മുന്‍ഗണന തിരഞ്ഞെടുപ്പ് ഉദ്യോഗസ്ഥര്‍ക്ക്

കോട്ടയം നാഗമ്പടം രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍ ഇന്ന്(മാര്‍ച്ച് 4) ആയിരം പേര്‍ക്ക് കോവിഡ് വാക്സിന്‍ നല്‍കും. തിരഞ്ഞെടുപ്പ് ജോലിക്കായി പരിഗണിക്കപ്പെടുന്നവര്‍ക്കുള്ള പ്രതിരോധ കുത്തിവയ്പ്പ് സമയബന്ധിതമായി പൂര്‍ത്തീകരിക്കുന്നതിനുള്ള നപടികളുടെ ഭാഗമായാണ് ഈ ക്രമീകരണം. രജിസ്റ്റര്‍ ചെയ്തിട്ടുള്ള മറ്റു വിഭാഗങ്ങളില്‍ പെട്ട ആളുകള്‍ക്കും ഇവിടെ വാക്സിന്‍ നല്‍കും. തിരഞ്ഞെടുപ്പ് ജോലിക്ക് പരിഗണിക്കപ്പെടുന്ന ഉദ്യോഗസ്ഥര്‍ ഈ അവസരം പ്രയോജനപ്പെടുത്തണമെന്ന് ജില്ലാ കളക്ടര്‍ എം. അഞ്ജന അറിയിച്ചു.

വനം വകുപ്പിന്റെ കണ്ണോത്ത് ഗവ. ടിമ്പര്‍ ഡിപ്പോയില്‍ തേക്ക് തടികളുടെ വില്‍പന മാര്‍ച്ച് 10ന് നടക്കും.  ഓണ്‍ലൈന്‍ വഴി നടത്തുന്ന ലേലത്തില്‍ പങ്കെടുക്കാന്‍ ആഗ്രഹിക്കുന്നവര്‍ക്ക് www.mstcecommerce.com വഴി രജിസ്റ്റര്‍ ചെയ്യാം.    കണ്ണോത്ത് ഗവ.ടിമ്പര്‍ ഡിപ്പോയിലും രജിസ്‌ട്രേഷന്‍ നടത്തും.  താല്‍പര്യമുള്ളവര്‍ പാന്‍കാര്‍ഡ്, ദേശസാല്‍കൃത ബാങ്ക് പാസ്ബുക്ക്, ആധാര്‍/തിരിച്ചറിയല്‍ കാര്‍ഡ്, ഇ മെയില്‍ അഡ്രസ്, ജി എസ് ടി രജിസ്‌ട്രേഷന്‍ സര്‍ട്ടിഫിക്കറ്റ് (കച്ചവടക്കാര്‍) എന്നിവ സഹിതം ഗവ.ടിമ്പര്‍ ഡിപ്പോയില്‍ ഹാജരാകണം.  ഫോണ്‍: 0490 2302080.

ജില്ലാ പഞ്ചായത്തിന്റെ 2020-21 വാര്‍ഷിക പദ്ധതിയുടെ ഭാഗമായി പട്ടിക വര്‍ഗ്ഗക്കാര്‍ക്ക് അണിയല നിര്‍മ്മാണ പരിശീലനം ആരംഭിച്ചു. തെയ്യച്ചമയങ്ങള്‍ക്ക് ഉപയോഗിക്കുന്ന ഓലക്കാത്, കൊമ്പോലക്കാത്, വള, കടകം, കുസുമം, പാമ്പ് എന്നീ അലങ്കാരങ്ങള്‍ നിര്‍മ്മിക്കുന്നതിനാണ് പരിശീലനം നല്‍കുന്നത്. വാതില്‍ മടകലാഗ്രാമം, കുന്നത്തൂര്‍ പൊന്‍കൂറി എന്നീ പട്ടിക വര്‍ഗ സംഘത്തില്‍പ്പെട്ട 20 അംഗങ്ങള്‍ക്കാണ് പരിശീലനം. ജില്ലാ സ്‌പോര്‍ട്‌സ് കൗണ്‍സില്‍ ഹാളില്‍ ഫോക്ക്‌ലോര്‍ അക്കാദമി അവാര്‍ഡ് ജേതാക്കളായ ഉണ്ണികൃഷ്ണന്‍, മനോജ് എന്നീ തെയ്യം കലാകാരന്‍മാരുടെ നേതൃത്വത്തിലാണ് പരിശീലനം നല്‍കുന്നത്

നിയമസഭാ തെരഞ്ഞെടുപ്പുമായി ബന്ധപ്പെട്ട് വോട്ടിംഗ് മെഷീനുകള്‍ കൊണ്ടുപോകുന്ന വാഹനങ്ങളില്‍ ജി പി എസ് ട്രാക്കിംഗ് സിസ്റ്റം ഘടിപ്പിക്കുന്നതിന് ക്വട്ടേഷന്‍ ക്ഷണിച്ചു. ഓര്‍ഡര്‍ ലഭിക്കുന്ന മുറക്ക് 24 മണിക്കൂറിനകം വാഹനങ്ങളില്‍ ജി പി എസ് ട്രാക്കിംഗ് സിസ്റ്റം  സ്ഥാപിക്കേണ്ടതാണ്.    താല്‍പര്യമുള്ള വ്യക്തികള്‍/സ്ഥാപനങ്ങള്‍ എന്നിവര്‍ മാര്‍ച്ച് 10 ന് വൈകിട്ട് നാല് മണിക്കകം തളിപ്പറമ്പ് ഡിവിഷണല്‍ ഓഫീസര്‍ മുമ്പാകെ ക്വട്ടേഷന്‍ നേരിട്ടോ, ഇ മെയില്‍ മുഖേനയോ സമര്‍പ്പിക്കണം. ഫോണ്‍: 0460 2300332. ഇ മെയില്‍: rdo-tlpb.rev@kerala.gov.in.

കേരള ഷോപ്‌സ് ആന്റ് കൊമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ വാങ്ങുന്ന ഗുണഭോക്താക്കള്‍ മാര്‍ച്ച് 20 നകം ലൈഫ് സര്‍ട്ടിഫിക്കറ്റ് ജില്ലാ എക്‌സിക്യൂട്ടീവ് ഓഫീസില്‍ നേരിട്ടോ peedikaknr@gmail.com ലേക്കോ സമര്‍പ്പിക്കണം.  ലൈഫ് സര്‍ട്ടിഫിക്കറ്റ് സമര്‍പ്പിച്ചില്ലെങ്കില്‍ ഏപ്രില്‍ മുതലുള്ള പെന്‍ഷന്‍ മുടങ്ങുന്നതായിരിക്കുമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.  ഫോണ്‍: 0497 2706806

നിയമസഭാ തെരഞ്ഞെടുപ്പ് ചെലവുമായി ബന്ധപ്പെട്ട് ഇലക്ഷന്‍ കമ്മീഷന്‍ നിര്‍ദ്ദേശിക്കുന്ന കാര്യങ്ങള്‍ കൃത്യമായി പാലിക്കണമെന്ന് ഇലക്ഷന്‍ ഡെപ്യൂട്ടി കലക്ടര്‍ എന്‍ ദേവീദാസ് അറിയിച്ചു. രാഷ്ട്രീയ പാര്‍ട്ടികളുടെയും സ്ഥാനാര്‍ഥികളുടെയും തെരഞ്ഞെടുപ്പ് ചെലവ് നിരീക്ഷണവുമായി ബന്ധപ്പെട്ട് ചേര്‍ന്ന യോഗത്തില്‍ സംസാരിക്കുകയായിരുന്നു അദ്ദേഹം.

നിയമസഭാ തെരഞ്ഞെടുപ്പ് സംബന്ധിച്ച് ശുചിത്വ മിഷന്‍ നടത്തുന്ന  'അങ്കച്ചൂടിനൊരു ഹരിതക്കുട' എന്ന ക്യാമ്പയിന് ലോഗോ ക്ഷണിച്ചു. ഹരിത പെരുമാറ്റച്ചട്ടം, ശുചിത്വം തുടങ്ങിയ ആശയങ്ങള്‍ പ്രകാശിപ്പിക്കുന്ന സൂചകങ്ങള്‍ ഉള്‍ക്കൊള്ളിച്ചുകൊണ്ടുള്ള ലോഗോയുടെ ആര്‍ട്ട് വര്‍ക്ക് Sbmieckannur@gmail.com എന്ന മെയിലില്‍ മാര്‍ച്ച് എട്ടിന് വൈകിട്ട് അഞ്ച് മണിക്ക് മുമ്പ് ലഭിക്കണം. തെരഞ്ഞെടുക്കപ്പെടുന്ന എന്‍ട്രിക്ക് പുരസ്‌ക്കാരം നല്‍കുന്നതാണ്

കൊവിഡ് പ്രതിരോധ വാക്‌സിനേഷന് അര്‍ഹതയുള്ളവര്‍ വാര്‍ഡ് തലത്തില്‍ ഉള്ള ആരോഗ്യപ്രവര്‍ത്തകരുടെയോ ആശാപ്രവര്‍ത്തകരുടെയോ നിര്‍ദേശാനുസരണം മാത്രമേ വാക്‌സിനേഷന്‍ കേന്ദ്രത്തില്‍ എത്തേണ്ടതുള്ളു എന്ന് ജില്ലാ കലക്ടര്‍ ടി വി സുഭാഷ് അറിയിച്ചു. തിരക്ക് ഒഴിവാക്കാനാണ് ഈ ക്രമീകരണം. മെഡിക്കല്‍ ഓഫീസറുടെ നേതൃത്വത്തില്‍ വാര്‍ഡ് തല ആരോഗ്യപ്രവര്‍ത്തകര്‍, ആശാപ്രവര്‍ത്തകര്‍ എന്നിവര്‍ ഓരോ ദിവസവും വാക്‌സിനേഷന്‍ കേന്ദ്രത്തില്‍  എത്തേണ്ടവരുടെ എണ്ണം മുന്‍കൂട്ടി തയ്യാറാക്കുകയും വാര്‍ഡ്തലത്തില്‍ സ്ഥലവും സമയവും നിര്‍ണ്ണയിച്ചു നല്‍കുകയും ചെയ്യും.

തെരഞ്ഞെടുപ്പ് പെരുമാറ്റചട്ടം നിലവില്‍ വന്ന സാഹചര്യത്തില്‍ സര്‍ക്കാര്‍ സ്ഥലങ്ങളിലെയും പൊതു സ്ഥലങ്ങളിലെയും പ്രചാരണ സാമഗ്രികള്‍ അടിയന്തരമായി നീക്കം ചെയ്യാന്‍ ജില്ലാതെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് നിര്‍ദേശം നല്‍കി.  ബന്ധപ്പെട്ട തദ്ദേശ സ്ഥാപന സെക്രട്ടറിമാര്‍, ഓഫീസ് മേധാവികള്‍ എന്നിവര്‍ ഇക്കാര്യത്തില്‍ അടിയന്തര നടപടി കൈക്കൊള്ളണമെന്നും കലക്ടര്‍ അറിയിച്ചു.  ബന്ധപ്പെട്ട രാഷ്ട്രീയ പാര്‍ട്ടികള്‍ സ്വമേധയാ തന്നെ ഇവ നീക്കം ചെയ്യേണ്ടതാണ്.  ആന്റീ ഡീഫേസ്‌മെന്റ് സ്‌ക്വാഡുകള്‍ സജീവമായി ഇവ നീക്കം ചെയ്യാന്‍ രംഗത്തിറങ്ങണമെന്നും കലക്ടര്‍ നിര്‍ദേശം നല്‍കി.

നിയമസഭാ തെരഞ്ഞെടുപ്പുമായി ബന്ധപ്പെട്ട് രാഷ്ട്രീയ പാര്‍ട്ടികള്‍ക്ക് തെരഞ്ഞെടുപ്പ് പ്രചാരണ യോഗങ്ങള്‍ ചേരുന്നതിനുള്ള ഗ്രൗണ്ടുകളുടെ കാര്യത്തില്‍ തീരുമാനമായി. സിറ്റി, റൂറല്‍ പൊലിസ് മേധാവികളുടെ റിപ്പോര്‍ട്ടുകളുടെ അടിസ്ഥാനത്തിലാണ് മണ്ഡലം തിരിച്ച് പരിപാടികള്‍ക്ക് ഉപയോഗിക്കാവുന്ന ഗ്രൗണ്ടുകളുടെ പട്ടിക ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ പ്രസിദ്ധീകരിച്ചത്. നിയമസഭാ മണ്ഡലം, ഗ്രൗണ്ടുകളുടെ പേര് എന്നീ ക്രമത്തില്‍: