കേരള സംസ്ഥാന ജൈവവൈവിധ്യ ബോര്‍ഡിന്റെ കുട്ടികള്‍ക്കായുള്ള 13-ാമത് ജൈവവൈവിധ്യ കോണ്‍ഗ്രസിന്റെ ഭാഗമായി പ്രോജക്ട് അവതരണം, ഉപന്യാസം (മലയാളം, ഇംഗ്ലീഷ്), ഫോട്ടോഗ്രാഫി, പെയിന്റിംഗ്, പെന്‍സില്‍ ഡ്രോയിങ്, പോസ്റ്റര്‍ നിര്‍മ്മാണം, മൊബൈല്‍ വീഡിയോ നിര്‍മ്മാണം എന്നീ മത്സരങ്ങള്‍ സംസ്ഥാനതലത്തില്‍ ഓണ്‍ലൈനായി സംഘടിപ്പിക്കുന്നു. കൂടുതല്‍ വിവരങ്ങള്‍ക്ക്:  www.keralabiodiversity.org  

കോഴിക്കോട് ഗവ. എഞ്ചിനീയറിങ്് കോളേജിലെ ഫിസിക്കല്‍ എജ്യുക്കേഷന്‍ ഡിപ്പാര്‍ട്ട്മെന്റിലേക്ക് സ്പോട്സ് സാമഗ്രികള്‍  വാങ്ങുന്നതിന് വേണ്ടി ക്വട്ടേഷന്‍ ക്ഷണിച്ചു. അവസാന തീയതി മാര്‍ച്ച് 16 ഉച്ച രണ്ട് മണി വരെ. ഫോണ്‍ : 0495 2383220, 2383210.

ജില്ലയില്‍ മാര്‍ച്ച് ആറിന് ഉച്ചക്ക് 1.30 മുതല്‍ 3.15 വരെ നടക്കുന്ന പത്താംതരം അടിസ്ഥാനമാക്കിയുള്ള പൊതുപ്രാഥമിക പരീക്ഷയുടെ കേന്ദ്രത്തില്‍ മാറ്റം. ബാലുശ്ശേരി ജി.വി.എച്ച്. എസ്. എസ്.(സെന്റര്‍ നമ്പര്‍ 6458) എന്ന പരീക്ഷാകേന്ദ്രത്തില്‍ ഹാജരാകേണ്ട രജി.നമ്പര്‍ 439501 മുതല്‍ 439700 വരെയുള്ള(200 പേര്‍) ഉദ്യോഗാര്‍ഥികളുടെ പരീക്ഷാകേന്ദ്രം ചില സാങ്കേതിക കാരണങ്ങളാല്‍ ബാലുശ്ശേരി ഗവ.ഗേള്‍സ് എച്ച്.എസ്.എസിലേക്ക് (ഫോണ്‍: 9446435465) മാറ്റി. ഇതുസംബന്ധിച്ച അറിയിപ്പ് പ്രൊഫൈല്‍, എസ്.എം.എസ് വഴി അറിയിക്കും. ഉദ്യോഗാര്‍ഥികള്‍ പഴയ ഹാള്‍ടിക്കറ്റുമായി പുതിയ കേന്ദ്രത്തില്‍ ഹാജരാകണം.
 

കെല്‍ട്രോണ്‍ നടത്തുന്ന ടെലിവിഷന്‍ ജേണലിസം കോഴ്‌സിന്റെ  2020 -2021 ബാച്ചിലേക്ക് അപേക്ഷകള്‍  ക്ഷണിച്ചു. ഏതെങ്കിലും വിഷയത്തില്‍ ബിരുദം നേടിയ യുവതീ യുവാക്കള്‍ക്ക്   അപേക്ഷിക്കാം.. പ്രായ പരിധി  30 വയസ്സ്. മാധ്യമ സ്ഥാപനങ്ങളില്‍ പരിശീലനം, ഇന്റേണ്‍ഷിപ്,  പ്ലേസ്‌മെന്റ് സഹായം എന്നിവ പഠനസമയത്ത് നിബന്ധനകള്‍ക്ക് വിധേയമായി ലഭിക്കും. പ്രിന്റ് ജേണലിസം, ഓണ്‍ലൈന്‍ ജേണലിസം, മൊബൈല്‍ ജേണലിസം എന്നിവയിലും പരിശീലനം ലഭിക്കും.

 നിയമസഭാ തിരഞ്ഞെടുപ്പില്‍ നേരിട്ട് വോട്ട് ചെയ്യാന്‍ അവസരം ലഭിക്കാത്ത അവശ്യവകുപ്പുകളിലെ ജീവനക്കാര്‍ക്ക് പോസ്റ്റല്‍ വോട്ട് ചെയ്യാന്‍ അവസരം. ആരോഗ്യവകുപ്പ്, പോലീസ്, ഫയര്‍ഫോഴ്സ്, ജയില്‍, എക്സൈസ്, മില്‍മ, വൈദ്യുതി ബോര്‍ഡ്, വാട്ടര്‍ അതോറിട്ടി, കെ എസ് ആര്‍ ടിസി, ട്രഷറി, വനംവകുപ്പ്, കേന്ദ്രസര്‍ക്കാര്‍ സ്ഥാപനങ്ങള്‍( ആകാശവാണി, ദൂരദര്‍ശന്‍, ബി എസ് എന്‍ എല്‍, റെയില്‍വേ, തപാല്‍, വ്യോമയാനം), ആംബുലന്‍സ്, തിരഞ്ഞെടുപ്പു കമ്മിഷന്‍ ചുമതലപ്പെടുത്തിയിട്ടുള്ള മാധ്യമ പ്രവര്‍ത്തകര്‍, വ്യോമയാനം, കപ്പല്‍ ഗതാഗതം  എന്നിവയാണ് അവശ്യസര്‍വീസുകള്‍.

തിരഞ്ഞെടുപ്പുമായി ബന്ധപ്പെട്ട് ജില്ലയിലെ അഞ്ച് നിയോജക മണ്ഡലങ്ങളിലും നിരീക്ഷണ സ്‌ക്വാഡുകള്‍ രൂപീകരിച്ചു ജില്ലാ വരണാധികാരിയായ ജില്ലാ കലക്ടര്‍ എച്ച്. ദിനേശന്‍ ഉത്തരവിട്ടു. മണ്ഡലം, ടീം ലീഡര്‍, പരിധി ചുവടെ

ഫ്‌ളൈയിംഗ് സ്‌ക്വാഡ്-
1. ദേവികുളം മണ്ഡലം- എ.ശ്രീധരന്‍, സെക്രട്ടറി, വെള്ളത്തൂവല്‍ ഗ്രാമപഞ്ചായത്ത് (അടിമാലി, വെള്ളത്തൂവല്‍, മാങ്കുളം, പള്ളിവാസല്‍, ബൈസണ്‍വാലി, ചിന്നക്കനാല്‍ ഗ്രാമപഞ്ചായത്തുകള്‍)
സനല്‍ - പോലീസ് ഓഫീസര്‍

2. നന്ദകുമാര്‍ ആര്‍, സെക്രട്ടറി, വട്ടവട ഗ്രാമപഞ്ചായത്ത് (മൂന്നാര്‍, ദേവികുളം, ഇടമലക്കുടി, മറയൂര്‍, കാന്തല്ലൂര്‍, വട്ടവട ഗ്രാമപഞ്ചായത്തുകള്‍)