തൃത്താല ഗവൺമെൻ്റ് ആർട്സ് ആൻ്റ് സയൻസ് കോളേജിൽ എസ് സി, എസ് ടി വിഭാഗത്തിൽ സീറ്റൊഴിവ്. പുതുതായി അനുവദിച്ച ബിരുദാനന്തര ബിരുദ കോഴ്സായ എം എസ് സി മാത്തമാറ്റിക്സ് വിത്ത് ഡാറ്റ സയൻസിൽ എസ് സി വിഭാഗത്തിൽ രണ്ടും എസ് ടി വിഭാഗത്തിൽ ഒരു ഒഴിവുമാണുള്ളത്. ഈ വിഭാഗത്തിലുള്ള വിദ്യാർത്ഥികളുടെ അഭാവത്തിൽ ക്രമപ്രകാരം ഒഇസി, എസ്ഇബിസി, ജനറൽ വിദ്യാർഥികളേയും പരിഗണിക്കും. താൽപര്യമുള്ള വിദ്യാർത്ഥികൾ മാർച്ച് 9ന് ഉച്ചയ്ക്ക് 3 മണിക്ക് മുമ്പായി ഓഫീസിൽ അപേക്ഷ നൽകണം. ഫോൺ : 0466 2270335, 0466 2270353

ഇറിഗേഷൻ സെൻട്രൽ സർക്കിൾ കോമ്പൗണ്ടിലെ പഴയകാഡ ബിൽഡിംഗ് പൊളിച്ചു മാറ്റുന്നതിന് ടെൻഡർ ക്ഷണിച്ചു.

മാർച്ച് 18 ആം തീയതി രാവിലെ 11 മണിക്ക് തൃശൂർ ഇറിഗേഷൻ സബ് ഡിവിഷൻ ഓഫീസിൽ വെച്ച്, തൃശ്ശൂർ ഇറിഗേഷൻ സബ്ഡിവിഷൻ അസിസ്റ്റൻറ് എക്സിക്യൂട്ടീവ് എഞ്ചിനീയറുടെയോ, അദ്ദേഹം ചുമതലപ്പെടുത്തുന്ന ഉദ്യോഗസ്ഥന്റെയോ 

നേതൃത്വത്തിലായിരിക്കും ലേലം.

ലേലത്തിൽ പങ്കെടുക്കുവാൻ 22,000 രൂപ നിരതദ്രവ്യം 

കെട്ടിവെക്കണം.

നിരതദ്രവ്യം ബാങ്ക് ഡെപ്പോസിറ്റായി ഇറിഗേഷൻ ഡിവിഷൻ എക്സിക്യൂട്ടീവ് എഞ്ചിനീയറുടെ പേരിൽ പ്ലഡ്ജ് ചെയ്ത് 

രസീതി ലേല സമയത്ത് ഹാജരാക്കണം.

തൃശൂർ വാട്ടർ അതോറിറ്റിയിൽ മാർച്ച് മാസത്തിലെ എല്ലാ അവധി ദിവസങ്ങളിലും രാവിലെ 9 മുതൽ വൈകീട്ട് അഞ്ച് വരെ വെള്ളക്കരം അടക്കാനുള്ള സൗകര്യം ഏർപ്പെടുത്തിയിട്ടുണ്ടെന്ന് തൃശൂർ വാട്ടർ വർക്സ് സബ്ഡിവിഷൻ അസിസ്റ്റൻ്റ് എക്സിക്യൂട്ടീവ് എഞ്ചിനീയർ അറിയിച്ചു. epay.kwa.kerala.gov.in എന്ന ഓൺലൈൻ സംവിധാനം മുഖേനയും വെള്ളക്കരം അടക്കാം.

കയർ തൊഴിലാളി ക്ഷേമനിധി ബോർഡിൽ തൊഴിലാളികളുടെ വിഹിതം 20രൂപയായി വർധിപ്പിച്ചു. തൊഴിലാളികൾ വർധിപ്പിച്ച വിഹിതം അടക്കണമെന്ന് കയർ തൊഴിലാളി ക്ഷേമനിധി ബോർഡ് ചീഫ് എക്സിക്യൂട്ടീവ് ഓഫീസർ അറിയിച്ചു.

നിയമസഭ തിരഞ്ഞെടുപ്പുമായി ബന്ധപ്പെട്ട് ജീവനക്കാരുടെ വിവരം നിശ്ചിത പ്രൊഫോർമയിൽ (ഡാറ്റ ഷീറ്റ് -ഫിസിക്കൽ കോപ്പി )നൽകാത്ത സ്ഥാപനമേധാവികൾ നൽകേണ്ടതാണ്. മാർച്ച്‌ 7 ന് 12 മണിക്ക് മുൻപ് ജില്ലാ കളക്ടറുടെ കാര്യാലയത്തിൽ ലഭ്യമാക്കേണ്ടതാണ്. നിർദേശം പാലിക്കാത്ത സ്ഥാപനമേധാവികൾക്കെതിരെ അച്ചടക്ക നടപടികൾ സ്വീകരിക്കുന്നതാണ്.

വനിതാ ശിശുവികസന വകുപ്പിന്റെ ആഭിമുഖ്യത്തിൽ സംഘടിപ്പിക്കുന്ന വനിതാദിനാഘോഷം മാർച്ച് എട്ട് രാവിലെ 11.30ന് തിരുവനന്തപുരം അയ്യങ്കാളി ഹാളിൽ നടക്കും. വനിതാ ശിശുവികസന വകുപ്പ് സെക്രട്ടറി ബിജു പ്രഭാകർ അദ്ധ്യക്ഷത വഹിക്കുന്ന പരിപാടി ചീഫ് സെക്രട്ടറി ഡോ.വി.പി.ജോയ് ഉദ്ഘാടനം ചെയ്യും. അഡീഷണൽ ചീഫ് സെക്രട്ടറി ഡോ.ആഷ തോമസ് വനിതാദിന സന്ദേശം നൽകും. സ്റ്റേറ്റ് ജെൻഡർ അഡൈ്വസർ ഡോ.റ്റി.കെ.ആനന്ദി കോവിഡ്-19 പശ്ചാത്തലത്തിലെ സ്ത്രീ സമത്വം എന്ന വിഷയത്തിൽ സംസാരിക്കും. ആര്യാ ഗോപി (കവയിത്രി), അഭിനേത്രിയും ഗായികയുമായ ഗൗരി.പി.കൃഷ്ണൻ എന്നിവരും പങ്കെടുക്കും.
പി.എൻ.എക്സ്.1146/2021

നിയമസഭാ തിരഞ്ഞെടുപ്പിൽ ഭിന്നശേഷിക്കാർക്ക് തപാൽവോട്ട് അനുവദിക്കുന്നതിനുള്ള ഡിസെബിലിറ്റി സർട്ടിഫിക്കറ്റ് ക്യാമ്പുകളിൽ 18 വയസ് പൂർത്തിയാകാത്തവരും, നിലവിൽ സ്ഥായിയായ  (Permanent) ഡിസെബിലിറ്റി സർട്ടിഫിക്കറ്റോ, ഐഡന്റിറ്റി കാർഡോ ഉള്ളവരും പങ്കെടുക്കേണ്ടതില്ലെന്ന് ഭിന്നശേഷിക്കാർക്കായുള്ള സംസ്ഥാന കമ്മീഷണർ അറിയിച്ചു.
പി.എൻ.എക്സ്.1145/2021

കൊല്ലം ഇൻഡസ്ട്രിയൽ ട്രൈബ്യൂണൽ സുനിത വിമൽ മാർച്ച് 27ന് പീരുമേടും ഒൻപത്, 16, 23 തീയതികളിൽ പുനലൂരിലും മറ്റു പ്രവൃത്തിദിനങ്ങളിൽ ആസ്ഥാനത്തും തൊഴിൽ തർക്ക കേസുകളും എംപ്ലോയീസ് ഇൻഷുറൻസ് കേസുകളും, എംപ്ലോയീസ് കോമ്പൻസേഷൻ കേസുകളും വിചാരണ നടത്തും.
പി.എൻ.എക്സ്.1144/2021

2021 ലെ നിയമസഭാ തിരഞ്ഞെടുപ്പ് പരിസ്ഥിതി സൗഹൃദമാക്കുന്നതിനായി ഇലക്ഷൻ വകുപ്പ് മാർഗ്ഗനിർദ്ദേശങ്ങൾ പുറപ്പെടുവിച്ചു.
സ്ഥാനാർത്ഥികളും രാഷ്ട്രീയ പാർട്ടികളും പി.വി.സി ഫ്‌ളക്‌സുകൾ, ബാനറുകൾ, ബോർഡുകൾ, പ്ലാസ്റ്റിക് കൊടി തോരണങ്ങൾ എന്നിവ പ്രചാരണത്തിനായി ഉപയോഗിക്കരുത്. പി.വി.സി പ്ലാസ്റ്റിക് കലർന്ന കൊറിയൻ ക്ലോത്ത്, നൈലോൺ, പോളിസ്റ്റർ തുണി തുടങ്ങി പ്ലാസ്റ്റിക്കിന്റെ അംശമോ, പ്ലാസ്റ്റിക്ക് കോട്ടിങ്ങോ ഉള്ള പുന:ചംക്രമണ സാധ്യമല്ലാത്ത ബാനർ, ബോർഡുകൾ തുടങ്ങിയവയുടെ ഉപയോഗവും ഒഴിവാക്കണം.