വില്‍പന നികുതി കുടിശ്ശികയും പലിശയും ഈടാക്കുന്നതിലേക്കായി പട്ടാമ്പി താലൂക്ക് തിരുവേഗപ്പുറ വില്ലേജിലെ സര്‍വേ നമ്പര്‍ 205/7-3 ലെ 9.5 സെന്റ് സ്ഥലം ലേലം ചെയ്യുന്നു. ജൂലൈ 25 രാവിലെ 11 ന് ഇതേ സ്ഥലത്ത് ലേലം നടക്കുമെന്ന്  തഹസില്‍ദാര്‍ അറിയിച്ചു. ഫോണ്‍: 0466 2214300

കുമരംപുത്തൂര്‍ ഗ്രാമപഞ്ചായത്തില്‍ ഡിസംബര്‍ 31 വരെ പെന്‍ഷന്‍ അനുവദിച്ചതും പെന്‍ഷന്‍ ലഭിച്ച് കൊണ്ടിരിക്കുന്ന ഗുണഭോക്താക്കള്‍ക്ക് പെന്‍ഷന്‍ തുടര്‍ന്ന് ലഭിക്കുന്നതിനായി ആഗസ്റ്റ് 24നകം മസ്റ്ററിങ് നടത്തണം. ഗുണഭോക്താക്കള്‍ ആധാര്‍ കാര്‍ഡുമായി അക്ഷയ കേന്ദ്രങ്ങള്‍ വഴി മസ്റ്ററിങ് ചെയ്യണമെന്ന് സെക്രട്ടറി അറിയിച്ചു.

അന്താരാഷ്ട്ര ലഹരി വിരുദ്ധ ദിനത്തിൽ ജീവിതോൽസവം ക്യാമ്പയിനുമായി ഹയർ സെക്കണ്ടറി നാഷണൽ സർവീസ് സ്കീം. ഗവൺമെന്റ് ഹയർ സെക്കൻഡറി സ്കൂൾ മെഡിക്കൽ കോളേജ് ക്യാമ്പസിൽ നടന്ന ക്യാമ്പയിനിന്റെ ജില്ലാതല ഉദ്ഘാടനം പോലീസ് അസിസ്റ്റന്റ് കമ്മീഷണർ എ ഉമേഷ് നിർവ്വഹിച്ചു. ക്യാമ്പയിന്റെ ഭാഗമായി കോറിയോഗ്രാഫി ചാലഞ്ച്, തുടി സംഗീത നൃത്താവിഷ്കാരം, പ്രതിജ്ഞ, ഫ്ലാഷ് മോബ്, മനുഷ്യ ചങ്ങല, ടാബ്ലോ, വാൾ സ്റ്റിക്കി, ചിത്രരചന, കലാ കായിക മത്സരങ്ങൾ തുടങ്ങിയ 21 ദിന ചാലഞ്ചുകളാണ് ജീവിതോൽസവത്തിന്റെ ഭാഗമായി എൻഎസ്എസ് വളണ്ടിയർമാരുടെ നേത്യത്വത്തിൽ സംഘടിപ്പിക്കുന്നത്.

ജില്ലയില്‍ കഴിഞ്ഞ ദിവസം കൂടുതല്‍ മഴ ലഭിച്ചത് എലിമ്പിലേരിയിൽ. ജൂണ്‍ 25 ന് രാവിലെ 8 മുതല്‍ ജൂണ്‍ 26 ന് രാവിലെ 8 വരെ ലഭിച്ച കണക്ക് പ്രകാരമാണ് മേപ്പാടി  ഗ്രാമപഞ്ചായത്തിലെ എലിമ്പിലേരി പ്രദേശത്ത് കൂടുതല്‍ മഴ ലഭിച്ചത്.  24 മണിക്കൂറില്‍ 243 മില്ലിമീറ്റര്‍ മഴയാണ് ഇവിടെ ലഭിച്ചത്. തിരുനെല്ലി ഗ്രാമപഞ്ചായത്തിലെ കാട്ടിക്കുളം പ്രദേശത്താണ് കുറവ് മഴ-12 മില്ലിമീറ്റര്‍.

അട്ടപ്പാടി കോ-ഓപ്പറേറ്റീവ് ഫാമിങ് സൊസൈറ്റിയുടെ കീഴിലുള്ള 2010 മോഡല്‍ മഹീന്ദ്ര ജീപ്പ് ലേലം ചെയ്യുന്നു. ജൂലൈ രണ്ടിന് രാവിലെ 10 ന് സംഘം ഹെഡ് ഓഫീസിലാണ് ലേലം. ഫോണ്‍: 9061540541

-206.37 കോടി രൂപ ചെലവിൽ 43.76 ലക്ഷം തൊഴിൽ ദിനങ്ങൾ സൃഷ്ടിച്ചു

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ സംസ്ഥാനത്ത് ഒന്നാമതായി വയനാട് ജില്ല.

2024-25 വർഷം 206.37 കോടി രൂപ ചെലവിൽ 43.76 ലക്ഷം തൊഴിൽ ദിനങ്ങളാണ് ജില്ലയിൽ സൃഷ്ടിച്ചത്. ഇതു വഴി 147.75 കോടി രൂപ കൂലി,  51.47 കോടി രൂപ മെറ്റീരിയൽ എന്നിവ ചിലവഴിച്ച് 61051 കുടുംബങ്ങൾക്ക് തൊഴിൽ നൽകാനും സാധിച്ചു. 26358 കുടുംബങ്ങൾ നൂറു ദിനം പൂർത്തീകരിച്ചിട്ടുണ്ട്.

ചേർമല കേവ് പാർക്ക് നിർമ്മാണം അവസാന ഘട്ടത്തിൽ

ജില്ലയിലെ വിനോദ സഞ്ചാര മേഖലക്ക് മുതൽക്കൂട്ടാവാൻ മുഖം മിനുക്കി മനോഹരിയായി പേരാമ്പ്രയിലെ ചേർമല കേവ് പാർക്ക്. പ്രകൃതിമനോഹര കാഴ്ചകളിലേക്ക് മിഴിതുറക്കുന്ന പേരാമ്പ്ര ഗ്രാമപഞ്ചായത്തിലെ ചേർമല, വിനോദസഞ്ചരികളുടെ ഇഷ്ട കേന്ദ്രമാണ്. ഇവിടെ വിനോദസഞ്ചാര പദ്ധതിയുടെ ഭാഗമായി അതിവേഗം പുരോഗമിക്കുന്ന നിർമ്മാണ പ്രവർത്തനങ്ങൾ അടുത്ത മാസത്തോടെ പൂർത്തീകരിക്കാനാണ് ലക്ഷ്യമിടുന്നത്.

ലാൻഡ്സ്‌കേപ്പിങ് പ്രവർത്തികളാണ് ഇനി നടത്താനുള്ളത്. 2023 ഫെബ്രുവരി 11-നായിരുന്നു പദ്ധതിയുടെ നിർമാണോദ്ഘാടനം. ഗുഹയുടെ മാതൃകയിലുള്ള കവാടമാണ് പ്രധാന ആകർഷണം. 

വിജ്ഞാന കേരളം ജോബ് സ്‌റ്റേഷന്റെ ഭാഗമായി പാലക്കാട് ബ്ലോക്ക് പഞ്ചായത്ത് ഹാളില്‍  ഇന്ന്( ജൂണ്‍ 27) രാവിലെ പത്തിന് യോഗം ചേരുമെന്ന് സെക്രട്ടറി അറിയിച്ചു. ഫോണ്‍: 0491 2543310.