റവന്യൂ മന്ത്രി എ.പി.അനില്‍കുമാര്‍ വിളിച്ചുചേര്‍ത്ത മലപ്പുറം ജില്ലയിലെ വില്ലേജ് ഓഫീസര്‍മാരുടെ യോഗം ജില്ലാ കളക്ടറുടെ അധ്യക്ഷതയില്‍ ചേര്‍ന്നു. ജില്ലയിലെ റവന്യൂ പ്രവര്‍ത്തനങ്ങളുടെ പുരോഗതി, പൊതുജനങ്ങള്‍ക്ക് നല്‍കുന്ന സേവനങ്ങളുടെ കാര്യക്ഷമത, ഭൂമി സംബന്ധമായ വിഷയങ്ങള്‍, വിവിധ റവന്യൂ പദ്ധതികളുടെ നടത്തിപ്പ് എന്നിവ യോഗം വിലയിരുത്തി. ലാന്‍ഡ് റവന്യൂ വകുപ്പിലെ ഉന്നത ഉദ്യോഗസ്ഥരും മറ്റ് റവന്യൂ ഉദ്യോഗസ്ഥരും പങ്കെടുത്തു. വില്ലേജ് ഓഫീസുകളുടെ പ്രവര്‍ത്തനം കൂടുതല്‍ കാര്യക്ഷമമാക്കുന്നതിനും പൊതുജനങ്ങളുടെ പരാതികള്‍ക്ക് സമയബന്ധിതമായി പരിഹാരം കാണുന്നതിനും ഉദ്യോഗസ്ഥര്‍ക്ക് നിര്‍ദ്ദേശം നല്‍കി.

പട്ടയവിതരണം, ഡിജിറ്റല്‍ സേവനങ്ങള്‍, അദാലത്തുകള്‍ തുടങ്ങി റവന്യൂ വകുപ്പുമായി ബന്ധപ്പെട്ട എല്ലാ സേവനങ്ങളും സമയബന്ധിതമായി പൂര്‍ത്തിയാക്കുമെന്ന്  റവന്യൂ മന്ത്രി എ.പി.അനില്‍കുമാര്‍. റവന്യൂ വകുപ്പിന്റെ സേവനങ്ങള്‍ കൂടുതല്‍ ജനകീയവും കാര്യക്ഷമവുമാക്കുകയെന്ന ലക്ഷ്യത്തോടെ മന്ത്രി എ.പി.അനില്‍കുമാറിന്റെ നേതൃത്വത്തില്‍ ചേര്‍ന്ന മലപ്പുറം ജില്ലാതല അവലോകന യോഗത്തിലാണ് മന്ത്രിയുടെ നിര്‍ദേശം. സംസ്ഥാനത്തുടനീളം റവന്യൂ വകുപ്പ് നടത്തി വരുന്ന അദാലത്തിന്റെ ഭാഗമായാണ് ആസൂത്രണ സമിതി കോണ്‍ഫ്രന്‍സ് ഹാളില്‍ ജില്ലാ കളക്ടര്‍ ഡോ. വിനയ് ഗോയലിന്റെ അധ്യക്ഷതയില്‍ യോഗം ചേര്‍ന്നത്.

റവന്യൂ വകുപ്പിന്റെ മലപ്പുറം ജില്ലാതല അവലോകന യോഗം നടന്നു

ഗോത്രവര്‍ഗ ഉന്നതികളില്‍ ഭൂമിപ്രശ്‌നം പരിഹരിക്കല്‍, അടിസ്ഥാന സൗകര്യ വികസനം എന്നിവയ്ക്ക് ഊന്നല്‍

കേരള കര്‍ഷകതൊഴിലാളി ക്ഷേമനിധി ബോര്‍ഡില്‍ അംഗങ്ങളായ കര്‍ഷകതൊഴിലാളികളുടെ മക്കള്‍ക്കുള്ള 2025-26 അധ്യയന വര്‍ഷത്തെ വിദ്യാഭ്യാസ അവാര്‍ഡിന് അപേക്ഷ ക്ഷണിച്ചു. സര്‍ക്കാര്‍/എയ്ഡഡ് സ്‌കൂളുകളില്‍ കേരള സ്റ്റേറ്റ് സിലബസില്‍ പഠിച്ച് ആദ്യ ചാന്‍സില്‍ എസ്.എസ്.എല്‍.സി/ടി.എച്ച്.എസ്.എല്‍.സി പരീക്ഷയില്‍ 75 ശതമാനമോ അതില്‍ കൂടുതലോ മാര്‍ക്ക് നേടിയവര്‍ക്കും പ്ലസ് ടു/വി.എച്ച്.എസ്.ഇ അവസാന വര്‍ഷ പരീക്ഷയില്‍ 85 ശതമാനമോ അതില്‍ കൂടുതലോ മാര്‍ക്ക് നേടിയവര്‍ക്കും അപേക്ഷിക്കാം.

ഗര്‍ഭാശയമുഖ കാന്‍സര്‍ പ്രതിരോധത്തിനായുള്ള എച്ച്.പി.വി. വാക്‌സിനേഷന്‍ ക്യാമ്പയിന്‍ മലപ്പുറം ജില്ലയില്‍ കൂടുതല്‍ ശക്തമാക്കി ആരോഗ്യവകുപ്പ്. നിലവില്‍ 10,820 പെണ്‍കുട്ടികള്‍ക്ക് വാക്‌സിന്‍ നല്‍കി. നിലവില്‍ 14 വയസ്സ് പൂര്‍ത്തിയായ  44,929  കുട്ടികള്‍ക്കാണ് ജില്ലയില്‍ വാക്‌സിന്‍ നല്‍കേണ്ടതായുളളത്.  ഇതില്‍ 10820 പേര്‍ വാക്‌സിന്‍ സ്വീകരിച്ചു. വാക്‌സിനേഷന്‍ കൂടുതല്‍ കുട്ടികളിലേക്ക് എത്തുന്നതിനായി ആരോഗ്യവകുപ്പ്, വിദ്യാഭ്യാസ വകുപ്പ്, ആശാ പ്രവര്‍ത്തകര്‍, തദ്ദേശസ്വയംഭരണ സ്ഥാപനങ്ങള്‍ എന്നിവയുടെ നേതൃത്വത്തില്‍ ബോധവല്‍ക്കരണ പ്രവര്‍ത്തനങ്ങളും പ്രത്യേക വാക്‌സിനേഷന്‍ സെഷനുകളും ഊര്‍ജിതമാക്കിയിട്ടുണ്ട്.

അതീവ ഗുരുതരമായ പ്രസവ അടിയന്തരാവസ്ഥയില്‍ ആശുപത്രിയിലെത്തിച്ച ആദിവാസി യുവതിയുടെ ജീവന്‍ രക്ഷിച്ച് നിലമ്പൂര്‍ ജില്ലാ ആശുപത്രിയിലെ മെഡിക്കല്‍ സംഘം ശ്രദ്ധേയമായ സേവനം കാഴ്ചവെച്ചു. മുന്‍പ് രണ്ട് സിസേറിയന്‍ ശസ്ത്രക്രിയകള്‍ക്ക് വിധേയയായ 25 വയസ്സുള്ള ആദിവാസി യുവതിയെ ഗര്‍ഭാശയം പൊട്ടിയ  നിലയില്‍ ആശുപത്രിയില്‍ പ്രവേശിപ്പിച്ചപ്പോഴാണ് വിവിധ വിഭാഗങ്ങളുടെ ഏകോപിതവും അതിവേഗവുമായ ചികിത്സയിലൂടെ അമ്മയുടെയും നവജാത ശിശുവിന്റെയും ജീവന്‍ രക്ഷിക്കാനായത്.

പട്ടാമ്പി ശ്രീ നീലകണ്ഠ സര്‍ക്കാര്‍ സംസ്‌കൃത കോളേജില്‍ ഒന്നാം വര്‍ഷ ബിരുദ കോഴ്സുകളിലെ വിവിധ വിഷയങ്ങളില്‍ സ്‌പോര്‍ട്‌സ് ക്വാട്ടയില്‍ ഏതാനും സീറ്റുകള്‍ ഒഴിവുണ്ട്. സര്‍വ്വകലാശാലയില്‍ ഓണ്‍ലൈനായി രജിസ്റ്റര്‍ ചെയ്ത വിദ്യാര്‍ത്ഥികള്‍ക്ക് ജൂലൈ 24ന് വൈകുന്നേരം നാലിനകം അപേക്ഷിക്കാം. താത്്പര്യമുള്ള വിദ്യാര്‍ത്ഥികള്‍ യോഗ്യതാ സര്‍ട്ടിഫിക്കറ്റുകളും അവയുടെ പകര്‍പ്പുകളും സഹിതം നേരിട്ടെത്തി അപേക്ഷിക്കണം. അപേക്ഷാ ഫോം കോളേജ് ഓഫീസില്‍ നിന്നും ലഭ്യമാണ്.

 വിദ്യാർത്ഥികളുടെ കൺസഷൻ സമയം ബസ്സുകളിൽ പ്രദർശിപ്പിക്കണം 

സ്കൂൾ/കോളേജ് വിദ്യാർത്ഥികൾക്ക് ബസുകളിൽ യാത്രാ ഇളവ് ലഭിക്കുന്ന രാവിലെ ഏഴ് മുതൽ വൈകീട്ട് ഏഴ് വരെയുള്ള സമയക്രമം എല്ലാ ബസ്സുകളി​ലും നിർബന്ധമായും പ്രദർശിപ്പിക്കണമെന്ന് ആർടിഒ ഇ.എസ് ഉണ്ണികൃഷ്ണൻ അറിയിച്ചു. ബസ്സുകൾ സ്കൂൾ/കോളേജ്​ ബസ് സ്റ്റോപ്പുകളിൽ കൃത്യമായി നിർത്തി വിദ്യാർത്ഥികളെ കയറ്റുകയും ഇറക്കുകയും ചെയ്യണം. അല്ലാത്തപക്ഷം കർശന നടപടികൾ സ്വീകരിക്കും. 

 ടെണ്ടർ 

മാറഞ്ചേരി ഗവ. ഇന്‍ഡസ്ട്രിയല്‍ ട്രെയിനിംഗ് ഇന്‍സ്റ്റിറ്റ്യൂട്ടില്‍ ഡി.ടി.പി.ഒ., ഇലക്ട്രീഷ്യന്‍ എന്നീ ട്രേഡുകളില്‍ ഒഴിവുള്ള ഏതാനും സീറ്റുകളിലേക്ക് അപേക്ഷ ക്ഷണിച്ചു. വനിതകള്‍ക്കും എസ്ടി വിഭാഗത്തില്‍പ്പെട്ടവര്‍ക്കുമാണ് ഓഫ്ലൈനായി അപേക്ഷിക്കാന്‍ അവസരം. ജൂലൈ 25 െൈവകുന്നേരം അഞ്ചിനകം അപേക്ഷിക്കണം. ഫോണ്‍- 9633218102, 9495190203.