നിയമസഭാ തെരഞ്ഞെടുപ്പുമായി ബന്ധപ്പെട്ട് രാഷ്ട്രീയപാര്‍ട്ടികള്‍ക്കുള്ള കൊവിഡ് മാര്‍ഗ്ഗ നിര്‍ദ്ദേശങ്ങള്‍ പുറപ്പെടുവിച്ചു. ജനങ്ങളുമായി ഇടപഴകുമ്പോള്‍ ശാരീരിക അകലം പാലിക്കുകയും മാസ്‌ക് കൃത്യമായി ധരിക്കുകയും വേണം. സംസാരിക്കുമ്പോള്‍ മാസ്‌ക് താഴ്ത്താന്‍ പാടില്ല. സാനിറ്റൈസര്‍ കൃത്യമായ ഇടവേളകളില്‍ ഉപയോഗിക്കണം. മാസ്‌ക്, കൈയുറകള്‍ എന്നിവ കൊവിഡ് മാനദണ്ഡപ്രകാരം നശിപ്പിക്കാന്‍ ശ്രദ്ധിക്കണമെന്നും നിര്‍ദ്ദേശമുണ്ട്.

നിയമസഭാ തെരഞ്ഞെടുപ്പില്‍ വോട്ടിംഗിന് എത്തിച്ചേരാന്‍ സാധിക്കാത്ത അവശ്യ സര്‍വ്വീസില്‍ ജോലി ചെയ്യുന്നവര്‍ക്ക് പോസ്റ്റല്‍ ബാലറ്റ് സംവിധാനം ഉപയോഗപ്പെടുത്താമെന്ന് ജില്ലാ ഇലക്ഷന്‍ ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് അറിയിച്ചു.

നിയമസഭാ തെരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ടം പാലിക്കുന്നുവെന്ന് ഉറപ്പുവരുത്തുന്നതിനായി തെരഞ്ഞെടുപ്പ് കമ്മീഷന്‍ തയ്യാറാക്കിയ സി വിജില്‍ (cVIGIL) മൊബൈല്‍ ആപ്ലിക്കേഷന്‍ വഴി പൊതുജനങ്ങള്‍ക്ക് ചട്ടലംഘനങ്ങള്‍ റിപ്പോര്‍ട്ട് ചെയ്യാന്‍ അവസരം. മാതൃകാ പെരുമാറ്റച്ചട്ടം, തെരഞ്ഞെടുപ്പ് ചെലവ് ചട്ടങ്ങള്‍ തുടങ്ങിയവയുടെ ലംഘനവുമായി ബന്ധപ്പെട്ട കാര്യങ്ങള്‍ യഥാസമയം തെരഞ്ഞെടുപ്പ് കമ്മീഷനെ അറിയിക്കാന്‍ സി വിജില്‍ ആപ്പിലൂടെ സാധിക്കും.

2021 ലെ നിയമസഭാ തെരഞ്ഞെടുപ്പ് സുഗമവും ഫലപ്രദവുമായി നടത്തുന്നതിന് ജില്ലയില്‍ നോഡല്‍ ഓഫീസര്‍മാരെ നിയമിച്ച്  ജില്ലാ തെരഞ്ഞെടുപ്പ് കൂടിയായ ജില്ലാ കലക്ടര്‍ ഉത്തരവായി. നോഡല്‍ ഓഫീസറുടെ ചുമതല, നിര്‍വ്വഹണ ഉദ്യോഗസ്ഥന്റെ പേര്, തസ്തിക, ഫോണ്‍ നമ്പര്‍ എന്ന ക്രമത്തില്‍.

ജില്ലയില്‍ 13 നിയമസഭാ മണ്ഡലങ്ങളിലും തിരഞ്ഞെടുപ്പ് പ്രക്രിയ സുഗമമായി നടത്താന്‍ ധാരണ. ജില്ലാ കലക്ടര്‍ എസ് ഷാനവാസിന്റെ അധ്യക്ഷതയില്‍ വിളിച്ചു ചേര്‍ത്ത യോഗത്തില്‍ പൂര്‍ണസഹകരണം വിവിധ രാഷ്ട്രീയ പാാര്‍ട്ടി പ്രതിനിധികള്‍ വാഗ്ദാനം ചെയ്തു. തിരഞ്ഞെടുപ്പ് പെരുമാറ്റചട്ടം കൃത്യമായി പാലിക്കണമെന്നും പെരുമാറ്റചട്ടമനുസരിച്ചുള്ള പ്രചാരണമാകണം രാഷ്ട്രീയ പാര്‍ട്ടികള്‍ നടത്തേണ്ടതെന്നും കലക്ടര്‍ യോഗത്തില്‍ ആവശ്യപ്പെട്ടു.

സംസ്ഥാന തിരഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരം നിയമസഭാ തിരഞ്ഞെടുപ്പിന് പ്രത്യേകമായ സംവിധാനങ്ങള്‍ ജില്ലയിലും ഒരുക്കിയതായി ജില്ലാ കലക്ടര്‍ എസ് ഷാനവാസ് അറിയിച്ചു. കോണ്‍ഫറന്‍സ് ഹാളില്‍ വിളിച്ചു ചേര്‍ത്ത വാര്‍ത്താ സമ്മേളനത്തിലാണ് ജില്ലയിലെ മുന്നൊരുക്കങ്ങള്‍ പൂര്‍ത്തിയായി വരുന്നതായി കലക്ടര്‍ അറിയിച്ചത്.

2021 മാർച്ച് 5, 6, 7 തിയ്യതികളിൽ താഴെ പറയുന്ന കേന്ദ്രങ്ങളിൽ വെച്ച് രാവിലെ 9 മണി മുതൽ വൈകീട്ട് 5 മണി വരെ പോളിംഗ് ഓഫീസർമാർക്ക് കോവിഡ് 19 വാക്‌സിനേഷൻ നടത്തുന്നതിനുളള സൗകര്യം ഉണ്ടായിരിക്കുന്നതാണ്.
1. സെന്റ് ജോസഫ് കോളേജ്, ഇരിഞ്ഞാലക്കുട
2. സെന്റ് തോമസ് കോളേജ്, തൃശ്ശൂർ
3. ഗവ. ഐ.ടി.ഐ. ചാലക്കുടി
4. എം.ആർ.എം. സ്‌കൂൾ ചാവക്കാട്

കൂടാതെ 6, 7 തീയ്യതികളിൽ മേത്തല കമ്മ്യൂണിറ്റി ഹാളിലും വാക്‌സിനേഷൻ സൗകര്യം ഉണ്ടായിരിക്കുന്നതാണ്.
മേൽപ്പറഞ്ഞ കേന്ദ്രങ്ങളിൽ പൊതുജനങ്ങൾക്കുളള വാക്‌സിനേഷൻ ഉണ്ടായിരിക്കുന്നതല്ല.

ജില്ലയിൽ ഇന്നലെ (മാർച്ച് 04) മാത്രം 11,477 പേർക്കു കോവിഡ് വാക്സിൻ നൽകി. മുതിർന്ന പൗരന്മാർക്കും കോവിഡ് മുന്നണി പ്രവർത്തകർക്കും തെരഞ്ഞെടുപ്പ് ഉദ്യോഗസ്ഥർക്കുമാണ് ഈ ഘട്ടത്തിൽ വാക്സിൻ നൽകുന്നത്. 60 സെഷനുകളായാണ്  ഇന്നലെ വാക്സിനേഷൻ നൽകിയത്.

4,135 മുതിർന്ന പൗരന്മാർക്ക് ഇന്നലെ വാക്സിൻ നൽകി. 4,905 മുന്നണി പോരാളികൾ ആദ്യഘട്ട വാക്‌സിനും 76 പേർ രണ്ടാംഘട്ട വാക്‌സിനും സ്വീകരിച്ചു. ആരോഗ്യ പ്രവർത്തകരിൽ 553 പേർ ആദ്യ ഘട്ടവും 1,808 പേർ രണ്ടാം ഘട്ടവും വാക്സിൻ സ്വീകരിച്ചു.

ജില്ലയിൽ 40 സർക്കാർ കേന്ദ്രങ്ങളും 11 സ്വകാര്യ ആശുപത്രികളുമടക്കം 51 കേന്ദ്രങ്ങളിൽ കോവിഡ് വാക്‌സിനേഷൻ നൽകുമെന്നു ജില്ലാ കളക്ടർ ഡോ. നവ്‌ജ്യോത് ഖോസ. ജനറൽ ആശുപത്രികളിലും ജില്ലാ ആശുപത്രികളിലും താലൂക്ക് ആശുപത്രികളിലും 200 പേർക്ക് കുത്തിവയ്പ്പിനുള്ള സജ്ജീകരണങ്ങൾ ഏർപ്പെടുത്തിയിട്ടുണ്ടെന്നും ആരോഗ്യകേന്ദ്രങ്ങളിൽ 150ഉം പ്രാഥമികാരോഗ്യകേന്ദ്രങ്ങളിൽ 100ഉം പേർക്ക് വാക്‌സിനേഷൻ നൽകുമെന്നും കളക്ടർ അറിയിച്ചു.

കോവിഡ് രോഗവ്യാപനം നിയന്ത്രണവിധേയമായതിനെ തുടര്‍ന്ന് തിരുവനന്തപുരം കോര്‍പ്പറേഷനു കീഴില്‍ മെഡിക്കല്‍ കോളേജ് തമര്‍ഭാഗം പ്രദേശത്ത് ഏര്‍പ്പെടുത്തിയിരുന്ന കണ്ടെയിന്‍മെന്റ് സോണ്‍ നിയന്ത്രണങ്ങള്‍ പിന്‍വലിച്ചതായി ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു.