തിരുവനന്തപുരം  കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ (കിക്മ) എം.ബി.എ. (ഫുള്‍ടൈം)  ബാച്ചിലെ പ്രവേശനത്തിന് ജൂലൈ 25ന് രാവിലെ 10 മുതല്‍ കിക്മ ക്യാമ്പസില്‍  അഭിമുഖം നടത്തും. സഹകരണ മേഖലയില്‍ പ്രവര്‍ത്തിക്കുന്നവരുടെ ആശ്രിതര്‍ക്കും, ഫിഷറീസ് സ്‌കോളര്‍ഷിപ്പിന് അര്‍ഹതയുള്ള വിദ്യാര്‍ത്ഥികള്‍ക്കും സീറ്റ് സംവരണമുണ്ട്. എസ്.സി./എസ്.ടി/ഒ.ഇ.സി വിദ്യാര്‍ത്ഥികള്‍ക്ക് ഫീസ് ആനുകൂല്യം ലഭിക്കും. യോഗ്യത:  50 ശതമാനം മാര്‍ക്കില്‍ കുറയാതെയുള്ള ബിരുദം.    വിവരങ്ങള്‍ക്ക്:  www.kicma.ac.in  ഫോണ്‍: 9496366741, 8547618290.
 
 

ചന്ദനത്തോപ്പ് സര്‍ക്കാര്‍ ബേസിക് ട്രെയിനിംഗ് സെന്ററില്‍ ഭിന്നശേഷി, എസ്.ടി, വനിത ടെക്നിക്കല്‍ സ്‌കൂള്‍, ഓര്‍ഫന്‍, ജുവനൈല്‍ എന്നീ സംവരണ വിഭാഗത്തിലെ ഒഴിവുള്ള ഐ.ടി.ഐ സീറ്റുകളിലേക്ക് അപേക്ഷിക്കാം.   അപേക്ഷകര്‍ക്ക് 2026 ഓഗസ്റ്റ് ഒന്നിന് 14 വയസ് പൂര്‍ത്തിയാകണം. ഉയര്‍ന്ന പ്രായപരിധി ഇല്ല.   യോഗ്യത: എസ്.എസ്.എല്‍.സി.  അവസാന തീയതി: ജൂലൈ 27. ഫോണ്‍: 9847174968, 9895399751.
 
 

എസ്.ആര്‍.സി കമ്മ്യൂണിറ്റി കോളേജില്‍  ആരംഭിക്കുന്ന സര്‍ട്ടിഫിക്കറ്റ് ഇന്‍ ഇന്‍ഫെക്ഷന്‍ പ്രിവന്‍ഷന്‍ ആന്‍ഡ് കണ്‍ട്രോള്‍ പ്രോഗ്രാമിന് അപേക്ഷിക്കാനുള്ള അവസാന തീയതി ജൂലൈ 31 വരെ നീട്ടി.  ഡോക്ടര്‍മാര്‍, ഡിപ്ലോമയോ ഡിഗ്രിയോ ഉള്ള നഴ്‌സിംഗ്, പാരാമെഡിക്കല്‍, അഡ്മിനിസ്ട്രേറ്റീവ് പ്രൊഫഷണലുകള്‍ക്ക്  https://app.srccc.in/register   മുഖേന അപേക്ഷിക്കാം. വിവരങ്ങള്‍ക്ക്: എന്‍.എസ്  സേവനകേന്ദ്രം കോംപ്ലക്സ്, എന്‍.എസ് ഹോസ്പിറ്റല്‍, കൊല്ലം  691020.  ഫോണ്‍: 9048110031, 8075553851.
 

പട്ടുനൂല്‍ കൃഷി വ്യവസായത്തില്‍ നൂതന മാറ്റങ്ങള്‍ ലക്ഷ്യമിട്ട് കേന്ദ്ര സില്‍ക്ക് ബോര്‍ഡ് ആരംഭിക്കുന്ന എന്റെ പട്ട് എന്റെ അഭിമാനം 2.0 (എം.ആര്‍.എം.എ) ക്യാമ്പെയിന് ജില്ലയില്‍ തുടക്കമാവുന്നു. ശാസ്ത്രീയമായ പട്ടുനൂല്‍ കൃഷി രീതികള്‍ കര്‍ഷകരിലേക്ക് എത്തിക്കുക, ഉത്പാദനക്ഷമത വര്‍ദ്ധിപ്പിക്കല്‍, സാങ്കേതികവിദ്യ കൈമാറ്റം, ശാസ്ത്രീയ പരിശീലനം, ഡിജിറ്റല്‍ നിരീക്ഷണം എന്നിവയാണ് ക്യാമ്പെയിനിലൂടെ ലക്ഷ്യമാക്കുന്നത്. രാജ്യത്തെ തിരഞ്ഞെടുക്കപ്പെട്ട ജില്ലകളിലാണ് നൂതന സാങ്കേതിക വിദ്യയിലൂടെ പട്ടുനൂല്‍ കര്‍ഷകരെ ശാക്തീകരിക്കാന്‍ എന്റെ പട്ട് എന്റെ അഭിമാനം 2.0 ക്യാമ്പെയിന്‍  ആരംഭിക്കുന്നത്.

കള്ളാടി തുരങ്കപാത നിര്‍മ്മാണ പ്രദേശത്തെ മണ്ണിടിച്ചിലുമായി ബന്ധപ്പെട്ട സമഗ്ര അന്വേഷണത്തിന് സംസ്ഥാന സര്‍ക്കാര്‍ നിയോഗിച്ച വിദഗ്ധ സമിതി ഇന്ന് (ജൂലൈ 23) ഉച്ചയ്ക്ക് 12.30 ന് സ്ഥലം സന്ദര്‍ശിക്കും. ദുരന്തത്തിന്റെകാരണം കണ്ടെത്തല്‍, സംസ്ഥാന-കേന്ദ്ര സര്‍ക്കാരുകള്‍ നല്‍കിയ പരിസ്ഥിതി അനുമതികള്‍ വിലയിരുത്തല്‍, കേന്ദ്ര പരിസ്ഥിതി- വനം -കാലാവസ്ഥാ വ്യതിയാന മന്ത്രാലയം നല്‍കിയ അനുമതികള്‍ പരിശോധിക്കല്‍, കരാറുകാര്‍ വ്യവസ്ഥകള്‍ പാലിച്ചിട്ടുണ്ടോ എന്ന് സമിതി പരിശോധിക്കും. തുരങ്കപാത നിര്‍മ്മാണ മേഖലയിലെ സുരക്ഷാ വീഴ്ചകള്‍, സാങ്കേതിക പിഴവുകള്‍, പരിസ്ഥിതി അനുമതി നടപ്പാക്കല്‍ എന്നിവയും സമിതി പരിശോധിക്കും.

വെള്ളമുണ്ട ഇലക്ട്രിക്കല്‍ സെക്ഷന് കീഴിലെ ചൊവ്വ, വെള്ളമുണ്ട എച്ച്.എസ് ട്രാന്‍സ്‌ഫോര്‍മര്‍ പരിധിയിലും പീച്ചങ്കോട്-അകമനച്ചാല്‍ ഭാഗങ്ങളിലും ഇന്ന് (ജൂലൈ 23) രാവിലെ 8.30 മുതല്‍ വൈകിട്ട് 5.30 വരെ വൈദ്യുതി വിതരണം ഭാഗികമായി തടസപ്പെടും.

കമ്പളക്കാട് ഇലക്ട്രിക്കൽ സെക്ഷന് കീഴില്‍ അറ്റകുറ്റ പ്രവൃത്തികൾ നടക്കുന്നതിനാല്‍  കെൽട്രോൺ വളവ്, മടക്കിമല, മുരണിക്കര ഭാഗങ്ങളിൽ ഇന്ന് (ജൂലൈ 23) രാവിലെ ഒൻപത് മുതല്‍ വൈകുന്നേരം ആറ് വരെ പൂര്‍ണ്ണമായോ ഭാഗികമായോ വൈദ്യുതി വിതരണം തടസപ്പെടും.

സുൽത്താൻ ബത്തേരി പൂമല കാലിക്കറ്റ് യൂണിവേഴ്സിറ്റി ടീച്ചർ എജ്യുക്കേഷൻ സെന്ററിൽ കൊമേഴ്സ്, ഇംഗ്ലീഷ്, മാത്തമാറ്റിക്സ്, ഫിസിക്കൽ സയൻസ്, സോഷ്യൽ സയൻസ് എന്നീ വിഷയങ്ങളിൽ വിവിധ സംവരണ വിഭാഗങ്ങളുടെ സീറ്റുകൾ ഒഴിവുണ്ട്. കാലിക്കറ്റ് സർവകലാശാല കാപ് ഐ.ഡി ഉള്ളവർ ബന്ധപ്പെടുക. ഫോൺ: 9037030586.

കാലിക്കറ്റ് സർവകലാശാലയുടെ സുൽത്താൻ ബത്തേരി പൂമല എം.എസ്.ഡബ്ല്യൂ സെന്ററിൽ ഒഴിവുള്ള ഓപ്പൺ മെറിറ്റ്, സംവരണ സീറ്റുകളിലേക്ക് ജൂലൈ 25 വൈകുന്നേരം അഞ്ച് വരെ ലേറ്റ് രജിസ്ട്രേഷൻ ചെയ്യാം. സർവകലാശാലയുടെ പ്രവേശന വിഭാഗം വെബ്‍സൈറ്റിലാണ് ലേറ്റ് രജിസ്ട്രേഷൻ സൗകര്യമുള്ളത്. ഫോൺ: 9496344886.