ഉന്നത വിദ്യാഭ്യാസവും സാമൂഹിക നീതിയും വകുപ്പ് മന്ത്രി ഡോക്ടർ ആർ ബിന്ദു ഇന്ന് (ജൂൺ 30ന് ) തിങ്കളാഴ്ച ജില്ലയിൽ വിവിധ പരിപാടികളിൽ പങ്കെടുക്കും. രാവിലെ പത്തിന് പൊവ്വൽ എൽ.ബി.എസ് എൻജിനീയറിങ് കോളേജിൽ സർക്കാരിൻറെ 100 ദിന കർമ്മ പദ്ധതിയുടെ ഭാഗമായി  അഞ്ച് പദ്ധതികളുടെ ഉദ്ഘാടനം മന്ത്രി നിർവഹിക്കും.  

12ന് എളേരിത്തട്ട് ഇ.കെ നായനാർ ഗവൺമെൻറ് കോളേജിൽ എക്കണോമിക്സ് വിഭാഗം കെട്ടിടം ഉദ്ഘാടനം ചെയ്യും. 

പട്ടികജാതി വിഭാഗത്തില്‍നിന്നും അപ്രന്റീസ് ക്ലാര്‍ക്കുമാരുടെ താല്‍ക്കാലിക നിയമനം നടത്തുന്നു. ബിരുദവും മലയാളം കംപ്യൂട്ടിങ്ങും യോഗ്യതയുള്ള പട്ടികജാതി വിഭാഗത്തില്‍പ്പെട്ട ഉദ്യോഗാര്‍ത്ഥികളില്‍ നിന്ന്  നീലേശ്വരം, ബേള, ചെറുവത്തൂര്‍ ഐ.ടി.ഐകളില്‍ താല്‍കാലിക നിയമനത്തിനുള്ള അപേക്ഷ ക്ഷണിച്ചു. അപേക്ഷകര്‍ 21 നും 35 നും ഇടയില്‍ പ്രായപരിധി ഉള്ളവരാകണം. അപേക്ഷ, ജാതി, വിദ്യാഭാസ യോഗ്യത, വയസ്സ് എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പിനൊപ്പം  ജൂലൈ ഒന്‍പതിനകം സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ പട്ടികജാതി വികസന ഓഫീസില്‍ സമര്‍പ്പിച്ചിക്കണം.

വിദ്യാനഗര്‍ സര്‍ക്കാര്‍ അദ്ധവിദ്യാലയത്തില്‍ ഹെലന്‍ കെല്ലര്‍ അനുസ്മരണം സംഘടിപ്പിച്ചു. എം. രാജേഷ് ബാബു അധ്യക്ഷത വഹിച്ചു. ഓമന ടീച്ചര്‍ പരിപാടി ഉദ്ഘാടനം ചെയ്തു. എം. ഉമേഷന്‍, പി.എം അബൂബക്കര്‍ എന്നിവര്‍ സംസാരിച്ചു.  തുടര്‍ന്ന് കുട്ടികള്‍ക്ക് വീഡിയോ പ്രദര്‍ശനം നടത്തി. എ.എസ ഷംഷാദ് സ്വാഗതവും കെ. ഉഷ നന്ദിയും പറഞ്ഞു.
 

കേരള സ്റ്റേറ്റ് ഇലക്ട്രിസിറ്റി ലൈസന്‍സിങ്ങ് ബോര്‍ഡിന്റെ ഇലക്ട്രിക്കല്‍ വയര്‍മാന്‍ പ്രായോഗിക പരീക്ഷ ജൂലൈ രണ്ടിന് രാവിലെ ഒന്‍പത് മുതല്‍ വൈകുന്നേരം നാല് വരെ കാസര്‍കോട് ഗവണ്‍മെന്റ ്‌പോളി ടെക്‌നിക്ക് പെരിയയില്‍ നടക്കും. പരീക്ഷാര്‍ത്ഥികള്‍ ഹാള്‍ടിക്കറ്റ് samraksha.ceikerala.gov.in ല്‍ നിന്ന് ഡൗണ്‍ ലോഡ് ചേയ്ത് പ്രിന്റെടുത്ത് പരീക്ഷയ്ക്ക് എത്തണം. അപേക്ഷയോടൊപ്പം സമര്‍പ്പിച്ച തിരിച്ചറിയല്‍ രേഖയുടെ അസ്സല്‍ നിര്‍ബന്ധമായും പരീക്ഷാ സമയത്ത് ഹാജരാക്കണ്ടണം.

 ഫോണ്‍ - 04994 256930.

സംസ്ഥാന കർഷക കടാശ്വാസ കമ്മീഷൻ വയനാട് ജില്ലയിലെ കർഷകരുടെ സിറ്റിങ് നടത്തുന്നു. എറണാകുളം സർക്കാർ അതിഥി മന്ദിരത്തിൽ ഓൺലൈനായി ജൂലൈ 4, 5 തീയതികളിലായി നടത്തുന്ന സിറ്റിങ്ങിൽ ചെയർമാൻ ജസ്റ്റിസ് (റിട്ട.) കെ. അബ്രഹാം മാത്യൂവും കമ്മീഷൻ അംഗങ്ങളും പങ്കെടുക്കും. രാവിലെ 9 മണി മുതലാണ് സിറ്റിങ്. സിറ്റിങ്ങിന് ഹാജരാകുന്നതിനായി അപേക്ഷകർക്കും ധനകാര്യ സ്ഥാപനങ്ങൾക്കും നോട്ടീസ് അയച്ചിട്ടുണ്ട്.

പാലക്കാട് വ്യാവസായിക ട്രൈബ്യൂണലും ഇൻഷ്വറൻസ് കോടതി ജഡ്ജിയും എംപ്ലോയീസ് കോമ്പൻസേഷൻ കമ്മീഷണറുമായ സാബു സെബാസ്റ്റ്യൻ ജൂലൈ 1, 7, 8, 14, 15, 21, 22, 28, 29 തിയതികളിൽ പാലക്കാട് റവന്യൂ ഡിവിഷണൽ മജിസ്ട്രേറ്റ് കോടതി ഹാളിലും 4, 10 തിയതികളിൽ പെരിന്തൽമണ്ണ സബ് ഡിവിഷണൽ മജിസ്ട്രേറ്റ് കോടതി ഹാളിലും 18, 25 തിയതികളിൽ മഞ്ചേരി മാധവൻ നായർ സ്മാരക മന്ദിരം, പഴയ മുൻസിപ്പൽ ഓഫീസ് ഹാളിലും തൊഴിൽ തർക്ക കേസുകളും ഇൻഷ്വറൻസ് കേസുകളും എംപ്ലോയീസ് കോമ്പൻസേഷൻ കേസുകളും

ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആന്റ് ടാക്‌സേഷൻ (GIFT) തൊഴിലധിഷ്ടിത പോസ്റ്റ് ഗ്രാജേറ്റ് ഡിപ്ലോമ ഇൻ ജി.എസ്.ടി കോഴ്സിന് അപേക്ഷിക്കുന്നതിനുള്ള അവസാന തീയതി ജൂലൈ 7 വരെ നീട്ടി. അംഗീകൃത സർവകലാശാല ബിരുദമാണ് അടിസ്ഥാന യോഗ്യത. അവസാന വർഷ ബിരുദ വിദ്യാർഥികൾക്കും അപേക്ഷിക്കാം. ഒരു വർഷത്തെ കോഴ്സിൽ 180 മണിക്കൂർ പരിശീലനമാണ് (ക്ലാസ്റൂം ഓൺലൈൻ/ ഓഫ് ലൈൻ/ ഹൈബ്രിഡ്) ഉൾപ്പെടുത്തിയിട്ടുള്ളത്.

തിരുവനന്തപുരം സ്‌റ്റേറ്റ് സെൻട്രൽ ലൈബ്രറിയുടെ ആവശ്യത്തിലേക്ക് 2025-26 സാമ്പത്തിക വർഷത്തേക്കുള്ള ഇംഗ്ലീഷ്/മലയാളം/തമിഴ്/സംസ്‌കൃതം ഭാഷകളിലുള്ള പുസ്തകങ്ങൾ വാങ്ങുന്നതിനുള്ള ക്വട്ടേഷനുകൾ ക്ഷണിച്ചു.

കേരള ദേവസ്വം റിക്രൂട്ട്മെന്റ് ബോർഡ് വിജ്ഞാപനം ചെയ്ത ഗുരുവായൂർ ദേവസ്വത്തിലെ ക്ലർക്ക് (കാറ്റഗറി നം01/2025), തസ്തികയിലേക്കുള്ള ഒ.എം.ആർ പരീക്ഷ ജൂലൈ 13 ന് ഉച്ച കഴിഞ്ഞ് 1.30 മുതൽ 3.15 വരെ തിരുവനന്തപുരം, തൃശൂർ, കോഴിക്കോട് ജില്ലകളിലെ വിവിധ പരീക്ഷാകേന്ദ്രങ്ങളിൽ നടക്കും.

ഐതിഹ്യപ്പെരുമ പേറുന്ന പുലിയൂർ പഞ്ചായത്തിലെ നൂറ്റുവൻപാറ കേന്ദ്രീകരിച്ച് ടൂറിസം പദ്ധതി നടപ്പാക്കുന്നതിന് ഫിഷറീസ്, സാംസ്കാരിക വകുപ്പ് മന്ത്രി സജി ചെറിയാന്റെ നിർദ്ദേശത്തെ തുടർന്ന് സംസ്ഥാന ടൂറിസം വകുപ്പ് രണ്ടു കോടി 20 ലക്ഷം രൂപ അനുവദിച്ചു.