. 97 പേര്‍ക്ക് രോഗമുക്തി
. 87 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (4.03.21) 89 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 97 പേര്‍ രോഗമുക്തി നേടി. 87 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 4 പേരുടെ സമ്പര്‍ക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 27184 ആയി. 25624 പേര്‍ ഇതുവരെ രോഗമുക്തരായി. നിലവില്‍ 1297 പേരാണ് ചികിത്സയിലുള്ളത്. ഇവരില്‍ 1167 പേര്‍ വീടുകളിലാണ് ഐസൊലേഷനില്‍ കഴിയുന്നത്.

നിയമസഭാ തെരഞ്ഞെടുപ്പിന്റെ ഭാഗമായി 24 മണിക്കൂറും പ്രവര്‍ത്തിക്കുന്ന ഇലക്ഷന്‍ കണ്‍ട്രോള്‍ റൂം കളകട്രേറ്റില്‍ പ്രവര്‍ത്തനം തുടങ്ങി. പൊതുജനങ്ങള്‍ക്ക് 1950 എന്ന നമ്പര്‍ വഴി ബന്ധപ്പെടാം. സിവിജില്‍ ആപ്പ് വഴി ലഭിക്കുന്ന പരാതികളും കണ്‍ട്രോള്‍ റൂം നിരീക്ഷിക്കും. തെരഞ്ഞെടുപ്പുമായി ബന്ധപ്പെട്ട് രൂപീകരിച്ച വിവിധ എജന്‍സി/ സമിതികളുടെ പ്രവര്‍ത്തനങ്ങളുടെ ഏകോപനവും ഇവിടെ നിന്നാണ്.   കണ്‍ട്രോള്‍ റൂമില്‍ ലഭിക്കുന്ന വിവരങ്ങളും പരാതികളും ബന്ധപ്പെട്ട സമിതിക്ക് ഉടന്‍ കൈമാറുന്നതിനുളള സംവിധാനവും ഒരുക്കിയിട്ടുണ്ട്.  എ.ഡി.എം ടി. ജനില്‍ കുമാര്‍ നോഡല്‍ ഓഫീസറും ഹുസൂര്‍ ശിരസ്തദാര്‍ ബി.

നിയമസഭാ തെരഞ്ഞെടുപ്പുമായി ബന്ധപ്പെട്ട് പോളിംഗ് ജോലികള്‍ക്കായി നിയോഗിക്കപ്പെടാന്‍ സാധ്യതയുള്ള ഉദ്യോഗസ്ഥര്‍ക്ക് ഓഫീസ് മേധാവിയുടെ ശിപാര്‍ശകത്തുമായി വാക്സിനേഷന്‍ സെന്ററുകളില്‍ നിന്ന് കോവിഡ് 19 വാക്സിനേഷന്‍ എടുക്കാമെന്ന് ജില്ലാ കളക്ടര്‍ അറിയിച്ചു.

പൂമല ക്രിസ്ത്യന്‍ പള്ളിക്ക് സമീപം മുറിച്ചിട്ടിരിക്കുന്ന മൂന്ന് മരങ്ങള്‍ മാര്‍ച്ച് 17 ന് രാവിലെ 11 ന് പൊതുമരാമത്ത് വകുപ്പ് നിരത്തുകള്‍ സുല്‍ത്താന്‍ ബത്തേരി അസിസ്റ്റന്റ് എഞ്ചിനീയര്‍ സ്ഥലത്ത് ലേലം ചെയ്യും.  ഫോണ്‍ 04936 224370.

വയനാട് ഗവ.എഞ്ചിനീയറിംഗ് കോളജിലെ വിവിധ ഡിപ്പാര്‍ട്ട്മെന്റുകളിലേക്ക് യു.പി.എസ്. ബാറ്ററി വിതരണം ചെയ്യുന്നതിന് ദര്‍ഘാസ് ക്ഷണിച്ചു.  ദര്‍ഘാസുകള്‍ മാര്‍ച്ച് 25 ന് ഉച്ചയ്ക്ക് 2 വരെ സ്വീകരിക്കും.  ഫോണ്‍ 04935 257321.

ജില്ലാ സ്റ്റേഷനറി ഓഫീസിലെ ഗതാഗത കയറ്റിറക്ക് ജോലികള്‍ ഏറ്റെടുത്ത് ചെയ്യുന്നതിന് ദര്‍ഘാസ് ക്ഷണിച്ചു.  ദര്‍ഘാസ് മാര്‍ച്ച് 22 ഉച്ചയ്ക്ക് 2 വരെ സ്വീകരിക്കും.  ഫോണ്‍ 04936 248120.
 

മേപ്പാടി ചൂരല്‍മല-റോഡില്‍ കള്ളാടി റോഡിന്റെ നവീകരണ പ്രവൃത്തികള്‍ നടക്കുന്നതിനാല്‍ മാര്‍ച്ച് 12 വരെ ഗതാഗതം നിരോധിച്ചതായി അസിസ്റ്റന്റ് എഞ്ചിനീയര്‍ അറിയിച്ചു.

തെരഞ്ഞെടുപ്പ് പെരുമാറ്റച്ചട്ട ലംഘനം അതിവേഗം അധികാരികളുടെ ശ്രദ്ധയില്‍പ്പെടുത്താന്‍ സഹായകമായ സി-വിജില്‍ മൊബൈല്‍ ആപ്പ്  പ്രവര്‍ത്തന സജ്ജമായി.

98-ാം വയസ്സില്‍ കൊവിഡ് വാക്‌സിന്‍ സ്വീകരിച്ച് ഇന്ത്യയുടെ സര്‍ക്കസ് ഇതിഹാസം ജെമിനി ശങ്കരന്‍. മകന്‍ അജയ് ശങ്കരനൊപ്പം താവക്കര യൂണിവേഴ്‌സിറ്റി ക്യാമ്പസിലെ വാക്‌സിനേഷന്‍ കേന്ദ്രത്തിലെത്തിയായിരുന്നു കുത്തിവെയ്‌പ്പെടുത്തത്. പ്രായത്തിന്റെ അവശതകളോ വാക്‌സിനെ കുറിച്ചുള്ള ആശങ്കകളോ അദ്ദേഹത്തിനുണ്ടായിരുന്നില്ല. കൊവിഡ് മഹാമാരിക്കെതിരായ പോരാട്ടത്തില്‍ പങ്കാളിയാവണമെന്നാഗ്രഹത്തോടെ സ്വന്തം ഇഷ്ടപ്രകാരമാണ് വാക്‌സിന്‍ സ്വീകരിച്ചതെന്ന് ജെമിനി ശങ്കരന്‍ പറഞ്ഞു. ജ്യേഷ്ഠന്റെ മകന്‍ വത്സരാജും ഇവര്‍ക്കൊപ്പമുണ്ടായിരുന്നു.

വേനലില്‍ വരള്‍ച്ച നേരിടുന്നതിനുള്ള മുന്നൊരുക്കങ്ങളുടെ ഭാഗമായി ജില്ലയിലെ തോടുകളിലും അരുവികളിലും മറ്റ് ജലാശയങ്ങളിലും പരമാവധി താത്ക്കാലിക തടയണകള്‍ നിര്‍മ്മിക്കാന്‍ ജില്ലാ കലക്ടര്‍ ഡോ. അദീല അബ്ദുള്ളയുടെ അധ്യക്ഷതയില്‍ ചേര്‍ന്ന യോഗം തീരുമാനിച്ചു. തൊഴിലുറപ്പ് പദ്ധതിയിലുള്‍പ്പെടുത്തിയും കര്‍ഷകരുടെയും പാടശേഖര സമിതികളുടെയും സഹായത്തോടെയും ഇവയുടെ നിര്‍വ്വഹണം എത്രയും വേഗം പൂര്‍ത്തിയാക്കാന്‍ തദ്ദേശ സ്ഥാപന സെക്രട്ടറിമാര്‍ക്ക് വീഡിയോ കോണ്‍ഫ്രന്‍സ് മുഖേന ജില്ലാ കലക്ടര്‍ നിര്‍ദ്ദേശം നല്‍കി.