കണിയാമ്പറ്റ ചിത്രമൂലയിൽ പ്രവർത്തിക്കുന്ന കൽപ്പറ്റ മോഡൽ റസിഡൻഷ്യൽ സ്കൂളിൽ അഞ്ച് മുതൽ 12 വരെ ക്ലാസുകളിൽ പഠിക്കുന്ന 405 പെൺകുട്ടികൾക്ക് സ്വെറ്റർ, ബെഡ് ഷീറ്റ്, ഇന്നർവെയറുകൾ എന്നിവയും ചെരിപ്പുകളും ലഭ്യമാക്കാൻ ടെണ്ടർ ക്ഷണിച്ചു. ടെണ്ടറുകൾ ജൂൺ രണ്ടിന് വൈകുന്നേരം അഞ്ച് വരെ സ്വീകരിക്കും. ഫോൺ: 04936 284818.

കൽപ്പറ്റ ഐ.റ്റി.ഡി.പി ഓഫീസിന് കീഴിലുള്ള പ്രീമെട്രിക് ഹോസ്റ്റലുകൾ, എം.ആർ.എസുകൾ എന്നിവിടങ്ങൽ വാച്ച്‍മാൻ, കുക്ക്, ആയ, സ്വീപ്പർ തസ്തികകളിലേക്ക്  ദിവസ വേതനാടിസ്ഥാനത്തിൽ നിയമനം നടത്തുന്നു. വൈത്തിരി താലൂക്ക് പരിധിയിൽ താമസിക്കുന്ന പട്ടികവർഗ വിഭാഗത്തിൽപ്പെട്ടവർക്കാണ് അവസരം. പ്രായപരിധി 25 മുതൽ 50 വയസ് വരെ. കുക്ക്, ആയ തസ്തികകളിലേക്ക് ഏഴാം ക്ലാസാണ് വിദ്യാഭ്യാസ യോഗ്യത. പ്രവൃത്തിപരിചയമുള്ളവർക്കും കുക്ക് തസ്തികയിലേക്ക് സർക്കാർ അംഗീകൃത ഫുഡ് ക്രാഫ്റ്റ്, കെ.ജി.ടി.ഇ ഫുഡ് പ്രൊഡക്ഷൻ യോഗ്യതയുള്ളവർക്കും മുൻഗണന ലഭിക്കും.

ഐ സി ബാലകൃഷ്ണന്‍ എം എല്‍ എയുടെ ആസ്തി വികസന ഫണ്ടില്‍ നിന്നും സുല്‍ത്താന്‍ ബത്തേരി മണ്ഡലത്തിലെ വിവിധ ഗ്രാമ പഞ്ചായത്തുകളില്‍ റോഡ് പ്രവൃത്തികള്‍ക്കായി 1.80 കോടി രൂപയുടെ ഭരണാനുമതി ലഭിച്ചു.

നൂല്‍പ്പുഴ പഞ്ചായത്തിലെ നായ്ക്കട്ടി- മാതമംഗലം പുളിമരം കവല റോഡ് ടാറിംഗിന് 20 ലക്ഷം രൂപ, കാര്യമ്പാടി പണിയ ഉന്നതി റോഡ്  ടാറിംഗിന് 15 ലക്ഷം രൂപ, ചിത്രാലക്കര വയല്‍ വരമ്പ് റോഡ് ഫോര്‍മേഷന് 20 ലക്ഷം രൂപ എന്നിങ്ങനെ ഭരണാനുമതിയായി. 

ജില്ലാ കുടുംബശ്രീ മിഷന് കീഴിലുള്ള അമൃതം ന്യൂട്രീമിക്‌സ് പദ്ധതിയുടെ ഭാഗമായി നൂല്‍പ്പുഴ സി.ഡി.എസില്‍ പ്രവര്‍ത്തിക്കുന്ന ഐശ്വര്യ ന്യൂട്രീമിക്‌സ് സംരംഭത്തിന് പുതിയ കെട്ടിടമായി. ഗ്രാമപഞ്ചായത്ത് പ്രസിഡന്റ് എം.കെ.ജയ കെട്ടിടോദ്ഘാടനം നിര്‍വഹിച്ചു. ആറ് മാസം മുതല്‍  മൂന്ന് വയസുവരെയുള്ള കുട്ടികള്‍ക്ക് അങ്കണവാടികള്‍ വഴി പോഷകാഹാരം വിതരണം ചെയ്യുന്നതിന് കുടുംബശ്രീ വനിതകള്‍ ഉത്പാദിപ്പിക്കുന്ന പോഷകാഹാരമാണ് അമൃതം ന്യൂട്രിമിക്‌സ്. ജില്ലയില്‍ ഏറ്റവും കൂടുതല്‍ ന്യൂട്രീമിക്‌സ് സംരംഭങ്ങള്‍ പ്രവര്‍ത്തിക്കുന്ന പഞ്ചായത്താണ് നൂല്‍പ്പുഴ. 

വെള്ളമുണ്ട ഇലക്ട്രിക്കല്‍ സെക്ഷന്‍ പരിധിയിലെ കരിങ്ങാരി മഞ്ഞപ്പള്ളി, ആലഞ്ചേരി, പാലമുക്ക് പ്രദേശങ്ങളില്‍ ഇന്ന് (മെയ് 26) രാവിലെ 8.30 മുതല്‍ വൈകുന്നേരം ആറ് വരെ വൈദ്യുതി വിതരണം ഭാഗികമായി മുടങ്ങും.

എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷനും എംപ്ലോയീസ് സ്റ്റേറ്റ് ഇന്‍ഷുറന്‍സ് കോര്‍പ്പറേഷനും സംയുക്തമായി വിവരങ്ങള്‍ കൈമാറുന്നതിനും പരാതികള്‍ പരിഹരിക്കുന്നതിനുമായി നിധി ആപ്കെ നികാത്ത്/സുവിധ സമാഗം എന്ന പേരില്‍ ജില്ലാ ബോധവത്കരണ ക്യാമ്പും ഔട്ട് റീച്ച് പ്രോഗ്രാമും സംഘടിപ്പിക്കുന്നു. മെയ് 29ന് രാവിലെ ഒന്‍പതിന് കല്‍പറ്റ വുഡ്‌ലാന്‍ഡ് ഹോട്ടലിലാണ് പരിപാടി. അംഗങ്ങള്‍, തൊഴിലുടമകള്‍, പെന്‍ഷന്‍കാര്‍ എന്നിവര്‍ https://forms.gle/tfJAjVXHVj41J6Zn6 എന്ന ഗൂഗിള്‍ ഫോം വഴിയോ സ്പോട്ട് രജിസ്‌ട്രേഷനിലൂടെ നേരിട്ടോ രജിസ്റ്റര്‍ ചെയ്യണം. ഫോണ്‍: 0495 2361293, 0495 2767893.

ഇ.പി.എഫ്.ഒ പെന്‍ഷന്‍കാര്‍ക്ക് ഇന്ത്യ പോസ്റ്റ് പെയ്‌മെന്റസ് ബാങ്കിന്റെ ഡിജിറ്റല്‍ ലൈഫ് സര്‍ട്ടിഫിക്കറ്റ് (ജീവന്‍ പ്രമാണ്‍) സേവനം സൗജന്യമായി ലഭിക്കും. ഇ.പി.എഫ്.ഒ, ടെലികോം പെന്‍ഷന്‍കാര്‍ക്കാണ് സേവനം സൗജന്യമായി ലഭ്യമാവുക. എല്ലാ ബ്രാഞ്ച് പോസ്റ്റ് ഓഫീസുകളിലും തെരഞ്ഞെടുക്കപ്പെട്ട ഹെഡ്/സബ് പോസ്റ്റ് ഓഫീസുകളിലും ഈ സേവനം ലഭിക്കും.  കേന്ദ്ര/സംസ്ഥാന സര്‍ക്കാര്‍ പെന്‍ഷന്‍കാര്‍ക്കും സൈനിക പെന്‍ഷന്‍കാര്‍ക്കും ഈ സേവനത്തിന് ജി.എസ്.ടി ഉള്‍പ്പെടെ 70 രൂപയാണ് ചാര്‍ജ് ഈടാക്കുന്നത്.

വാരാമ്പറ്റ ആയുഷ് (ഹോമിയോ) പ്രാഥമിക ആരോഗ്യ കേന്ദ്രത്തില്‍ കരാറടിസ്ഥാനത്തില്‍ ഫാര്‍മസിസ്റ്റ് നിയമനം നടത്തുന്നു. എന്‍.സി.പി/സി.സി.പി യാണ് യോഗ്യത. ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റുമായി ജൂണ്‍ മൂന്നിന് രാവിലെ 11ന് വെള്ളമുണ്ട ഗ്രാമപഞ്ചായത്ത് ഓഫീസില്‍ നടക്കുന്ന വാക്ക് ഇന്‍ ഇന്റര്‍വ്യൂവില്‍ പങ്കെടുക്കണം. ഫോണ്‍: 04935-230325.

കണിയാമ്പറ്റ ഗവ മോഡല്‍ റസിഡന്‍ഷ്യല്‍ സ്‌കൂളിലെ ആറ്, എട്ട്, പത്ത് ക്ലാസുകളിലെക്കും ഹയര്‍ സെക്കന്‍ഡറി വിഭാഗം രണ്ടാം വര്‍ഷ ഹ്യുമാനിറ്റിസ്, സയന്‍സ് വിഭാഗത്തിലേക്കും ഒഴുവുള്ള സീറ്റുകളിലേക്ക് അര്‍ഹരായ പട്ടികവര്‍ഗ വിഭാഗത്തിലുള്ള പെണ്‍കുട്ടികളില്‍ നിന്ന് അപേക്ഷ ക്ഷണിച്ചു. ഹയര്‍ സെക്കണ്ടറി വിഭാഗത്തിലെ ഒഴിവുകളിലേക്ക് അപേക്ഷിക്കുന്നവര്‍ മലയാളം രണ്ടാം ഭാഷയായി പഠിച്ചവരും ഒന്നാം വര്‍ഷ കോഴ്‌സ് പൂര്‍ത്തിയാക്കി പരീക്ഷ എഴുതിയവരുമായിരിക്കണം. താത്പര്യമുള്ള വിദ്യാര്‍ത്ഥികള്‍ രക്ഷിതാക്കളോടൊപ്പം ജൂണ്‍ രണ്ടിന് രാവിലെ 10ന് സ്‌കൂളില്‍ എത്തണം. ഫോണ്‍: 04936 284818.

കല്‍പ്പറ്റ പുത്തൂര്‍വയല്‍ എസ്.ബി.ഐ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ ആരംഭിക്കുന്ന 35 ദിവസത്തെ സൗജന്യ ബ്യൂട്ടീഷ്യന്‍ കോഴ്‌സില്‍ സീറ്റൊഴിവുണ്ട്. മെയ് 29ന് ആരംഭിക്കുന്ന പരിശീലനത്തില്‍ 18നും 50നും ഇടയില്‍ പ്രായമുള്ള തൊഴില്‍ രഹിതര്‍ക്ക് അപേക്ഷിക്കാം. ഫോണ്‍- 7012992238, 8078711040, 04936206132