മലമ്പുഴ സര്‍ക്കാര്‍ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തില്‍ 'മുയല്‍ വളര്‍ത്തല്‍' എന്ന വിഷയത്തില്‍ മാര്‍ച്ച് ആറിന് ഓണ്‍ലൈന്‍ പരിശീലനം ഉണ്ടായിരിക്കുമെന്ന് അസിസ്റ്റന്റ് ഡയറക്ടര്‍ അറിയിച്ചു. രാവിലെ 10.30 മുതല്‍ ഉച്ചക്ക് ഒന്ന് വരെയാണ് പരിശീലനം. താത്പ്പര്യമുള്ളവര്‍ ട്രെയിനിംഗിന്റെ പേര്, പരിശീലനാര്‍ത്ഥിയുടെ പേര്, മേല്‍വിലാസം എന്നീ വിവരങ്ങള്‍ 9188522713 നമ്പറിലേക്ക് വാട്‌സ് ആപ്പ് ചെയ്ത് രജിസ്റ്റര്‍ ചെയ്യണം. വോയ്‌സ് മെസേജ് അയക്കേണ്ടതില്ല.

ജില്ലയില്‍ വേനല്‍ കടുത്ത സാഹചര്യത്തില്‍ ജാഗ്രത പുലര്‍ത്തണമെന്നും ജില്ലയിലെ സര്‍ക്കാര്‍ ആയുര്‍വേദ ആശുപത്രികളില്‍ വേനല്‍ക്കാല രോഗങ്ങള്‍ക്കുള്ള സേവനം ലഭ്യമാണെന്നും ജില്ലാ മെഡിക്കല്‍ ഓഫീസര്‍ (ആയുര്‍വ്വേദം) ഡോ.എസ്.ഷിബു അറിയിച്ചു. വേനല്‍ക്കാലത്ത് മഞ്ഞപ്പിത്തം, ചെങ്കണ്ണ്, ചൂടുകുരു, മൂത്രാശയ രോഗങ്ങള്‍, ത്വക്ക് രോഗങ്ങള്‍, വയറിളക്കം എന്നീ രോഗങ്ങള്‍ക്കുള്ള സാധ്യത ഏറെയാണ്. രോഗലക്ഷണങ്ങള്‍ കണ്ടാല്‍ ഉടന്‍ ചികിത്സ തേടണം.
 
വേനലിനെ അതിജീവിക്കാന്‍ ശ്രദ്ധിക്കേണ്ട കാര്യങ്ങള്‍:

കേരള തയ്യല്‍ തൊഴിലാളി ക്ഷേമനിധി ബോര്‍ഡില്‍ നിന്നും അധിക പ്രസവ ധനസഹായം അനുവദിക്കുന്നതിനായി മുന്‍പ്  പ്രസവ ധനസഹായം ലഭിച്ച അംഗങ്ങള്‍ മാര്‍ച്ച് 18നു മുന്‍പായി അസല്‍ രേഖകള്‍ സഹിതം പാലക്കാട് ജില്ലാ ഓഫീസില്‍ എത്തണമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍: 0491 2522599.

മോട്ടോര്‍ വാഹന വകുപ്പില്‍ ഡ്രൈവര്‍ (താത്ക്കാലികം) തസ്തികയില്‍ നിയമനം നടത്തുന്നതിനായി പാലക്കാട് റീജ്യണല്‍ ട്രാന്‍സ്പോര്‍ട്ട് ഓഫീസില്‍ മാര്‍ച്ച് 10ന് നടത്താനിരുന്ന കൂടിക്കാഴ്ചയും പ്രായോഗിക പരീക്ഷയും നിയമസഭാ തിരഞ്ഞെടുപ്പുമായി ബന്ധപ്പെട്ട് പെരുമാറ്റച്ചട്ടം നിലനില്‍ക്കുന്നതിനാല്‍ മാറ്റിവെച്ചതായി റീജ്യണല്‍ ട്രാന്‍സ്പോര്‍ട്ട് ഓഫീസര്‍ അറിയിച്ചു. പുതുക്കിയ തിയ്യതി പിന്നീട് അറിയിക്കും.

പാലക്കാട് ഗവ.മെഡിക്കല്‍ കോളേജില്‍ പ്രവര്‍ത്തിക്കുന്ന ഒ.പി വിഭാഗത്തിലേക്ക് എംപ്ലോയ്‌മെന്റ് എക്‌സ്‌ചേഞ്ച് മുഖേന ലഭ്യമാക്കിയ ലിസ്റ്റ് പ്രകാരം ഡാറ്റാ എന്‍ട്രി ഓപ്പറേറ്റര്‍, സ്റ്റാഫ് നഴ്‌സ്, ഇ.സി.ജി ടെക്‌നീഷ്യന്‍, ഫാര്‍മസിസ്റ്റ്, ഇലക്ട്രീഷ്യന്‍, ഒപ്‌റ്റോമെട്രിസ്റ്റ് എന്നീ തസ്തികകളില്‍ മാര്‍ച്ച് 5,6,8,9,10,12 തിയ്യതികളില്‍ താത്ക്കാലിക നിയമനത്തിനായി നടത്താനിരുന്ന അഭിമുഖം തെരഞ്ഞെടുപ്പു പെരുമാറ്റചട്ടം നിലവില്‍ വന്നതിനാല്‍ മാറ്റിവെച്ചതായി ഡയറക്ടര്‍ അറിയിച്ചു. പുതുക്കിയ തിയ്യതി പിന്നീട് അറിയിക്കും.

സര്‍വീസ് വോട്ടര്‍മാര്‍ക്ക് (സൈനികര്‍) നിയമസഭാ തിരഞ്ഞെടുപ്പിന് സമ്മതിദാനാവകാശം രേഖപ്പെടുത്തുന്നതിനുള്ള ഇലക്ട്രോണിക് ട്രാന്‍സ്മിറ്റഡ് പോസ്റ്റല്‍ ബാലറ്റ് സിസ്റ്റത്തിന്റെ (ഇ.ടി.പി.ബി.എസ്) ജില്ലാതല നോഡല്‍ ഓഫീസറായി പാലക്കാട് കലക്ടറേറ്റിലെ നാഷണല്‍ ഇന്‍ഫര്‍മാറ്റിക്‌സ് സെന്ററിലെ ടെക്‌നിക്കല്‍ ഡയറക്ടറായ പി.സുരേഷ്‌കുമാറിനെ നിയോഗിച്ചു.

നിയമസഭാ തിരഞ്ഞെടുപ്പിന്റെ സുഗമമായ നടത്തിപ്പിനായി  ജി.പി.എസ് ട്രാക്കിംഗ് ഉപകരണങ്ങളും മറ്റും ലഭ്യമാക്കുന്നതിന് താത്പര്യമുള്ളവരില്‍ നിന്ന് ക്വട്ടേഷന്‍ ക്ഷണിച്ചു. 121 ജി.പി.എസും അനുബന്ധ ഉപകരണങ്ങളുമാണ് ആവശ്യമായിട്ടുള്ളത്. നോഡല്‍ ഓഫീസറായ എല്‍. എ(ജി)നം.1 സ്പെഷ്യല്‍ തഹസില്‍ദാര്‍ക്കാണ് ക്വട്ടേഷന്‍ സമര്‍പ്പിക്കേണ്ടത്. മാര്‍ച്ച് അഞ്ചിന് ഉച്ചയ്ക്ക് രണ്ടുവരെ ക്വട്ടേഷനുകള്‍ സ്വീകരിക്കും. അന്നേദിവസം 2.30ന് ക്വട്ടേഷനുകള്‍ തുറക്കും.