കീടബാധയില്‍ ഈന്തുമരങ്ങള്‍ നശിക്കുന്നത് തടയാനും മാവുകളിലെ പരാദസസ്യ വ്യാപനം നിയന്ത്രിക്കാനുമുള്ള മാര്‍ഗങ്ങള്‍ വിശദീകരിക്കാന്‍ തിരുവള്ളൂര്‍ ഗ്രാമപഞ്ചായത്ത് ജൈവവൈവിധ്യ പരിപാലന സമിതി ഈന്ത്, മാവ് സംരക്ഷണ ശില്‍പശാല സംഘടിപ്പിച്ചു. 

കൃഷിവിജ്ഞാന്‍ കേന്ദ്രത്തിന്റെ സഹകരണത്തോടെ സംഘടിപ്പിച്ച ശില്‍പശാല പ്രസിഡന്റ് പി സി ഹാജറ ഉദ്ഘാടനം ചെയ്തു. വൈസ് പ്രസിഡന്റ് ഡി പ്രജീഷ് അധ്യക്ഷത വഹിച്ചു. ജനപ്രതിനിധികളായ പി പി രാജന്‍, സി വി രവീന്ദ്രന്‍, ഹരിത കേരളം പ്രതിനിധി സുധ എന്നിവര്‍ സംസാരിച്ചു. ഡോ. കെ എം പ്രകാശ്, ഡോ. ഐശ്വര്യ എന്നിവര്‍ പ്രതിരോധവഴികള്‍ വിശദീകരിച്ചു.

ഹിന്ദി അധ്യാപക ഇന്റര്‍വ്യൂ

പീരുമേട് താലൂക്ക് വികസന സമിതിയുടെ മെയ് മാസത്തെ യോഗം ഇന്ന് (3) രാവിലെ 11.00 ന് താലൂക്ക് കോൺഫറൻസ് ഹാളിൽ ചേരുമെന്ന് പീരുമേട് തഹസിൽദാർ അറിയിച്ചു

2025-26 അധ്യയന വർഷം അടിമാലി ട്രൈബൽ ഡെവലപ്പ്മെന്റ് ഓഫീസിന്റെ കീഴിൽ അടിമാലി എക്സ്റ്റൻഷൻ ഓഫീസറുടെ സേവന പരിധിയിലുള്ള പ്രീമെട്രിക് ഹോസ്റ്റലുകളിലെ 250 ഓളം വരുന്ന കുട്ടികൾക്ക് രണ്ട് ജോഡി വീതം നൈറ്റ് ഡ്രസ്സ് (പെൺകുട്ടിക ൾക്ക് പലാസ പാന്റ്, ടോപ്പ്) (ആൺകുട്ടികൾക്ക് ട്രാക്ക് സ്യൂട്ട്, ടീഷർട്ട് )വിതരണം വിതരണം ചെയ്യുന്നതിന് താൽപര്യമുള്ള സ്ഥാപനങ്ങളിൽ നിന്നും മുദ്രവച്ച കവറിൽ ടെൻഡർ ക്ഷണിച്ചു.

ടെൻഡർ അപേക്ഷകൾ മേയ് 15 ന് ഉച്ചയ്ക്ക് ഒന്നു വരെ സ്വീകരിക്കുന്നതും 3.30 ന് തുറന്ന് പരിശോധിക്കുന്നതുമാണ്. കൂടുതൽ വിവരങ്ങൾക്ക് 04864-224399.

കൊല്ലം ഇൻഡസ്ട്രിയൽ ട്രൈബ്യൂണൽ സുനിത വിമൽ മേയ് 3, 17, 24, 31 തീയതികളിൽ പീരുമേട്ടിലും 27ന് തൊടുപുഴയിലും മറ്റു പ്രവൃത്തി ദിവസങ്ങളിൽ ആസ്ഥാനത്തും തൊഴിൽ തർക്ക കേസുകളും എംപ്ലോയീസ് ഇൻഷുറൻസ് കേസുകളും എംപ്ലോയീസ് കോമ്പൻസേഷൻ കേസുകളും വിചാരണ നടത്തും.

കുളമ്പുരോഗ പ്രതിരോധ കുത്തിവെപ്പ് ജില്ലാതല ഉദ്ഘാടനം തൊടുപുഴ- കോലാനി ക്ഷീരോൽപാദക സഹകരണ സംഘത്തിൽ നടന്നു. തൊടുപുഴ മുൻസിപ്പൽ ചെയർമാൻ കെ. ദീപക് ഉദ്ഘാടനം നിർവഹിച്ചു.

വികസന പദ്ധതികള്‍ നടപ്പിലാക്കുന്നതിനായി കൊക്കയാര്‍ ഗ്രാമപഞ്ചായത്തിലെ കുറ്റിപ്ലാങ്ങാട് അംബേദ്കര്‍ നഗറില്‍ പ്രാഥമിക ഊരുകൂട്ടം സംഘടിപ്പിച്ചു. ഊരുകൂട്ടത്തിന്റെ ഉദ്ഘാടനം വാഴൂര്‍ സോമന്‍ എം.എല്‍.എ നിര്‍വഹിച്ചു.

കുറ്റിപ്ലാങ്ങാട് സര്‍ക്കാര്‍ ഹയര്‍ സെക്കൻ്ററി സ്‌കൂള്‍ ഓഡിറ്റോറിയത്തില്‍ നടന്ന പരിപാടിയില്‍ കൊക്കയാര്‍ ഗ്രാമപഞ്ചായത്ത് പ്രസിഡന്റ് മോളി ഡൊമനിക് അധ്യക്ഷത വാഹിച്ചു. 

സർക്കാരിന്റെ നാലാം വാർഷികാഘോഷങ്ങളുടെ ഭാഗമായി വാഴത്തോപ്പ് ഗവ വി എച്ച് എസ് സ്കൂളിൽ നടക്കുന്ന 'എന്റെ കേരളം' പ്രദർശന-വിപണന മേളയുടെ ഭാഗമായി മേയ് 3 ശനിയാഴ്ച ഉച്ചയ്ക്ക് 3 ന് ടൂറിസം സെമിനാർ സംഘടിപ്പിക്കും. ടൂറിസം മേഖലയിൽ സംരംഭകരായിട്ടുള്ളവർക്കും പുതിയതായി സംരംഭകരാകാൻ ആഗ്രഹിക്കുന്നവർക്കും നിലവിലുള്ള കൃഷിയെ ഫാം ടൂറിസമാക്കി മാറ്റി വരുമാനം വർദ്ധിപ്പിക്കാനും താല്പര്യമുള്ളവർക്കും ഉപകാരംഭമായ വിശദമായ ക്ലാസുകൾ സെമിനാറിൽ ഉൾപ്പെടുത്തിയിട്ടുണ്ട്. 

സംസ്ഥാന സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് സ്റ്റേഡിയം ബസ് സ്റ്റാന്റിന് സമീപത്ത് നടക്കുന്ന എന്റെ കേരളം-2025 പ്രദര്‍ശന വിപണന മേളയില്‍ ഇന്ന് രാവിലെ 11:30 മുതല്‍ ഉച്ചയ്ക്ക് ഒരു മണിവരെ പിന്നാക്ക വിഭാഗ വികസന വകുപ്പിന്‍റെ ആഭിമുഖ്യത്തില്‍ കരിയര്‍ ഗൈഡന്‍സ് പ്രോഗ്രാം നടക്കും.  ഉച്ചയ്ക്ക് 2:30 മുതല്‍ വൈകിട്ട് നാലുവരെ ലഹരിവിമുക്ത നവകേരളം- ആയുര്‍വേദത്തിലൂടെ എന്ന വിഷയത്തില്‍ ഭാരതീയ ചികിത്സാ വകുപ്പിന്‍റെ നേതൃത്വത്തില്‍ സെമിനാറുകള്‍ സംഘടിപ്പിക്കും.