നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലെ എല്ലാ സര്‍ക്കാര്‍ ജീവനക്കാര്‍ക്കും മാര്‍ച്ച് നാല്, അഞ്ച് ആറ് തീയ്യതികളില്‍ ജില്ലയിലെ  നാല് കേന്ദ്രങ്ങളില്‍ കോവിഡ് വാക്‌സിനേഷന്‍ നടത്തുമെന്ന് ജില്ലാ കളക്ടര്‍ ഡോ ഡി സജിത് ബാബു അറിയിച്ചു. ഈ കേന്ദ്രങ്ങളില്‍ എത്താന്‍ സാധിക്കാത്തവര്‍ക്ക് തൊട്ടടുത്ത വാക്‌സിനേഷന്‍ കേന്ദ്രങ്ങളിലെത്തിയും വാക്‌സിന്‍ സ്വീകരിക്കാവുന്നതാണ്. 

വാക്‌സിനേഷന്‍ കേന്ദ്രങ്ങള്‍, ഉള്‍പ്പെടുന്ന ഓഫീസുകള്‍ എന്ന ക്രമത്തില്‍ ചുവടെ ചേര്‍ക്കുന്നു: 

ജില്ലയില്‍ കോവിഡ് വര്‍ധിക്കുന്നതില്‍ ആശങ്ക രേഖപ്പെടുത്തി ജില്ലാതല കൊറോണ കോര്‍ കമ്മറ്റി. ഒക്ടോബര്‍ മുതല്‍ നൂറില്‍ താഴെ മാത്രമായി രോഗബാധ നിയന്ത്രിക്കാന്‍ സാധിച്ചു. സംസ്ഥാനത്ത് തന്നെ ഏറ്റവും കുറവ് കോവിഡ് രോഗികളായി കാസര്‍കോട് തുടരുന്നതിനിടെ കോവിഡ് കേസുകള്‍ വര്‍ധിക്കുന്നതായും ടെസ്റ്റുകളില്‍ പോസിറ്റിവിറ്റി നിരക്കുകള്‍ കൂടുന്നതായും കൊറോണ കോര്‍കമ്മറ്റി വിലയിരുത്തി.

നിയമസഭാ തെരഞ്ഞെടുപ്പിന്റെ ഭാഗമായി സ്ഥാനാര്‍ഥികളുടെയും രാഷ്ട്രീയ പാര്‍ട്ടികളുടെയും  ചെലവുകള്‍ നിരീക്ഷിക്കാന്‍ ജില്ലയില്‍ അഞ്ച് മണ്ഡലങ്ങളില്‍ അക്കൗണ്ടിങ് സംഘത്തെ നിയമിച്ചു. മണ്ഡലം, ക്യാമ്പ് ഓഫീസ്, ചുമതലയുള്ള ഓഫീസര്‍ എന്ന ക്രമത്തില്‍-

മഞ്ചേശ്വരം- ബ്ലോക്ക് ഡെവലപ്പ്‌മെന്റ് ഓഫീസ്, മഞ്ചേശ്വരം- പി സി സ്റ്റീഫന്‍, അസി. ഡയറക്ടര്‍ കോഓപ്പറേറ്റീവ് ഓഡിറ്റ്

ഉദുമ- ഗ്രാമ പഞ്ചായത്ത് ഓഫീസ് ഉദുമ- ജെനു കുര്യാക്കോസ് സീനിയര്‍ ഗ്രേഡ് ഓഡിറ്റര്‍, ഓഡിറ്റ് ഡിപ്പാര്‍ട്ട്്‌മെന്റ് 

കാഞ്ഞങ്ങാട്- ബ്ലോക്ക് ഡെവലപ്പ്‌മെന്റ് ഓഫീസ്, കാഞ്ഞങ്ങാട് -രാജഗോപാലന്‍, അസിസ്റ്റന്റ് രജിസ്ട്രാര്‍

നിയമസഭാ തെരഞ്ഞെടുപ്പില്‍ പോളിങ്ങ് ഉദ്യോഗസ്ഥരായി നിയമിക്കുന്നതിന് ജീവനക്കാരുടെ വിവരങ്ങള്‍ മാര്‍ച്ച് ഒന്നിനകം സമര്‍പ്പിക്കാത്ത സര്‍ക്കാര്‍, അര്‍ധ സര്‍ക്കാര്‍, പൊതുമേഖല, ബാങ്ക്/ എയ്ഡഡ് സ്ഥാപനങ്ങളിലെ ഓഫീസ് മേധാവികള്‍ അടിയന്തിരമായി വിവരങ്ങള്‍ നല്‍കണമെന്ന് ജില്ലാ ഇലക്ഷന്‍ ഓഫീസറായ ജില്ലാ കളക്ടര്‍ ഡോ ഡി സജിത് ബാബു അറിയിച്ചു. അല്ലാത്തപക്ഷം കര്‍ശന ശിക്ഷാ നടപടി സ്വീകരിക്കും. പോളിങ് ഉദ്യോഗസ്ഥരുടെ വിവരങ്ങള്‍ വില്ലേജ് ഓഫീസ് മുഖാന്തിരം നല്‍കുന്നതിനാണ് നിര്‍ദ്ദേശിച്ചിരുന്നത്.

കോഴിക്കോട് എക്സൈസ് ഡിവിഷനിലെ വിവിധ അബ്കാരി കേസുകളില്‍ ഉള്‍പ്പെട്ട് സര്‍ക്കാരിലേക്ക് കണ്ടുകെട്ടിയ വാഹനങ്ങള്‍  മാര്‍ച്ച് ഒന്‍പതിന് രാവിലെ 10 മണിക്ക് കോഴിക്കോട് സിവില്‍സ്റ്റേഷനില്‍ ലേലം ചെയ്യും. ലേല നിബന്ധനകളും വ്യവസ്ഥകളും കോഴിക്കോട് എക്സൈസ് ഡിവിഷന്‍ ഓഫീസില്‍ നിന്നും കോഴിക്കോട് ജില്ലയിലെ എല്ലാ എക്സൈസ് ഓഫീസുകളില്‍ നിന്നും അറിയാം.  ജില്ലയിലെ വിവിധ എക്സൈസ് ഓഫീസുകളിലും പോലീസ് സ്റ്റേഷനുകളിലുമാണ് വാഹനങ്ങള്‍ സൂക്ഷിച്ചിട്ടുളളത്. ഇവ ബന്ധപ്പെട്ട ഓഫീസ് മേധാവികളുടെ അനുവാദത്തോടെ പരിശോധിക്കാമെന്ന് ഡെപ്യൂട്ടി എക്സൈസ് കമ്മീഷണര്‍ അറിയിച്ചു.
 

കേരള ഷോപ്സ് ആന്‍ഡ് കൊമ്മേഴ്സ്യല്‍ എസ്റ്റാബ്ലിഷ്മെന്റ്സ് വര്‍ക്കേഴ്സ് വെല്‍ഫെയര്‍ ഫണ്ട് ബോര്‍ഡ് ജില്ലാ ഓഫീസില്‍ നിന്നും പെന്‍ഷന്‍  കൈപ്പറ്റുന്ന ഗുണഭോക്താക്കള്‍ മാര്‍ച്ച്  20 -നകം മസ്റ്ററിങ് ചെയ്യണം.  ഇതിനായി പെന്‍ഷന്‍ ഗുണഭോക്താക്കളുടെ ലൈഫ് സര്‍ട്ടിഫിക്കറ്റ് ് ജില്ലാ ഓഫീസില്‍ എത്തിക്കുകയോ പെന്‍ഷന്‍ ഗുണഭോക്താക്കള്‍ ഓഫീസില്‍ നേരിട്ട് ഹാജരാകുകയോ ചെയ്യേണ്ടതാണെന്ന് ജില്ലാ എക്സിക്യുട്ടീവ് ഓഫീസര്‍ അറിയിച്ചു. ഫോണ്‍.  - 0495 2372434
 

പാചക വാതക സിലിണ്ടറുകള്‍ക്ക് ഉപഭോക്താക്കള്‍ ബില്ലില്‍ കാണുന്ന തുക മാത്രമേ നല്‍കേണ്ടതുള്ളുവെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.  ഉപഭോക്താക്കള്‍ക്ക് ഓണ്‍ലൈന്‍ പേയ്മെന്റ് സൗകര്യവും വിതരണ ഏജന്‍സികള്‍ ഏര്‍പ്പെടുത്തിയിട്ടുണ്ട്. എല്‍പിജി സിലിണ്ടറുകള്‍ക്ക് വിതരണ സമയത്ത് അധിക വില ഈടാക്കുന്നവെന്ന പരാതികളുടെ അടിസ്ഥാനത്തിലാണ്  വിശദീകരണം.