കൊട്ടിയം ടൗണ്‍ഷിപ്പിലെ വാര്‍ഡുകളില്‍ ഉള്‍പ്പെട്ട സബ് രജിസ്ട്രാര്‍ ഓഫീസ് ജംഗ്ഷന്‍-തറവാട്ടില്‍ ജംഗ്ഷന്‍-വൈദ്യശാല ജംഗ്ഷന്‍ റോഡില്‍  നിര്‍മ്മാണപ്രവൃത്തിക്കായി ജൂലൈ 17 മുതല്‍ ഒരുമാസത്തേക്ക് ഗതാഗത നിയന്ത്രണം ഏര്‍പ്പെടുത്തിയതായി  ഹാര്‍ബര്‍ എഞ്ചിനിയറിംഗ് അസിസ്റ്റന്റ് എഞ്ചിനിയര്‍  അറിയിച്ചു.
                                           

  മുന്‍ഗണനാ വിഭാഗത്തില്‍ ഉള്‍പ്പെടുത്തുന്നതിനായി അര്‍ഹരായ മുന്‍ഗണനേതര റേഷന്‍കാര്‍ഡ് ഉടമകള്‍ക്ക് ഓണ്‍ലൈന്‍ മുഖേന  ജൂലൈ 20 വരെ അപേക്ഷ സമര്‍പ്പിക്കാം.     ബന്ധപ്പെട്ട  രേഖകള്‍ സഹിതം   അക്ഷയ കേന്ദ്രങ്ങള്‍ വഴിയോ  ecitizen.civilsupplieskerala.gov.in   മുഖേനയോ   അപേക്ഷ സമര്‍പ്പിക്കാം.
                                                  

 ചാത്തന്നൂര്‍  സര്‍ക്കാര്‍ ഐ.ടി.ഐയില്‍  എസ്.എസ്.എല്‍.സി, പ്ലസ് ടു   യോഗ്യതയുള്ളവര്‍ക്കായി എയര്‍ കാര്‍ഗോ ഷിപ്പിംഗ് ആന്‍ഡ് ലോജിസ്റ്റിക് മാനേജ്‌മെന്റ്, ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, ഡിപ്ലോമ ഇന്‍ എ.സി മെക്കാനിക്ക്, ഡിപ്ലോമ ഇന്‍ എയര്‍ലൈന്‍ ഹോസ്പിറ്റാലിറ്റി ആന്‍ഡ് ട്രാവല്‍ മാനേജ്മെന്റ്  കോഴ്‌സുകളിലേക്ക് പ്രവേശനം ആരംഭിച്ചു. ഫോണ്‍: 9074870849.  
                                        

  തിരുവനന്തപുരം സി-ഡിറ്റില്‍ ഡിപ്ലോമ ഇന്‍ ഡിജിറ്റല്‍ മീഡിയ പ്രൊഡക്ഷന്‍, ഡിപ്ലോമ ഇന്‍ ഡിജിറ്റല്‍ വിഡിയോഗ്രാഫി, ഡിപ്ലോമ ഇന്‍ വിഡിയോ എഡിറ്റിംഗ്, സര്‍ട്ടിഫിക്കറ്റ് കോഴ്സ് ഇന്‍ ഡിജിറ്റല്‍ സ്റ്റില്‍ ഫൊട്ടോഗ്രഫി   കോഴ്സുകളിലേക്ക് അപേക്ഷ ക്ഷണിച്ചു.  അവസാന തീയതി ജൂലൈ 25.   ഫോണ്‍: 8547720167, 9961491540.
                                                     
 

കൊട്ടാരക്കര അവണൂര്‍ സഹകരണ പരിശീലന കോളജില്‍ ഹയര്‍ ഡിപ്ലോമ ഇന്‍  കോ-ഓപ്പറേഷന്‍  ആന്‍ഡ് ബിസിനസ് മാനേജ്മെന്റ് കോഴ്‌സിലേക്ക് ജൂലൈ 31 വരെ www.scukerala.gov.in  ല്‍ അപേക്ഷ സമര്‍പ്പിക്കാം. ഫോണ്‍: 9446154048, 6282349707.
                                         
 

കരുനാഗപ്പളളി, കൊല്ലം, കൊട്ടാരക്കര, പത്തനാപുരം, പുനലൂര്‍ താലൂക്കുകളിലെ പട്ടികജാതി പട്ടികവര്‍ഗ വിഭാഗത്തില്‍പ്പെട്ട തൊഴില്‍രഹിതര്‍ക്ക്   7.5 ശതമാനം പലിശ നിരക്കില്‍ വസ്തു/സര്‍ക്കാര്‍ഉദ്യോഗസ്ഥരുടെ ശമ്പളസര്‍ട്ടിഫിക്കറ്റിന്റെ ജാമ്യത്തില്‍ സ്വയംതൊഴില്‍ വായ്പയ്ക്ക് അപേക്ഷിക്കാം. പ്രായപരിധി: 18-55 വയസ്. വിവരങ്ങള്‍ക്ക്: പട്ടികജാതി പട്ടികവര്‍ഗവികസന കോര്‍പ്പറേഷന്‍, ജില്ലാ കാര്യാലയം, ജില്ലാ  പഞ്ചായത്ത് ബില്‍ഡിങ്, റെയില്‍വേ സ്റ്റേഷന്‍ റോഡ്, കര്‍ബല ജംഗ്ഷന്‍, കൊല്ലം. ഫോണ്‍: 0474 - 2764440, 9496746475.
                                                 
 

പള്ളിപ്പാട് ഐടിഐ പ്രവേശനത്തിന് അപേക്ഷിക്കുകയും റാങ്ക് ലിസ്റ്റിൽ ഉൾപ്പെടുകയും ചെയ്ത മുഴുവൻ അപേക്ഷകരും സർട്ടിഫിക്കറ്റ് പരിശോധനയ്ക്കും അഡ്മിഷൻ കൗൺസിലിങ്ങിനുമായി ജൂലൈ 18-ന് രാവിലെ ഒമ്പത് മണിക്ക് ഐടിഐയിൽ എത്തണമെന്ന് പ്രിൻസിപ്പൽ അറിയിച്ചു.
എസ്.എസ്.എൽ.സി, പ്ലസ്ടു, ടി.സി,   ആധാർ കാർഡ് എന്നീ രേഖകളുടെ ഒറിജിനലും എസ്.സി/എസ്.ടി വിഭാഗക്കാർ ജാതി സർട്ടിഫിക്കറ്റും എല്ലാ രേഖകളുടെയും ഓരോ പകർപ്പും  സഹിതം രക്ഷിതാവിനൊപ്പം കൃത്യസമയത്ത് ഹാജരാകണം.

​പുന്നമട നെഹ്രു ട്രോഫി പാലം നിർമാണത്തിൻ്റെ കോൺക്രീറ്റിങ്ങുമായി ബന്ധപ്പെട്ട് ജൂലൈ 17-ന് ബോട്ട് ഗതാഗതത്തിന് പൂർണ നിയന്ത്രണം ഏർപ്പെടുത്തിയതായി ആലപ്പുഴ പോർട്ട് ഓഫീസർ അറിയിച്ചു.