അനുമതി ഇല്ലാതെ ഉച്ചഭാഷിണികളോ വാഹനങ്ങളോ ഉപയോഗിക്കുകയോ പൊതുയോഗങ്ങള്‍ നടത്തുകയോ ചെയ്താല്‍ ബന്ധപ്പെട്ടവര്‍ക്കെതിരെ നിയമ നടപടികള്‍ സ്വീകരിക്കുന്നതാണെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ അറിയിച്ചു.

നിയമസഭാ തിരഞ്ഞെടുപ്പിൽ പുതുതായി എർപ്പെടുത്തിയ പോസ്റ്റൽ വോട്ടിംഗ് സൗകര്യത്തിനായുള്ള അപേക്ഷകളുടെ (12 (D) ഫോമുകൾ) വിതരണം ജില്ലയിൽ ആരംഭിച്ചു. 80 വയസിന് മുകളിൽ പ്രായമുള്ളവർ, ഭിന്നശേഷിക്കാർ, കോവിഡ് രോഗികൾ എന്നിവർക്കാണ് ഇലക്ഷൻ കമ്മീഷൻ പുതുതായി പോസ്റ്റൽ വോട്ടിംഗ് സൗകര്യം ഒരുക്കിയിട്ടുള്ളത്. 

നിയമസഭാ തിരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ട ലംഘനം ശ്രദ്ധയില്‍ പെട്ടാല്‍ അതിവേഗം അധികാരികളുടെ ശ്രദ്ധയില്‍ പെടുത്താന്‍ സഹായകമായ സി-വിജില്‍ മൊബൈല്‍ ആപ്ലിക്കേഷന്‍ പ്രവര്‍ത്തനസജ്ജമായി. 

പണം, മദ്യം, ലഹരി, പാരിതോഷികങ്ങള്‍ എന്നിവയുടെ വിതരണം,ഭീഷണിപ്പെടുത്തല്‍, മതസ്പര്‍ധയുണ്ടാക്കുന്ന പ്രസംഗങ്ങള്‍,പെയ്ഡ് ന്യൂസ്, വോട്ടര്‍മാര്‍ക്ക് സൗജന്യ യാത്രയൊരുക്കല്‍,  വ്യാജ വാര്‍ത്തകള്‍,  അനധികൃതമായി പ്രചരണ സാമഗ്രികള്‍ പതിക്കുക തുടങ്ങി പൊരുമാറ്റച്ചട്ട ലംഘനത്തിന്‍റെ പരിധിയില്‍ വരുന്ന ഏതു പ്രവര്‍ത്തനങ്ങള്‍ക്കെതിരെയും പൊതുജനങ്ങള്‍ക്ക് ഈ സംവിധാനത്തിലൂടെ പരാതി നല്‍കാം. 

നേരിട്ടുള്ള സമ്പര്‍ക്കത്തിലൂടെ 288 പേര്‍ക്ക്
ഉറവിടമറിയാതെ 04 പേര്‍ക്ക്
രോഗബാധിതരായി ചികിത്സയില്‍ 2,514 പേര്‍
ആകെ നിരീക്ഷണത്തിലുള്ളത് 18,773 പേര്‍

മലപ്പുറം ജില്ലയില്‍ വെള്ളിയാഴ്ച (മാര്‍ച്ച് അഞ്ച്) 298 പേര്‍ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഇതില്‍ 288 പേര്‍ക്കും നേരിട്ടുള്ള സമ്പര്‍ക്കത്തിലൂടെയാണ് രോഗബാധ. നാല് പേര്‍ക്ക് രോഗം ബാധിച്ചതിന്റെ ഉറവിടം കണ്ടെത്താനായിട്ടില്ല. കൂടാതെ ഇതര സംസ്ഥാനങ്ങളില്‍ നിന്നെത്തിയ ആറ് പേര്‍ക്കും വൈറസ് ബാധ സ്ഥിരീകരിച്ചിട്ടുണ്ട്.

നിയമസഭാ തിരഞ്ഞെടുപ്പു പ്രചാരണവുമായി ബന്ധപ്പെട്ട് ഇലക്ട്രോണിക് മാധ്യമങ്ങളില്‍ നല്‍കുന്ന പരസ്യങ്ങള്‍ക്ക് ജില്ലാതല മീഡിയ സര്‍ട്ടിഫിക്കേഷന്‍ ആന്റ് മോണിട്ടറിംഗ് സമിതിയുടെ(എം.സി.എം.സി) അംഗീകാരം നേടണം.   രാഷ്ട്രീയ പാര്‍ട്ടികള്‍, സ്ഥാനാര്‍ഥികള്‍, സംഘടനകള്‍, വ്യക്തികള്‍ എന്നിവര്‍ നല്‍കുന്ന പരസ്യങ്ങള്‍ക്ക് ഇത് ബാധകമാണ്. 

എടവണ്ണക്കടവ് (സീതിഹാജി) പാലത്തില്‍ നവീകരണ പ്രവൃത്തികള്‍ നടക്കുന്നതിനാല്‍ മാര്‍ച്ച് എട്ട് മുതല്‍ 10 ദിവസത്തേക്ക് എടവണ്ണക്കടവ് (സീതിഹാജി) പാലത്തിലൂടെയുള്ള വാഹന ഗതാഗതം നിരോധിച്ചു. എടവണ്ണ, നിലമ്പൂര്‍ എന്നിവിടങ്ങളില്‍ നിന്നും ഒതായി ഭാഗത്തേക്ക് പോകുന്ന വാഹനങ്ങള്‍ എടവണ്ണ-അരീക്കോട്- മൂര്‍ക്കനാട്  വഴിയോ മമ്പാട്- ഒടായിക്കല്‍ റഗുലേറ്റര്‍ കം ബ്രിഡ്ജ് വഴിയോ കടന്നുപോകണമെന്ന് പാലക്കാട് പൊതുമരാമത്ത് വകുപ്പ് പാലങ്ങള്‍ വിഭാഗം    എക്‌സിക്യൂട്ടീവ് എഞ്ചിനീയര്‍ അറിയിച്ചു.

ജില്ലയിൽ രൂക്ഷമായ കടലാക്രമണമുണ്ടാകുന്ന പൊഴിയൂർ, വലിയതുറ മേഖലകളിൽ കടൽഭിത്തി നിർമാണത്തിനുള്ള പാറ അടിയന്തരമായി ലഭ്യമാക്കുന്നതിനുള്ള നടപടി സ്വീകരിക്കാൻ ജില്ലാ ജിയോളജിസ്റ്റിന് ജില്ലാ കളക്ടർ നിർദേശം നൽകി. ദുരന്ത നിവാരണ പ്രവർത്തനങ്ങളുടെ ഭാഗമായി ജില്ലയിൽ കടൽക്ഷോഭ മേഖലകളിൽ കടൽഭിത്തി നിർമാണം വേഗത്തിലാക്കാൻ നേരത്തേ തീരുമാനമെടുത്തിരുന്നു.

മങ്കട ഗവ. ആര്‍ട്‌സ് & സയന്‍സ് കോളജിലെ ഒറൈസ് ക്ലാസ് റൂം നവീകരണത്തിന് ടി.വി (55 ഇഞ്ച്, യു.എച്ച്.ഡി, ഒ.എല്‍.ഇ.ഡി ഡിസ്‌പ്ലേ), പ്രൊജക്ടര്‍, എ.സി എന്നിവ വിതരണം ചെയ്യാന്‍ താത്പര്യമുള്ളവരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ പ്രിന്‍സിപ്പല്‍, ഗവ.ആര്‍ട്‌സ് ആന്‍ഡ് സയന്‍സ് കോളജ്, മങ്കട, കൊളത്തൂര്‍ പോസ്റ്റ്, മലപ്പുറം, പിന്‍- 679338 എന്ന വിലാസത്തില്‍ മാര്‍ച്ച് 12ന് ഉച്ചയക്ക് 12നകം സമര്‍പ്പിക്കണം.

നിയമസഭാ തെരെഞ്ഞെടുപ്പിന് സ്ഥാനാര്‍ഥികള്‍ക്ക് പ്രചാരണ പ്രവര്‍ത്തനങ്ങള്‍ക്കും പൊതുയോഗങ്ങള്‍ സംഘടിപ്പിക്കുന്നതിനും ജില്ലയിൽ 83 മൈതാനങ്ങള്‍ നിശ്ചയിച്ച് ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ എസ് ഷാനവാസ്‌ ഉത്തരവിട്ടു.

ചാലക്കുടി നിയോജക മണ്ഡലത്തിൽ 8 ഗ്രൗണ്ടുകൾ, ഗുരുവായൂർ -9, മണലൂർ- 10, വടക്കാഞ്ചേരി-8, ഒല്ലൂർ -4, തൃശൂർ-1, നാട്ടിക-8, കൊടുങ്ങല്ലൂർ -4, ചേലക്കര -9, കുന്നംകുളം -6, പുതുക്കാട് -8, ഇരിങ്ങാലക്കുട നിയോജകമണ്ഡലത്തിൽ 8 എന്നിങ്ങനെയാണ് മൈതാനങ്ങൾ അനുവദിച്ചത്.

** ലോക്ക് ഡൗൺ സമയത്ത് തിരുവനന്തപുരം സ്വദേശികളായ ദമ്പതികൾക്ക് സഹായഹസ്തമായി കളക്ടർ നവ്ജ്യോത് ഖോസ

ലോക്ക് ഡൗൺ സമയത്ത് തിരുവനന്തപുരം സ്വദേശികളായ ദമ്പതികൾക്ക് കുഞ്ഞിനെ ദത്തെടുക്കുന്നതിന് സഹായം നൽകിയത് തിരുവനന്തപുരം ജില്ലാ കളക്ടർ ഡോ. നവ്ജ്യോത് ഖോസ.