കോവിഡ് കാലത്ത് നിന്നുപോയ ബാര്‍ബര്‍ ഷോപ്പില്‍ നിന്നുള്ള മുടി മാലിന്യം നീക്കം ചെയ്യുന്ന പദ്ധതി പുനരാരംഭിക്കുന്നു. നിലവില്‍ അഴിയൂര്‍ ഗ്രാമപഞ്ചായത്തിലെ ബാര്‍ബര്‍ഷോപ്പില്‍ മുടി മാലിന്യം സ്റ്റോക്കുണ്ടെങ്കില്‍ എത്രയാണ് ഉള്ളതെന്ന കാര്യം 9846593911 എന്ന നമ്പറില്‍ അറിയിക്കുക. താമരശ്ശേരി കേന്ദ്രീകരിച്ച് പ്രവര്‍ത്തിക്കുന്ന എം.ആര്‍.എം. നേച്ചര്‍ കമ്പനിയുമായി സഹകരിച്ചുകൊണ്ടാണ് മുടി മാലിന്യം ശാസ്ത്രീയമായി സംസ്‌കരിക്കുന്നത്.

ജില്ലയിലെ പൊതുവിദ്യാഭ്യാസ വകുപ്പില്‍ എഫ്.ടി.ജെ.എല്‍.ടി (അറബിക്) എല്‍.പി.എസ് II  എന്‍സിഎ-എസ് സി (കാറ്റഗറി നം. 584/19),   എഫ്.ടി.ജെ.എല്‍.ടി (അറബിക്) എല്‍.പി.എസ് II എന്‍സിഎ - വിശ്വകര്‍മ്മ (കാറ്റഗറി നം. 589/19), എഫ്.ടി.ജെ.എല്‍.ടി (അറബിക്) എല്‍.പി.എസ് II  എന്‍സിഎ - എല്‍സി/എ.ഐ. (കാറ്റഗറി നം. 590/19),  എഫ്.ടി.ജെ.എല്‍.ടി (അറബിക്) എല്‍.പി.എസ് II എന്‍സിഎ-ഇ/ടി/ബി (കാറ്റഗറി നം. 587/19) എന്നീ തസ്തികകളുടെ അഭിമുഖം മാര്‍ച്ച് ഒന്‍പത്, 10 തീയതികളില്‍ കോഴിക്കോട് ജില്ലാ ഓഫീസില്‍ നടത്തുമെന്ന് പി.എസ്.സി ജില്ലാ ഓഫീസര്‍ അറിയിച്ചു.  

ജില്ലയിലെ നഗര പരിധിയില്‍ 22 ക്രിട്ടിക്കല്‍ ബൂത്തുകള്‍ ഉള്‍പ്പടെ 120 പ്രശ്‌നബാധിത ബൂത്തുകള്‍. നഗരപരിധിയിയിലെ വിവിധ സ്റ്റേഷന്‍ പരിധികളിലായി 98 സെന്‍സിറ്റീവ് ബൂത്തുകളും എലത്തൂര്‍, നടക്കാവ്, ചേവായൂര്‍, കസബ, മാറാട്, കുന്ദമംഗലം പോലീസ് സ്റ്റേഷന്‍ പരിധിയിലായി 22 ക്രിട്ടിക്കല്‍ ബൂത്തുകളുമാണ് ഉള്ളത്.

നിയമസഭാ തെരഞ്ഞെടുപ്പിനു മുന്നോടിയായി ജനുവരി 20 ന് പ്രസിദ്ധീകരിച്ച വോട്ടര്‍ പട്ടിക പ്രകാരം 24,70,953 വോട്ടര്‍മാരാണ് ജില്ലയിലുള്ളത്. ജില്ലയിലെ 13 നിയോജക മണ്ഡലങ്ങളില്‍ നിന്നായി 12,71,920 സ്ത്രീകളും 11,98,991 പുരുഷന്‍മാരും 42 ട്രാന്‍സ്‌ജെന്‍ഡറുകളും പട്ടികയില്‍ ഉള്‍പ്പെടുന്നു. കുന്നമംഗലം നിയോജക മണ്ഡലത്തിലാണ് ഏറ്റവും കൂടുതല്‍ വോട്ടര്‍മാരുള്ളത്. കോഴിക്കോട് സൗത്ത് നിയോജക മണ്ഡലത്തില്‍ ഏറ്റവും കുറവും. കുന്നമംഗലത്ത് 113901 സ്ത്രീകളും 108579 പുരുഷന്മാരും ഒരു ട്രാന്‍സ്‌ജെന്‍ഡറും ഉള്‍പ്പടെ 222481 വോട്ടര്‍മാരുണ്ട്.

രോഗമുക്തി 558

ജില്ലയില്‍ ഇന്ന് 345 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്തു നിന്ന് എത്തിയ നാലുപേര്‍ക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ മൂന്നുപേര്‍ക്കും പോസിറ്റീവായി. 10 പേരുടെ ഉറവിടം വ്യക്തമല്ല. സമ്പര്‍ക്കം വഴി 328 പേര്‍ക്കാണ് രോഗം ബാധിച്ചത്. 6127 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 558 പേര്‍ കൂടി രോഗമുക്തിനേടി ആശുപത്രി വിട്ടു.

വിദേശത്ത് നിന്ന് എത്തിയവര്‍  - 4

പട്ടികജാതി വികസനവകുപ്പിന് കീഴില്‍ കോഴിക്കോട് പ്രവര്‍ത്തിക്കുന്ന ആണ്‍കുട്ടികളുടെ / പെണ്‍കുട്ടികളുടെ പോസ്റ്റ് മെട്രിക് ഹോസ്റ്റലുകളില്‍ പ്രവേശനത്തിന് അപേക്ഷ ക്ഷണിച്ചു. കോവിഡ് മാനദണ്ഡങ്ങള്‍ പാലിച്ചുകൊണ്ട്  ക്ലാസുകള്‍ നടത്തുന്നതിന് സര്‍ക്കാര്‍ അനുമതി നല്‍കിയിട്ടുള്ള കോഴ്‌സുകളില്‍ പഠിക്കുന്ന വിദ്യാര്‍ഥികള്‍ക്കാണ് പ്രവേശനം നല്‍കുക. ജാതി, വരുമാന, നേറ്റിവിറ്റി, കോഴ്‌സ് സര്‍ട്ടിഫിക്കറ്റുകള്‍ അവസാനം പഠിച്ച കോഴ്‌സിന്റെ മാര്‍ക്ക് ലിസ്റ്റിന്റെ പകര്‍പ്പ് എന്നിവ സഹിതം ജില്ലാ പട്ടികജാതി വികസന ഓഫീസില്‍ അപേക്ഷ സമര്‍പ്പിക്കണം. ഫോണ്‍: 0495-2370379, 2370657.