തൃശ്ശൂർ ജില്ലാതല പോലീസ് കംപ്ലയിന്റ്സ് അതോറിറ്റിയുടെ ജൂൺ ആറിന് നടത്താൻ നിശ്ചയിച്ചിരുന്ന വിചാരണകൾ മാറ്റിവെച്ചതായും പുതിയ ചെയർമാൻ ചാർജ്ജ് എടുക്കുന്ന മുറയ്ക്ക് പുതുക്കിയ തീയതി അറിയിക്കുമെന്നും ജില്ലാതല പോലീസ് കംപ്ലയിന്റ്സ് അതോറിറ്റി ആന്റ് ഹുസൂർ ശിരസ്തദാർ സെക്രട്ടറി അറിയിച്ചു.

 കേരള വനഗവേഷണ സ്ഥാപനത്തിൽ 2027 ഡിസംബർ 19 വരെ കാലാവധി യുള്ള പ്രൊജക്റ്റ് ഫെല്ലോ താത്ക്കാലിക ഒഴിവിലേക്ക് അപേക്ഷ ക്ഷണിച്ചു. ബോട്ടണി, ഇക്കോളജി, ഫോറസ്റ്റ്, എൻവയോൺമെന്റ് സയൻസ് എന്നീ വിഷയങ്ങളിൽ ഒന്നാം ക്ലാസ്  ബിരുദാനന്തര ബിരുദമാണ് യോഗ്യത. ടാക്സോണമിക്ക്, ഇക്കോളജിക്കൽ പഠനങ്ങളിൽ പരിചയവും അഭികാമ്യമാണ്. 36 വയസ്സ് കവിയാത്ത ഉദ്യോഗാർത്ഥികൾക്ക് ജൂൺ അഞ്ചിന് രാവിലെ 10 മണിക്ക് പീച്ചി വനഗവേഷണ സ്ഥാപനത്തിൽ നടത്തുന്ന വാക്ക് ഇൻ ഇന്റർവ്യൂവിൽ പങ്കെടുക്കേണ്ടതാണ്.

വടക്കാഞ്ചേരിയിലെ തലപ്പിള്ളി മോഡൽ കരിയർ സെന്റർ ആന്റ് ടൗൺ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തിൽ മോഡൽ കരിയർ സെന്ററിൽ ഇന്ന് രാവിലെ (മെയ് 30) പത്ത് മണി മുതൽ ഉച്ചക്ക് ഒരു മണി വരെ പ്രയുക്തി ജോബ്ഫെയർ നടക്കും.

സീനിയർ ബ്രാഞ്ച് മാനേജർ, ബിസിനസ് ഡെവലപ്മെന്റ് മാനേജർ, യൂണിറ്റ് മാനേജർ, ഫിനാൻഷ്യൽ അഡ്വൈസർ, വെബ് ഡെവലപ്പർ, സിസ്റ്റം അഡ്മിനിസ്ട്രേറ്റർ ജൂനിയർ, ആങ്കർ ജൂനിയർ, ടെലികോളർ തുടങ്ങിയ തസ്തികകളിലായി വിവിധ സ്വകാര്യ സ്ഥാപനങ്ങളിലെ ഇരുന്നൂറോളം ഒഴിവുകളിലേക്ക് അപേക്ഷിക്കാം. പത്താംക്ലാസ്, പ്ലസ്ടു, ഡിപ്ലോമ, ബിരുദം, ബിരുദാനന്തരബിരുദം എന്നീ യോഗ്യതയുള്ള ഉദ്യോഗാർത്ഥികൾക്ക് പങ്കെടുക്കാം.

കേരള സ്റ്റേറ്റ് റൂട്രോണിക്‌സ് നടത്തുന്ന ഒരു വര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് അപേക്ഷ ക്ഷണിച്ചു. തിരുവനന്തപുരം, ആറ്റിങ്ങല്‍ പഠനകേന്ദ്രങ്ങളിലെ അംഗീകൃത കോഴ്‌സില്‍ റെഗുലര്‍, പാര്‍ട്ട് ടൈം ബാച്ചുകളിലേക്ക് പ്ലസ് ടു യോഗ്യതയുള്ളവര്‍ക്ക് ഇന്റേണ്‍ഷിപ്പോടെ അഡ്മിഷന്‍ നേടാം. കൂടുതല്‍ വിവരങ്ങള്‍ക്ക് 7994926081 എന്ന നമ്പറില്‍ ബന്ധപ്പെടുക.

കേരള മോട്ടോർ തൊഴിലാളി ക്ഷേമനിധി ബോർഡിൽ അംഗങ്ങളായ തൊഴിലാളികളുടെ ഒന്നു മുതൽ ഏഴുവരെ ക്ലാസ്സുകളിൽ പഠിക്കുന്ന കുട്ടികൾക്ക് സൗജന്യ പഠനോപകരണ കിറ്റ് വിതരണം ചെയ്തു.  ബോർഡിന്റെ തൃശൂർ ജില്ലാ ഓഫിസിൽ നടന്ന വിതരണ ചടങ്ങ് കേരള മോട്ടോർ തൊഴിലാളി ക്ഷേമനിധി ബോർഡ് ഡയറക്ടർ കെ.ജെ.സ്റ്റാലിൻ  ഉദ്ഘാടനം ചെയ്തു. ജില്ലാ എക്സിക്യൂട്ടീവ് ഓഫീസർ സതീഷ് കുമാർ വി.ആർ. സ്വാഗതവും അഡീഷണൽ ജില്ലാ എക്സിക്യൂട്ടീവ് ഓഫീസർ രഘു എൻ മേനോൻ നന്ദിയും പറഞ്ഞു.  വിവിധ തൊഴിലാളി യൂണിയൻ ഭാരവാഹികൾ ചടങ്ങിൽ പങ്കെടുത്തു.

ക്ഷയരോഗ മുക്ത പഞ്ചായത്തുകൾക്കുള്ള 2025 ലെ അവാർഡുകൾ ജില്ലാ കളക്ടർ ശിഖ സുരേന്ദ്രൻ വിതരണം ചെയ്തു. കളക്ടറുടെ ചേമ്പറിൽ നടന്ന ചടങ്ങിൽ അതിരപ്പിള്ളി, ചാഴൂർ, തോളൂർ എന്നീ ഗ്രാമപഞ്ചായത്തുകൾ അവാർഡുകൾ നേടി. ഗ്രാമപഞ്ചായത്ത് പ്രസിഡൻ്റുമാരായ കെ.ൽ സതീഷ് കുമാർ, ഷെല്ലി ജിജുമോൻ, ശ്രീകല കുഞ്ഞുണ്ണി എന്നിവർ ഗാന്ധി ശില്പവും സർട്ടിഫിക്കറ്റും ഏറ്റുവാങ്ങി.

ചടങ്ങിൽ ഡി.എം.ഒ. ഡോ. ടി.പി ശ്രീദേവി, ഡെപ്യൂട്ടി ഡി.എം.ഒ. ഡോ. ഫ്ലെമി ജോസ്, ഡി.ട്ടി.ഒ  ഡോ. ജിൽഷോ ജോർജ്,  ആരോഗ്യ സ്ഥാപനങ്ങളിലെ സൂപ്രണ്ടുമാർ, മെഡിക്കൽ ഓഫീസർമാർ, ആരോഗ്യ പ്രവർത്തകർ, ഡി.എം .ഒ പ്രതിനിധികൾ, ജില്ലാ ടി.ബി സെൻറർ പ്രതിനിധികൾ തുടങ്ങിയവർ പങ്കെടുത്തു.

തദ്ദേശസ്വയംഭരണ വകുപ്പിന്റെ ആഭിമുഖ്യത്തിൽ പട്ടികജാതി- പട്ടികവർഗ്ഗ വകുപ്പ്, വിദ്യാഭ്യാസ വകുപ്പ്, എന്നിവയുടെ സഹകരണത്തോടെ നടത്തുന്ന  അക്ഷരോന്നതി പദ്ധതിയുടെ പുസ്തക വിതരണം സംഘടിപ്പിച്ചു. പാണഞ്ചേരി ഗ്രാമപഞ്ചായത്ത് മണിയൻ കിണർ കമ്മ്യൂണിറ്റി ഹാളിൽ നടന്ന ചടങ്ങിൽ തൃശ്ശൂർ ജില്ലാ പഞ്ചായത്ത്‌ പ്രസിഡന്റ്‌ മേരി തോമസ്  പുസ്തക വിതരണം ഉദ്ഘാടനം ചെയ്തു. പാണഞ്ചേരി പഞ്ചായത്ത്‌ പ്രസിഡന്റ്‌ മിനു വർഗീസ് അധ്യക്ഷത വഹിച്ചു. ജില്ലാ കളക്റ്റർ ശിഖ സുരേന്ദ്രൻ മുഖ്യാതിഥിയായി.

ജില്ലയിലെ പട്ടികജാതി, പട്ടികവർഗ്ഗ വിഭാഗങ്ങളിൽ വായന സംസ്കാരമാക്കി മാറ്റുക എന്ന ലക്ഷ്യത്തോടെയാണ്  ‘അക്ഷരോന്നതി’ പദ്ധതി നടപ്പിലാക്കുന്നത്.

കേരളശ്ശേരി ഗ്രാമപഞ്ചായത്തിലെ കുടുംബാരോഗ്യ കേന്ദ്രത്തില്‍ സായാഹ്ന ഒ.പി തുടങ്ങുന്നതിന്റെ ഭാഗമായി ഡോക്ടര്‍, നഴ്‌സ് തസ്തികയില്‍ നിയമനം നടത്തുന്നു. യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകളും പകര്‍പ്പുകളുമായി ജൂണ്‍ 10ന് രാവിലെ 11ന് കേരളശ്ശേരി ഗ്രാമപഞ്ചായത്ത് ഓഫീസില്‍ കൂടിക്കാഴ്ച്ചയ്ക്ക് എത്തണം. ഫോണ്‍: 0491-2840254.
 

പത്തിരിപ്പാല ഗവ. ആര്‍ട്‌സ് ആന്‍ഡ് സയന്‍സ് കോളജില്‍ വിവിധ വിഷയങ്ങളില്‍ അതിഥി അധ്യാപകരെ നിയമിക്കുന്നു. ഇംഗ്ലീഷ് - ജൂണ്‍ 3 ന് രാവിലെ 10നും പൊളിറ്റിക്കല്‍ സയന്‍സ്, സംസ്‌കൃതം വിഷയങ്ങളില്‍ ജൂണ്‍ 4 ന് രാവിലെ 10 നും മലയാളം - ജൂണ്‍ 5 ന് രാവിലെ 10 നും ഹിന്ദി - ജൂണ്‍ 6 ന് രാവിലെ 10നും, ജേണലിസം ജൂണ്‍ 8ന് രാവിലെ 10 നുമാണ് അഭിമുഖം.