കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോർഡിൽ അംഗങ്ങളായ തൊഴിലാളികളുടെ മക്കൾക്ക് 2026-27 അധ്യയന വർഷത്തെ വിദ്യാഭ്യാസ ആനുകൂല്യത്തിന് അപേക്ഷ ക്ഷണിച്ചു. എസ്.എസ്.എൽ.സി പാസായതിന് ശേഷം പ്ലസ് വൺ മുതൽ തുടർപഠനത്തിനായി സംസ്ഥാന സർക്കാരിന്റെ അംഗീകാരമുള്ള സ്ഥാപനങ്ങളിൽ റഗുലർ കോഴ്‌സുകളിൽ ചേർന്ന വിദ്യാർത്ഥികളുടെ രക്ഷിതാക്കൾക്കാണ് അപേക്ഷിക്കാവുന്നത്.  താത്പര്യമുള്ളവർ https://services.unorganisedwssb.org/index.php/membership/education_scheme_appln എന്ന ലിങ്ക് മുഖേന ഓൺലൈനായി അപേക്ഷ നൽകണം.

ഇടുക്കി ജില്ലയില്‍ ഇംഗ്ലീഷ് റിസോഴ്‌സ് അധ്യാപകരെ തിരഞ്ഞെടുക്കുന്നതിനായി ജൂലൈ 28 ന് വിദ്യാഭ്യാസ ഉപഡയറക്ടറുടെ കാര്യാലയത്തില്‍ വച്ച് ഇന്റര്‍വ്യൂ നടത്തും. ജില്ലയിലെ ഏഴ് വിദ്യാഭ്യാസ ഉപജില്ലയില്‍ നിന്ന് തെരഞ്ഞെടുത്ത യു.പി./ഹൈസ്‌കൂളുകളില്‍ ദിവസ വേതന അടിസ്ഥാനത്തിലായിരിക്കും നിയമനം. ഉദ്യോഗാര്‍ത്ഥികള്‍ വിദ്യാഭ്യാസ യോഗ്യത, പ്രായം എന്നിവ തെളിയിക്കുന്നതിനുള്ള അസ്സല്‍ സര്‍ട്ടിഫിക്കറ്റുകളും  സാക്ഷ്യപ്പെടുത്തിയ പകര്‍പ്പുകളുമായി ഹാജരാകണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു.  
കൂടുതല്‍ വിവരങ്ങള്‍ക്ക്: 04862 222996

പട്ടാമ്പി ശ്രീ നീലകണ്ഠ സർക്കാർ സംസ്‌കൃത കോളേജിൽ ഒന്നാം വർഷ ബിരുദ  കോഴ്‌സുകളിൽ സ്‌പോർട്‌സ് ക്വാട്ടയിൽ ഏതാനും സീറ്റുകൾ ഒഴിവുണ്ട്. കാലിക്കറ്റ് സർവ്വകലാശാലയിൽ രജിസ്റ്റർ ചെയ്ത താത്പര്യമുള്ള വിദ്യാർത്ഥികൾ യോഗ്യതാ സർട്ടിഫിക്കറ്റുകളും പകർപ്പുകളും സഹിതം ജൂലൈ 24-ന് വൈകീട്ട് നാലിനകം കോളേജിൽ അപേക്ഷ സമർപ്പിക്കണം.

അപേക്ഷാ ഫോം കോളേജ് ഓഫീസിൽ നിന്ന് ലഭ്യമാണ്. ഫോൺ- 0466 2212223, ഇമെയിൽ- sngscollege@gmail.com. വെബ്സൈറ്റ്- www.sngscollege.org .

ഇടുക്കി കഞ്ഞിക്കുഴി പഞ്ചായത്തിലെ 31 അങ്കണവാടികളില്‍ 2026-27 സാമ്പത്തികവര്‍ഷത്തില്‍ പാല്‍, മുട്ട വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ആഗസ്റ്റ് 8 ഉച്ചയ്ക്ക് 1 മണി വരെ ടെന്‍ഡര്‍ സ്വീകരിക്കും. ഉച്ചകഴിഞ്ഞ് മൂന്നിന് ടെന്‍ഡര്‍ തുറക്കും.
കൂടുതല്‍ വിവരങ്ങള്‍ക്ക്: 9562115357

കാമാക്ഷി

കാമാക്ഷി പഞ്ചായത്തിലെ 30 അങ്കണവാടികളില്‍ 2026-27 സാമ്പത്തികവര്‍ഷത്തില്‍ പാല്‍, മുട്ട എന്നിവ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു.  ആഗസ്റ്റ് 8 ഉച്ചയ്ക്ക് ഒരുമണിവരെ ടെന്‍ഡര്‍ സ്വീകരികക്കും. ഉച്ചകഴിഞ്ഞ് 3 മണിക്ക് ടെന്‍ഡര്‍ തുറക്കും.
കൂടുതല്‍ വിവരങ്ങള്‍ക്ക്: 7025121734

കര്‍ഷക തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികളുടെ കുട്ടികളില്‍ 2025-2026 അധ്യയന വര്‍ഷത്തില്‍ എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നതവിജയം നേടിയവര്‍ക്കുള്ള വിദ്യാഭ്യാസ അവാര്‍ഡിന് അപേക്ഷ ക്ഷണിച്ചു. തടിയമ്പാട് പ്രവര്‍ത്തിക്കുന്ന ഇടുക്കി ജില്ലാ എക്സിക്യൂട്ടീവ് ഓഫീസില്‍ ആഗസ്റ്റ് 31 വരെ അപേക്ഷ സ്വീകരിക്കുമെന്ന് ഇടുക്കി ജില്ലാ എക്സിക്യൂട്ടീവ് ഓഫീസര്‍ അറിയിച്ചു.  അപ്പീല്‍ അപേക്ഷകള്‍ തൃശ്ശൂര്‍ ചീഫ് എക്സിക്യൂട്ടീവ് ഓഫീസില്‍ സെപ്റ്റംബര്‍ ഒന്ന്  മുതല്‍ 15 വരെയും സ്വീകരിക്കും.

കേരള ഖാദി ഗ്രാമ വ്യവസായ ബോര്‍ഡിന്റെ ഷോറൂമുകളില്‍ കര്‍ക്കിടക വാവ്, സ്വാതന്ത്ര്യ ദിനം, ഓണം എന്നിവ പ്രമാണിച്ച് ജൂലായ് 23 മുതല്‍ ആഗസ്റ്റ് 25വരെ ഖാദി തുണിത്തരങ്ങള്‍ക്ക് 30 ശതമാനം വരെ സ്‌പെഷ്യല്‍ റിബേറ്റ് ലഭിക്കും. കെ.ജി.എസ് മാതാ ആര്‍ക്കേഡ് തൊടുപുഴ, കെ.ജി.എസ് പൂമംഗലം ബില്‍ഡിംഗ് തൊടുപുഴ, കെ.ജി.എസ്  കട്ടപ്പന എന്നീ അംഗീകൃത ഷോറൂമുകളില്‍ ഈ ആനുകൂല്യം ലഭിക്കുമെന്ന് പ്രൊജക്ട് ഓഫീസര്‍ അറിയിച്ചു.   ഷോറൂമുകളില്‍ ഖാദി കോട്ടണ്‍, സില്‍ക്ക്, ഗ്രാമ വ്യവസായ ഉല്‍പ്പന്നങ്ങള്‍ എന്നിവയുടെ ശേഖരവും ഒരുക്കിയിട്ടുണ്ട്.

കുന്നംകുളം അസാപ് കമ്മ്യൂണിറ്റി സ്കിൽ പാർക്കിൽ ജൂലൈ 25-ന് സൗജന്യ തൊഴിൽമേള സംഘടിപ്പിക്കുന്നു. രാവിലെ പത്തിന് മേള ആരംഭിക്കും.  

കെട്ടിട നിർമ്മാണ തൊഴിലാളി ക്ഷേമ ബോർഡിൽ 2025 ഡിസംബർ 31 വരെ പെൻഷൻ അനുവദിക്കപ്പെട്ട ഗുണഭോക്താക്കൾ വാർഷിക മസ്റ്ററിംഗ് സെപ്തംബർ 30-നകം പൂർത്തിയാക്കണമെന്ന് ജില്ലാ എക്‌സിക്യൂട്ടീവ് ഓഫീസർ അറിയിച്ചു.

തൃശ്ശൂർ ജില്ലയിൽ ഈ വർഷത്തെ ട്രോൾബാനിന് ശേഷമുള്ള കാലയളവിലേക്ക് കടൽ രക്ഷാപ്രവർത്തനത്തിനും പട്രോളിംഗിനുമായി ദിവസവേതനാടിസ്ഥാനത്തിൽ താത്കാലികമായി സീ റെസ്‌ക്യൂ ഗാർഡുമാരെയും ഹാർബർ ബേസ്‌ഡ് സീ റെസ്‌ക്യൂ സ്‌ക്വാഡുമാരെയും നിയമിക്കുന്നു.  ജൂലൈ 27-ന് രാവിലെ 11-ന് അഴീക്കോട് ഫിഷറീസ് സ്റ്റേഷനിലെ ഫിഷറീസ് അസിസ്റ്റന്റ് ഡയറക്ടർ ഓഫീസിലാണ് അഭിമുഖം.