ആലപ്പുഴ എംപ്ലോയബിലിറ്റി സെന്റർ മുഖേന സ്വകാര്യ സ്ഥാപനങ്ങളിലേക്ക് നിയമനം. അഭിമുഖം ജൂലൈ 18 ശനിയാഴ്ച രാവിലെ 9.30-ന് എംപ്ലോയബിലിറ്റി സെന്ററിൽ നടക്കും. എസ്.എസ്.എൽ.സി, പ്ലസ് ടു, ഡിഗ്രി/ഡിപ്ലോമ, എക്സ്  സർവീസ്, 
 , ഹെവി ഡ്രൈവിംഗ് ലൈസൻസ് എന്നിവയുള്ളവർക്ക് പങ്കെടുക്കാം. എംപ്ലോയബിലിറ്റി സെന്ററിൽ രജിസ്റ്റർ ചെയ്തവർക്കും അല്ലാത്തവരുമായ, 21-നും 40-നും ഇടയിൽ പ്രായമുള്ള ഉദ്യോഗാർഥികൾക്കാണ് അവസരം.  സ്പോട്ട് രജിസ്ട്രേഷൻ സൗകര്യവും ഉണ്ടായിരിക്കും.  ഫോൺ: 0477 2230624, 8304057735

കേരള വാട്ടർ അതോറിറ്റിയുടെ ആലപ്പുഴ കിഫ്ബി പ്രൊജക്റ്റ് ഡിവിഷന് കീഴിൽ ജലജീവൻ മിഷൻ പദ്ധതിയുമായി ബന്ധപ്പെട്ട് ജെ.ജെ.എം. പ്രൊജക്ട് വോളന്റിയർ തസ്തികയിലേക്ക് താൽക്കാലിക നിയമനം നടത്തുന്നു. 89 ദിവസത്തെ കാലാവധിയിലേക്കുള്ള ഈ തസ്തികയിലേക്ക് ബി.ടെക്/ ഡിപ്ലോമ/ ഐ.ടി.ഐ (സിവിൽ/മെക്കാനിക്കൽ/പ്ലംബിംഗ്) യോഗ്യതയുള്ള ഉദ്യോഗാർഥികൾക്കാണ് അവസരം. 

ജില്ലയിലെ ബൾക്ക് വേസ്റ്റ് ജനറേറ്റർമാർ (വൻതോതിൽ മാലിന്യം സൃഷ്ടിക്കുന്നവർ)  കേന്ദ്ര മലിനീകരണ നിയന്ത്രണ ബോർഡിന്റെ സൈറ്റിൽ (swm.cpcb.gov.in) രജിസ്റ്റർ ചെയ്യണമെന്ന് ജില്ലാ കളക്ടർ ഷാജി വി. നായർ നിർദ്ദേശിച്ചു. ഖരമാലിന്യ പരിപാലന ചട്ടം 2026 നടപ്പിലാക്കുന്നതിനായി ജില്ലാ കളക്ടർ ചെയർമാനായി രൂപീകരിച്ച പ്രത്യേക സെല്ലിന്റെ (സ്പെഷ്യൽ സെല്ലിന്റെ) ആദ്യ യോഗത്തിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

ആഗസ്റ്റ് 22 ന് പുന്നമടക്കായലിൽ നടക്കുന്ന 72-ാമത് നെഹ്റു ട്രോഫി വള്ളംകളിയുടെ ഭാഗ്യചിഹ്നത്തിന്റെ  പേരിടൽ കർമ്മം എക്സൈസ്, സഹകരണമന്ത്രി എം ലിജു ഇന്ന്(17) നിർവഹിക്കും. രാവിലെ 10.30 ന് കളക്ടറേറ്റ് കോൺഫറൻസ് ഹാളിൽ നടക്കുന്ന ചടങ്ങിൽ ജില്ലാ കളക്ടർ ഷാജി വി നായർ, ചലച്ചിത്ര നടി ദേവി ചന്ദന എന്നിവർ ചേർന്ന് പേര് പതിച്ച ഭാഗ്യചിഹ്നം മന്ത്രിയിൽ നിന്ന് ഏറ്റുവാങ്ങും. പുന്നപ്ര സ്വദേശിയായ ഗ്രാഫിക് ഡിസൈനർ ഹരിൺ തയ്യാറാക്കിയ ചുണ്ടൻവള്ളം തുഴഞ്ഞു നീങ്ങുന്ന വേഴാമ്പലാണ് ഈ വർഷത്തെ ഭാഗ്യചിഹ്നമായി തിരഞ്ഞെടുക്കപ്പെട്ടത്. ചടങ്ങിൽ എൻടിബിആർ പബ്ലിസിറ്റി കമ്മിറ്റി അംഗങ്ങൾ, ഉദ്യോഗസ്ഥർ തുടങ്ങിയവർ പങ്കെടുക്കും.  

ജനസംഖ്യാപക്ഷാചരണത്തോടനുബന്ധിച്ചു നടന്ന ജില്ലാതല ബോധവത്കരണപരിപാടി പാതിരപ്പള്ളി ആൽഫ ജീനിയസ് ഇന്റഗ്രേറ്റഡ് സ്കൂളിൽ എ.ഡി. തോമസ് എം.എൽ.എ.   ഉദ്ഘാടനം ചെയ്തു. 

മാരാരിക്കുളം തെക്ക് ഗ്രാമപഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ കെ.എൻ. ഷൈലജ അധ്യക്ഷത വഹിച്ചു. ഗ്രാമപഞ്ചായത്ത് അംഗം വി സേതുനാഥ്, ഡെപ്യുട്ടി ജില്ല മെഡിക്കൽ ഓഫീസർ ഡോ. കെ അനൂപ്, സ്കൂൾ ഡയറക്ടർ ഡോ. റോജസ് ജോസ്, ഡെപ്യൂട്ടി ജില്ല എജ്യൂക്കേഷൻ മീഡിയ ഓഫീസർമാരായ ഡോ. ഐ ചിത്ര, ഡോ. ആർ സേതുനാഥ്, ജൂനിയർ കൺസൾട്ടന്റ്  ആഗ്നൽ ജോസഫ് തുടങ്ങിയവർ പങ്കെടുത്തു. 

ആലപ്പുഴ കളക്ട്രേറ്റ് വളപ്പിലുള്ള കേന്ദ്ര തിരഞ്ഞെടുപ്പ് കമ്മീഷന്റെ ഇലക്ഷൻ വെയർഹൗസിലെ സുരക്ഷാ ക്രമീകരണങ്ങൾ വർദ്ധിപ്പിക്കുന്നതിൻ്റെ ഭാഗമായി, നിലവിലുള്ള സി.സി.ടി.വി സർവൈലൻസ് സിസ്റ്റത്തോടൊപ്പം കൂടുതൽ ക്യാമറകളും അനുബന്ധ സ്റ്റോറേജും സ്ഥാപിക്കുന്നതിന് അംഗീകൃത സ്ഥാപനങ്ങളിൽ നിന്നും ക്വട്ടേഷനുകൾ ക്ഷണിച്ചു.

ക്വട്ടേഷനുകൾ ജൂലൈ 23-ന് വൈകിട്ട് നാല് മണിക്ക് മുമ്പായി സമർപ്പിക്കേണ്ടതാണെന്ന് ഇലക്ഷൻ ഡെപ്യൂട്ടി കളക്ടർ അറിയിച്ചു.
കൂടുതൽ വിവരങ്ങൾക്ക് ജില്ലാ ഇലക്ഷൻ വിഭാഗവുമായി ബന്ധപ്പെടുക.
ഫോൺ: 0477-2251801, 8547610045, 9497339398.
[5:48 pm, 15/7/2026] I&PRD ALLEPPEY: 

ജൂലൈ മാസത്തെ ജില്ലാ വികസന സമിതി യോഗം 
ജൂലൈ 25 ശനിയാഴ്ച രാവിലെ 10.30 മണിക്ക് ജില്ലാ ആസൂത്രണ സമിതി കോൺഫറൻസ് ഹാളിൽ ചേരുമെന്ന് ജില്ലാ കളക്ടർ അറിയിച്ചു