വനിതാകമ്മീഷന്‍ മാര്‍ച്ച് 12ന് തിരൂര്‍ ഇ.എം.എസ് സാംസ്‌ക്കാരിക സമുച്ചയ ഹാളില്‍ രാവിലെ 10 മുതല്‍ മെഗാ അദാലത്ത് നടത്തുന്നു.

ഇരിങ്ങാലക്കുട ജനറൽ ആശുപത്രിയിലേക്കാവശ്യമായ മരുന്നുകളും ആശുപത്രി ഉപകരണങ്ങളും വിതരണം ചെയ്യുന്നതിന് ടെണ്ടർ ക്ഷണിച്ചു. 2021 ഏപ്രിൽ ഒന്നു മുതൽ 2022 മാർച്ച് 31 വരെയാണ് ടെണ്ടർ കാലാവധി. മാർച്ച് 15 മുതൽ 20 വരെ അപേക്ഷ ഇരിങ്ങാലക്കുട ജനറൽ ആശുപത്രിയിൽ ലഭിക്കും. 

മാർച്ച് 23 ന് ഉച്ചക്ക് 12 മണി വരെ പൂരിപ്പിച്ച ടെണ്ടറുകൾ സമർപ്പിക്കാം. ടെണ്ടറിനൊപ്പം നിരതദ്രവ്യമായി 5000 രൂപയുടെ ഡിഡി അടക്കം ചെയ്യണം.

 വിശദവിവരങ്ങൾക്ക് ഓഫീസ് പ്രവൃത്തി ദിവസങ്ങളിൽ രാവിലെ 10 മുതൽ വൈകിട്ട് 5 വരെ നേരിട്ടോ 0480 2833710 എന്ന നമ്പറിലോ ബന്ധപ്പെടാം.

ജില്ലയിലെ 43 സര്‍ക്കാര്‍ കേന്ദ്രങ്ങളിലും 25 സ്വകാര്യ ആശുപത്രികളിലും കോവിഡ് വാക്‌സിനേഷന്‍ നല്‍കുമെന്ന് ജില്ലാ കളക്ടര്‍ ഡോക്ടര്‍ നവ്ജ്യോത് ഖോസ പറഞ്ഞു. സര്‍ക്കാര്‍ കേന്ദ്രങ്ങളില്‍ 45 സെഷനുകളായിട്ടാകും വാക്‌സിനേഷന്‍ നല്‍കുക. ജനറല്‍ ആശുപത്രികളിലും ജില്ലാ ആശുപത്രികളിലും താലൂക്ക് ആശുപത്രികളിലും 200 പേര്‍ക്ക് കുത്തിവയ്പ് നടത്താനുള്ള സജ്ജീകരണങ്ങള്‍ ഏര്‍പ്പെടുത്തിയിട്ടുണ്ട്. സാമൂഹിക ആരോഗ്യ കേന്ദ്രങ്ങളില്‍ 150 പേര്‍ക്കും പ്രാഥമികാരോഗ്യകേന്ദ്രങ്ങളില്‍ 100 പേര്‍ക്കും കുത്തിവയ്പ് നല്‍കും.

കൊണ്ടോട്ടി മോയിന്‍ കുട്ടി വൈദ്യര്‍ മഹോത്സവം ഇന്നും നാളെയുമായി( മാര്‍ച്ച് ആറ്, ഏഴ്) വൈദ്യര്‍ അക്കാദമിയില്‍ നടക്കും. മലബാര്‍ സമര ശതാബ്ദി ആചരണത്തിന്റെ ഭാഗമായി സെമിനാറും റിയാലിറ്റി ഷോയും സംഘടിപ്പിക്കും. ഇന്ന് ഉച്ചയ്ക്ക് രണ്ടിന് പൂര്‍വ വിദ്യാര്‍ഥി സംഗമവും വൈകീട്ട് നാലിന് മാപ്പിളപ്പാട്ടുകളുടെ അവതരണവും നടക്കും.  വൈകീട്ട് ഏഴിന് മാപ്പിളപ്പാട്ടിന്റെ   സംസ്‌കൃതി എന്ന വിഷയത്തില്‍ ആലങ്കോട് ലീലാകൃഷ്ണന്‍ വൈദ്യര്‍ സ്മാരക പ്രഭാഷണം നടത്തും. ഇശല്‍ പൈതൃകം മലബാര്‍ സമര ശതാബ്ദി പ്രത്യേക പതിപ്പ്, ഡോ.ഷംഷാദ് ഹുസൈന്‍ രചിച്ച മലബാര്‍ കലാപത്തിന്റെ വാമൊഴി പാരമ്പര്യം എന്നിവയുടെ പ്രകാശനവും നടക്കും.

പട്ടികജാതി വികസന വകുപ്പിൻ്റെ അധീനതയിലുള്ള ഉത്തരമേഖലയിലെ മായന്നൂർ ഐ ടി ഐ യിൽ സ്വീയിംഗ് ടെക്നോളജി ട്രേഡിലേക്കാവശ്യമായ അസംസ്കൃത സാധനങ്ങൾ വാങ്ങുന്നതിന് ക്വട്ടേഷൻ ക്ഷണിച്ചു.

ക്വട്ടേഷൻ സീൽ വെച്ച കവറുകളിൽ ഉത്തരമേഖല ട്രെയിനിംഗ് ഇൻസ്പെക്ടർ (പട്ടികജാതി വികസന വകുപ്പ് ,ബി - ബ്ലോക്ക്, 6-നില, കോഴിക്കോട് - 20) എന്ന വിലാസത്തിൽ അയക്കുകയോ നേരിട്ട് എത്തിക്കുകയോ ചെയ്യണം. ഫോൺ: 8281853944

തിരുവനന്തപുരത്ത് ഇന്ന് (05 മാര്‍ച്ച് 2021) 190 പേര്‍ക്കു കൂടി കോവിഡ് 19 സ്ഥിരീകരിച്ചു. 337 പേര്‍ രോഗമുക്തരായി. നിലവില്‍ 2,391 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 140 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ ഒരാള്‍ ആരോഗ്യപ്രവര്‍ത്തകനാണ്. 

രോഗലക്ഷണങ്ങളെത്തുടര്‍ന്നു ജില്ലയില്‍ 1,417 പേരെക്കൂടി നിരീക്ഷണത്തിലാക്കി. ഇവരടക്കം ആകെ 17,840 പേര്‍ വീടുകളിലും 47 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 2,207 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

ജില്ലയിലെ കണ്ടെയിന്‍മെന്റ് സോണുകളില്‍ കോവിഡ് രോഗവ്യാപനം നിയന്ത്രിക്കുന്നതിന്റെ ഭാഗമായി 11 സെക്ടറല്‍ മജിസ്ട്രേറ്റമാരെക്കൂടി നിയോഗിച്ചതായി ജില്ലാ കളക്ടര്‍ ഡോ. നവ്‌ജ്യോത് ഖോസ അറിയിച്ചു. ഇവരുടെ ഏകോപനത്തിനായി ഒരു നോഡല്‍ ഓഫീസറെയും നിയമിച്ചിട്ടുണ്ട്. കണ്ടെയിന്‍മെന്റ് സോണുകളിലെ ജനങ്ങള്‍ സാമൂഹിക അകലം, കൂട്ടം കൂടല്‍, മാസ്‌ക് ധരിക്കല്‍ ഉള്‍പ്പടെയുള്ള കോവിഡ് മാനദണ്ഡങ്ങള്‍ പാലിക്കുന്നുണ്ടോയെന്ന് സെക്ടറല്‍ മജിസ്ട്രേറ്റുമാര്‍ ഉറപ്പുവരുത്തും. കടകളിലും മാര്‍ക്കറ്റുകളിലും സംഘം പ്രത്യേക നിരീക്ഷണം നടത്തും.

വനിതാദിനത്തോടനുബന്ധിച്ച് പെരിന്തല്‍മണ്ണ ഗവ. പോളിടെക്‌നിക് കോളജിലെ വനിതാസെല്ലിന്റെ ആഭിമുഖ്യത്തില്‍ മാര്‍ച്ച് എട്ട്, 10 തീയതികളില്‍ വെബിനാറും പെണ്‍കുട്ടികള്‍ക്ക് കൗണ്‍സിലിങും സംഘടിപ്പിക്കുന്നു. മാര്‍ച്ച് എട്ടിന് വൈകീട്ട് എട്ടിന് 'നേരിടാം വെല്ലുവിളികള്‍' എന്ന വിഷയത്തില്‍ സംഘടിപ്പിക്കുന്ന വെബിനാറില്‍ മീഞ്ചന്ത ആര്‍ട്‌സ് ആന്‍ഡ് സയന്‍സ് കോളജിലെ അസിസ്റ്റന്റ് പ്രൊഫസര്‍ ഡോ. സംഗീത ചേനംപുല്ലി ക്ലാസെടുക്കും. മാര്‍ച്ച് 10ന് രാവിലെ 10ന് പെരിന്തല്‍മണ്ണ ഗവ. പോളിടെക്‌നിക് കോളജ് ഓഡിറ്റോറിയത്തില്‍ സംഘടിപ്പിക്കുന്ന കൗണ്‍സലിങിന് ഡോ. ജി. ശ്രീലേഖ സംഗീത് നേതൃത്വം നല്‍കും.

മഴക്കാലത്തോടനുബന്ധിച്ചുള്ള പകര്‍ച്ചവ്യാധി പ്രതിരോധത്തിന്റെ ഭാഗമായി  നടപ്പാക്കുന്ന ആരോഗ്യ ജാഗ്രത ക്യാമ്പയിന്റെ കര്‍മ പരിപാടി ആവിഷ്‌ക്കരിക്കുന്നതിനും നടപ്പിലാക്കുന്നതിനും തദ്ദേശ സ്വയംഭരണ അധ്യക്ഷന്‍മാരുടെയും ജില്ലാതല    ഉദ്യോഗസ്ഥന്‍മാരുടെയും യോഗം മാര്‍ച്ച് ഒന്‍പതിന് നടക്കും.

സ്ഥാനാര്‍ത്ഥികള്‍ നാമനിര്‍ദേശ പത്രികകള്‍ സമര്‍പ്പിക്കുന്ന സമയങ്ങളില്‍ കോവിഡ് പ്രോട്ടോകോള്‍ കര്‍ശനമായി പാലിക്കണമെന്ന് ജില്ലാകലക്ടര്‍ കെ. ഗോപാലകൃഷ്ണന്‍ അറിയിച്ചു. പത്രിക  നല്‍കുമ്പോള്‍ സ്ഥാനാര്‍ഥിയുടെ കൂടെ രണ്ട് പേരെ മാത്രമേ അനുവദിക്കൂ. ഈ സമയത്ത്  രണ്ട് വാഹനങ്ങള്‍ക്ക് മാത്രമാണ് അനുമതി. രാവിലെ 11 മുതല്‍ വൈകീട്ട് മൂന്ന് വരെയാണ് പത്രിക സമര്‍പ്പണ സമയം.  മുന്‍കൂട്ടി ടോക്കണ്‍ എടുത്തു കൃത്യസമയത്ത് തന്നെ നോമിനേഷന്‍ സമര്‍പ്പിക്കാന്‍ സ്ഥാനാര്‍ത്ഥികള്‍ എത്തണം. രണ്ടാമത്തെയും നാലാമത്തെയും  ശനിയാഴ്ച നോമിനേഷന്‍ സ്വീകരിക്കുന്നതല്ല. നോമിനേഷന്‍ നല്‍കുന്നത് പൂര്‍ണമായും വെബ്കാസ്റ്റ് ചെയ്യും.