ആലപ്പുഴ ജില്ലയിലെ ദേശസാൽകൃത ബാങ്കുകളുടെ മാനേജർമാരുടെ പേരിലുള്ള ആയുധ ലൈസൻസുകൾ ഒഴികെ ജില്ലയിൽ രജിസ്റ്റർ ചെയ്തിട്ടുള്ളതും രജിസ്റ്റർ ചെയ്തിട്ടില്ലാത്തതുമായ എല്ലാ ആയുധലൈസൻസികളുടെ കൈവശമുള്ള തോക്കുകളും മാർച്ച് 26നകം ബന്ധപ്പെട്ട പോലീസ് സ്റ്റേഷനിലെ എസ്.എച്ച്.ഒ. മുമ്പാകെ നൽകുകയോ അല്ലെങ്കിൽ അംഗീകൃത ആർമറികളിൽ സേഫ് കസ്റ്റഡിയിൽ സൂക്ഷിക്കുകയോ ചെയ്യേണ്ടതാണെന്ന് ജില്ലാ കളക്ടർ, ജില്ലാ പോലീസ് മേധാവി എന്നിവരടങ്ങിയ സ്‌ക്രീനിംഗ് കമ്മിറ്റി തീരുമാനിച്ചു.

ടി ബി ജങ്ക്ഷൻ വെള്ളംകുളങ്ങര റോഡിൽ മാർച്ച് 23 മുതൽ 24 വരെ ബി സി ടാറിംഗ് പ്രവർത്തി നടത്തുന്നതിനാൽ ഈ ദിവസങ്ങളിൽ ഈ റോഡിൽ കൂടിയുള്ള വാഹന ഗതാഗതം പൂർണ്ണമായി നിരോധിച്ചിരിക്കുന്നതായി പൊതുമരാമത്ത് നിരത്തു സെക്ഷൻ ഹരിപ്പാട് അസിസ്റ്റന്റ് എൻജിനീയർ അറിയിച്ചു.

കിറ്റ്സിൽ എം.ബി.എ.

എൽ.ബി.എസ്സ്. സെന്റർ  ഫോർ സയൻസ് ആൻഡ് ടെക്‌നോളജിയുടെ തിരുവനന്തപുരം ഹെഡ് ഓഫീസിൽ ഏപ്രിൽ മാസം ആദ്യ വാരം ആരംഭിക്കുന്ന വെക്കേഷൻ കോഴ്സുകളിലേക്ക് അപേക്ഷ ക്ഷണിച്ചു.

സംസ്ഥാനത്തിന്റെ വികസനപ്രവർത്തനങ്ങളുടെ ധനശേഖരണാർഥം 3,700 കോടി രൂപയുടെ കടപ്പത്രം പുറപ്പെടുവിക്കുന്നു.

സ്റ്റേഷനറി വകുപ്പിന്റെ തിരുവനന്തപുരത്തെ മുഖ്യ സ്റ്റേഷനറി സ്റ്റോറിൽ വാർഷിക സ്റ്റോക്കെടുപ്പ് നടത്തുന്നതിനാൽ ഏപ്രിൽ 1, 4, 6, 7, 8 തീയതികളിൽ സ്റ്റേഷനറി വിതരണം ഉണ്ടായിരിക്കില്ലെന്ന് സ്റ്റേഷനറി കൺട്രോളർ അറിയിച്ചു.

കേരള സ്റ്റേറ്റ് ജവഹർ ബാലഭവനിൽ ‘കളിമുറ്റം’ മധ്യ വേനലവധിക്കാല ക്ലാസുകൾ ഏപ്രിൽ- മേയ് മാസങ്ങളിൽ നടത്തും.

നിയമസഭാ തിരഞ്ഞെടുപ്പുമായി ബന്ധപ്പെട്ട് മീഡിയ സർട്ടിഫിക്കേഷൻ ആൻഡ് മോണിറ്ററിംഗ് കമ്മിറ്റി(എം സി എം സി)യുടെ ആദ്യ യോഗം ജില്ലാ കളക്ടർ അനു കുമാരിയുടെ അധ്യക്ഷതയിൽ കളക്ടറേറ്റ് ചേമ്പറിൽ ചേർന്നു.

പരസ്യങ്ങൾക്ക് പ്രീ സർട്ടിഫിക്കേഷൻ നൽകുന്നതിനായി അംഗീകൃത രാഷ്ട്രീയ പാർട്ടികൾ മൂന്നു ദിവസം മുൻപും മറ്റുള്ളവർ ഏഴു ദിവസം മുൻപും അപേക്ഷ സമർപ്പിക്കണമെന്ന് കളക്ടർ നിർദേശിച്ചു. സോഷ്യൽ മീഡിയയിൽ വ്യാജവാർത്തകൾ വ്യാപകമായി പ്രചരിക്കാൻ സാധ്യതയുള്ളതിനാൽ നാമനിർദേശ പത്രിക നൽകിയ ശേഷം ഓരോ സ്ഥാനാർത്ഥികളുടെയും അക്കൗണ്ടുകൾ സൂക്ഷ്മമായി പരിശോധിക്കേണ്ടതാണെന്നും യോഗം വിലയിരുത്തി.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ വിമുക്ത ഭടന്മാരെ സ്‌പെഷ്യല്‍ പോലീസ് ഓഫീസര്‍മാരായി നിയമിക്കുന്നു. താത്പര്യമുള്ള വിമുക്ത ഭടന്മാര്‍ മാര്‍ച്ച് 23ന് മുമ്പ് ജില്ലാ സൈനിക ക്ഷേമ ഓഫീസുമായി ബന്ധപ്പെടണമെന്ന് സൈനിക ക്ഷേമ ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക്: 0471-2472748

തിരുവനന്തപുരം മേഖലാ സ്റ്റേഷനറി ഓഫീസിൽ വാർഷിക കണക്കെടുപ്പുമായി ബന്ധപ്പെട്ട് ഏപ്രിൽ ഒന്ന് മുതൽ 6 വരെ സ്റ്റേഷനറി സാധനങ്ങളുടെ വിതരണം ഉണ്ടായിരിക്കുന്നതല്ലെന്ന് അസിസ്റ്റന്റ് സ്റ്റേഷനറി കൺട്രോളർ അറിയിച്ചു.