മലപ്പുറം ഗവണ്‍മെന്റ് കോളേജില്‍ 2മലയാളം വിഭാഗത്തിലേക്ക് അതിഥി അധ്യാപകരെ നിയമിക്കുന്നു. കോഴിക്കോട് മേഖല കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ള യോഗ്യരായ  ഉദ്യോഗാര്‍ഥികള്‍ക്ക് ജൂലൈ 20 ന് രാവിലെ 9.30 ന് അഭിമുഖം നടക്കും. താല്പര്യമുള്ള ഉദ്യോഗാര്‍ത്ഥികള്‍ ആവശ്യമായ അസ്സല്‍ രേഖകള്‍ സഹിതം അഭിമുഖത്തിനെത്തണം. ഫോണ്‍-  9061734918, 0483-2734918 .

മൃഗസംരക്ഷണ വകുപ്പിന്റെ നേതൃത്വത്തില്‍ ജില്ലയില്‍ നടപ്പിലാക്കുന്ന രാത്രികാല അടിയന്തര മൃഗചികിത്സാ സേവനമായ 'നൈറ്റ് വെറ്റ്' മൊബൈല്‍ യൂണിറ്റിലെ നിലവിലുള്ള ഒഴിവുകളിലേക്ക് 90 ദിവസത്തേക്ക് കരാര്‍ അടിസ്ഥാനത്തില്‍ വെറ്ററിനറി സര്‍ജന്‍മാരെ നിയമിക്കുന്നതിനായി ജൂലൈ 21-ന് രാവിലെ 11 ന് വാക്ക്-ഇന്‍ ഇന്റര്‍വ്യൂ നടത്തും. ബി.വി.എസ്.സി & എ.എച്ച്. യോഗ്യതയും വെറ്ററിനറി കൗണ്‍സില്‍ രജിസ്‌ട്രേഷനും ഉള്ളവര്‍ യോഗ്യത, പ്രവൃത്തിപരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുമായി മലപ്പുറം സിവില്‍ സ്റ്റേഷനിലെ ജില്ലാ മൃഗസംരക്ഷണ ഓഫീസില്‍ ഹാജരാകണം. ഫോണ്‍- 0483 273497.

എക്‌സൈസ് ആന്‍ഡ് പ്രൊഹിബിഷന്‍ വകുപ്പിലെ സിവില്‍ എക്‌സൈസ് ഓഫീസര്‍ (ഡ്രൈവര്‍) (കാറ്റഗറി നമ്പര്‍ 386/2025) തസ്തികയുടെ തെരഞ്ഞെടുപ്പിന്റെ ഭാഗമായി ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികളുടെ ശാരീരിക അളവെടുപ്പും പ്രായോഗിക പരീക്ഷയും ജൂലൈ 22, 23, 24 തീയതികളില്‍ രാവിലെ അഞ്ചു മുതല്‍ മലപ്പുറം എം.എസ്.പി എല്‍.പി. സ്‌കൂള്‍ ഗ്രൗണ്ടില്‍ നടക്കും. അഡ്മിഷന്‍ ടിക്കറ്റ് പി.എസ്.സി പ്രൊഫൈലില്‍ ലഭ്യമാണ്. ഉദ്യോഗാര്‍ഥികള്‍ ഡൗണ്‍ലോഡ് ചെയ്ത അഡ്മിഷന്‍ ടിക്കറ്റ്, ഡ്രൈവിംഗ് ലൈസന്‍സിന്റെ അസല്‍, ലൈസന്‍സ് എക്‌സ്ട്രാക്ട്, മെഡിക്കല്‍ സര്‍ട്ടിഫിക്കറ്റ് എന്നിവ സഹിതം നിശ്ചിത തീയതിയിലും സമയത്തും ഹാജരാകണം.

ലോക ജനസംഖ്യാദിന വാരാചരണം ജില്ലാതല സമാപന സമ്മേളനവും ബോധവത്കരണ ക്ലാസും കാഞ്ചിയാര്‍ പഞ്ചായത്തിലെ കോവില്‍മലയില്‍ ഡീന്‍ കുര്യാക്കോസ് എംപി നിര്‍വഹിക്കും. കട്ടപ്പന നഗരസഭ ചെയര്‍പേഴ്‌സണ്‍ ജോയി വെട്ടിക്കുഴി മുഖ്യപ്രഭാഷണം നടത്തും. കാഞ്ചിയാര്‍ ഗ്രാമപഞ്ചായത്ത് പ്രസിഡന്റ് സെലിന്‍ തോമസ് അധ്യക്ഷത വഹിക്കും. ജില്ലാ മെഡിക്കല്‍ ഓഫീസര്‍ ഡോ. ഐപ് ജോസഫ് വിഷയാവതരണം നടത്തും. ആരോഗ്യകേരളം ജില്ലാ പ്രോഗ്രാം മാനേജര്‍ ഡോ. സിബി ജോര്‍ജ് ദിനാചരണ സന്ദേശം നല്‍കും. ത്രിതല പഞ്ചായത്ത് പ്രതിനിധികള്‍, ആരോഗ്യ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
 

മലബാര്‍ സ്‌പെഷ്യല്‍ പോലീസ് (എം.എസ്.പി) ബറ്റാലിയനില്‍ 59 ദിവസത്തേക്ക് ദിവസവേതനാടിസ്ഥാനത്തില്‍ ക്യാമ്പ് ഫോളോവര്‍മാരെ താത്ക്കാലികമായി നിയമിക്കുന്നതിനായി ജൂലൈ 21-ന് രാവിലെ 10 ന് എം.എസ്.പി ആസ്ഥാനത്ത് പ്രായോഗിക പരീക്ഷയും അഭിമുഖവും നടത്തും. സ്വീപ്പര്‍, വാട്ടര്‍ കാരിയര്‍, ധോബി, ട്രെയിനിങ് പര്‍പ്പസ് എന്നീ ജനറല്‍ വിഭാഗങ്ങളിലേക്കാണ് സെലക്ട് ലിസ്റ്റ് തയ്യാറാക്കി നിയമനം നടത്തുക.

താത്്പര്യമുള്ളവര്‍ അപേക്ഷയോടൊപ്പം പ്രവൃത്തി പരിചയ സര്‍ട്ടിഫിക്കറ്റ്, ആധാര്‍ കാര്‍ഡ്, ബാങ്ക് പാസ്ബുക്കിന്റെ പകര്‍പ്പ് എന്നിവ സഹിതം ഹാജരാകണം. ഫോണ്‍- 0483-2734921.

ഇ.ടി. മുഹമ്മദ് ബഷീര്‍ എം.പി.യുടെ പ്രാദേശിക വികസന ഫണ്ട്  വിനിയോഗവുമായി ബന്ധപ്പെട്ട അവലോകന യോഗത്തില്‍ പദ്ധതികള്‍ സമയബന്ധിതമായി പൂര്‍ത്തിയാക്കാന്‍ ഇ.ടി.മുഹമ്മദ് ബഷീര്‍ എം.പിയും മലപ്പുറം ജില്ലാ കളക്ടര്‍ ഡോ.വിനയ് ഗോയലും കര്‍ശന നിര്‍ദേശം നല്‍കി. മലപ്പുറം ജില്ലാ കളക്ടറുടെ അധ്യക്ഷതയില്‍ ചേര്‍ന്ന യോഗത്തിലാണ് വികസന പദ്ധതികളുടെ പുരോഗതി വിലയിരുത്തിയത്.

30 കോടി രൂപ ഒന്നാം സമ്മാനവുമായി ചരിത്രത്തിലെ ഏറ്റവും ഉയര്‍ന്ന ഒന്നാം സമ്മാനവുമായി എത്തുന്ന തിരുവോണം ബമ്പര്‍ ഭാഗ്യക്കുറിയുടെ ജില്ലാതല ഉദ്ഘാടനം ജൂലൈ 20 തിങ്കളാഴ്ച ഉച്ചയ്ക്ക് 12.30 ന് തൊടുപുഴ ഐശ്വര്യ ഓഡിറ്റോറിയത്തില്‍ ഗവ. ചീഫ് വിപ്പ് അപു ജോണ്‍ ജോസഫ് നിര്‍വഹിക്കും. മുന്‍സിപ്പല്‍ ചെയര്‍പേഴ്‌സണ്‍ സാബിറ ജലീല്‍ അധ്യക്ഷത വഹിക്കും. കൗണ്‍സിലര്‍ ആതിര ജോഷി മുഖ്യാതിഥിയാകും. ട്രേഡ് യൂണിയന്‍ നേതാക്കള്‍, വില്‍പ്പനക്കാര്‍, എജന്റുമാര്‍ എന്നിവര്‍  ചടങ്ങില്‍ പങ്കെടുക്കും. ടിക്കറ്റ് വില 500 രൂപ നറുക്കെടുപ്പ് സെപ്റ്റംബര്‍ 26.

ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്റ്‌ലൂം ടെക്നോളജി-കണ്ണൂരിന് കീഴിലുള്ള കോസ്റ്റ്യൂം ആന്റ് ഫാഷന്‍ ഡിസൈനിങ്ങ് കോളേജില്‍, അസിസ്റ്റന്റ്  പ്രൊഫസര്‍(ഇന്റീരിയര്‍ ഡിസൈനിങ്ങ് ആന്റ് ഫര്‍ണിഷിങ്ങ്) തസ്തികയില്‍ കരാറടിസ്ഥാനത്തില്‍ നിയമനം നടത്തുന്നതിനായി, എം.ആര്‍ക് അല്ലെങ്കില്‍ എം.എസ്.സി ഇന്റീരിയര്‍ യോഗ്യതയുള്ളവരില്‍ നിന്നും അപേക്ഷ ക്ഷണിച്ചു.

സ്റ്റേറ്റ് റിസോഴ്‌സ് സെന്ററിന്റെ ആഭിമുഖ്യത്തിലുള്ള എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ നടത്തുന്ന യോഗ സര്‍ട്ടിഫിക്കറ്റ് പ്രോഗ്രാമിന് ഓണ്‍ലൈനായി അപേക്ഷിക്കുന്നതിനുള്ള തീയതി നീട്ടി. അപേക്ഷകര്‍ പത്താം ക്ലാസ് പാസായിരിക്കണം. യോഗദര്‍ശനത്തിലും യോഗാസന പ്രാണായാമ പദ്ധതികളിലും സാമാന്യജ്ഞാനം ലഭിക്കുന്ന തരത്തിലാണ് പഠന പരിപാടി ചിട്ടപ്പെടുത്തിയിട്ടുള്ളത്.

രാജാക്കാട് സാമൂഹികാരോഗ്യകേന്ദ്രത്തിന് കീഴിലുള്ള ആരോഗ്യ ഉപകേന്ദ്രമായ രാജാക്കാട് ആയുഷ്മാന്‍ ആരോഗ്യമന്ദിര്‍ ഹെല്‍ത്ത് ആന്റ് വെല്‍നസ് സെന്ററിന് പുതിയം കെട്ടിടം പണിയുന്നതിന് നിലവിലുള്ള പഴയം കെട്ടിടം പൊളിച്ച് നീക്കുന്നതിന് താല്‍പര്യമുള്ള വ്യക്തികള്‍/ സ്ഥാപനങ്ങളില്‍ നിന്നും മുദ്ര വച്ച ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഓഗസ്റ്റ് 3  രാവിലെ 10.30 വരെ സ്വീകരിക്കും. അന്നേ ദിവസം രാവിലെ 11 മണിക്ക് ക്വട്ടേഷനുകള്‍ തുറക്കും. ഏറ്റവും കൂടിയ നിരക്കില്‍ ക്വട്ടേഷന്‍ വിളിച്ച വ്യക്തിക്ക്/ സ്ഥാപനത്തിന് ക്വട്ടേഷന്‍ ഉറപ്പിക്കും. കൂടുതല്‍ വിവരങ്ങള്‍ക്ക് ഫോണ്‍: 04868 294528