നിയമസഭാ തെരഞ്ഞെടുപ്പിനോടനുബന്ധിച്ച് സ്ഥാനാര്‍ത്ഥികള്‍ക്കും സമ്മതിദായകര്‍ക്കും കൃത്യമായ വിവരങ്ങളും സഹായവും നല്‍കിക്കൊണ്ട് ഇലക്ഷന്‍ കമ്മീഷന്റെ വിവിധ മൊബൈല്‍ ആപ്ലിക്കേഷനുകള്‍ ഒരുങ്ങി. സുവിധ പോര്‍ട്ടല്‍, എന്‍കോര്‍, സി-വിജില്‍, സക്ഷം എന്നിങ്ങനെയുള്ള ഈ ആപ്ലിക്കേഷനുകള്‍ക്ക് ഒപ്പം തന്നെ ഇവയുടെ വെബ്പോര്‍ട്ടലുകളും ഉപയോഗപ്പെടുത്താം.  

നിയമസഭ തെരഞ്ഞെടുപ്പിനോടനുബന്ധിച്ച് ജില്ലയിൽ നിയമിതരായ കേന്ദ്ര നിരീക്ഷകർ, ജില്ലാതല നോഡൽ ഉദ്യോഗസ്ഥർ, വരണാധികാരികൾ, ഉപവരണാധികാരികൾ എന്നിവരുടെ യോഗം ഹോട്ടൽ വുഡ് ബൈൻ ഫോലിയേജിൽ ചേർന്നു. ജില്ലയിൽ തെരഞ്ഞെടുപ്പുമായി ബന്ധപ്പെട്ട് നടന്നു വരുന്ന മുന്നൊരുക്കങ്ങൾ ജില്ലാ കളക്ടർ ഡോ.വിനയ് ഗോയൽ വിശദീകരിച്ചു. തെരഞ്ഞെടുപ്പ് കമ്മീഷന്റെ എല്ലാ മാർഗ നിർദേശങ്ങളും പാലിക്കണമെന്നും എല്ലാ സ്വകാഡുകളും കാര്യക്ഷമമായി പ്രവർത്തിക്കണമെന്നും നിരീക്ഷകർ നിർദേശിച്ചു. നാമനിർദ്ദേശപത്രികയുടെ സൂക്ഷ്മ പരിശോധന സമയത്ത് വീഡിയോ റെക്കോർഡിങ് ചെയ്യാനുള്ള സജ്ജീകരണങ്ങൾ ആവിശ്യമാണെന്ന് നിരീക്ഷകർ നിർദ്ദേശിച്ചു.

 പരാതികൾ നിരീക്ഷകരെ അറിയിക്കാം

നിയമസഭാ തിരഞ്ഞെടുപ്പുമായി ബന്ധപ്പെട്ട് കേന്ദ്ര തെരഞ്ഞെടുപ്പ് കമ്മീഷന്‍ മലപ്പുറത്തേക്ക് നിയോഗിച്ച 11 നിരീക്ഷകരും ജില്ലയിലെത്തി പ്രവര്‍ത്തനം തുടങ്ങി. ആറ് പൊതു നിരീക്ഷകര്‍, നാല് ചെലവ് നിരീക്ഷകര്‍, ഒരു പോലീസ് നിരീക്ഷകന്‍ എന്നിവരാണ് ജില്ലയിലെത്തിയത്. 

നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ എത്തിയ പൊതു നിരീക്ഷകനായ ഷെവാങ് ഗ്യാച്ചോ ബുട്ടിയ തിരൂര്‍, കോട്ടക്കല്‍ മണ്ഡലങ്ങളിലെ ബൂത്തുകള്‍ സന്ദര്‍ശിച്ചു. തിരൂര്‍ മണ്ഡലത്തിലെ 36, 37 നമ്പര്‍ ബൂത്തായ ജി.യു.പി.എസ്. രണ്ടത്താണിയും കോട്ടക്കല്‍ മണ്ഡലത്തിലെ ആറു മുതല്‍ പത്ത് വരെ നമ്പര്‍ ബൂത്തായ ഗവ. രാജാസ് ഹയര്‍ സെക്കന്‍ഡറി സ്‌കൂള്‍ കോട്ടക്കലും 32, 33, 34 നമ്പര്‍ ബൂത്തായ ജി.യു.പി.എസ്. കോട്ടക്കലുമാണ് സന്ദര്‍ശിച്ചത്. തെരഞ്ഞെടുപ്പ് സമയത്ത് ശ്രദ്ധിക്കേണ്ട കാര്യങ്ങളെ കുറിച്ച് രണ്ട് മണ്ഡലങ്ങളിലെയും വരണാധികാരികളെ നേരില്‍ കണ്ട് അദ്ദേഹം ചര്‍ച്ച നടത്തി.

ജില്ലാതല മീഡിയ സർട്ടിഫിക്കേഷൻ ആൻഡ് മോണിറ്ററിംഗ് കമ്മിറ്റി രൂപീകരിച്ചു.

നിയമസഭാ തിരഞ്ഞെടുപ്പിനോടനുബന്ധിച്ച് മാധ്യമങ്ങളെ നിരീക്ഷിക്കുന്നതിനും രാഷ്ട്രീയ പാര്‍ട്ടികളുടെയും സ്ഥാനാര്‍ത്ഥികളുടെയും ഇലക്ട്രോണിക് മാധ്യമങ്ങളിലെ രാഷ്ട്രീയ പരസ്യങ്ങള്‍ക്ക് മുന്‍കൂര്‍ അനുമതി നല്‍കുന്നതിനുള്ള മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിങ് സെല്‍ (എം.സി.എം.സി) - മീഡിയ കൺട്രോൾ റൂം മലപ്പുറം ജില്ലാ ഇന്‍ഫര്‍മേഷന്‍ ഓഫീസ് കേന്ദ്രീകരിച്ച് പ്രവര്‍ത്തനമാരംഭിച്ചു.

സ്റ്റേഷനറി സാധനങ്ങളുടെ വാര്‍ഷിക സ്റ്റോക്കെടുപ്പ് നടക്കുന്നതിനാല്‍ ഏപ്രില്‍ ഒന്ന്, നാല് തിയ്യതികളില്‍ മലപ്പുറം ജില്ലാ സ്റ്റേഷനറി ഓഫീസില്‍ സ്റ്റേഷനറി സാധനങ്ങളുടെ വിതരണം ഉണ്ടായിരിക്കില്ലെന്ന് ജില്ലാ സ്റ്റേഷനറി ഓഫീസര്‍ അറിയിച്ചു.

നിയമസഭാ തെരഞ്ഞെടുപ്പിന്റെ  മാതൃകാ പെരുമാറ്റ ചട്ടലംഘനവുമായി ബന്ധപ്പെട്ട് പൊതുജനങ്ങള്‍ക്ക് നേരിട്ട് പരാതി നല്‍കാന്‍ കഴിയുന്ന സി- വിജില്‍ ആപ്ലിക്കേഷന്‍ മുഖേന ജില്ലയില്‍ ഇതുവരെ 282 പരാതികള്‍ ലഭിച്ചു. മുഴുവന്‍ പരാതികളും പരിഹരിച്ചതായി നോഡല്‍ ഓഫീസര്‍ അറിയിച്ചു.

നിയമസഭാ തെരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ട ലംഘനം ശ്രദ്ധയില്‍ പെട്ടാല്‍ പൊതുജനങ്ങള്‍ക്ക് വേഗത്തില്‍ ഇക്കാര്യം അധികാരികളുടെ മുന്നിലെത്തിക്കാനുള്ള സംവിധാനമാണ് തെരഞ്ഞെടുപ്പ് കമ്മിഷന്റെ സി വിജില്‍ മൊബൈല്‍ ആപ്പ്. പൊതു തെരഞ്ഞെടുപ്പ് പ്രഖ്യാപനം വന്നത് മുതല്‍ സി വിജില്‍ ആപ്ലിക്കേഷന്‍ പ്രവര്‍ത്തനസജ്ജമാണ്. വോട്ടര്‍മാര്‍ക്ക് പണം നല്‍കുക, മദ്യം വിതരണം ചെയ്യുക, അനുമതിയില്ലാതെ പോസ്റ്ററുകള്‍ പതിപ്പിക്കുക, പ്രകോപനപരമായ പ്രസംഗങ്ങള്‍ നടത്തുക തുടങ്ങി തെരഞ്ഞെടുപ്പ് പെരുമാറ്റച്ചട്ട ലംഘനത്തിന്റെ പരിധിയില്‍ വരുന്ന ഏതു പ്രവര്‍ത്തനങ്ങള്‍ക്കെതിരേയും പൊതുജനങ്ങള്‍ക്ക് ഈ സംവിധാനത്തിലൂടെ പരാതി നല്‍കാം.

നിയമസഭാ തെരഞ്ഞടുപ്പുമായി ബന്ധപ്പെട്ട ക്രമസമാധാന ഒരുക്കങ്ങള്‍ വിലയിരുത്തുന്നതിനായി കേന്ദ്രത്തില്‍ നിന്നുള്ള തെരഞ്ഞടുപ്പ് നിരീക്ഷകരുടെ നേതൃത്വത്തില്‍ എന്‍ഫോഴ്സ്മെന്റ് ഏജന്‍സികളുടെ യോഗം ചേര്‍ന്നു. കളക്ടറേറ്റ് കോണ്‍ഫ്രന്‍സ് ഹാളില്‍ ചേര്‍ന്ന യോഗത്തില്‍ ജില്ലാ കളക്ടര്‍ ഡോ.വിനയ് ഗോയല്‍ അധ്യക്ഷത വഹിച്ചു.  ജില്ലയിലെ സുരക്ഷാ ക്രമീകരണങ്ങള്‍ യോഗം വിലയിരുത്തി. അനധികൃത പണമിടപാടുകള്‍, മദ്യം, മയക്കുമരുന്ന് എന്നിവയുടെ ഒഴുക്ക് തടയാന്‍ കര്‍ശന പരിശോധന നടത്താന്‍ നിരീക്ഷകര്‍ നിര്‍ദ്ദേശിച്ചു. ജില്ലയുടെ അതിര്‍ത്തി പങ്കിടുന്ന പ്രദേശങ്ങളിലും ചെക്ക് പോസ്റ്റുകളിലും 24 മണിക്കൂറും നിരീക്ഷണം ഉറപ്പാക്കും.

അഗ്നിവീർ സെലക്ഷൻ ടെസ്റ്റിന്റെ ഭാഗമായുള്ള റിക്രൂട്ട്മെന്റ് പ്രക്രിയയ്ക്കായി ജില്ലയിലെ എല്ലാ താലൂക്കുകളിലും ഹെൽപ്പ് ഡെസ്ക് തുടങ്ങുന്നു. 22 വയസ്സ് പൂർത്തിയായ ആൺകുട്ടികൾക്കും പെൺകുട്ടികൾക്കും ഓൺലൈൻ രജിസ്ട്രേഷൻ ചെയ്യുന്നതിനായി ഫോട്ടോ, വിദ്യാഭ്യാസ യോഗ്യത, ആധാർ എന്നിവ സഹിതം ഹെൽപ്പ് ഡെസ്കുമായി ബന്ധപ്പെടാം. മാർച്ച്‌ 24 ന് തിരുവനന്തപുരം താലൂക്ക്, 25 ന് നെടുമങ്ങാട് താലൂക്ക്, 26ന് കാട്ടാക്കട താലൂക്ക്, 30ന് വർക്കല താലൂക്ക് എന്നിങ്ങനെയാണ് ഹെൽപ്പ് ഡെസ്ക്കുകൾ സജ്ജീകരിച്ചിരിക്കുന്നത്. കൂടുതൽ വിവരങ്ങൾക്ക് 9446006236, 99470 18692