ജില്ലയില്‍ ബുധനാഴ്ച 128 പേര്‍ക്ക് കൂടി കൊവിഡ് പോസിറ്റീവ് ആയി. സമ്പര്‍ക്കത്തിലൂടെ 107 പേര്‍ക്കും, ഇതരസംസ്ഥാനത്ത് നിന്നെത്തിയ മൂന്ന് പേര്‍ക്കും, വിദേശത്തു നിന്നെത്തിയ 11 പേര്‍ക്കും, ഏഴ് ആരോഗ്യ പ്രവര്‍ത്തകര്‍ക്കുമാണ് കൊവിഡ് സ്ഥിരീകരിച്ചത്.

തിരുവനന്തപുരം കാഞ്ഞിരംകുളം ഗവൺമെന്റ് കെ.എൻ.എം ആർട്‌സ് ആൻഡ് സയൻസ് കോളേജിൽ പുതുതായി അനുവദിച്ച ബി.എസ്‌സി ഫിസിക്‌സ് (മാത്തമാറ്റിക്‌സ് ആൻഡ് മെഷീൻ ലേണിംഗ്) കോഴ്‌സിൽ ജനറൽ/ മറ്റ് സംവരണ വിഭാഗങ്ങൾക്ക് ഇന്ന് (മാർച്ച് 5) സ്‌പോട്ട് അഡ്മിഷൻ നടത്തും.
വിദ്യാർഥികൾ കോളേജിൽ രാവിലെ 10ന് അസ്സൽ സർട്ടിഫിക്കറ്റുകളുമായി (ടി.സി. ഉൾപ്പെടെ) നേരിട്ടെത്തണം. നിലവിൽ അഡ്മിഷൻ ലഭിക്കാത്ത വിദ്യാർഥികളെ മാത്രമാണ് സ്‌പോട്ട് അഡ്മിഷനു പരിഗണിക്കുന്നത്. കോളേജ് ട്രാൻസ്ഫർ/ കോഴ്‌സ് ട്രാൻസ്ഫർ പരിഗണിക്കില്ല. നിലവിൽ രജിസ്‌ട്രേഷൻ ഇല്ലാത്തവർക്കും സ്‌പോട്ട് അഡ്മിഷനിൽ പങ്കെടുക്കാം.

കേരളത്തിൽ നിയമസഭാ തിരഞ്ഞെടുപ്പിന്റെ ഭാഗമായി സംഘടിപ്പിക്കുന്ന പൊതുസമ്മേളനങ്ങളിലും സദസുകളിലും പങ്കെടുക്കാവുന്ന ആളുകളുടെ എണ്ണത്തിൽ നിയന്ത്രണം ഏർപ്പെടുത്തണമെന്ന് മുഖ്യതിരഞ്ഞെടുപ്പ് ഓഫീസർ ടിക്കാറാം മീണ നിർദ്ദേശിച്ചു. ഇതുസംബന്ധിച്ച് ചീഫ് സെക്രട്ടറിക്ക് കത്ത് നൽകി. കോവിഡിന്റെ സാഹചര്യത്തിൽ പൊതുജന ആരോഗ്യ സുരക്ഷ ഉറപ്പാക്കുന്നതിന്റെ ഭാഗമായാണ് നിർദ്ദേശം. പൊതുസമ്മേളനങ്ങളിലും തിരഞ്ഞെടുപ്പ് പ്രചാരണ യോഗങ്ങളിലും കോവിഡ് മാനദണ്ഡങ്ങളും സാമൂഹ്യ അകലവും കർശനമായി പാലിക്കുകയും വേണം.

ആലപ്പുഴ: കോവിഡ് വ്യാപനത്തിന്റെ പശ്ചാത്തലത്തിൽ   കണ്ടെയ്ൻമെന്റ് സോൺ ആയി  പ്രഖ്യാപിച്ചിരുന്ന  ചിങ്കോലി വാർഡ് 8 പ്രദേശത്തെ കണ്ടെയ്ൻമെന്റ് സോണിൽ നിന്ന് ഒഴിവാക്കി.

 
 ആലപ്പുഴ: പോളിംഗ് ഓഫീസർമാരുടെ നിയമനത്തിനായി    പട്ടിക വ്യാഴാഴ്ച ഉച്ച കഴിഞ്ഞ് മൂന്ന് മണിക്ക് മുമ്പ് തിരഞ്ഞെടുപ്പ് വിഭാഗത്തിലേക്ക് നൽകാത്ത  സ്ഥാപനമേധാവികൾ ക്കെതിരെ ജനപ്രാതിനിധ്യ നിയമം  പ്രകാരമുള്ള ശക്തമായ നടപടി സ്വീകരിക്കുമെന്ന് ജില്ലാ കളക്ടർ എ.അലക്സാണ്ടർ അറിയിച്ചു.

ആലപ്പുഴ : ആലപ്പുഴ  കുടിവെള്ള പദ്ധതിയുടെ തകഴി ഭാഗത്തെ അറ്റകുറ്റ പണികൾ പൂർണ്ണതോതിൽ പൂർത്തിയാകാത്തതിനാൽ അടുത്ത മൂന്നു ദിവസത്തേക്കുകൂടി നഗരത്തിലെയും സമിപ പഞ്ചായത്തുകളിലെയും ജല വിതരണത്തിൽ നിയന്ത്രണം ഉണ്ടായിരിക്കുന്നതാെണെന്ന് വാട്ടർ അതോറിറ്റി എക്സിക്യൂട്ടീവ് എഞ്ചിനീയർ അറിയിച്ചു.

നഗരത്തിലെ കുഴലിണറുകൾ 24 മണിക്കൂറും പ്രവർത്തിപ്പി ക്കുവാൻ വേണ്ട നടപടികൾ സ്വീകരിച്ചിട്ടുണ്ട്. കൂടാതെ രൂക്ഷമായ കുടിവെള്ളക്ഷാമം നേരിടുന്ന സ്ഥലങ്ങളിൽ മുനിസിപ്പാലിറ്റിയുടെ സഹകരണത്തോടെ ചെറിയ ടാങ്കറുകളിൽ ജലവിതരണം നടത്തുന്നതാണ്.  ശനിയായ് ചയോടെ ജലവിതരണം പൂർവസ്ഥിതിയിൽ ആകുമെന്ന് പ്രതീക്ഷിക്കുന്നതായും അറിയിച്ചു.

ഇന്ന് ആലപ്പുഴ ജില്ലയിൽ 210 പേർക്ക് കോവിഡ് സ്ഥിരീകരിച്ചു .5പേർ  വിദേശത്തു നിന്നും 3പേർ  മറ്റ് സംസ്ഥാനത്തു നിന്നും എത്തിയതാണ് . 201പേർക്ക് സമ്പർക്കത്തിലൂടെയാണ് രോഗം ബാധിച്ചത്   ഒരാളുടെ  സമ്പർക്ക ഉറവിടം വ്യക്തമല്ല.112പേരുടെ പരിശോധനാഫലം നെഗറ്റീവായി. ആകെ 75434പേർ രോഗ മുക്തരായി.3275പേർ ചികിത്സയിൽ ഉണ്ട്.

ബേപ്പൂര്‍ നിയോജകമണ്ഡലത്തിലെ രാഷ്ട്രീയപാര്‍ട്ടി പ്രതിനിധികളുടെ അടിയന്തരയോഗം മാര്‍ച്ച് ആറിന് രാവിലെ 10.30-ന് ഫറോക്ക് മുന്‍സിപ്പല്‍ കോണ്‍ഫറന്‍സ് ഹാളില്‍ ചേരും.