നിയമസഭ തെരഞ്ഞെടുപ്പിന്റെ സുഗമമായ നടത്തിപ്പിനായി  ജിപിഎസ് ട്രാക്കിംഗ് ഉപകരണങ്ങളും മറ്റും ലഭ്യമാക്കുന്നതിന് താല്പര്യമുള്ളവരിൽ നിന്ന് ക്വട്ടേഷൻ ക്ഷണിച്ചു. 121 ജി പി എസും അനുബന്ധ ഉപകരണങ്ങളുമാണ്  ആവശ്യമായിട്ടുള്ളത്. നോഡൽ ഓഫീസറായ എൽ. എ(ജി)നം.1 സ്പെഷ്യൽ തഹസിൽദാർക്കാണ് കൊട്ടേഷൻ സമർപ്പിക്കേണ്ടത്.

മാർച്ച് അഞ്ചിന് ഉച്ചയ്ക്ക് രണ്ടുവരെ  ക്വട്ടേഷനുകൾ സ്വീകരിക്കും. അന്നേദിവസം 2. 30ന് ക്വട്ടേഷനുകൾ തുറക്കും.
 

പാലക്കാട് ജില്ലയില്‍ ഇന്ന് (മാർച്ച് 2) 99 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 35 പേര്‍, ഉറവിടം അറിയാതെ രോഗം ബാധിച്ച 61 പേര്‍,  ഇതര സംസ്ഥാനത്ത്  നിന്നും  വന്ന 2 പേർ,  1 ആരോഗ്യ പ്രവർത്തകൻ  എന്നിവര്‍ ഉള്‍പ്പെടും. 129 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ- 10 പേർ 

ഒറ്റപ്പാലം, വടക്കഞ്ചേരി സ്വദേശികൾ - 5 പേർ വീതം

ആലത്തൂർ, മണ്ണാർക്കാട്, ചിറ്റൂർ-തത്തമംഗലം, പട്ടാമ്പി സ്വദേശികൾ-4 പേർ വീതം

സര്‍ക്കാര്‍ സ്ഥാപനങ്ങള്‍, കെട്ടിടങ്ങള്‍, മറ്റ് പൊതുസ്ഥലങ്ങള്‍ എന്നിവിടങ്ങളില്‍ നിന്നും രാഷ്ട്രീയ പാര്‍ട്ടികളുടെയും രാഷ്ട്രീയ സംഘടനകളുടെയും ബാനര്‍, പോസ്റ്റര്‍, ഫ്‌ളക്‌സ്, നോട്ടീസുകള്‍ തുടങ്ങിയവ അടിയന്തിരമായി നീക്കംചെയ്യണമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കലക്ടര്‍ മൃണ്‍മയി ജോഷി ശശാങ്ക് അറിയിച്ചു. അല്ലാത്തപക്ഷം ഇവ നീക്കം ചെയ്യുന്നതിന് വേണ്ടിവരുന്ന എല്ലാ ചെലവുകളും പ്രസ്തുത രാഷ്ട്രീയ കക്ഷികളുടെ തിരഞ്ഞെടുപ്പ് ചെലവില്‍ ഉള്‍പ്പെടുത്തും.

നിയമസഭാ തിരഞ്ഞെടുപ്പിനോടനുബന്ധിച്ച്  പെരുമാറ്റച്ചട്ടവുമായി ബന്ധപ്പെട്ട കാര്യങ്ങള്‍ വിശകലനം ചെയ്യുന്നതിനായി ഷൊര്‍ണൂര്‍ നിയോജക മണ്ഡലത്തിനു കീഴിലെ രാഷ്ട്രീയപ്പാര്‍ട്ടി പ്രതിനിധികളുടെയും പോലീസ് മേധാവികള്‍, മറ്റ് ബന്ധപ്പെട്ട ഉദ്യോഗസ്ഥര്‍, പത്ര- ദൃശ്യ-ശ്രവ്യ മാധ്യമ പ്രവര്‍ത്തകരുടെയും യോഗം  ഇന്ന് ( മാര്‍ച്ച് മൂന്ന്)  രാവിലെ 11ന് ഷൊര്‍ണൂര്‍ മുനിസിപ്പാലിറ്റിയിലെ കൃഷിഭവന്‍ കോണ്‍ഫറന്‍സ് ഹാളില്‍ നടക്കുമെന്ന് റിട്ടേണിംഗ് ഓഫീസര്‍ അറിയിച്ചു.

കേരള മദ്രസ്സാധ്യാപക ക്ഷേമനിധിയില്‍ 2020-21 വര്‍ഷത്തെ സാമ്പത്തിക വര്‍ഷത്തെ ക്ഷേമനിധി വിഹിതം അടയ്ക്കാന്‍ ബാക്കിയുള്ളവര്‍ മാര്‍ച്ച് 10 നകം പോസ്‌റ്റോഷീസില്‍ വിവഹിതം അടയ്ക്കണം.