എംപ്ലോയ്‌മെന്റിൽ രജിസ്‌ട്രേഷൻ പുതുക്കാൻ കഴിയാത്തവർക്ക് രജിസ്‌ട്രേഷൻ പുതുക്കാനായി അവസരം. 1995 ജനുവരി ഒന്ന് മുതൽ 2025 ഡിസംബർ 31 വരെയുള്ള കാലയളവിൽ വിവിധ കാരണങ്ങളാൽ എംപ്ലോയ്‌മെന്റിൽ രജിസ്‌ട്രേഷൻ  യഥാസമയം പുതുക്കാൻ കഴിയാതെ സീനിയോറിറ്റി നഷ്ടപെട്ട ഉദ്യോഗാർത്ഥികൾക്ക് അവരുടെ സീനിയോറിറ്റി നിലനിർത്തി കൊണ്ട് എംപ്ലോയ്‌മെന്റ് രജിസ്‌ട്രേഷൻ പുതുക്കാൻ  അവസരം.  രജിസ്‌ട്രേഷൻ കാർഡിൽ 10/1994 മുതൽ 10/2025 വരെ രേഖപെടുത്തിയിട്ടുള്ളവർക്ക് സ്പെഷ്യൽ റിന്യുവൽ അപേക്ഷ ഏപ്രിൽ 30 നകം നൽകണം. ജില്ലയിലെ വിമുക്തഭടന്മാർ അവസരം വിനിയോഗിച്ച് എംപ്ലോയ്‌മെന്റ് രജിസ്‌ട്രേഷൻ പുതുക്കണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു.

കൽപ്പറ്റ ഐ.ടി.ഐയിലേക്ക് കമ്പ്യൂട്ടർ ഓപ്പറേറ്റർ ആൻഡ് പ്രോഗ്രാമിങ് അസിസ്റ്റന്റ് ട്രേഡിലേക്ക് ഗസ്റ്റ് ഇൻസ്ട്രക്ടറെ നിയമിക്കുന്നു.  ബന്ധപ്പെട്ട മേഖലയിൽ പ്രവൃത്തിപരിചയമുള്ള ഉദ്യോഗാർത്ഥികൾ യോഗ്യതാ സർട്ടിഫിക്കറ്റിന്റെ  അസൽ, പകർപ്പ്  സഹിതം മാർച്ച് 13 ന് രാവിലെ 11 ന് നടക്കുന്ന കൂടിക്കാഴ്ചയിൽ പങ്കെടുക്കണം. എസ്.സി വിഭാഗക്കാരുടെ അഭാവത്തിൽ ഓപ്പൺ വിഭാഗക്കാർക്ക് പരിഗണന. ഫോൺ- 04936 2055019.

പട്ടികവർഗ വികസന ഓഫീസിന് കീഴിൽ ജില്ലയിൽ പ്രവർത്തിക്കുന്ന അഞ്ച് മോഡൽ റസിഡന്റിൽ സ്കൂളുകളിൽ  വിവിധ അധ്യാപക തസ്തികയിലേക്ക് താത്ക്കാലിക നിയമനം നടത്തുന്നു. വിവിധ വിഷയങ്ങളിലായി ഹൈ സ്കൂൾ അസിസ്റ്റന്റ്, ഹയർ സെക്കൻഡറി സ്കൂൾ ടീച്ചർ, എൽ.പി/ യു.പി അസിസ്റ്റന്റ്, എം.സി.ആർ.ടി തസ്തികകളിലേക്കാണ് നിയമനം നടത്തുക. പി.എസ്.സി നിർദിഷ്ട്ട യോഗ്യതയുള്ളവർക്ക് അപേക്ഷികാം.

മൂന്നാർ എൻജിനിയറിങ് കോളേജിന്റെ ഭരണ നിർവ്വഹണാധികാരം പൂർണമായി  ഐ.എച്ച്.ആർ.ഡിക്ക് കൈമാറുന്നത് സംബന്ധിച്ച് സർക്കാർ ഉത്തരവിറക്കി. കൈമാറ്റത്തിലൂടെ അടുത്ത അദ്ധ്യയന വർഷം മുതൽ അതിനൂതനമായ സാങ്കേതിക ശാഖകളിൽ വിദ്യാർത്ഥികൾക്ക് പ്രവേശനം നേടാനാകും.

മൂപ്പൈനാട് കുടുംബാരോഗ്യ കേന്ദ്രത്തിൽ താത്ക്കാലിക ലാബ് ടെക്‌നിഷ്യൻ, ക്ലീനിങ് സ്റ്റാഫ്  നിയമനം നടത്തുന്നു. ബി.എസ്.സി എം.എൽ.ടി/ ഡിപ്ലോമ എം.എൽ.ടിയും കേരളം പാര മെഡിക്കൽ കൗൺസിൽ രജിസ്ട്രാൻ യോഗ്യതയുള്ളവർക്ക് ലാബ് ടെക്‌നിഷ്യൻ തസ്തികയിലേക്കും,  പത്താം ക്ലാസ് യോഗ്യതയുള്ളവർക്ക് ക്ലീനിങ് സ്റ്റാഫ് തസ്തികയിലേക്കും അപേക്ഷിക്കാം. മൂപ്പൈനാട് ഗ്രാമപഞ്ചായത്തിലെ താമസമുള്ളവർക്ക് മുൻഗണ. ഉദ്യോഗാർത്ഥികൾ യോഗ്യത സർട്ടിഫിക്കറ്റുകളുടെ അസലുമായി  മാർച്ച് 16 രാവിലെ 11 ന് മൂപ്പൈനാട് കുടുംബാരോഗ്യ കേന്ദ്രത്തിൽ എത്തിച്ചേരണം. 

സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിംഗ് & ട്രെയിനിംഗും സംയുക്തമായി തിരുവനന്തപുരത്തുള്ള ട്രെയിനിംഗ് ഡിവിഷനിൽ ആരംഭിക്കുന്ന കേരള ഗവണ്മെന്റ് അംഗീകാരമുള്ള ഒരു വർഷ കെജി.ടി.ഇ പ്രീ-പ്രസ്സ് ഓപ്പറേഷൻസ്, കെജി.ടി.ഇ പ്രസ്സ് വർക്ക്, കെജി.ടി.ഇ പോസ്റ്റ്-പ്രസ്സ് ഓപ്പറേഷൻസ് & ഫിനിഷിംഗ് (പാർട്ട് ടൈം) 2026-27 കോഴ്സുകളിലേക്ക് അപേക്ഷ ക്ഷണിച്ചു.

ധനുവച്ചപുരം ഗവ. ഐ.ടി.ഐയിൽ നിലവിൽ ഒഴിവുള്ള ഡ്രാഫ്റ്റ്സ്മാൻ / മെക്കാനിക്കൽ-1 (ധീവര), ടൂൾ ആൻഡ് ഡൈ മേക്കർ-1 (പട്ടികജാതി), വുഡ് വർക്ക് ടെക്നീഷ്യൻ-1 (ജനറൽ) (ധീവര, പട്ടികജാതി വിഭാഗം) ട്രേഡുകളിൽ ഗസ്റ്റ് ഇൻസ്ട്രക്ടർ തസ്തികയിലേക്ക് താൽക്കാലിക ജീവനക്കാരെ നിയമിക്കുന്നതിനായി മാർച്ച് 16 രാവിലെ 10.30ന്  അഭിമുഖം നടത്തും.

കേരള ലെജിസ്ലേറ്റീവ് അസംബ്ലി മീഡിയ ആൻഡ് പാർലമെന്ററി സ്റ്റഡീസ് സെന്റർ (പാർലമെന്ററി സ്റ്റഡീസ്) ന്റെ ആഭിമുഖ്യത്തിൽ നടത്തുന്ന പി.ജി. ഡിപ്ലോമ ഇൻ പാർലമെന്ററി സ്റ്റഡീസ് ആദ്യ ബാച്ചിന്റെ എഴുത്തുപരീക്ഷ ഏപ്രിൽ 11, 12, 18, 19 തീയതികളിൽ തിരുവനന്തപുരം, എറണാകുളം, കോഴിക്കോട് കേന്ദ്രങ്ങളിൽ നടക്കും. പരീക്ഷയ്ക്കുള്ള അപേക്ഷ K-LAMPS e-portal മുഖേന ഫീസ് വിശദാംശങ്ങളോടൊപ്പം സമർപ്പിക്കണം.

കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മ)   എം.ബി.എ. (ഫുൾടൈം) 2026-28 ബാച്ചിലേയ്ക്കുളള അഭിമുഖം മാർച്ച് 13 രാവിലെ 10 മുതൽ കിക്മ ക്യാമ്പസിൽ നടക്കും. കേരള സർവ്വകലാശാലയുടെയും, എ.ഐ.സി.റ്റി.യുടെയും അംഗീകാരത്തോടെ നടത്തുന്ന ദ്വിവത്സര കോഴ്‌സിൽ ലോജിസ്റ്റിക്‌സ്, ബിസിനസ് അനലിറ്റിക്‌സ്, ഫിനാൻസ്, മാർക്കറ്റിംഗ്, ഹ്യൂമൻ റിസോഴ്‌സ്, എന്നിവയിൽ സ്‌പെഷ്യലൈസേഷന് അവസരമുണ്ട്.

കൽപ്പറ്റ നഗരസഭയിലേക്ക് താത്ക്കാലിക ട്രാക്ടർ ഡ്രൈവർ നിയമനം നടത്തുന്നു. എസ്.എസ്.എൽ.സി, ഹെവി ഡ്രൈവിങ് ലൈസെൻസ്, ട്രാക്ടർ ഡ്രൈവിങ് ലൈസെൻസ് എന്നിവയാണ് യോഗ്യത. മെക്കാനിക് (ട്രാക്ടർ/ മോട്ടോർ വാഹനം/ഡീസൽ) എന്നിവയിൽ ഐ.ടി.ഐ പൂർത്തിയാക്കിയവർക്ക് മുൻഗണ. ഉദ്യോഗാർത്ഥികൾ വയസ്സ്, യോഗ്യത, ഡ്രൈവിങ് ലൈസെൻസ് എന്നിവയുടെ അസൽ, പകർപ്പ് എന്നിവ സഹിതം  മാർച്ച് 12 ന് ഉച്ചയ്ക്ക് രണ്ടിന് നടക്കുന്ന കൂടിക്കാഴ്ചയ്ക്ക് പങ്കെടുക്കണം. ഫോൺ: 04936 202349, 04936 203744