പട്ടികജാതി വികസന വകുപ്പിന്റെ നിയന്ത്രണത്തിൽ മണ്ണന്തലയിൽ പ്രവർത്തിക്കുന്ന ഗവ പ്രീ എക്സാമിനേഷൻ ട്രെയിനിംഗ് സെന്ററിൽ ആറ് മാസത്തെ സൗജന്യ പ്ലസ് ടു ലെവൽ, ഡിഗ്രിലെവൽ പി.എസ്.സി പരീക്ഷാ പരിശീലനം നൽകുന്നു. പി.എസ്.സി നിഷ്‌കർഷിക്കുന്ന വിദ്യാഭ്യാസ യോഗ്യതയ്ക്ക് അനുസൃതമായുള്ള പരീക്ഷാ പരിശീലനത്തിനായി തിരുവനന്തപുരം, കൊല്ലം, പത്തനംതിട്ട എന്നീ ജില്ലകളിലെ ഉദ്യോഗാർത്ഥികൾക്ക് അപേക്ഷിക്കാം.

സംസ്ഥാന സാക്ഷരതാ മിഷൻ അതോറിറ്റിയുടെ ഹയർ സെക്കൻഡറി തുല്യതാ പരീക്ഷ വിജയിച്ചവർക്ക് സാക്ഷരതാ മിഷൻ മുഖേന ശ്രീനാരായണഗുരു ഓപ്പൺ യൂണിവേഴ്സിറ്റിയിൽ ബിരുദ കോഴ്‌സ് പഠിക്കുന്നതിന് തിരുവനന്തപുരം ജില്ലാ പഞ്ചായത്ത് പദ്ധതിപ്രകാരം അപേക്ഷ ക്ഷണിച്ചു.

പരമാവധി 473 പഠിതാക്കൾക്കാണ് ആനുകൂല്യം. 2026- 27 സാമ്പത്തിക വർഷത്തിലെ ഒന്നാം വർഷത്തെ രണ്ട് സെമസ്റ്ററുകളുടെ കോഴ്‌സ് ഫീസും രജിസ് ട്രേഷൻ ഫീസും ഉൾപ്പെടെ ഒരു പഠിതാവിന് 7,390 രൂപ വീതം ജില്ലാ പഞ്ചായത്ത് വഹിക്കും. പരീക്ഷാ ഫീസ് പരീക്ഷ സമയത്ത് പഠിതാക്കൾ നേരിട്ട് സർവകലാശാലയിൽ അടയ്‌ക്കേണ്ടതാണ്.

കേരള സർക്കാരിന്റെ ഹിന്ദി അധ്യാപക ട്രെയിനിംഗ് യോഗ്യതയായ രണ്ട് വർഷത്തെ റഗുലർ ഹിന്ദി ഡിപ്ലോമ ഇൻ എലിമെന്ററി എഡ്യൂക്കേഷൻ കോഴ്‌സ് 2026-28 ബാച്ചിൽ സീറ്റുകൾ ഒഴിവുണ്ട്. 50 ശതമാനം മാർക്കോടെ രണ്ടാം ഭാഷ ഹിന്ദിയിലുള്ള പ്ലസ് ടു, ഡിഗ്രി, എം എ വിജയിച്ചവർക്ക് അപേക്ഷിക്കാം. പ്രായപരിധി 17 – 35 വയസ്. പട്ടികജാതി പിന്നോക്ക വിഭാഗത്തിന് ഫീസ് ഇളവ് ലഭ്യമാണ്.

സ്‌കോൾ-കേരള മുഖേനയുള്ള ഹയർ സെക്കണ്ടറി കോഴ്സുകളിൽ 2026-28 ബാച്ചിലേക്ക് ഓപ്പൺ റെഗുലർ, പ്രൈവറ്റ് രജിസ്‌ട്രേഷൻ

ഇൻലാൻഡ് വെസ്സൽസ് (സർവേ ആൻഡ് സർട്ടിഫിക്കേഷൻ) റൂൾസ് 2022-ൽ പരാമർശിച്ചിട്ടുള്ള യോഗ്യതയുള്ള ഉദ്യോഗാർത്ഥികളിൽ നിന്നും കേരളാ മാരിടൈം ബോർഡിൽ കരാർ അടിസ്ഥാനത്തിൽ ഇൻലാൻഡ് വെസ്സൽ സർവേയർമാരെ നിയമിക്കുന്നതിനായി അപേക്ഷ ക്ഷണിച്ചു.

തിരുവനന്തപുരം കൈമനം സർക്കാർ വനിതാ പോളിടെക്‌നിക് കോളേജിലെ കമേഴ്‌സ്യൽ പ്രാക്ടീസ് വകുപ്പിൽ കമ്പ്യൂട്ടർ എഞ്ചിനിയറിങ് വിഭാഗത്തിൽ ലക്ചററുടെ  താൽക്കാലിക നിയമനത്തിന് അഭിമുഖം നടത്തും. ബന്ധപ്പെട്ട വിഷയത്തിൽ ഫസ്റ്റ് ക്ലാസ്സിൽ കുറയാത്ത ബി ടെക് ബിരുദമാണ് യോഗ്യത.

കാർഷിക വികസന കർഷക ക്ഷേമ വകുപ്പ് സബ്മെഴ്സിബിൾ ആക്സിയൽ ഫ്ലോ പമ്പ് സെറ്റിനായി (14 എണ്ണം) ദർഘാസ് ക്ഷണിച്ചു. ആഗസ്റ്റ് 14 വൈകിട്ട് 5 നകം സമർപ്പിക്കണം.

ഇന്ത്യൻ വ്യോമസേനയിലേക്കുള്ള അഗ്നിവീർ വായു (മ്യൂസിഷൻ) റിക്രൂട്ട്മെന്റിന് അപേക്ഷ ക്ഷണിച്ചു. 2005 ജനുവരി ഒന്നിനും 2009 ജൂലൈ ഒന്നിനും ഇടയിൽ ജനിച്ച അവിവാഹിതരായ സ്ത്രീ, പുരുഷ ഉദ്യോഗാർഥികൾക്ക് അപേക്ഷിക്കാം. പ്രീ രജിസ്ട്രേഡ് റിക്രൂട്ട്മെന്റ് റാലിക്കായി ആഗസ്റ്റ് രണ്ട് രാത്രി 11 വരെ ഓൺലൈൻ രജിസ്ട്രേഷൻ നടത്താം. യോഗ്യത, രജിസ്ട്രേഷൻ, അനുബന്ധ വിവരങ്ങൾ എന്നിവക്ക് https://iafrecruitment.edcil.co.in എന്ന വെബ്സൈറ്റ് സന്ദർശിക്കുക.
(പി ആർ/എ എൽ പി/1456)

അഗ്നിപഥ് പദ്ധതിയുടെ ഭാഗമായി ഇന്ത്യൻ വ്യോമസേനയിലെ അഗ്നിവീർ വായു സേനയിലേക്ക് റിക്രൂട്ട്മെന്റ് നടത്തുന്നതിന് ഓൺലൈൻ അപേക്ഷ ക്ഷണിച്ചു. 2005 ജൂലൈ ഒന്നിനും 2010 ജനുവരി ഒന്നിനും ഇടയിൽ ജനിച്ച അവിവാഹിതരായ സ്ത്രീ, പുരുഷ ഉദ്യോഗാർഥികൾക്ക് അപേക്ഷിക്കാം. ജൂലൈ 26 ന് രാത്രി 11 വരെ ഓൺലൈനായി അപേക്ഷകൾ സമർപ്പിക്കാം. യോഗ്യത, രജിസ്ട്രേഷൻ, അനുബന്ധ വിവരങ്ങൾ എന്നിവക്ക് https://iafrecruitment.edcil.co.in എന്ന വെബ്സൈറ്റ് സന്ദർശിക്കുക.
(പി ആർ/എ എൽ പി/1455)

കർഷക തൊഴിലാളി ക്ഷേമനിധി അംഗങ്ങളുടെ മക്കളിൽ നിന്നും 2025-26 അധ്യായന വർഷത്തിൽ എസ്എസ്എൽസി/ടിഎച്ച്എസ്എൽസി പരീക്ഷയിൽ 75 ശതമാനത്തിൽ കുറയാതെ മാർക്ക് നേടിയ വിദ്യാർഥികളിൽ നിന്നും പ്ലസ്ടു/വിഎച്ച്എസ്ഇ അവസാന വർഷ പരീക്ഷയിൽ 85 ശതമാനത്തിൽ കുറയാതെ മാർക്ക് നേടിയ വിദ്യാർഥികളിൽ നിന്നും വിദ്യാഭ്യാസ അവാർഡിന് അപേക്ഷ ക്ഷണിച്ചു. എസ്.സി/എസ്.ടി വിഭാഗത്തിൽപ്പെട്ട കുട്ടികൾക്ക് എസ്എസ്എൽസി/ ടിഎച്ച്എസ്എൽസി പരീക്ഷയിൽ 70 ശതമാനം മാർക്കും പ്ലസ്ടു/വിഎച്ച്എസ്ഇ പരീക്ഷയിൽ 80 ശതമാനം മാർക്കും മതിയാകും.