സംസ്ഥാന ഭാഗ്യക്കുറി വകുപ്പിന്റെ തിരുവോണം ബംപര്‍ ഭാഗ്യക്കുറിയുടെ ജില്ലാതല ടിക്കറ്റ് വില്‍പനയുടെ ഉദ്ഘാടനം കളക്ടറേറ്റ് കോണ്‍ഫ്രന്‍സ് ഹാളില്‍ നടന്നു. ജില്ലാ പഞ്ചായത്ത് വൈസ് പ്രസിഡന്റ് അഡ്വ. എ.പി.സ്മിജി ടിക്കറ്റിന്റെ പ്രകാശനം നിര്‍വഹിച്ചു. ആദ്യവില്‍പന മുഖ്യാതിഥിയായി പങ്കെടുത്ത ജില്ലാ കളക്ടര്‍ ഡോ.വിനയ് ഗോയല്‍ നിര്‍വഹിച്ചു. മലപ്പുറം നഗരസഭ വാര്‍ഡ് കൗണ്‍സിലര്‍ പി.കെ. സബ്‌ന മന്‍സൂര്‍ അധ്യക്ഷയായി.

തിരുവാലി കുടുംബാരോഗ്യ കേന്ദ്രത്തിലെ ഈവനിംഗ് ഒ.പിയില്‍ ഡോക്ടറുടെ താത്ക്കാലിക നിയമനത്തിനായി ജൂലൈ 22 ന് രാവിലെ 10 ന് മലപ്പുറം ജില്ലാ മെഡിക്കല്‍ ഓഫീസില്‍ (ആരോഗ്യം) അഭിമുഖം നടക്കും. . തദ്ദേശ സ്വയംഭരണ വകുപ്പ്  മുഖാന്തരമാണ് നിയമനം. താത്പര്യമുള്ള ഉദ്യോഗാര്‍ത്ഥികള്‍ ടി.സി.എം.സി രജിസ്‌ട്രേഷന്‍ സര്‍ട്ടിഫിക്കറ്റ്, എം.ബി.ബി.എസ് സര്‍ട്ടിഫിക്കറ്റ്, എസ്.എസ്.എല്‍.സി, ആധാര്‍ കാര്‍ഡ്, പ്രവൃത്തിപരിചയ സര്‍ട്ടിഫിക്കറ്റ് എന്നിവയുടെ അസ്സലും ഒരു പകര്‍പ്പും സഹിതം ഹാജരാകണം. ഫോണ്‍- 04931-248025.

മഞ്ചേരി പോസ്റ്റല്‍ ഡിവിഷന് കീഴിലുള്ള തപാല്‍ പെന്‍ഷന്‍കാര്‍ക്കും ഫാമിലി പെന്‍ഷന്‍കാര്‍ക്കുമായി ഡിവിഷന്‍ തല പെന്‍ഷന്‍ അദാലത്ത് ജൂലൈ 30 ന് രാവിലെ 11 ന് മഞ്ചേരി പോസ്റ്റ് ഓഫീസ് സൂപ്രണ്ട് ഓഫീസില്‍ നടക്കും.
മഞ്ചേരി ഡിവിഷന് കീഴിലുള്ള പെന്‍ഷന്‍കാരുടെ തപാല്‍ പെന്‍ഷനുമായി ബന്ധപ്പെട്ട പരാതികള്‍ ഈ അദാലത്തില്‍ പരിഗണിക്കും. അദാലത്തിലേക്ക് പരാതികള്‍ സമര്‍പ്പിക്കാന്‍ ആഗ്രഹിക്കുന്നവര്‍, തങ്ങളുടെ പരാതികള്‍ 'ദി സൂപ്പറിന്‍ഡന്റ് ഓഫ് പോസ്റ്റ് ഓഫീസസ്, മഞ്ചേരി ഡിവിഷന്‍, മഞ്ചേരി-676121'  എന്ന വിലാസത്തില്‍ ജൂലൈ 24 നകം അയക്കണം.

കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ നിന്നും വിവിധ പെന്‍ഷനുകള്‍ കൈപ്പറ്റുന്നവര്‍ക്കുള്ള വാര്‍ഷിക മസ്റ്ററിംഗ് നടപടികള്‍ ആരംഭിച്ചു. 2025 ഡിസംബര്‍ 31 വരെ ബോര്‍ഡില്‍ നിന്നും പെന്‍ഷന്‍ അനുവദിക്കപ്പെട്ടിട്ടുള്ള മത്സ്യത്തൊഴിലാളികള്‍, അനുബന്ധ മത്സ്യത്തൊഴിലാളികള്‍, വിധവാ പെന്‍ഷന്‍ ഗുണഭോക്താക്കള്‍ എന്നിവര്‍ നിര്‍ബന്ധമായും സെപ്്റ്റംബര്‍ 30 നകം മസ്റ്ററിംഗ് പൂര്‍ത്തിയാക്കണം.

കേരള സര്‍ക്കാര്‍ സ്ഥാപനമായ കെല്‍ട്രോണിന്റെ കോട്ടയം നോളജ് സെന്ററില്‍ ഡാറ്റാ അനാലിസിസ് ആന്‍ഡ് മെഷീന്‍ ലേണിംഗ്, പൈത്തണ്‍ ഫുള്‍ സ്റ്റാക്ക് വിത്ത് എ.ഐ  എന്നീ കോഴ്‌സുകളിലേക്ക് പ്രവേശനം ആരംഭിച്ചു. യോഗ്യത : പ്ലസ് ടു. രജിസ്‌ട്രേഷന്‍ ലിങ്ക്: https://forms.gle/LPNgabsFQscD27dUA. രജിസ്റ്റര്‍ ചെയ്യാന്‍ ആഗ്രഹിക്കുന്നവര്‍ സര്‍ട്ടിഫിക്കറ്റ്, ആധാര്‍ എന്നിവയുമായി കോട്ടയം സെന്ററില്‍  എത്തണം.
ഫോണ്‍- 6282841772, 8590118698.

പട്ടാമ്പി നീലകണ്ഠ സംസ്‌കൃത കോളെജ് മലയാളം വിഭാഗം ഗവേഷണ കേന്ദ്രത്തില്‍ പി.എച്ച്.ഡി. എനി ടൈം കാറ്റഗറിയില്‍ സീറ്റൊഴിവുണ്ട്. താത്പര്യമുള്ളവര്‍ ജൂലൈ 31 നകം അപേക്ഷിക്കണം. ഫോണ്‍- 0466 2212223.

പൊന്നാനി ഫിഷറീസ് സ്റ്റേഷന്റെ പരിധിയില്‍ ട്രോളിംഗ് നിരോധന കാലയളവിന് ശേഷം കടല്‍ പട്രോളിംഗ്, രക്ഷാപ്രവര്‍ത്തനം എന്നിവ നടത്തുന്നതിനായി ബോട്ട് വാടകയ്ക്ക് ആവശ്യമുണ്ട്. താനൂര്‍ ബേസ് കേന്ദ്രീകരിച്ച് പ്രവര്‍ത്തിക്കുന്നതിനാണ് ബോട്ട് കരാറടിസ്ഥാനത്തില്‍ എടുക്കുന്നത്. താത്പര്യമുള്ള ബോട്ടുടമകള്‍ ജൂലൈ 24 ന് ഉച്ചക്ക് രണ്ടിനകം ക്വട്ടേഷന്‍ പൊന്നാനി ഫിഷറീസ് അസിസ്റ്റന്റ് ഡയറക്ടര്‍ ഓഫീസില്‍ ലഭ്യമാക്കണം. ഫോണ്‍- 0494-2667428.
 

ഭിന്നശേഷിക്കാരുടെ സമഗ്ര വിവര-സേവന പ്ലാറ്റ്‌ഫോം ജില്ലാ പഞ്ചായത്ത് പ്രസിഡന്റ് ജബ്ബാര്‍ ഹാജി ഉദ്ഘാടനം ചെയ്തു.

കേരളത്തില്‍ ആദ്യമായി ഭിന്നശേഷിക്കാരുടെ സമഗ്ര വിവരശേഖരണത്തിനും പദ്ധതിയാസൂത്രണത്തിനും സേവന ഏകോപനത്തിനുമായി മലപ്പുറം ജില്ലാ ഭരണകൂടവും സാമൂഹ്യനീതി വകുപ്പും സംയുക്തമായി വികസിപ്പിച്ച 'എം സഹജീവനം' വെബ് പോര്‍ട്ടല്‍ ജില്ലാ പഞ്ചായത്ത് പി.എ.ജബ്ബാര്‍ ഹാജി പ്രകാശനം ചെയ്തു. ജില്ലാ കളക്ടര്‍ ഡോ. വിനയ് ഗോയല്‍ അധ്യക്ഷത വഹിച്ചു.

കേരള സംസ്ഥാന ഭാഗ്യക്കുറി വകുപ്പിന്റെ തിരുവോണം ബംബർ 2026 ഭാഗ്യക്കുറിക്ക് ആവേശകരമായ തുടക്കം.

സർക്കാർ മെഡിക്കൽ കോളേജിലും, സ്വാശ്രയ കോളേജുകളിലും നടത്തുന്ന എം.എസ്.സി.(എം.എൽ.റ്റി.) കോഴ്സിന് അപേക്ഷിച്ചവരുടെ പ്രവേശന പരീക്ഷാഫലം. www.lbsce