നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലെ എല്ലാ കേന്ദ്ര, സംസ്ഥാന സര്‍ക്കാര്‍ ജീവനക്കാര്‍ക്കും കോവിഡ് വാക്‌സിനേഷന്‍ നല്‍കുന്നതിന് ജില്ലയില്‍ തുടക്കമായി. കാസര്‍കോട് വിദ്യാനഗര്‍ സിവില്‍ സ്‌റ്റേഷന്‍, കാഞ്ഞങ്ങാട് മിനി സിവില്‍ സ്‌റ്റേഷന്‍, കാസര്‍കോട് താലൂക്ക് ഓഫീസ്, കാസര്‍കോട് സിപിസിആര്‍ഐ എന്നിവിടങ്ങളിലാണ് വാക്‌സില്‍ നല്‍കി തുടങ്ങിയത്. ഈ നാല് മാസ് വാക്സിനേഷന്‍ കേന്ദ്രങ്ങള്‍ക്ക് പുറമെ 15 പതിവ് വാക്സിനേഷന്‍ കേന്ദ്രങ്ങളും സജ്ജീകരിച്ചിട്ടുണ്ട്. 

മാര്‍ച്ച് അഞ്ചിന് കളക്ടറേറ്റ് കോണ്‍ഫറന്‍സ് ഹാളില്‍ നടത്താനിരുന്ന സെക്ടറല്‍ ഓഫീസര്‍മാര്‍ക്കുള്ള പരിശീലനം ഡി.പി.സി ഹാളിലേക്ക് മാറ്റിയതായി ഇലക്ഷന്‍ ഡെപ്യൂട്ടി കളക്ടര്‍ സൈമണ്‍ ഫെര്‍ണാണ്ടസ് അറിയിച്ചു.

കാസര്‍കോട് കളക്ടറേറ്റില്‍ മാര്‍ച്ച് ഒമ്പതിന് നടത്താനിരുന്ന കെ എല്‍ 01 എ എസ്- 7978 അംബാസിഡര്‍ കാറിന്റെ ലേലം മാറ്റി വെച്ചു. പുതുക്കിയ തീയ്യതി പിന്നീട് അറിയിക്കും. തെരഞ്ഞെടുപ്പ് പെരുമാറ്റച്ചട്ടം നിലവില്‍ വന്നതിനെത്തുടര്‍ന്നാണിത്.

നിയമസഭാ തെരഞ്ഞെടുപ്പുമായി ബന്ധപ്പെട്ടപരിശോധനകളുടെ ഭാഗമായിപിടിച്ചെടുക്കുന്ന പണം, വസ്തുക്കള്‍ എന്നിവ പരിശോധിക്കുന്നതിനും നിയമവിധേയമാണെങ്കില്‍ തിരിച്ചുനല്‍കുന്നതിനുമായി ജില്ലാ ഫിനാന്‍സ് ഓഫീസര്‍ കണ്‍വീനറായി അപ്പീല്‍ കമ്മിറ്റി രൂപീകരിച്ചു. പൊതുജനങ്ങള്‍ക്ക് ഉണ്ടായേക്കാവുന്ന അസൗകര്യം ഒഴിവാക്കുന്നതിനാണിത്. കമ്മിറ്റിയില്‍ പ്രൊജക്ട് ഡയറക്ടര്‍ കെ. പ്രദീപന്‍, ജില്ലാ ട്രഷറി ഓഫീസര്‍ കെ. ജനാര്‍ദ്ദനന്‍ എന്നിവര്‍ അംഗങ്ങളാണ്.

നിയമസഭാ തെരഞ്ഞെടുപ്പില്‍ അഞ്ച് മണ്ഡലങ്ങളിലെയും സ്ഥാനാര്‍ഥികളുടെ ചെലവ് നിരീക്ഷിക്കുന്നതിനായി ഒന്ന് വീതം വീഡിയോ സര്‍വൈലന്‍സ് ടീം രൂപീകരിച്ചു. ഓരോ ടീമിലും കുറഞ്ഞത് ഒരു ഉദ്യോഗസ്ഥനും ഒരു വീഡിയോഗ്രാഫറും ഉണ്ടാവും. മണ്ഡലങ്ങളിലെ സുപ്രധാന സംഭവങ്ങളുടെയും വലിയ പൊതുറാലികളുടെയും വീഡിയോഗ്രാഫി അസിസ്റ്റന്റ് എക്സപെന്‍ഡിച്ചര്‍ ഒബ്സര്‍വര്‍ നേരിട്ട് നിരീക്ഷിക്കും.

വീഡിയോ സര്‍വൈലന്‍സ് ടീം ഉദ്യോഗസ്ഥര്‍: 

മഞ്ചേശ്വരം: കെ. നാഗേഷ്, അസി. രജിസ്ട്രാര്‍, കോ ഓപറേറ്റീവ് (ജനറല്‍) ജോയിന്റ് രജിസ്ട്രാര്‍ ഓഫീസ്, കാസര്‍കോട്.

നിയമസഭാ തെരഞ്ഞെടുപ്പില്‍ ജില്ലയില്‍ വോട്ടവകാശം വിനിയോഗിക്കുന്നത് സര്‍വ്വീസ് വോട്ടര്‍മാരുള്‍പ്പെടെ 1036655  സമ്മതിദായകര്‍.  2021 ജനുവരി ഒന്നിന് തെരഞ്ഞെടുപ്പ് കമ്മീഷന്‍ പ്രസിദ്ധീകരിച്ച വോട്ടര്‍പട്ടിക പ്രകാരമാണിത്. ആകെ വോട്ടര്‍മാരില്‍  505798 പേര്‍ പുരുഷന്മാരും 529241 പേര്‍ സ്്ത്രീകളും മൂന്നു പേര്‍ ഭിന്നലിംഗക്കാരുമാണ്.

അഞ്ച് നിയമസഭാ മണ്ഡലങ്ങളാണ് ജില്ലയിലുള്ളത്. ജില്ലയിലെ നിയമസഭാ മണ്ഡലങ്ങളിലെ വോട്ടര്‍മാരുടെ എണ്ണം (മണ്ഡലത്തിന്റെ പേര്, പുരുഷന്മാര്‍, സ്ത്രീകള്‍, ട്രാന്‍സ്‌ജെന്‍ഡേര്‍സ്, ആകെ എന്ന ക്രമത്തില്‍:)

മഞ്ചേശ്വരം-108789, 108321, 0  ആകെ : 217110

ജില്ലയില്‍ മലയോര മേഖലയില്‍ ഡെങ്കിപ്പനി റിപ്പോര്‍ട്ട്‌ചെയ്ത സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്നും രോഗപ്പകര്‍ച്ച തടയാനുളള പ്രതിരോധ നടപടികള്‍കൈക്കൊള്ളണമെന്നും ജില്ലാമെഡിക്കല്‍ ഓഫീസര്‍ഡോ .എ വി രാംദാസ് അറിയിച്ചു. 

പെട്ടെന്നുളള കഠിനമായ, അസഹ്യമായ തലവേദന, കണ്ണുകള്‍ക്കുപിറകില്‍വേദന, സന്ധികളിലും പേശികളിലുംവേദന, അഞ്ചാംപനി പോലെ നെഞ്ചിലും മുഖത്തും തടിപ്പ് എന്നിവയാണ് പ്രധാന ലക്ഷണങ്ങള്‍. 

പകല്‍ നേരങ്ങളില്‍ കടിക്കുന്ന ഈഡിസ് കൊതുകകളാണ്  രോഗം പരത്തുന്നത്. ശുദ്ധജലത്തില്‍ മുട്ടയിടുന്ന ഇത്തരംകൊതുകുകളുടെപ്രജനനം തടയുന്നതിലാണ്  ശ്രദ്ധ കേന്ദ്രീകരിക്കേണ്ടത്. 

കെല്‍ട്രോണില്‍ കമ്പ്യൂട്ടര്‍ കോഴ്‌സുകള്‍ക്ക് അപേക്ഷിക്കാം

കൊടുങ്ങല്ലൂര്‍ ശ്രീകുരുംബ ഭഗവതി ക്ഷേത്രത്തില്‍ നടക്കുന്ന മീന ഭരണി ഉത്സവത്തിന് ജില്ലയില്‍ നിന്ന് ആളുകള്‍ പോകുന്നത് ഒഴിവാക്കണമെന്ന് ജില്ലാ കലക്ടര്‍ ടി വി സുഭാഷ് അഭ്യര്‍ഥിച്ചു. കൊറോണ വൈറസ് പ്രതിരോധ നടപടിയുടെ ഭാഗമായാണ് അഭ്യര്‍ഥന. തൃശൂര്‍ ജില്ലാ ഭരണകൂടത്തിന്റെ നിര്‍ദ്ദേശപ്രകാരം ഉത്സവം ആള്‍ക്കൂട്ടമില്ലാതെ ചടങ്ങ് മാത്രമായി നടത്താന്‍ ക്ഷേത്രം ഭാരവാഹികള്‍ തീരുമാനിച്ചിട്ടുണ്ട്. എന്നാല്‍ മറ്റു ജില്ലകളില്‍ നിന്ന് വെളിച്ചപ്പാടിന്റെയും കോമരം/മൂപ്പന്‍മാര്‍ എന്നിവരുടെയും അകമ്പടിയോടെ ഭക്തജനങ്ങള്‍ കൂട്ടമായി ഉത്സവത്തിനെത്താനുള്ള സാധ്യത കണക്കിലെടുത്താണ് ഇക്കാര്യത്തില്‍ നിയന്ത്രണമേര്‍പ്പെടുത്തിയത്

മാതൃക പെരുമാറ്റ ചട്ടം ഉറപ്പാക്കുന്നതിന്റെ ഭാഗമായി ജില്ലയിലെ സര്‍ക്കാര്‍ സ്ഥാപനങ്ങള്‍, കെട്ടിടങ്ങള്‍, മറ്റ് പൊതുസ്ഥലങ്ങള്‍ എന്നിവിടങ്ങളില്‍ നിന്നും രാഷ്ട്രീയ പാര്‍ട്ടികളുടെയും രാഷ്ട്രീയ സംഘടനകളുടെയും ബാനര്‍, പോസ്റ്റര്‍, ഫ്ളക്സ്, നോട്ടീസുകള്‍ തുടങ്ങിയവ അടിയന്തിരമായി നീക്കം ചെയ്യണമെന്ന് എം.സി.സി നോഡല്‍ ഓഫീസര്‍ കൂടിയായ എ.ഡി.എം അറിയിച്ചു. അല്ലാത്തപക്ഷം ഇവ നീക്കം ചെയ്യുന്നതിന് വേണ്ടി വരുന്ന മുഴുവന്‍ ചെലവുകളും പ്രസ്തുത രാഷ്ട്രീയ കക്ഷികളുടെ തിരഞ്ഞെടുപ്പ് ചെലവില്‍ ഉള്‍പ്പെടുത്തും.