പെരുമാറ്റ ചട്ടലംഘനം ശ്രദ്ധയില്‍പ്പെട്ടാല്‍ പൊതുജനങ്ങള്‍ക്ക് സി വിജില്‍ ആപ്പ് മുഖേന ഇലക്ഷന്‍ കമ്മീഷനെ അറിയിക്കാന്‍ സി വിജില്‍ ആപ്പ്. റിപ്പോര്‍ട്ട് ചെയ്താല്‍ 100 മിനിറ്റിനകം നടപടി എടുക്കും.

എങ്ങനെ പരാതിപ്പെടാം

നിയമസഭാ തിരഞ്ഞെടുപ്പിന് മുന്നോടിയായി പണവും ലഹരിപദാര്‍ഥങ്ങളും ഉള്‍പ്പെടെയുള്ള അനധികൃത വസ്തുക്കളുടെ കടത്ത് തടയാന്‍ സംസ്ഥാനത്തിന്റെ അതിര്‍ത്തി ചെക്ക്പോസ്റ്റുകളിലും ജില്ലാ അതിര്‍ത്തികളിലും കര്‍ശന പരിശോധന നടത്തും. നിയമസഭാ തിരഞ്ഞെടുപ്പിന്റെ ഭാഗമായി അതിര്‍ത്തിയില്‍ നിരീക്ഷണം കര്‍ശനമാക്കാന്‍ നടത്തിയ പാലക്കാട്, കോയമ്പത്തൂര്‍, തൃശൂര്‍ ജില്ലാ കലക്ടര്‍മാരുടെ സംയുകത യോഗത്തിലാണ് തീരുമാനം.

നിയമസഭ തിരഞ്ഞെടുപ്പിനു മുന്നോടിയായി ഉദ്യോഗസ്ഥര്‍ക്കായുള്ള  ജില്ലാതല പരിശീലനം  കലക്ടര്‍ സാംബശിവറാവു ഉദ്ഘാടനം ചെയ്തു. അസിസ്റ്റന്റ് കലക്ടര്‍ ശ്രീധന്യ സുരേഷ് അധ്യക്ഷത വഹിച്ചു. വരണാധികാരികളുടെ ജീവനക്കാര്‍, ഉപവരണാധികാരികള്‍, അവരുടെ ജീവനക്കാര്‍, ജില്ലാതല മാസ്റ്റര്‍ ട്രെയിനര്‍മാര്‍ എന്നിവരാണ് പങ്കെടുക്കുന്നത്. ടൗണ്‍ ഹാളില്‍ നടക്കുന്ന പരിശീലനം  ഇന്നും (മാര്‍ച്ച് 5 ) തുടരും.

പട്ടികജാതി വികസനവകുപ്പിന് കീഴില്‍ കോഴിക്കോട് പ്രവര്‍ത്തിക്കുന്ന ആണ്‍കുട്ടികളുടെ / പെണ്‍കുട്ടികളുടെ പോസ്റ്റ് മെട്രിക് ഹോസ്റ്റലുകളില്‍ പ്രവേശനത്തിന് അപേക്ഷ ക്ഷണിച്ചു. കോവിഡ് മാനദണ്ഡങ്ങള്‍ പാലിച്ചുകൊണ്ട്  ക്ലാസുകള്‍ നടത്തുന്നതിന് സര്‍ക്കാര്‍ അനുമതി നല്‍കിയിട്ടുള്ള കോഴ്‌സുകളില്‍ പഠിക്കുന്ന വിദ്യാര്‍ഥികള്‍ക്കാണ് പ്രവേശനം നല്‍കുക. ജാതി, വരുമാന, നേറ്റിവിറ്റി, കോഴ്‌സ് സര്‍ട്ടിഫിക്കറ്റുകള്‍ അവസാനം പഠിച്ച കോഴ്‌സിന്റെ മാര്‍ക്ക് ലിസ്റ്റിന്റെ പകര്‍പ്പ് എന്നിവ സഹിതം ജില്ലാ പട്ടികജാതി വികസന ഓഫീസില്‍ അപേക്ഷ സമര്‍പ്പിക്കണം. ഫോണ്‍: 0495-2370379, 2370657.

 ജില്ലയില്‍ ദേശീയപാത 766- ല്‍ മണ്ണില്‍കടവ് മുതല്‍ അടിവാരം വരെയുളള  വിവിധ ഇടങ്ങളില്‍ കള്‍വര്‍ട്ട് നിര്‍മ്മാണം, കയറ്റം കുറയ്ക്കുന്ന പ്രവൃത്തി, ടാറിംഗ് എന്നിവ നടന്നുവരുന്നതിനാല്‍ പ്രവൃത്തി തീരുന്നതുവരെ വാഹന ഗതാഗതത്തിന് നിയന്ത്രണം ഏര്‍പ്പെടുത്തുന്നതാണെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.

കോഴിക്കോട് മേഖലാ സ്റ്റേഷനറി ഓഫീസില്‍ 2021-22 സാമ്പത്തിക വര്‍ഷത്തില്‍ ഉണ്ടാകാവുന്ന ഗതാഗത കയറ്റിറക്ക് ജോലികളുടെ വാര്‍ഷിക കരാര്‍ നിശ്ചയിക്കുന്നതിനായി ' ദര്‍ഘാസ് നം. 01/2020-21' എന്ന മേലെഴുത്തോടു കൂടിയ മുദ്രവെച്ച ദര്‍ഘാസുകള്‍ ക്ഷണിച്ചു. നിശ്ചിത ദര്‍ഘാസ് ഫോറം  മാര്‍ച്ച് 23 ഉച്ചയ്ക്ക് രണ്ട്  വരെ കോഴിക്കോട് വെസ്റ്റ്ഹില്ലിലുള്ള മേഖലാ സ്റ്റേഷനറി ഓഫീസില്‍ നിന്ന്  ലഭിക്കും. മാര്‍ച്ച് 24 -ന് ഉച്ചയ്ക്ക് 2 മണി വരെ പൂരിപ്പിച്ച ദര്‍ഘാസുകള്‍ സ്വീകരിക്കും.   ഫോണ്‍-0495-2380348