തിരുവനന്തപുരത്ത് ഇന്ന് (04 മാര്‍ച്ച് 2021) 222 പേര്‍ക്കു കൂടി കോവിഡ് 19 സ്ഥിരീകരിച്ചു. 223 പേര്‍ രോഗമുക്തരായി. നിലവില്‍ 2,541 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 147 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ രണ്ടുപേര്‍ ആരോഗ്യപ്രവര്‍ത്തകരാണ്. 

രോഗലക്ഷണങ്ങളെത്തുടര്‍ന്നു ജില്ലയില്‍ 999 പേരെക്കൂടി നിരീക്ഷണത്തിലാക്കി. ഇവരടക്കം ആകെ 18,567 പേര്‍ വീടുകളിലും 47 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 2,100 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

അന്താരാഷ്ട്ര വനിത ദിനത്തോടനുബന്ധിച്ച് ജില്ലാ വനിത ശിശുവികസന ഓഫീസും മഹിളാ ശക്തി കേന്ദ്രവും സംയുക്തമായി 'വിമന്‍ ഇന്‍ ലീഡര്‍ഷിപ്പ് അച്ചീവിംഗ് ആന്‍ ഇക്വല്‍ ഫ്യൂച്വര്‍ ഇന്‍ എ കോവിഡ് 19 വേള്‍ഡ്' എന്ന വിഷയത്തില്‍ ഫോട്ടോഗ്രഫി മത്സരം സംഘടിപ്പിക്കുന്നു. ചിത്രങ്ങള്‍ മാര്‍ച്ച് 15 വൈകിട്ട് അഞ്ചുമണിക്കു മുന്‍പ് പൂജപ്പുര പ്രവര്‍ത്തിക്കുന്ന ജില്ലാ വനിതാ ശിശുവികസന ഓഫീസിലെത്തിക്കണം. മികച്ച ചിത്രങ്ങള്‍ക്ക് ക്യാഷ് അവാര്‍ഡും പ്രശസ്തി പത്രവും ലഭിക്കും.

നിയമസഭാ തെരഞ്ഞെടുപ്പുമായി ബന്ധപ്പെട്ട് തിരുവനന്തപുരം നിയോജക മണ്ഡലത്തിലെ രാഷ്ട്രീയ കക്ഷി പ്രതിനിധികളുടെ യോഗം ഇന്ന് (05 മാര്‍ച്ച്) ഉച്ചയ്ക്കു രണ്ടിന് റിട്ടേണിങ് ഓഫിസര്‍കൂടിയായ സബ് കളക്ടറുടെ ചേംബറില്‍ ചേരും.

നേരിട്ടുള്ള സമ്പര്‍ക്കത്തിലൂടെ 158
ഉറവിടമറിയാതെ എട്ട് പേര്‍ക്ക്
ആരോഗ്യമേഖലയില്‍ ഒരാള്‍ക്കും
രോഗബാധിതരായി ചികിത്സയില്‍ 2,409 പേര്‍
ആകെ നിരീക്ഷണത്തിലുള്ളത് 18,620 പേര്‍

കുറ്റിപ്പുറം പൊതുമരാമത്ത് വകുപ്പ് നിരത്തുകള്‍ വിഭാത്തിന് കീഴില്‍ വരുന്ന ചെങ്കണ്ടം പടി ചീനിച്ചോട് റോഡില്‍ നവീകരണ പ്രവൃത്തികള്‍ നടക്കുന്നതിനാല്‍ പ്രവൃത്തി തീരുന്നതുവരെ നിയന്ത്രണമുണ്ടായിരിക്കും. വാഹനങ്ങള്‍ കരേക്കാട്-കോണിക്കല്‍-ചേണ്ടി റോഡ് വഴിയും എടയൂര്‍-പാങ്ങ് റോഡ് വഴിയും പോകണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.
 

നിലമ്പൂര്‍ താലൂക്കില്‍ വഴിക്കടവ് വില്ലേജിലെ ഒരു വ്യക്തിയില്‍ നിന്ന്  കെ.എസ്.ഇ.ബി കുടിശിക ഇനത്തില്‍ 340852 രൂപയും 2017 നവംബര്‍ 30 മുതല്‍ 18 ശതമാനം പലിശയും കുടിശികയും കൂടിയ തുകയുടെ അഞ്ച് ശതമാനം കളക്ഷന്‍ ചാര്‍ജും നോട്ടീസ് പടിയും ഈടാക്കുന്നതിലേക്ക് നിലമ്പൂര്‍ താലൂക്ക് വഴിക്കടവ് വില്ലേജ് അണ്‍സര്‍വേയില്‍പ്പെട്ട 0.1032 ഹെക്ടര്‍ സ്ഥലം മാര്‍ച്ച് 25ന് രാവിലെ 11ന് വഴിക്കടവ് വില്ലേജ് ഓഫീസില്‍ ലേലം ചെയ്യും.

സംസ്ഥാന ജൈവവൈവിധ്യ ബോര്‍ഡിന്റെ പതിമൂന്നാമത് കുട്ടികളുടെ ജൈവവൈവിധ്യ കോണ്‍ഗ്രസിന്റെ ഭാഗമായി പ്രൊജക്ട് അവതരണം, ഉപന്യാസം (മലയാളം, ഇംഗ്ലീഷ്), ഫോട്ടോഗ്രഫി, പെയിന്റിങ്, പെന്‍സില്‍ ഡ്രോയിങ്, പോസ്റ്റര്‍ നിര്‍മ്മാണം, മൊബൈല്‍ വീഡിയോ നിര്‍മാണ മത്സരങ്ങള്‍ ഓണ്‍ലൈനായി സംഘടിപ്പിക്കുന്നു. കോവിഡ് മഹാമാരിയും ജൈവവൈവിധ്യ സംരക്ഷണവുമാണ് മുഖ്യ പ്രമേയം. കൂടുതല്‍ വിവരങ്ങള്‍ക്ക്: www.keralabiodiversity.org. ഫോണ്‍: 0471-2724740.

തിരുവനന്തപുരം സെന്‍ട്രല്‍ സ്റ്റേഡിയത്തില്‍  മാര്‍ച്ച് 11 മുതല്‍ 13 വരെ നടക്കുന്ന സംസ്ഥാന ജൂനിയര്‍  പുരുഷ-വനിത ഗുസ്തി ചാമ്പ്യന്‍ഷിപ്പില്‍ പങ്കെടുക്കുവാന്‍ താത്പര്യമുള്ള  ജില്ലയിലുള്ള ഗുസ്തി കായിക താരങ്ങള്‍ (2001, 2002, 2003 & 2004) രജിസ്റ്റേര്‍ഡ് സ്ഥാപനം മുഖേന മാര്‍ച്ച് എട്ടിനകം പേര് രജിസ്റ്റര്‍ ചെയ്യണം. സെക്രട്ടറി, ജില്ലാ റസ്‌ലിങ് അസോസിയേഷന്‍, സ്‌പോര്‍ട്‌സ് പ്രമോഷന്‍ അക്കാദമി, മഞ്ചേരി എന്ന വിലാസത്തിലാണ് രജിസ്റ്റര്‍ ചെയ്യേണ്ടത്. ഫോണ്‍: 9895802441, 9074407678.

നിയമസഭാ/മലപ്പുറം ലോകസഭാ ഉപതെരഞ്ഞെടുപ്പിന്റെ വിവിധ പ്രവര്‍ത്തനങ്ങള്‍ക്കാവശ്യമായ ഉപകരണങ്ങള്‍ വാടകയ്ക്ക് വിതരണം ചെയ്യുന്നതിന് ജില്ലാ ഇലക്ഷന്‍ വിഭാഗം ക്വട്ടേഷന്‍ ക്ഷണിച്ചു. സി.സി.ടിവി ഇന്‍സ്റ്റാളേഷന്‍, ഡെസ്‌ക്‌ടോപ്പ് എല്‍.ഇ.ഡി/എല്‍.സി.ഡി മോണിറ്റര്‍ ആന്‍ഡ് മള്‍ട്ടി പര്‍പ്പസ് പ്രിന്റര്‍, ലാപ്‌ടോപ്പ് കമ്പ്യൂട്ടര്‍, ലാന്‍ നെറ്റ് വര്‍ക്ക്, യു.പി.എസ് ആന്‍ഡ് ഇന്‍സ്റ്റാളേഷന്‍, ടെലിവിഷന്‍ എല്‍.ഇ.ഡി/എല്‍.സി.ഡി, ഫോട്ടോ കോപ്പി, എം.സി.എം.സിയ്ക്കാവശ്യമായ ഉപകരണങ്ങള്‍ എന്നിവ വിതരണം ചെയ്യുന്നതിനാണ് ക്വട്ടേഷന്‍ ക്ഷണിച്ചത്. താത്പര്യമുള്ളവര്‍ അപേക്ഷ മാര്‍ച്ച് അഞ്ചിന് വൈകീട്ട് നാലിനകം സമര്‍പ്പിക്കണം.
 

ജില്ലയിലെ 80 വയസ് കഴിഞ്ഞവര്‍ക്കും ഭിന്നശേഷിക്കാര്‍ക്കും കോവിഡ് പോസിറ്റിവായും നിരീക്ഷണത്തിലും കഴിയുന്നവര്‍ക്കുമുള്ള പോസ്റ്റല്‍ ബാലറ്റിനുള്ള അപേക്ഷ ഫോം ബൂത്ത് ലെവല്‍ ഓഫീസര്‍മാര്‍ വഴി വിതരണം ചെയ്തു തുടങ്ങി. പോസ്റ്റല്‍ വോട്ടിനായി റിട്ടേണിങ് ഓഫീസര്‍ക്ക് ഫോം 12-ഡിയിലാണ് സമ്മതിദായകന്‍ അപേക്ഷ നല്‍കേണ്ടത്. തെരഞ്ഞെടുപ്പ് ചുമതലയുള്ള ബൂത്ത് ലെവല്‍ ഓഫിസര്‍മാര്‍ ഈ അപേക്ഷാ ഫോം സമ്മതിദായകരുടെ വീട്ടില്‍ നേരിട്ടെത്തിക്കുകയും പൂരിപ്പിച്ച അപേക്ഷകള്‍ വിജ്ഞാപനം വന്ന് അഞ്ചു ദിവസത്തിനകം ഓഫീസര്‍മാര്‍ തന്നെ തിരികെ വാങ്ങുകയും ചെയ്യും.