ആലപ്പുഴ: മത്സ്യബന്ധന മേഖലയിൽ (കടലോരം/ ഉൾനാടൻ)തൊഴിലെടുക്കുന്ന സഹകരണ സംഘങ്ങളിൽ അംഗത്വമുള്ള മത്സ്യത്തൊഴിലാളികൾക്കും, അനുബന്ധ തൊഴിലാളികൾക്കും, സ്വയം സഹായ സംഘങ്ങളിലെ അംഗങ്ങൾക്കും 2021-22 സാമ്പത്തിക വർഷത്തിലേക്ക്  ഇൻഷുറൻസ് പദ്ധതിയിൽ അംഗമായി ചേരാം. മാർച്ച് 24ന് മുമ്പായി 350 രൂപ പ്രീമിയം തുക അടച്ച് അതത് സംഘങ്ങളിൽ പദ്ധതിയിൽ ചേരാം.  2021 ഏപ്രിൽ ഒന്നു മുതൽ 2022 മാർച്ച് 31 വരെ 10 ലക്ഷം രൂപയുടെ ഇൻഷുറൻസ് പരിരക്ഷ അംഗങ്ങൾക്ക് ലഭിക്കും. കൂടുതൽ വിവരങ്ങൾ മത്സ്യഫെഡ് പ്രോജക്ട് ഓഫീസ്, ജില്ലാ ഓഫീസ് എന്നിവിടങ്ങളിൽ ലഭിക്കും. ഫോൺ: 0477- 0477 2241597.
 

ജില്ലയില്‍ ചൂട് ക്രമാതീതമായി ഉയരുന്ന സാഹചര്യത്തില്‍ ആരോഗ്യവകുപ്പ് ജാഗ്രതാ നിര്‍ദേശം പുറപ്പെടുവിച്ചു. 

നിയമസഭാ തെരഞ്ഞെടുപ്പില്‍ തപാല്‍ ബാലറ്റ് വോട്ടിങ് പ്രക്രിയ ( ആബ്‌സെന്റി വോട്ടേഴ്‌സ് പോസ്റ്റല്‍ ബാലറ്റ് ) കാര്യക്ഷമമാക്കുന്നതിനു ജില്ലയില്‍ 14 അസിസ്റ്റന്റ് റിട്ടേണിങ് ഓഫീസര്‍മാരെക്കൂടി ചുമതലപ്പെടുത്തി. നിലവിലുള്ള അസിസ്റ്റന്റ് റിട്ടേണിങ് ഓഫിസര്‍മാര്‍ക്കു പുറമേയാണിത്. ജില്ലാ രജിസ്ട്രാര്‍  ജനറല്‍ ഇ.പി. നൈനാനാണ് തപാല്‍ ബാലറ്റ് ജില്ലാ നോഡല്‍ ഓഫിസര്‍. 

നിയമസഭാ തെരഞ്ഞെടുപ്പ് സുതാര്യമായി നടത്തുന്നതിന് തെരഞ്ഞെടുപ്പിന് നിയോഗിക്കപ്പെട്ട ഉദ്യോഗസ്ഥരുടെ സഹകരണം അനിവാര്യമാണെന്ന് മുഖ്യ തെരഞ്ഞെടുപ്പ് ഓഫീസര്‍ ടീക്കാറാം മീണ. റിട്ടേര്‍ണിംഗ് ഓഫീസര്‍മാര്‍ക്കായി തൈക്കാട് ഹെല്‍ത്ത് ആന്റ് ഫാമിലി ഇന്‍സ്റ്റിറ്റ്യൂട്ടില്‍ തെരഞ്ഞെടുപ്പ് കമ്മീഷന്‍ സംഘടിപ്പിച്ച റിഫ്രഷ്മെന്റ് കോഴ്സ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഉദ്യോഗസ്ഥര്‍ അവരവരുടെ രാഷ്ട്രീയം പൂര്‍ണമായി മാറ്റിവച്ചുവേണം തെരഞ്ഞെടുപ്പ് പ്രക്രിയകളില്‍ ഏര്‍പ്പെടാന്‍. രാഷ്ട്രീയ ലക്ഷ്യത്തോടെ പ്രവര്‍ത്തിക്കുന്നവര്‍ക്കെതിരെ കര്‍ശന നടപടി സ്വീകരിക്കും.

പൊതുജനങ്ങള്‍ക്ക് കോവിഡ് വാക്സിന്‍ നല്‍കുന്നതിന്‍റെ ആദ്യ ഘട്ടമായി 60 വയസിന് മുകളിലുള്ളവര്‍ക്കും 45 നു മുകളില്‍ പ്രായവും ഗുരുതര രോഗങ്ങളുമുള്ളവര്‍ക്കും പ്രതിരോധ കുത്തിവയ്പ്പ് നല്‍കിത്തുടങ്ങി. ജില്ലയില്‍ 20 കേന്ദ്രങ്ങളിലാണ് വിതരണം നടക്കുന്നത്. 

കോട്ടയം മെഡിക്കല്‍ കോളേജില്‍ ജസ്റ്റീസ് കെ.ടി. തോമസ് ആദ്യം വാക്സിന്‍ സ്വീകരിച്ചു. വാക്സിൻ തികച്ചും സുരക്ഷിതമാണെന്നും  ലഭ്യമാക്കുന്ന മുറയ്ക്ക് എല്ലാവരും സ്വീകരിക്കണമെന്നും അദ്ദേഹം പറഞ്ഞു. ഭാര്യ തരുമി തോമസും ജസ്റ്റീസ് കെ.ടി. തോമസിനൊപ്പം വാക്സിന്‍ സ്വീകരിച്ചു. 

മെഡിക്കല്‍ കോളേജ് കോട്ടയം

കാഞ്ഞിരപ്പള്ളി, ചങ്ങനാശേരി, പാലാ ജനറല്‍ ആശുപത്രികള്‍

വൈക്കം താലൂക്ക് ഹെഡ്ക്വാര്‍ട്ടേഴ്സ് ആശുപത്രി

തലയോലപ്പറമ്പ്, ഉഴവൂര്‍, ഇടയിരിക്കപ്പുഴ, കടപ്ലാമറ്റം, എരുമേലി സാമൂഹികാരോഗ്യ കേന്ദ്രങ്ങള്‍
 
കൊഴുവനാല്‍ പ്രാഥമികാരോഗ്യ കേന്ദ്രം

സര്‍ക്കാര്‍ ആയുര്‍വേദ ആശുപത്രി കോത്തല

എം.ജി. സര്‍വകലാശാല 

ക്രിസ്തുരാജ് ഓഡിറ്റോറിയം ഏറ്റുമാനൂര്‍ 

എന്‍.എസ്.എസ് സ്കൂള്‍ കുഴിമറ്റം

ക്രോസ് റോഡ് സ്കൂള്‍ പാമ്പാടി

സര്‍ക്കാര്‍ എല്‍.പി.എസ് മുട്ടമ്പലം

ബേക്കര്‍ സ്കൂള്‍ കോട്ടയം 

നിയമസഭാ തിരഞ്ഞെടുപ്പ് നടപടികളില്‍ കോവിഡ് പ്രതിരോധം ഉറപ്പാക്കാന്‍ ഉദ്യോഗസ്ഥര്‍ അതീവ ജാഗ്രത പുലര്‍ത്തണമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ എം.അഞ്ജന നിര്‍ദേശിച്ചു. 

റിട്ടേണിംഗ് ഓഫീസര്‍മാരുടെയും ജില്ലാതല നോഡല്‍ ഓഫീസര്‍മാരുടെയും  യോഗത്തില്‍ സംസാരിക്കുകയായിരുന്നു കളക്ടര്‍. ജില്ലയിലെ 248 പോളിംഗ് കേന്ദ്രങ്ങളിൽ നാലോ അതില്‍ അധികമോ പോളിംഗ് ബൂത്തുകളുണ്ട്. ഇത്തരം കേന്ദ്രങ്ങളില്‍ സാമൂഹിക അകലം ഉറപ്പാക്കുന്നതിന് വരണാധികാരികള്‍ പ്രത്യേക ഇലക്ഷന്‍ മാനേജ്മെന്‍റ് പ്ലാന്‍ തയ്യാറാക്കണം.