2021 നിയമസഭാ തെരഞ്ഞെടുപ്പുമായി ബന്ധപ്പെട്ട് ജീവനക്കാരുടെ വിവരങ്ങള്‍ സമര്‍പ്പിക്കാത്ത ജില്ലയിലെ മുഴുവന്‍ സ്ഥാപന മേധാവികളും ഇന്ന് (മാര്‍ച്ച് രണ്ട്) വൈകിട്ട് അഞ്ച് മണിക്കകം വിവരങ്ങള്‍ ജില്ലാ കലക്ടര്‍ മുമ്പാകെ സമര്‍പ്പിക്കേണ്ടതാണ്. വീഴ്ച വരുത്തുന്നവര്‍ക്കെതിരെ കര്‍ശന നടപടി സ്വീകരിക്കുമെന്നും ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് അറിയിച്ചു

നിയമസഭയിലേക്കുള്ള പൊതുതെരഞ്ഞെടുപ്പുമായി ബന്ധപ്പെട്ട ഉത്തരവാദിത്തങ്ങള്‍ വഹിക്കുന്ന എല്ലാഓഫീസര്‍മാരും ജീവനക്കാരും തെരഞ്ഞെടുപ്പ് നടപടിക്രമം അവസാനിക്കുന്നത് വരെ അവധി ദിവസങ്ങളില്‍ ഉള്‍പ്പെടെ ഓഫീസുകളില്‍ ഹാജരാകണമെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് അറിയിച്ചു. ജില്ലാ തെരഞ്ഞെടുപ്പ് ഓഫീസര്‍ ആവശ്യപ്പെടുന്ന റിപ്പോര്‍ട്ടുകളില്‍ അപ്പോള്‍ തന്നെ മറുപടി നല്‍കുന്നതിന് മുഴുവന്‍ ഉദ്യോഗസ്ഥരും സജ്ജമായിരിക്കണമെന്നും അദ്ദേഹം അറിയിച്ചു

ജില്ലയില്‍ തിങ്കളാഴ്ച  198 പേര്‍ക്ക് കൂടി കൊവിഡ് പോസിറ്റീവ് ആയി. സമ്പര്‍ക്കത്തിലൂടെ 185 പേര്‍ക്കും, ഇതരസംസ്ഥാനത്ത് നിന്നെത്തിയ നാല് പേര്‍ക്കും, വിദേശത്തു നിന്നെത്തിയ നാല് പേര്‍ക്കും, അഞ്ച് ആരോഗ്യ പ്രവര്‍ത്തകര്‍ക്കുമാണ് കൊവിഡ് സ്ഥിരീകരിച്ചത്.

സമ്പര്‍ക്കം മൂലം:

ജില്ലയില്‍ ചൊവ്വാഴ്ച  225 പേര്‍ക്ക് കൂടി കൊവിഡ് പോസിറ്റീവ് ആയി. സമ്പര്‍ക്കത്തിലൂടെ 200 പേര്‍ക്കും, ഇതരസംസ്ഥാനത്ത് നിന്നെത്തിയ ആറ് പേര്‍ക്കും, വിദേശത്തു നിന്നെത്തിയ 11 പേര്‍ക്കും, എട്ട് ആരോഗ്യ പ്രവര്‍ത്തകര്‍ക്കുമാണ് കൊവിഡ് സ്ഥിരീകരിച്ചത്.

സമ്പര്‍ക്കം മൂലം:

നിയമസഭാ തെരഞ്ഞെടുപ്പിന്റെ ഭാഗമായി സ്ഥാനാര്‍ഥികളുടെയും പാര്‍ട്ടികളുടെയും ചെലവ് നിരീക്ഷണവുമായി ബന്ധപ്പെട്ട പരാതികള്‍ അറിയിക്കുന്നതിന് കലക്ടറേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം പ്രവര്‍ത്തനം തുടങ്ങി. പൊതുജനങ്ങള്‍ക്ക് 0497 2700294, 0497 2700295 എന്നീ നമ്പറുകളില്‍ വിളിച്ച് പരാതി അറിയിക്കാം

മാര്‍ച്ച് മൂന്ന്, 10, 17 എന്നീ തീയതികളില്‍ കലക്ടറേറ്റില്‍ വിചാരണയ്ക്ക് വെച്ച കണ്ണൂര്‍ താലൂക്കിലെ ദേവസ്വം പട്ടയ കേസുകളുടെ വിചാരണ യഥാക്രമം മെയ് 12,19, 21 തീയതികളില്‍ രാവിലെ 11 മണിയിലേക്ക് മാറ്റിയതായി എല്‍ ആര്‍ ഡെപ്യൂട്ടി കലക്ടര്‍ അറിയിച്ചു.

നെഹ്‌റു യുവകേന്ദ്ര ജില്ലാതല യുവജന കണ്‍വെന്‍ഷന്‍ ഡിഐജി കെ സേതുരാമന്‍ ഉദ്ഘാടനം ചെയ്തു. ജില്ലയിലെ മികച്ച യൂത്ത് ക്ലബ്ബിനുള്ള പുരസ്‌കാരം തായംപൊയില്‍ സഫ്ദര്‍ ഹാഷ്മി സ്മാരക വായനശാല ആന്റ് ഗ്രന്ഥാലയത്തിന് കെ സേതുരാമന്‍ സമ്മാനിച്ചു. ക്യാച്ച് ദി റെയിന്‍ ക്യാമ്പയിനിന്റെ ഭാഗമായി നടന്ന ജില്ലാതല ഉപന്യാസ മത്സര വിജയികള്‍ക്കുളള സര്‍ട്ടിഫിക്കറ്റ് വിതരണം, ജില്ലയില്‍ നടത്തിയ തൊഴിലധിഷ്ഠിത പരിപാടിയില്‍ പരിശീലനം പൂര്‍ത്തിയാക്കിയ വനിതകള്‍ക്കുള്ള സര്‍ട്ടിഫിക്കറ്റ് വിതരണം എന്നിവയും  നടന്നു.

നിയമസഭാ തെരഞ്ഞെടുപ്പുമായി ബന്ധപ്പെട്ട നടപടികള്‍ക്ക് തടസ്സമാവാത്ത രീതിയിലാണ് ജില്ലയില്‍ വകുപ്പുകളുടെ പ്രവര്‍ത്തനങ്ങള്‍ നടക്കുന്നതെന്ന് വകുപ്പ് മേധാവികള്‍ ഉറപ്പുവരുത്തണമെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് അറിയിച്ചു. തെരഞ്ഞെടുപ്പ് നടത്തിപ്പിനാവശ്യമായ എല്ലാ സഹായ സഹകരണങ്ങളും തെരഞ്ഞെടുപ്പ് ചുമതലയുള്ള ഓഫീസുകള്‍ക്ക് ലഭിക്കുന്നുണ്ടെന്ന കാര്യവും ബന്ധപ്പെട്ടവര്‍ ഉറപ്പുവരുത്തണം

നേരിട്ടുള്ള സമ്പര്‍ക്കത്തിലൂടെ 328 പേര്‍ക്ക്
ഉറവിടമറിയാതെ 15 പേര്‍ക്ക്
രോഗബാധിതരായി ചികിത്സയില്‍ 2,690 പേര്‍
ആകെ നിരീക്ഷണത്തിലുള്ളത് 19,432 പേര്‍

മലപ്പുറം ജില്ലയില്‍ ഇന്ന് (മാര്‍ച്ച് രണ്ട്) 344 പേര്‍ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഇതില്‍ 328 പേര്‍ക്കും നേരിട്ടുള്ള സമ്പര്‍ക്കത്തിലൂടെയാണ് രോഗബാധ. 15 പേര്‍ക്ക് രോഗം ബാധിച്ചതിന്റെ ഉറവിടം കണ്ടെത്താനായിട്ടില്ല. കൂടാതെ ഇതര സംസ്ഥാനത്ത് നിന്നെത്തിയ ഒരാള്‍ക്കും ഇന്ന് വൈറസ് സ്ഥിരീകരിച്ചിട്ടുണ്ട്.