താനൂര്‍, തിരൂര്‍, കോട്ടക്കല്‍ നിയോജകമണ്ഡലങ്ങളിലെ എല്ലാ ബി.എല്‍.ഒമാരും തെരഞ്ഞെടുപ്പിന് ചുമതല ലഭിക്കുവാന്‍ യോഗ്യതയുള്ള എല്ലാ സര്‍ക്കാര്‍, അര്‍ധ സര്‍ക്കാര്‍, കേന്ദ്ര സര്‍ക്കാര്‍, പൊതുമേഖല ബാങ്ക് ജീവനക്കാരും മാര്‍ച്ച് 10 നകം നിര്‍ബന്ധമായും കോവിഡ് വാക്‌സിന്‍ സ്വീകരിക്കണം. ഇക്കാര്യം എല്ലാ സ്ഥാപന മേധാവികളും ഉറപ്പുവരുത്തണം. ഇതിനായി തിരിച്ചറിയല്‍ കാര്‍ഡ് സഹിതം ജീവനക്കാര്‍ അടുത്തുള്ള തെരഞ്ഞെടുക്കപ്പെട്ട ഹെല്‍ത്ത് സെന്ററില്‍ ഹാജരാകണമെന്ന് തിരൂര്‍ തഹസില്‍ദാര്‍ അറിയിച്ചു.

കാട്ടുതീ സാധ്യത സാഹചര്യത്തില്‍ ജില്ലാ കലക്ടര്‍മാര്‍, വനം-വന്യജീവി വകുപ്പ്, പട്ടികജാതി-പട്ടികവര്‍ഗ വികസന വകുപ്പ്, തദ്ദേശ സ്വയംഭരണ വകുപ്പ് ഉദ്യോഗസ്ഥര്‍ക്ക്് സംസ്ഥാന സര്‍ക്കാറിന്റെ ജാഗ്രതാ നിര്‍ദേശം. വിവിധ വകുപ്പുകള്‍ക്ക് പ്രത്യേകമായാണ് സര്‍ക്കാര്‍ മുന്‍കരുതല്‍ നിര്‍ദേശങ്ങള്‍ നല്‍കിയിരിക്കുന്നത്.
 

2020-2022 അധ്യയന വർഷം ഡി.എൽ.എഡ് (അറബിക്) കോഴ്‌സിന് ഗവ. ടി.ടി.ഐ (വുമൺ) നടക്കാവ് കോഴിക്കോട്, ഗവ. ടി.ടി.ഐ മലപ്പുറം, കൊല്ലം എന്നീ സ്ഥാപനങ്ങളിലേക്ക് വെയിറ്റിംഗ് ലിസ്റ്റിൽ ഉൾപ്പെട്ട വിദ്യാർഥികളുടെ വിവരം  www.education.kerala.gov.in ൽ പ്രസിദ്ധീകരിച്ചു. ലിസ്റ്റിനോടൊപ്പമുള്ള സർക്കുലറിൽ നിർദ്ദേശിച്ചിരിക്കുന്ന രേഖകൾ സഹിതം മാർച്ച് 10ന് ബന്ധപ്പെട്ട സ്ഥാപനങ്ങളിൽ നേരിട്ട് ഹാജരായി പ്രവേശനം നേടണം.
പി.എൻ.എക്സ്.1142/2021

കേരളത്തിൽ വെള്ളിയാഴ്ച 2776 പേർക്ക് കോവിഡ്-19 സ്ഥിരീകരിച്ചു. കോഴിക്കോട് 358, മലപ്പുറം 298, എറണാകുളം 291, തൃശൂർ 283, കൊല്ലം 232, ആലപ്പുഴ 207, തിരുവനന്തപുരം 190, കോട്ടയം 185, പത്തനംതിട്ട 183, കണ്ണൂർ 175, കാസർഗോഡ് 125, ഇടുക്കി 93, പാലക്കാട് 89, വയനാട് 67 എന്നിങ്ങനെയാണ് ജില്ലകളിൽ രോഗം സ്ഥിരീകരിച്ചത്.

ആലപ്പുഴ: ചൂട് അധികരിച്ചു വരുന്ന സാഹചര്യത്തിൽ ജില്ലയുടെ പല ഭാഗങ്ങളിലും കുടിവെള്ള പ്രശ്നം പരിഹരിക്കുന്നതിന് അതത്  തദ്ദേശ സ്ഥാപനങ്ങള്‍ ആവശ്യമുള്ള ഇടങ്ങളില്‍ അടിയന്തരമായി കുടിവെള്ള വിതരണം നടത്തണമെന്ന്  ജില്ലാ കളക്ടർ എ അലക്സാണ്ടർ നിര്‍ദ്ദേശം നല്‍കി.  ചേംബറിൽ ചേർന്ന ജില്ല ദുരന്ത നിവാരണ അതോറിറ്റി  യോഗത്തിലാണ് തീരുമാനം. പഞ്ചായത്തുകള്‍ക്കും നഗരസഭകള്‍ക്കും തന്നത്/പ്ലാൻ ഫണ്ടിൽ നിന്ന് തുക കണ്ടെത്തി കുടിവെള്ള വിതരണം നടത്തുന്നതിന് സർക്കാർ ഉത്തരവായിട്ടുണ്ടെന്ന് ജില്ലാ കളക്ടർ അറിയിച്ചു.  ഇതിനുള്ള നടപടികൾ എത്രയും പെട്ടെന്ന് പഞ്ചായത്ത് സെക്രട്ടറിമാരും നഗരസഭാ സെക്രട്ടറിമാരും സ്വീകരിക്കണം. 

ആലപ്പുഴ: അന്തരീക്ഷതാപം ക്രമാതീതമായിഉയര്‍ന്നിരിക്കുന്നതിനാല്‍സൂര്യതാപമേറ്റുളള പൊളളല്‍ ഉണ്ടാകാന്‍ സാധ്യതയുണ്ടെന്നുംജില്ലയിലെ ചിലസ്ഥലങ്ങളില്‍ നിന്നുംസൂര്യതാപം റിപ്പോര്‍ട്ട്ചെയ്യപ്പെട്ടതിനാലും ജനങ്ങള്‍ ജാഗ്രത പാലിക്കണമെന്ന് ജില്ലാമെഡിക്കല്‍ആഫീസര്‍അറിയിച്ചു.  ‍
    വേനല്‍ക്കാലത്ത്, പ്രത്യേകിച്ച്ചൂടിന് കാഠിന്യം കൂടുമ്പോള്‍ ധാരാളംവെളളംകുടിയ്ക്കുക. ദാഹംതോന്നിയില്ലെങ്കില്‍പ്പോലുംഓരോമണിക്കൂര്‍ കഴിയുമ്പോഴും 2 - 4 ഗ്ലാസ്സ്വെളളംകുടിയ്ക്കുക. ധാരാളംവിയര്‍പ്പുളളവര്‍ ഉപ്പിട്ട കഞ്ഞിവെളളവും ഉപ്പിട്ട നാരങ്ങാവെളളവുംകുടിയ്ക്കുക.

ആലപ്പുഴ: വണ്ടാനം മെഡിക്കൽ കോളജ് ആശുപത്രിയിൽ പ്രവർത്തിക്കുന്ന റീജിയണൽ ഏർലി ഇന്റർവെൻഷൻ സെന്ററിൽ ഭിന്നശേഷിയുള്ള കുട്ടികളുടെ രക്ഷിതാക്കൾക്കുള്ള അവബോധന ക്ലാസ് നടന്നു. ഈ വിഭാഗത്തിൽപ്പെട്ട കുട്ടികൾക്കുള്ള വിവിധ ക്ഷേമ പദ്ധതികളെയും നിയമ സഹായങ്ങളെപ്പറ്റിയും ക്ലാസുകൾ നടന്നു. നാഷണൽ ട്രസ്റ്റന്റെ കൺവീനർ ടി.ടി. രാജപ്പൻ, കേരള സാമൂഹ്യ സുരക്ഷ മിഷന്റെ ജില്ല കോ-ഓർഡിനേറ്റർ എം.സി.ജിൻസ് എന്നിവർ  ക്ലാസുകൾ എടുത്തു. ആർ.ഇ.ഐ.സി മെഡിക്കൽ ഓഫീസർ ഡോ. എ.പി.മുഹമ്മദ് അധ്യക്ഷത വഹിച്ചു. ആരതി ഉദയകുമാർ,മാനേജർ ലിനി ആനി ഗ്രിഗറി എന്നിവര്‍ സംസാരിച്ചു. 

ആലപ്പുഴ:തയ്യൽ തൊഴിലാളി ക്ഷേമനിധി ബോർഡിന്റെ ജില്ല ഓഫീസിൽ നിന്നും ഏപ്രിൽ 2014 മുതൽ 2020 ഡിസംബർ 31 വരെ പ്രസവാനുകൂല്യം കൈപ്പറ്റിയ അംഗങ്ങൾക്ക് അധിക പ്രസവധനസഹായമായ 13000 രൂപ വിതരണം ചെയ്യുന്നതിന് അംഗങ്ങളുടെ ക്ഷേമനിധി തിരിച്ചറിയൽ കാർഡ്, ആധാർ, ബാങ്ക് പാസ് ബുക്ക് എന്നിവയുടെ പകർപ്പുകൾ ഫോൺ നമ്പർ സഹിതം മാർച്ച് 15 നകം ജില്ല ഓഫീസിൽ ഹാജരാക്കണം. ഫോൺ: 0477 2254204.

നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലെ എല്ലാ ഓഫിസ് മേലധികാരികളും ജീവനക്കാരുടെ പട്ടിക ഇന്നു തന്നെ (06 മാര്‍ച്ച്) താലൂക്ക് ഓഫീസുകളിലോ കളക്ടറേറ്റിലോ നേരിട്ടു സമര്‍പ്പിക്കണമെന്ന് ജില്ലാ കളക്ടര്‍ ഡോ. നവ്‌ജ്യോത് ഖോസ അറിയിച്ചു.  വീഴ്ച വരുത്തുന്ന ഓഫിസ് മേലധികാരികള്‍ക്കെതിരെ ജനപ്രാതിനിത്യ നിയമപ്രകാരം കര്‍ശന നടപടി സ്വീകരിക്കുമെന്നും അറിയിപ്പില്‍ പറയുന്നു.

ആലപ്പുഴ: നിയമസഭ പൊതു തിരഞ്ഞെടുപ്പുമായി ബന്ധപ്പെട്ട് ജില്ലയിലെ വോട്ടെണ്ണൽ കേന്ദ്രങ്ങളിലും സ്‌ട്രോങ് റൂമുകളുടെ പരിസരങ്ങളിലും ഇലക്ട്രിക്കൽ സാമഗ്രികൾ വയറിങ് നടത്തി നിർദ്ദേശിക്കുന്ന സ്ഥലത്ത് സ്ഥാപിച്ചു നൽകുന്നതിന് ഫെബ്രുവരി 22ന് ക്ഷണിച്ചിരുന്ന ക്വട്ടേഷൻ റദ്ദ് ചെയ്തു.