കണ്ണൂർ മട്ടന്നൂർ റോഡ് പ്രവൃത്തി നടക്കുന്നതിനാൽ മേലെചൊവ്വ മുതൽ ചാലോട് വരെ മാർച്ച് 24 മുതൽ ഏപ്രിൽ രണ്ട് വരെ രാത്രിയും പകലും ഗതാഗതം ഭാഗികമായി നിരോധിക്കുമെന്ന് കണ്ണൂർ പൊതുമരാമത്ത് വകുപ്പ് നിരത്തുകൾ ഉപവിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.

 
നിയസമഭാ തിരഞ്ഞെടുപ്പിൽ പ്രിസൈഡിംഗ് ഓഫീസർ, ഫസ്റ്റ് പോളിംഗ് ഓഫീസർ ഡ്യൂട്ടി ലഭിച്ചവർക്ക് പോസ്റ്റൽ ബാലറ്റിനുള്ള അപേക്ഷ ഫോറം പൂരിപ്പിച്ച് പോസ്റ്റിംഗ് ഓർഡർ സഹിതം മാർച്ച് 24 മുതൽ 29 വരെ, ഒന്നാംഘട്ട പരിശീലന കേന്ദ്രങ്ങളിൽ സമർപ്പിക്കാം. സെക്കന്റ് പോളിംഗ് ഓഫീസർ, തേർഡ് പോളിംഗ് ഓഫീസർ എന്നിവർക്ക് സൗകര്യപ്പെടുന്ന ഒന്നാംഘട്ട പരിശീലന കേന്ദ്രങ്ങളിൽ ഈ കാലയളവിൽ പോസ്റ്റൽ ബാലറ്റ് അപേക്ഷ സമർപ്പിക്കാം. 

മതിയായ രേഖകളില്ലാതെ കൊണ്ടുപോവുകയായിരുന്ന ആറ് ലക്ഷം രൂപ അഴീക്കോട് മണ്ഡലത്തിലെ പാപ്പിനിശ്ശേരിയിൽ നിന്നും ഫ്ലയിങ് സ്ക്വാഡ് പിടികൂടി. നിയമാനുസൃതമായ അളവിൽ കൂടുതൽ കടത്തിയ ഏഴ് ലിറ്റർ വിദേശമദ്യം തലശ്ശേരി മണ്ഡലത്തിലെ ചമ്പാട് നിന്നും സ്റ്റാറ്റിക് സർവൈലൻസ് ടീം പിടികൂടി എക്സൈസ് വകുപ്പിന് കൈമാറി.

ഏപ്രിൽ 9ന് നടക്കുന്ന നിയമസഭ തിരഞ്ഞെടുപ്പിൽ  കണ്ണൂർ ജില്ലയിലെ 2177  പോളിംഗ് സ്റ്റേഷനുകളിലും റാമ്പ് സൗകര്യം ഒരുക്കും. 1917 പോളിംഗ് സ്റ്റേഷനുകളിൽ റാമ്പ് സൗകര്യം ഒരുക്കി കഴിഞ്ഞു.  ബാക്കിയുള്ളവയിൽ റാമ്പ് ഒരുക്കുന്ന പ്രവൃത്തി പുരോഗമിക്കുകയാണ്. 

ഏറ്റവും കൂടുതൽ റാമ്പ് സൗകര്യമുള്ളത് കൂത്തുപറമ്പ് നിയമസഭ മണ്ഡലത്തിലാണ്-215. ഇവിടെ മുഴുവൻ പോളിംഗ് സ്റ്റേഷനുകളിലും റാമ്പ് സൗകര്യം ഏർപ്പെടുത്തി കഴിഞ്ഞു. 

തളിപ്പറമ്പ് മണ്ഡലത്തിൽ 203 പോളിംഗ് സ്റ്റേഷനുകളിലും തലശ്ശേരിയിൽ 187 പോളിംഗ് സ്റ്റേഷനുകളിലും റാമ്പ് സൗകര്യമുണ്ട്. 

കേരള ഹൈക്കോടതിയുടെ  2026 ജനുവരി 20 ലെ ഇടക്കാല ഉത്തരവ് പ്രകാരം മാര്‍ച്ച് 17, 18, 19 തീയതികളില്‍ ഉള്‍നാടന്‍ ജലയാനങ്ങളിലെ മലിനീകരണ നിയന്ത്രണ സംവിധാനം പരിശോധിക്കുകയും സര്‍ട്ടിഫിക്കറ്റ് നല്‍കിയിട്ടുള്ളതുമാണ്. പ്രസ്തുത സര്‍ട്ടിഫിക്കറ്റും ഡിറ്റിപിസി/ഹൌസ് ബോട്ട് ഓണേഴ്‌സ് അസോസിയേഷന്‍ നല്‍കുന്ന സീവേജ് സക്കിംഗ് രസീതും രജിസ്റ്ററിംഗ് അതോറിറ്റിയുടെ മേലൊപ്പ് ചാര്‍ത്തുന്നതിന് രണ്ട് ദിവസത്തിനകം ആലപ്പുഴ പോര്‍ട്ട് ഓഫീസില്‍ ഹാജരാക്കേണ്ടതാണെന്ന് രജിസ്റ്ററിംഗ് അതോറിറ്റി അറിയിച്ചു.

നിയമസഭ തിരഞ്ഞെടുപ്പിന്റെ ഭാഗമായി ആലപ്പുഴ ജില്ലയിലേക്ക് അനുവദിച്ചിട്ടുള്ള വോട്ടിംഗ് യന്ത്രങ്ങളുടെ വിതരണവുമായി ബന്ധപ്പെട്ട പ്രവര്‍ത്തനം നടക്കുന്നതിനാല്‍, സിവില്‍ സ്റ്റേഷന്‍ കോമ്പൌണ്ടില്‍ വാഹനങ്ങളുടെ പാര്‍ക്കിങ്ങിന് മാര്‍ച്ച് 25 മുതല്‍ 27 വരെ നിയന്ത്രണം ഏര്‍പ്പെടുത്തിയതായി ജില്ലാ കളക്ടര്‍ അറിയിച്ചു.

ആലപ്പുഴ ജില്ലയില്‍ വിവിധ വകുപ്പുകളില്‍ (എന്‍.സി.സി, ടൂറിസം, എക്‌സൈസ്, പൊലീസ്, എസ്.ഡബ്ല്യു.ഡി., ട്രാന്‍സ്‌പോര്‍ട്ട് ഒഴികെ) ഡ്രൈവര്‍ ഗ്രേഡ് 2 (എച്ച്.ഡി.വി) ഡ്രൈവര്‍ കം ഓഫീസ് അറ്റന്‍ഡന്‍ഡ് (എച്ച്.ഡി.വി) ഡൈറക്റ്റ് ആന്‍ഡ് ബി/റ്റി (കാറ്റഗറി നം. 623/2024, 624/2024) തസ്തികകളുടെ പ്രായോഗിക പരീക്ഷ (റ്റി. ടെസ്റ്റ് ആന്‍ഡ് റോഡ് ടെസ്റ്റ്) മാര്‍ച്ച് 25, 26 തീയതികളില്‍ രാവിലെ 5.30 മണി മുതല്‍ ആലപ്പുഴ പൊലീസ് പരേഡ് ഗ്രൗണ്ടില്‍  നടത്തും.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ ആന്റി ഡീഫേയ്‌സ്‌മെന്റ് സ്‌ക്വാഡ് നടത്തിയ പരിശോധനയില്‍ 2906 അനധികൃത പ്രചാരണ സാമഗ്രികള്‍ നീക്കം ചെയ്തു. സര്‍ക്കാര്‍ പരിധിയിലെ പൊതുഇടങ്ങളില്‍നിന്ന് വിവിധ രാഷ്ട്രീയ പാർട്ടികളുടെ 120 ചുവരെഴുത്തുകളും 2538 പോസ്റ്ററുകളും  82 ബാനറുകളും 143 മറ്റ് വസ്തുക്കളും ഉള്‍പ്പെടെ 2883 അനധികൃത പ്രചാരണ സാമഗ്രികളാണ് നീക്കം ചെയ്തത്. സ്വകാര്യ ഇടങ്ങളില്‍നിന്ന് 20 പോസ്റ്ററുകള്‍, മൂന്ന് ബാനറുകൾ എന്നിവ ഉള്‍പ്പെടെ 23 പ്രചാരണ സാമഗ്രികളും നീക്കം ചെയ്തു.