ഖരമാലിന്യ പരിപാലന ചട്ടങ്ങൾ, 2026 ഫലപ്രദമായി നടപ്പാക്കുന്നതിന് എല്ലാ വകുപ്പുകളുടെയും തദ്ദേശസ്ഥാപനങ്ങളുടെയും ഏകോപിത പ്രവർത്തനം അനിവാര്യമാണെന്ന് മുഖ്യമന്ത്രി വി ഡി  സതീശൻ പറഞ്ഞു.

കേരളത്തിന്റെ ആരോഗ്യഭദ്രത ഉറപ്പാക്കുന്നതിനുള്ള ചുവടുവയ്പ്പാണ് ആരോഗ്യ മന്ത്രി കെ. മുരളീധരന്‍ നടത്തുന്ന കായകല്‍പ്പം ജനസമ്പര്‍ക്ക പരിപാടിയെന്ന് നിയമസഭാ സ്പീക്കര്‍ തിരുവഞ്ചൂര്‍ രാധാകൃഷ്ണന്‍ പറഞ്ഞു. കോട്ടയം സി.എം.എസ്. കോളജില്‍ കോട്ടയം ജില്ലയിലെ കായല്‍പ്പം പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ആരോഗ്യരംഗത്ത് ഒരുപാട് മുന്നേറ്റങ്ങള്‍ നടത്തിയെങ്കിലും ലോകത്തെ ഏതു കോണിലുമുണ്ടാകുന്ന പുതിയ രോഗങ്ങള്‍ കാലതാമസമില്ലാതെ നമ്മുടെ സംസ്ഥാനത്ത് എത്തുന്നുണ്ട്. ഇത്തരം പുതിയ വെല്ലുവിളികളെ ഫലപ്രദമായി നേരിടാന്‍ തക്കവിധം ആരോഗ്യവകുപ്പിനെ പര്യാപ്തമാക്കാനാണ് സര്‍ക്കാര്‍ ലക്ഷ്യമിടുന്നത്.

രാജ്യ സൈനിക് ബോർഡ് പുനഃസംഘടന: അപേക്ഷകൾ ക്ഷണിച്ചു

​ രാജ്യ സൈനിക് ബോർഡ് ( കേരളം) പുനഃസംഘടിപ്പിക്കുന്നതിനുള്ള പാനലിൽ അംഗങ്ങളാകാൻ വിമുക്തഭടന്മാരിൽ നിന്ന് അപേക്ഷ ക്ഷണിച്ചു.
​എറണാകുളം ജില്ലാ സൈനികക്ഷേമ ഓഫീസിൽ രജിസ്റ്റർ ചെയ്തിട്ടുള്ള വിമുക്തഭടന്മാർക്ക് അപേക്ഷിക്കാം. താല്പര്യമുള്ളവർ ബയോഡാറ്റ, താല്പര്യ പത്രം എന്നിവ സഹിതം ഓഗസ്റ്റ് മൂന്ന് വൈകീട്ട് അഞ്ചിന് മുൻപായി ജില്ലാ സൈനികക്ഷേമ ഓഫീസിൽ അപേക്ഷ സമർപ്പിക്കേണ്ടതാണെന്ന് ജില്ലാ സൈനിക ക്ഷേമ ഓഫീസർ അറിയിച്ചു.
​കൂടുതൽ വിവരങ്ങൾക്ക് ജില്ലാ സൈനികക്ഷേമ ഓഫീസുമായി ബന്ധപ്പെടുക. 
ഫോൺ : 0484-2422239

ഇടുക്കി ജില്ലയിലെ തൊടുപുഴ താലൂക്കില്‍ കരിമണ്ണൂര്‍ പഞ്ചായത്തില്‍ 13 വാര്‍ഡില്‍ ഏഴുമുട്ടം എന്ന സ്ഥലത്ത് 1628084-ാം നമ്പര്‍ ന്യായ വില കട ലൈസന്‍സിയെ സ്ഥിരമായി നിയമിക്കുന്നതിനായി പട്ടികജാതി/പട്ടികജാതി സഹകരണസംഘം സംവരണ വിഭാഗത്തില്‍ നിന്ന് അപേക്ഷ ക്ഷണിച്ചു.

ആലപ്പുഴ, എറണാകുളം, തൃശൂര്‍, ഇടുക്കി എന്നീ ജില്ലകളിലെ ഇന്‍ഷുറന്‍സ് മെഡിക്കല്‍ സര്‍വീസസ് വകുപ്പിന് കീഴിലുള്ള വിവിധ ഇ.എസ്.ഐ സ്ഥാപനങ്ങളിലെ അലോപ്പതി വിഭാഗം മെഡിക്കല്‍ ഓഫീസര്‍മാരുടെ ഒഴിവുകളിലേക്കും ഉണ്ടാകാന്‍ സാധ്യതയുള്ള ഒഴിവിലേക്കും കരാര്‍ വ്യവസ്ഥയില്‍ താല്‍ക്കാലിക നിയമനം നടത്തുന്നതിന് ഇന്റര്‍വ്യൂ നടത്തും.

സംസ്ഥാന സര്‍ക്കാരിന്റെ 100 ദിന കര്‍മ്മ പദ്ധതിയുടെ ഭാഗമായി സ്‌പെഷ്യല്‍ അസിസ്റ്റന്‍സ് ടു സ്റ്റേറ്റ്‌സ് ഫോര്‍ ക്യാപിറ്റല്‍ ഇന്‍വെസ്റ്റ്‌മെന്റ് പദ്ധതിയിലുള്‍പ്പെടുത്തി നിര്‍മ്മാണം പൂര്‍ത്തിയാക്കിയ തൊടുപുഴ താലൂക്കിലെ കുടയത്തൂര്‍ സ്മാര്‍ട്ട് വില്ലേജ് ഓഫീസിന്റെ മന്ദിരോദ്ഘാടനം 27 തിങ്കളാഴ്ച രാവിലെ 9 ന് റവന്യൂ വകുപ്പ് മന്ത്രി എ.പി. അനില്‍കുമാര്‍ നിര്‍വഹിക്കും. കുടയത്തൂര്‍ സ്മാര്‍ട്ട് വില്ലേജ് ഓഫീസ് അങ്കണത്തില്‍ നടക്കുന്ന പരിപാടിയില്‍ റോയ് കെ പൗലോസ് എംഎല്‍എ അധ്യക്ഷത വഹിക്കും. ഡീന്‍ കുര്യാക്കോസ് എംപി വിശിഷ്ടാതിഥിയാകും.

ഓണക്കാലം സുരക്ഷിതമാക്കാന്‍ വിവിധ പദ്ധതികളുമായി ഭക്ഷ്യസുരക്ഷാ വകുപ്പ്.
സുരക്ഷിത ആഹാരത്തിലൂടെ സമൃദ്ധമായ ഓണാഘോഷത്തിലേക്ക് എന്ന ലക്ഷ്യത്തോടെ ഭക്ഷ്യസുരക്ഷാ വകുപ്പ് ആവിഷ്‌ക്കരിക്കുന്ന പദ്ധതികളുടെ ജില്ലാതല ഉദ്ഘാടനം ജൂലൈ 28 രാവിലെ 9.30 ന് തടിയമ്പാട് ഇടുക്കി കാസില്‍ ഹോട്ടലില്‍ റോയി കെ പൗലോസ് എം.എല്‍.എ നിര്‍വഹിക്കും. തുടര്‍ന്ന് ഭക്ഷ്യഉല്‍പ്പാദകര്‍ക്ക് പരിശീലന ക്ലാസ് സംഘടിപ്പിക്കും.

ദേവികുളം താലൂക്കിന്റെ പരിധിയിലുളള മറയൂര്‍ ഗ്രാമപഞ്ചായത്തിലെ നെല്ലിപ്പെട്ടിക്കുടി, കാന്തല്ലൂര്‍ പഞ്ചായത്തിലെ തീര്‍ത്ഥമലക്കുടി എന്നീ ഉന്നതികളിലേക്ക് റേഷന്‍ സാധനങ്ങള്‍ എത്തിക്കുന്നതിനായി സാധനങ്ങളുടെ കയറ്റിറക്ക് ചെലവ്, മറ്റ് ചെലവുകള്‍ ഉള്‍പ്പെടെ വാഹനം നല്‍കുന്നതിന് തയാറുളളവരില്‍നിന്നും ക്വട്ടേഷനുകള്‍ സ്വീകരിക്കുന്നു. ക്വട്ടേഷന്‍ ലഭിക്കേണ്ട അവസാന തീയതി ജൂലൈ 29 ഉച്ചകഴിഞ്ഞ് 3 മണി അന്നേദിവസം ക്വട്ടേഷന്‍ തുറക്കും. കൂടുതല്‍ വിവരങ്ങള്‍ക്ക് ഫോണ്‍: 04862 232321. ഇമെയില്‍: dsoidukki@gmail.com

ഉടുമ്പഞ്ചോല താലൂക്കിന്റെ പരിധിയിലുളള ശാന്തന്‍പാറ പഞ്ചായത്തില്‍ പ്രവര്‍ത്തിക്കുന്ന 17/26 നമ്പര്‍ റേഷന്‍ കടയില്‍ നിന്നും കോഴിപ്പനക്കുടി, പന്തടിക്കളം എന്നീ ഉന്നതികളിലേക്ക് റേഷന്‍ സാധനങ്ങള്‍ എത്തിക്കുന്നതിനായി സാധനങ്ങളുടെ കയറ്റിറക്ക് ചെലവ്, മറ്റ് ചെലവുകള്‍ ഉള്‍പ്പെടെ വാഹനം നല്‍കുന്നതിന് തയാറുളളവരില്‍നിന്നും ക്വട്ടേഷനുകള്‍ സ്വീകരിക്കുന്നു. ക്വട്ടേഷന്‍ ലഭിക്കേണ്ട അവസാന തീയതി ജൂലൈ 29 ഉച്ചകഴിഞ്ഞ് 3 മണി അന്നേദിവസം ക്വട്ടേഷന്‍ തുറക്കും. കൂടുതല്‍ വിവരങ്ങള്‍ക്ക് ഫോണ്‍: 04862 232321. ഇമെയില്‍: dsoidukki@gmail.com
 

സംസ്ഥാന ഭക്ഷ്യ കമ്മീഷൻ ചെയർപേഴ്സൺ ഡോ. ജിനു സക്കറിയ ഉമ്മന്റെയും സംസ്ഥാന ഭക്ഷ്യകമ്മീഷൻ മെമ്പർ അഡ്വ. കെ. എൻ സുഗതൻ്റെയും നേതൃത്വത്തിൽ ജില്ലയിലെ തീരദേശ മേഖലകളായ കുമ്പളങ്ങി , ചെല്ലാനം, കണ്ണമാലി, കണ്ടക്കടവ് പുത്തൻതോട്, എളങ്കുന്നപ്പുഴ, ഞാറയ്ക്കൽ എന്നിവിടങ്ങളിലെ അങ്കണവാടികൾ, സ്കൂളുകൾ റേഷൻ പൊതുവിതരണ കേന്ദ്രങ്ങൾ എന്നിവടങ്ങളിൽ സന്ദർശനം നടത്തി. ദേശീയ ഭക്ഷ്യ ഭദ്രതാ നിയമം 2013 ന്റെ ഭാഗമായി അങ്കണവാടികളിൽ നിന്നുള്ള പോഷകാഹാര വിതരണം, ഉച്ചഭക്ഷണ പദ്ധതി എന്നിവ യുടെ നിർവഹണം കൃത്യമായി നടക്കുന്നുണ്ടെന്ന് ഉറപ്പുവരുത്തുന്നതിനായാണ് കമ്മീഷൻ സന്ദർശനം നടത്തിയത്.