ ജില്ലാ പഞ്ചായത്ത് ഹാളിൽ നടക്കും
 എ.ഡി. തോമസ് എം എൽ എ അധ്യക്ഷത വഹിക്കുന്ന ചടങ്ങിൽ
ജി. സുധാകരൻ എം എൽ എ ഉദ്ഘാടനവും ടിക്കറ്റ് പ്രകാശനവും
നിർവഹിക്കും.