കാഞ്ഞങ്ങാട് നഗരസഭയും അജാനൂര്‍, മടിക്കൈ, കോടോം-ബേളൂര്‍, കളളാര്‍, പനത്തടി, ബളാല്‍, കിനാനൂര്‍-കരിന്തളം ഗ്രാമപഞ്ചായത്തുകളും ഉള്‍പ്പെടുന്നതാണ് കാഞ്ഞങ്ങാട് നിയമസഭാ മണ്ഡലം. 2011ലെ മണ്ഡലം പുനര്‍നിര്‍ണ്ണയെത്തുടര്‍ന്നാണ് കാഞ്ഞങ്ങാട് മണ്ഡലം രൂപീകരിച്ചത്.  ഹോസ്ദുര്‍ഗ് പട്ടികജാതി സംവരണ മണ്ഡലത്തിന്റെ ഭാഗമായിരുന്ന പഞ്ചായത്തുകളാണ് ഇതില്‍ ഉള്‍പ്പെട്ടവയിലേറെയും. 198 മെയിന്‍ ബൂത്തുകളും 140 അനുബന്ധ ബൂത്തുകളുമുള്‍പ്പെടെ 336  ബൂത്തുകളാണ് ഈ മണ്ഡലത്തിലുളളത്.

തെരഞ്ഞെടുപ്പ് സംബന്ധിച്ച്  വിവിധ വിഷയങ്ങള്‍ കൈകാര്യം ചെയ്യുന്നതിന്  നോഡല്‍ ഓഫീസര്‍മാരെ ജില്ലാ വരണാധികാരിയായ ജില്ലാ കലക്ടര്‍ നിയമിച്ചു. ഷംനാദ്, ഡിപിഎം ഐ.റ്റി.മിഷന്‍, സെബാസ്റ്റ്യന്‍ കെ.എല്‍ ടെക്‌നിക്കല്‍ ഡയറക്ടര്‍ & ഡിസിട്രിക്ട് ഇന്‍ഫര്‍മാറ്റിക്‌സ് ഓഫീസര്‍, എന്‍.ഐ.സി, തെരഞ്ഞെടുപ്പ് നിരീക്ഷകരുടെ നോഡല്‍ ഓഫീസറായി രഞ്ജിത്ത് റ്റി. വി ഡെപ്യൂട്ടി കലക്ടര്‍ (എല്‍.എ)  മൂന്നാര്‍ എന്നിവരെയും സി-വിജില്‍ ജില്ലാതല ടീം ലീഡറായി അനില്‍ കെ ഐസക് ഹെഡ് ക്ലര്‍ക്ക്, കളക്‌ട്രേറ്റ് ഇടുക്കിയെയും നിയോഗിച്ചു.

സി-വിജിലിന്റെ  മണ്ഡലം തലത്തിലുളള പ്രവര്‍ത്തനങ്ങള്‍ നടപ്പിലാക്കുന്നതിനുളള  ടീം അംഗങ്ങള്‍

നിയമസഭാ തെരഞ്ഞെടുപ്പിന്റെ ഭാഗമായി ജില്ലയിലെ നിയോജകമണ്ഡലങ്ങളില്‍ തെരഞ്ഞെടുപ്പ് ചട്ടം ഉറപ്പു വരുത്തുന്നതിന് ആന്റ് ഡിഫേസ്‌മെന്റ്  സ്‌ക്വാഡ് രൂപീകരിച്ചു. ഡെപ്യൂട്ടി തഹസീല്‍ദാറുടെ നേതൃത്വത്തില്‍ ക്ലാര്‍ക്ക്, ഒ.എ, സിവില്‍ പോലീസ് ഓഫീസര്‍, വീഡിയോ ഗ്രാഫര്‍ എന്നിവര്‍ സ്‌ക്വാഡില്‍ ഉണ്ടാകും. ദിവസവും എം.സി.സി നോഡല്‍ ഓഫീസര്‍ എഡിഎമ്മിന് സ്‌ക്വാഡ് റിപ്പോര്‍ട്ട് നല്‍കണം. പൊതു ഇടങ്ങളിലെ ചട്ട വിരുദ്ധ പരസ്യം നീക്കം ചെയ്യുന്നതിന്റെ ചെലവ് കണക്ക് അസി. ചെലവ് നീരിക്ഷകര്‍ക്കും ധനകാര്യ നോഡല്‍ ഓഫീസര്‍ക്കും നല്‍കും. പെരുമാറ്റച്ചട്ടം കര്‍ശനമായി പാലിക്കണമെന്ന് ഉറപ്പുവരുത്തേണ്ടത് സ്‌ക്വാഡിന്റെ  ചുമതലയാണ്.

തിരഞ്ഞെടുപ്പ് പെരുമാറ്റച്ചട്ടം നിലവില്‍ വന്ന സാഹചര്യത്തില്‍, ജില്ലയിലെ കേരള മെഡിക്കല്‍ സര്‍വ്വീസസ് കോര്‍പ്പറേഷന്റെ കാരുണ്യ കമ്മ്യൂണിറ്റി ഫാര്‍മസി/ ഡിപ്പോയിലേയ്ക്ക് ഫാര്‍മസിസ്റ്റുമാരെ തിരഞ്ഞെടുക്കുന്നതിനുവേണ്ടി ഇന്ന് (മാര്‍ച്ച് മൂന്ന്)  നടത്തുവാനിരുന്ന എഴുത്തുപരീക്ഷയും അഭിമുഖവും മാറ്റിവെച്ചതായി മാനേജിംഗ് ഡയറക്ടര്‍ അറിയിച്ചു.

M/s മലബാര്‍ ഫൈനാന്‍സിയേഴ്‌സ്, കൈതപ്പൊയില്‍, കോഴിക്കോട് (കെഎംഎല്‍ ലൈസന്‍സ് നമ്പര്‍ 32110531132) എന്ന സ്ഥാപനം  നിര്‍ത്തലാക്കിയ സാഹചര്യത്തില്‍ ഇവിടെ നിന്നും പണയ ഉരുപ്പടികളോ ഡെപ്പോസിറ്റോ തിരിച്ചു കിട്ടാനുളളവര്‍ 15 ദിവസത്തിനകം ജോയിന്റ് കമ്മീഷണര്‍, സ്‌റ്റേറ്റ് ടാക്‌സ് (കേരള സ്‌റ്റേറ്റ് ജി എസ് ടി കോംപ്ലക്‌സ്, ജവഹര്‍ നഗര്‍, എരഞ്ഞിപ്പാലം, കോഴിക്കോട് - 6) മുമ്പാകെ രേഖാമൂലം അറിയിക്കണമെന്ന് സംസ്ഥാന ചരക്കു, സേവന നികുതി വകുപ്പ് ജോയിന്റ് കമ്മീഷണര്‍ അറിയിച്ചു. 

കണ്ണൂര്‍ സര്‍വ്വകലാശാലയുടെ കീഴിലുള്ള മാനന്തവാടി ഗവണ്മെന്റ് കോളേജില്‍ 2020-21 അധ്യയന വര്‍ഷത്തില്‍ ഒന്നാം വര്‍ഷ ബി.എസ്.സി ഫിസിക്‌സ് കോഴ്‌സിന് അപേക്ഷ ക്ഷണിച്ചു.  മാര്‍ച്ച് 5 ന്  വൈകീട്ട് 3 വരെ കോളേജ് ഓഫീസില്‍ നിന്നും അപേക്ഷ ഫോം വിതരണം ചെയ്യും. പൂരിപ്പിച്ച അപേക്ഷ മാര്‍ച്ച് 5 ന് വൈകീട്ട് 5നകം സമര്‍പ്പിക്കണം.  ഫോണ്‍ 9539596905, 8075235542

തിരഞ്ഞെടുപ്പ് പോസ്റ്ററുകളും  നോട്ടീസുകളും മറ്റ് അച്ചടി സാധനങ്ങളും അച്ചടിക്കുന്നതിനുള്ള മാർഗ നിർദേശമായി. 1951- ലെ ജനപ്രാതിനിധ്യ നിയമത്തിലെ 127 എ വകുപ്പ് അനുശാസിക്കുന്ന ചട്ടങ്ങള്‍ പ്രകാരമായിരിക്കണം ഇവ അച്ചടിക്കേണ്ടതെന്നു ജില്ലാ ഇലക്ടറൽ ഓഫീസർ കൂടിയായ കളക്ടർ അറിയിച്ചു.