2026-27 അധ്യയന വർഷത്തെ  കേരള സർവകലാശാലാ ബിരുദ കോഴ്സുകൾക്ക് ചേരാൻ ആഗ്രഹിക്കുന്ന വിദ്യാർഥികളുടെ സംശയ നിവാരണത്തിനും ഓപ്ഷൻ രജിസ്‌ട്രേഷൻ സൗജന്യമായി നൽകുന്നതിനും മാവേലിക്കര  ഐഎച്ച്ആർഡി കോളേജ് ഓഫ് അപ്ലൈഡ് സയൻസ് ഹെൽപ്പ് ഡെസ്ക് ആരംഭിച്ചു. ഫോൺ: 04792304494, 8547005046.
 

അന്താരാഷ്ട്ര മ്യൂസിയം ദിനത്തോടനുബന്ധിച്ച് കേരള നിയമസഭാ മ്യൂസിയത്തിന്റെ ആഭിമുഖ്യത്തിൽ സ്‌കൂൾ, കോളേജ് വിദ്യാർത്ഥികൾക്കായി സംസ്ഥാന തലത്തിൽ ഓൺലൈനായി സംഘടിപ്പിക്കുന്ന ഉപന്യാസ രചനാ മത്സരത്തിനുള്ള എൻട്രികൾ സമർപ്പിക്കേണ്ട അവസാന തീയതി ജൂൺ 

മുൻ മന്ത്രിയും എം.എൽ.എ.യുമായിരുന്ന ടി.യു. കുരുവിളയുടെ നിര്യാണത്തിൽ സ്പീക്കർ തിരുവഞ്ചൂർ രാധാകൃഷണൻ അനുശോചനം രേഖപ്പെടുത്തി. രാഷ്ട്രീയത്തിനതീതമായി സൗഹൃദം കാത്തുസൂക്ഷിച്ച അദ്ദേഹം കേരള കോൺഗ്രസ് പ്രസ്ഥാനത്തിന് നിസ്തുലമായ സംഭാവനകൾ നൽകിയ വ്യക്തിയായിരുന്നു.

സുപ്രീംകോടതിയുടെയും കേരള ഹൈക്കോടതിയുടെയും സുപ്രധാന വിധിന്യായങ്ങൾ മലയാളത്തിലേക്ക് പരിഭാഷപ്പെടുത്തി നിയമവകുപ്പിൽ നിന്നും പ്രസിദ്ധീകരിക്കുന്ന നിയമധ്വനിയുടെ വാല്യം 9 ഇഷ്യു 2ന്റെ സോഫ്റ്റ് കോപ്പി നിയമവകുപ്പിന്റെ ഔദ്യോഗിക വെബ്സൈറ്റിൽ പ്രസിദ്ധീകരിച്ചു.

        തിരുവനന്തപുരം റീജിയണൽ കാൻസർ സെന്ററിൽ ന്യൂക്ലിയർ മെഡിസിൻ ടെക്നോളജിസ്റ്റ് തസ്തികയിലേക്ക് കരാർ നിയമനത്തിന് അപേക്ഷ ക്ഷണിച്ചു. ജൂൺ 22 വൈകിട്ട് 3 നകം അപേക്ഷിക്കണം.

സ്‌കോൾ-കേരള 2026-27 ലെ ഹയർസെക്കണ്ടറി കോഴ്‌സിന് രണ്ടാം വർഷ പ്രവേശനം / പുനഃപ്രവേശനത്തിന് ഓൺലൈനായി രജിസ്റ്റർ ചെയ്യുവാനുള്ള തീയതി ജൂൺ 30 വരെ നീട്ടി. ഫീസ് ഘടനയും രജിസ്‌ട്രേഷൻ മാർഗ്ഗനിർദേശങ്ങളും www.scolekerala.org യിൽ ലഭിക്കും.

സ്റ്റേറ്റ് മെന്റൽ ഹെൽത്ത് അതോറിറ്റി ഓഫീസ് കോമ്പൗണ്ടിൽ നിൽക്കുന്ന മരം മുറിച്ച് തടി ഉൾപ്പടെ വിൽക്കുന്നതിന് ക്വട്ടേഷൻ ക്ഷണിച്ചു.

പുനലൂര്‍ താലൂക്ക് ആസ്ഥാന ആശുപത്രിയില്‍ റേഡിയോഗ്രാഫര്‍, ഡ്രൈവര്‍ തസ്തികകളിലേക്ക് താല്‍ക്കാലിക നിയമനത്തിന് അപേക്ഷിക്കാം.  
യോഗ്യത-  റേഡിയോഗ്രാഫര്‍: പ്ലസ്ടു/പ്രിഡിഗ്രി/വി.എച്ച്.എസ്.സി (സയന്‍സ് വിഷയങ്ങള്‍),   തിരുവനന്തപുരം ഡയറക്ടറേറ്റ് ഓഫ് മെഡിക്കല്‍ എഡ്യൂക്കേഷന്റെ രണ്ട് വര്‍ഷത്തെ സര്‍ട്ടിഫൈഡ് റേഡിയോളജിക്കല്‍ അസിസ്റ്റന്റ് കോഴ്സ്/ തത്തുല്യ കോഴ്സ്,   കേരള പാരാമെഡിക്കല്‍ കൗണ്‍സില്‍ രജിസ്ട്രേഷന്‍ സര്‍ട്ടിഫിക്കറ്റ്.   തത്തുല്യ യോഗ്യതയുളളവര്‍ ഇക്വലന്‍സി തെളിയിക്കുന്ന സര്‍ക്കാര്‍ ഉത്തരവിന്റെ പകര്‍പ്പ് കൂടി ഹാജരാക്കണം.

ചാത്തന്നൂര്‍ സര്‍ക്കാര്‍ ഐ.ടി.ഐയില്‍  എയര്‍ കാര്‍ഗോ ഷിപ്പിംഗ് ആന്‍ഡ് ലോജിസ്റ്റിക് മാനേജ്‌മെന്റ്, ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍, ഡിപ്ലോമ ഇന്‍ എ.സി മെക്കാനിക്ക്, ഡിപ്ലോമ ഇന്‍ എയര്‍ ലൈന്‍ ഹോസ്പിറ്റാലിറ്റി ആന്‍ഡ് ട്രാവല്‍ മാനേജ്‌മെന്റ്  എന്നീ തൊഴിലധിഷ്ഠിത കോഴ്സുകളിലേക്ക് അപേക്ഷിക്കാം. യോഗ്യത: പ്ലസ്ടു/എസ്.എസ്.എല്‍.സി  ഫോണ്‍: 9074870849.
 

കൊല്ലം വ്യാവസായിക ട്രൈബ്യൂണല്‍  സുനിത വിമല്‍ ജൂണ്‍ ഒന്ന്, എട്ട്, 15, 22, 29 തീയതികളില്‍ കോട്ടയം സിവില്‍ സ്റ്റേഷന്‍ ബാര്‍ അസോസിയേഷന്‍ ഹാളിലും മൂന്ന്, 10, 17, 24 തീയതികളില്‍ പുനലൂര്‍ മിനി സിവില്‍ സ്റ്റേഷന്‍ ബാര്‍ അസോസിയേഷന്‍ ഹാളിലും  ആറ്, 20, 27 തീയതികളില്‍ പീരുമേട് വ്യാവസായിക ട്രൈബ്യൂണല്‍ ഓഫീസിലും 30 ന് തൊടുപുഴ കോടതി സമുച്ചയത്തിലും മറ്റു പ്രവൃത്തി ദിനങ്ങളില്‍ ആസ്ഥാനത്തും തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും. ഫോണ്‍ : 0474-2792892.