കേരള ജല അതോറിറ്റി, റൂറല്‍ വാട്ടര്‍ സപ്ലൈ സബ് ഡിവിഷന്‍, മലാപ്പറമ്പ്  കാര്യാലയത്തില്‍ ഇന്ന് (മാര്‍ച്ച് നാല്) എംപ്ലോയ്മെന്റ് എക്സ്ചേഞ്ചേ് മുഖേന ഡ്രൈവര്‍ഗ്രേഡ് 2 തസ്തികയിലേക്ക് നടത്താനിരുന്ന അഭിമുഖം റദ്ദാക്കിയതായി അസി. എക്സിക്യൂട്ടീവ് എന്‍ജിനീയര്‍ അറിയിച്ചു.

കാസര്‍കോട് ഗവ. ആയുര്‍വേദ ആശുപത്രിയില്‍ പ്രസൂതി സ്ത്രീരോഗ വിഭാഗത്തിന് പ്രത്യേകം ഒപി സൗകര്യം ഒരുങ്ങി. സ്ത്രീകളിലെ ആര്‍ത്തവ സംബന്ധമായ പ്രശ്‌നങ്ങള്‍, സ്ത്രീ-പുരുഷ വന്ധ്യത, വെള്ളപോക്ക്, വിളര്‍ച്ച, മുടികൊഴിച്ചില്‍, മുഖക്കുരു, വയറുവേദന, ഗര്‍ഭാശയ മുഴകള്‍, പിസിഒഡി, ആര്‍ത്തവ വിരാമ പ്രശ്‌നങ്ങള്‍, പ്രസവാനന്തര ശുശ്രൂഷകള്‍, തൈറോയിഡ് മൂത്രാശയ സംബന്ധമായ പ്രശ്‌നങ്ങള്‍ എന്നിവയ്ക്ക് സൗജന്യ ചികിത്സ ലഭിക്കും. തിങ്കള്‍ മുതല്‍ ശനി വരെ രാവിലെ ഒമ്പത് മുതല്‍ ഉച്ചയ്ക്ക് രണ്ട് വരെയാണ് ഓ പി സൗകര്യം. ഫോണ്‍: 04994 231624.

കാസര്‍കോട് ജില്ലാ കോടതിയുടെ അധികാരത്തിലുള്ളതും ഉപയോഗശൂന്യമായതുമായ ഫര്‍ണ്ണിച്ചറുകള്‍ മാര്‍ച്ച് 24 ന് വൈകീട്ട് മൂന്നിന് കോടതി ഓഫീസില്‍ ലേലം ചെയ്യും. ഫോണ്‍: 04994 256390

   സംസ്ഥാന വനിതാ വികസന കോര്‍പ്പറേഷന്റെയും  പിലാത്തറ റീച്ച് ഫിനിഷിങ്  സ്‌കൂളിന്റെ ആഭിമുഖ്യത്തില്‍ അക്കൗണ്ടിങ് മേഖലയില്‍ തൊഴില്‍ ലഭ്യമാക്കാന്‍ അവസരമൊരുക്കി   30 ദിവസത്ത ടാലി ഓണ്‍ലൈന്‍ കോഴ്‌സ് സംഘടിപ്പിക്കുന്നു. താത്പര്യമുള്ളവര്‍ 04972800572, 9496015018 എന്നിവയിലേതെങ്കിലും നമ്പറില്‍ വിളിച്ച് പേര് രജിസ്റ്റര്‍ ചെയ്യണം.

  നികുതി പിരിവ് ഊര്‍ജ്ജിതപ്പെടുത്തുന്നതിന്റെ ഭാഗമായി  മാര്‍ച്ച് രണ്ടാം ശനിയാഴ്ചയിലും എല്ലാ ഞായറാഴ്ച്ചകളിലും കാസര്‍കോട് നഗരസഭാ നികുതി വിഭാഗം തുറന്ന് പ്രവര്‍ത്തിക്കുമെന്ന് സെക്രട്ടറി അറിയിച്ചു. 

ക്ഷീരവികസന വകുപ്പിന്റെ കാസര്‍കോട് റീജിയണല്‍ ലാബിലേക്ക് ട്രെയിനി അനലിസ്റ്റുകളെ നിയമിക്കുന്നതിന് മാര്‍ച്ച് 18ന് നടത്താനിരുന്ന കൂടിക്കാഴ്ച മാറ്റി വെച്ചു.  തെരഞ്ഞെടുപ്പ് പെരുമാറ്റ ചട്ടം നിലവില്‍ വന്നതിനെ തുടര്‍ന്നാണിത്.

പള്ളിക്കര ഗ്രാമപഞ്ചായത്തിലെ 65-ാം നമ്പര്‍ മഠം കോളനി അങ്കണവാടിയ്ക്കായി അഗസറഹോള ഗവ. യു.പി സ്‌കൂളിന് പിറകുവശത്ത്  അബു ഹാഷിം മഠത്തില്‍ 5.5 സെന്റ് സ്ഥലം നല്‍കി. ജില്ലയിലെ എല്ലാ അങ്കണവാടികള്‍ക്കും സ്വന്തം ഭൂമി എന്ന ലക്ഷ്യത്തോടെ ജില്ലാ ഭരണകൂടത്തിന്റെ നേതൃത്വത്തില്‍ നടക്കുന്ന പ്രവര്‍ത്തനങ്ങള്‍ക്ക് കൈത്താങ്ങായാണിത്.

ജില്ലാ മെഡിക്കല്‍ ഓഫീസ് (ആരോഗ്യം), ദേശീയ ആരോഗ്യ ദൗത്യം,  കാഞ്ഞങ്ങാട് ജില്ലാശുപത്രി എന്നിവയുടെ സംയുക്താഭിമുഖ്യത്തില്‍ നടത്തിയ  ലോക കേള്‍വി ദിനാചരണത്തിന്റെ ജില്ലാതല ഉദ്ഘാടനം കാഞ്ഞങ്ങാട് ജില്ലാ ആശുപത്രിയില്‍  സൂപ്രണ്ട് ഡോ. പ്രകാശ് കെ.വി ഉദ്ഘാടനം ചെയ്തു.  ജില്ലാ ആശുപത്രി ഡെപ്യൂട്ടി സൂപ്രണ്ട് ഡോ ചന്ദ്ര മോഹന്‍ ഇ  അധ്യക്ഷത വഹിച്ചു.