തെരഞ്ഞെടുക്കപ്പെട്ട 17 കന്നിവോട്ടര്‍മാര്‍ ഇന്ന് (മാര്‍ച്ച് 5) ജില്ലാ കലക്ടര്‍ മൃണ്‍മയി ജോഷി ശശാങ്കുമായി സംവാദം നടത്തും. ജില്ലാ ഭരണകൂടവും ഇലക്ഷന്‍ വിഭാഗവും സംയുക്തമായി സംഘടിപ്പിക്കുന്ന സംവാദ പരിപാടിയില്‍ കന്നിവോട്ടര്‍മാര്‍ തങ്ങളുടെ കാഴ്ചപ്പാടുകളും അഭിപ്രായങ്ങളും പ്രതീക്ഷകളും ജില്ലാ കലക്ടറുമായി പങ്കുവെയ്ക്കും. രാവിലെ 11ന് ജില്ലാ കലക്ടറുടെ ചേംബറിലാണ് സംവാദം നടക്കുക.
 

പാലക്കാട് ജില്ലയില്‍ ഇന്ന് (മാർച്ച് 3) 101 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 45 പേര്‍, ഉറവിടം അറിയാതെ രോഗം ബാധിച്ച 54 പേര്‍,  ഇതര സംസ്ഥാനത്ത്  നിന്നും  വന്ന 2 പേർ എന്നിവര്‍ ഉള്‍പ്പെടും. 111 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ
  
കിഴക്കഞ്ചേരി സ്വദേശികൾ-8 പേർ

തരൂർ, ഒറ്റപ്പാലം സ്വദേശികൾ-7 പേർ വീതം

പാലക്കാട് നഗരസഭ, കരിമ്പ സ്വദേശികൾ-  6പേർ 

പുതുശ്ശേരി,  തിരുമിറ്റക്കോട് സ്വദേശികൾ - 5 പേർ വീതം

അന്താരാഷ്ട്ര വനിതാ ദിനത്തോടനുബന്ധിച്ച് മാര്‍ച്ച് എട്ടിന് രാവിലെ 10ന് 'ആരോഗ്യ സംരക്ഷണവും സ്ത്രീകളും' എന്ന വിഷയത്തില്‍ പട്ടാമ്പി കൃഷി വിജ്ഞാനകേന്ദ്രം സ്ത്രീകള്‍ക്കായി പരിശീലന പരിപാടി സംഘടിപ്പിക്കുന്നു.  താത്പ്പര്യമുള്ളവര്‍ 0466 2212279 നമ്പറില്‍ ബന്ധപ്പെടുക.  

നിയമസഭാ തിരഞ്ഞെടുപ്പിനോടനുബന്ധിച്ച് 'സ്വീപി' (സിസ്റ്റമാറ്റിക് വോട്ടേഴ്‌സ് എഡ്യുക്കേഷന്‍ ആന്റ് ഇലക്‌റ്റോറല്‍ പാര്‍ട്ടിസിപ്പേഷന്‍) ന്റെ ഭാഗമായി വോട്ടുചെയ്യുന്നതിന്റെ പ്രാധാന്യം വിളിച്ചോതി വോട്ടുവണ്ടി പാലക്കാട് സിവില്‍ സ്‌റ്റേഷനില്‍ നിന്നും പര്യടനം ആരംഭിച്ചു. കന്നി വോട്ടര്‍മാര്‍ക്ക് വോട്ടര്‍പ്പട്ടികയില്‍ പേര് ചേര്‍ത്തുന്നത് സംബന്ധിച്ച് അവബോധം സൃഷ്ടിക്കുകയാണ് ലക്ഷ്യം.

തെരഞ്ഞെടുക്കപ്പെട്ട 17 കന്നിവോട്ടര്‍മാര്‍  ഇന്ന്  (മാര്‍ച്ച് 5) ജില്ലാ കലക്ടര്‍ മൃണ്‍മയി ജോഷി ശശാങ്കുമായി സംവാദം നടത്തും. ജില്ലാ ഭരണകൂടവും ഇലക്ഷന്‍ വിഭാഗവും സംയുക്തമായി സംഘടിപ്പിക്കുന്ന സംവാദ പരിപാടിയില്‍ കന്നിവോട്ടര്‍മാര്‍ തങ്ങളുടെ കാഴ്ചപ്പാടുകളും അഭിപ്രായങ്ങളും പ്രതീക്ഷകളും ജില്ലാ കലക്ടറുമായി പങ്കുവെയ്ക്കും. രാവിലെ 11ന് ജില്ലാ കലക്ടറുടെ ചേംബറിലാണ് സംവാദം നടക്കുക.

കോഴിക്കോട് - പാലക്കാട് ദേശീയപാത കി.മീ 133/ 990 ല്‍ കള്‍വര്‍ട്ട് പുനര്‍നിര്‍മ്മാണവുമായി ബന്ധപ്പെട്ട് ഗതാഗത നിയന്ത്രണമുള്ളതിനാല്‍ ഒലവക്കോട് ഭാഗത്ത് നിന്ന് മുണ്ടൂര്‍ ഭാഗത്തേയ്ക്ക് പോകുന്ന ഭാരവാഹനങ്ങള്‍ ഒഴികെയുള്ള വാഹനങ്ങള്‍ താണാവ് നിന്ന് വലത്തോട്ട് തിരിഞ്ഞ് റെയില്‍വെ കോളനി- പയിറ്റാംക്കുന്നം- മുട്ടിക്കുളങ്ങര വഴി ദേശീയപാത 966 ലേയ്ക്ക് പ്രവേശിക്കേണ്ടതാണെന്ന് അസിസ്റ്റന്റ് എഞ്ചിനീയര്‍ അറിയിച്ചു.