നേരിട്ടുള്ള സമ്പര്‍ക്കത്തിലൂടെ 265
ഉറവിടമറിയാതെ എട്ട് പേര്‍ക്ക്
രോഗബാധിതരായി ചികിത്സയില്‍ 2,562 പേര്‍
ആകെ നിരീക്ഷണത്തിലുള്ളത് 18,883 പേര്‍

ജില്ലയില്‍ ഇന്നലെ(മാര്‍ച്ച് 3) 561 പേര്‍ കോവിഡ് രോഗമുക്തി നേടി. 236 പേര്‍ക്ക് കോവിഡ് സ്ഥിരീകരിച്ചു. വിദേശത്തു നിന്നെത്തിയ രണ്ടു പേര്‍ക്കും സമ്പര്‍ക്കം വഴി 232 പേര്‍ക്കും രണ്ട് ആരോഗ്യപ്രവര്‍ത്തകര്‍ക്കും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 49 പേര്‍ക്കാണ് രോഗബാധ. കുരീപ്പുഴ-എട്ട്, കോട്ടയ്ക്കകം- ആറ്, തൃക്കടവൂര്‍-അഞ്ച്, അഞ്ചാലുംമൂട്, വാളത്തുംഗല്‍, മങ്ങാട് എന്നിവിടങ്ങളില്‍ മൂന്നുവീതവുമാണ് കോര്‍പ്പറേഷന്‍ പരിധിയില്‍ രോഗബാധിതരുള്ളത്.
മുനിസിപ്പാലിറ്റികളില്‍ കരുനാഗപ്പള്ളി-11, പുനലൂര്‍-10, കൊട്ടാരക്കര -അഞ്ച് എന്നിങ്ങനെയാണ് രോഗബാധിതരുടെ എണ്ണം

ജില്ലയില്‍ 33 കേന്ദ്രങ്ങള്‍ തിരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥര്‍ക്ക് കോവിഡ് പ്രതിരോധ കുത്തിവെയ്പ്പിനായി സജ്ജീകരിച്ചു. പൊതുജനങ്ങള്‍ക്കായി കോവിഡ് പോര്‍ട്ടല്‍ തുറന്നു കൊടുക്കാന്‍ സര്‍ക്കാര്‍ നിര്‍ദ്ദേശം വന്ന സാഹചര്യത്തില്‍ പോര്‍ട്ടലില്‍ നിന്ന് മെസ്സേജ് ലഭിച്ചിട്ടുള്ള എല്ലാ ഉദ്യോഗസ്ഥരും പരിശീലനത്തിനും വാക്‌സിനേഷനുമായി ചുവടെ നല്‍കിയിരിക്കുന്ന പരിശീലന കേന്ദ്രങ്ങളില്‍ എത്തിച്ചേരണം. പരിശീലനത്തിനുശേഷം വാക്‌സിനേഷന്‍ എടുക്കേണ്ട  ഉദ്യോഗസ്ഥര്‍  അടുത്തുള്ള പ്രൈമറി ഹെല്‍ത്ത് സെന്ററുകളുമായി ബന്ധപ്പെടണം.

  ജില്ലാ പഞ്ചായത്തില്‍  പ്രവര്‍ത്തിക്കുന്ന ഹ്യൂമന്‍ റിസോഴ്‌സ് ആന്‍ഡ് ഐ ടി സ്‌കൂള്‍ ഡെവലപ്‌മെന്റ് സെന്ററില്‍ തുടങ്ങുന്ന കമ്പ്യൂട്ടര്‍, തയ്യല്‍, പേപ്പര്‍ ബാഗ്  ആന്റ് ബിഗ് ഷോപ്പര്‍ നിര്‍മ്മാണം, അലങ്കാര നെറ്റിപ്പട്ടം നിര്‍മ്മാണം, ആരി വര്‍ക്ക്, ആര്‍ട്ട് ആന്റ് ക്രാഫ്റ്റ് എന്നീ കോഴ്‌സുകള്‍ക്ക് അപേക്ഷിക്കാം. രജിസ്റ്റര്‍ ചെയ്യേണ്ട അവസാന തീയതി മാര്‍ച്ച് എട്ട് വൈകിട്ട് അഞ്ച് വരെ. വിശദ വിവരങ്ങള്‍ക്ക് ജില്ലാ പഞ്ചായത്ത് ഓഫീസുമായോ 04742791190 നമ്പരിലോ ബന്ധപ്പെടാം.
(പി.ആര്‍.കെ നമ്പര്‍.579/2021)
 

തൊഴില്‍ തര്‍ക്ക കേസുകളുടേയും  ജീവനക്കാരുടെ ഇന്‍ഷുറന്‍സ്, നഷ്ടപരിഹാര കേസുകളുടേയും ക്യാമ്പ് സിറ്റിംഗ്  മാര്‍ച്ച് 9, 16, 23 തീയതികളില്‍ പുനലൂരില്‍ നടത്തുമെന്ന് കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സെക്രട്ടറി അറിയിച്ചു.
(പി.ആര്‍.കെ നമ്പര്‍.577/2021)

പൊതു തിരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ട ലംഘനങ്ങള്‍ സംബന്ധിച്ച നടപടികളെടുക്കാന്‍ തിരഞ്ഞെടുപ്പ് കമ്മീഷന്റെ മൊബൈല്‍ ആപ്ലിക്കേഷന്‍ ‘സി വിജില്‍' സജ്ജം. സിറ്റിസണ്‍ വിജിലന്റ് എന്ന വാക്കിന്റെ ചുരുക്കരൂപമാണ് സി വിജില്‍. ഈ ആപ്ലിക്കേഷനിലൂടെ പൊതുജനങ്ങള്‍ക്ക്  പെരുമാറ്റ ചട്ടലംഘനങ്ങള്‍, തിരഞ്ഞെടുപ്പ് ചെലവുകള്‍ എന്നിവയെ സംബന്ധിച്ച പരാതികള്‍ തെളിവുകള്‍ സഹിതം ഉന്നയിക്കാം. പരാതികള്‍ ലഭിച്ച് 100 മിനിറ്റിനുള്ളില്‍  നടപടികള്‍ സ്വീകരിക്കും.

കുട്ടികളുടെ ജൈവവൈവിദ്ധ്യ കോണ്‍ഗ്രസിന്റെ ഭാഗമായി കോവിഡ്  മഹാമാരിയും ജൈവവൈവിദ്ധ്യ സംരക്ഷണവും എന്ന വിഷയത്തില്‍ നടത്തുന്ന വിവിധ ഓണ്‍ലൈന്‍ മത്സരങ്ങള്‍ നടത്തുന്നു. പ്രോജക്ട് അവതരണം, ഉപന്യാസം, പെയിന്റിംഗ്, ഫോട്ടോഗ്രഫി, പോസ്റ്റര്‍ നിര്‍മ്മാണം, പെന്‍സില്‍ ഡ്രോയിംഗ്, വീഡിയോ നിര്‍മാണം(മൊബൈല്‍) തുടങ്ങിയവയാണ് ഇനങ്ങള്‍. പങ്കെടുക്കാന്‍ അപേക്ഷിക്കേണ്ട രീതിയും മറ്റ് വിവരങ്ങളും www.keralabiodiversity.org  വെബ്‌സൈറ്റിലും 04742724740 നമ്പരിലും ലഭിക്കും.
(പി.ആര്‍.കെ നമ്പര്‍.575/2021)
 

പൊതു തിരഞ്ഞെടുപ്പുമായി ബന്ധപ്പെട്ട് ഇരവിപുരം നിയോജകമണ്ഡലത്തിലെ രാഷ്ട്രീയ കക്ഷി പ്രതിനിധികളുടേയും പൊലീസ് ഉദ്യോഗസ്ഥരുടെയും യോഗം നാളെ (മാര്‍ച്ച് 5) ഉച്ചകഴിഞ്ഞ് 2.30 ന് മുഖത്തല ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ ചേരും.

കേരളത്തിൽ 2765 പേർക്ക് കോവിഡ്-19 സ്ഥിരീകരിച്ചു. കോഴിക്കോട് 399, എറണാകുളം 281, മലപ്പുറം 280, തൃശൂർ 242, കോട്ടയം 241, കൊല്ലം 236, ആലപ്പുഴ 210, പത്തനംതിട്ട 206, തിരുവനന്തപുരം 158, കണ്ണൂർ 128, കാസർഗോഡ് 109, പാലക്കാട് 101, ഇടുക്കി 91, വയനാട് 83 എന്നിങ്ങനെയാണ് ജില്ലകളിൽ രോഗം സ്ഥിരീകരിച്ചത്.